رواية مزيونة الشيخ الفصل الثالث والعشرون بقلم شهناز العلالي
_اكعدي خبزي وسوي ريوك ...
درت وجهي عليه واني كفشه كتله"
_شسوي بله...
_اخبزي ...
_يامخبله تكعد بهذا البرد تخبز
_اي شبيج هاي نسوانه حوك
_اي يمه بله منو كلك اني حوك؟ خليني انام ....جسمي ياذيني من الكتل ..
_هسه اريحج وانسيج كل الم ..تعالي....
_بابا دروح....
كحلاء دفعت صكر خلت الشال وطلعت ..
طلعت اباوع ريحه الخبز تجنن من صبح...بين اني كااامل نطت مرت مازن كبالي يافلق
..
وكفت متخصره تباوع جن ماعاجبها العجب ...
_الله ...هههههه مزوركه ....دمشي خبزي ويه حسناء ....
يلا....
مرت مازن/بما انه اني الي دور كبير بهذا القسم من الرواية احب اعرفكم بنفسي...اني اسمي نورس
علاقتي ب ايمان قويه حتى بعد مانعني زوجي اتواصل وياها جانت علاقتي قوية بيها ...قبل جنت مرتاحتلها لان عايشه بالهوه وصح الي سوته مو سهل بس جنت اني الي مسيطرة والي هيه كدرت تطلع من هذا البيت بطريقتها اللامبالاة خلت صكر كلشي يسوي لا اراديا في سبيل يسعدها وانتقلت ل بغداد .....زين هاي المرة صكر يستحيل يطلع بره بيت ابوه ......
و كحلاء وحده عرمه ماينكدر الها ...
هنا وكحلاء راحت وكفت يم حسناء وحسناء جاي تعلمها تخبز ...اشو هاي نجوت كامت تبجي هههه..
رحت عليها كتلها"
نورس"
_روحي جيبي كتلي الجاي وخلي بالسفره...
كحلاء/تعديتها ومشيت رحت للمطبخ وجبت الكتلي واني امشي بهدوء مدت رجلها نورس الله وحدة ستر من حسيت نفسي راح اتعثر رميت الكتلي على جهتها اني اطراف رجلي نسلكت هههه وهي وكع على افخادها شاغت روحها للستار ..
نورس :ييييبووو مازن حركتني....حركتني ااااااااااه رجلي راااائع ييييمه اااااااه...
صكر اجه متخبل مايفهم القضية بس المهم كحلاء لزمها وكفها ..كحلاء عاطت اه اصابع رجلي محتركه ....
نورس"
_الله لايوفقج لج حركتي رجلي حررررك...
الاب والام وحسناء التمو....
صكر بكل عنف ...بكل قسوة....بدون تفكير بدون وعي ....داس على اصابع كحلاء عمداااا ...سجلها سحل بالحزام دك زورك جلدها تزورك .....
كحلاء/حسبي الله ونعم الوكيل....صوته ...اي شبيكم صوته بس اسسسمعه جسمي كله يوجعني ..
رحت للغرفه اون من الوجع اه جسسسسمي كله يوووون . اجه ورايه كلش مابي يدخن
كعد كبالي باايده العمارة خالها بين اصابعه حك خشمه كال"
_مناويه تسلمين نفسج...
اني هنا كمزت كتله"
_لا
_بله ليش حركتي رجل نورس اخوي ضل يحومي بيها هسه بالمستشفيات والله وحدة ساقطه مثلج رادت تحركها ها. ....احجي...
_اخ ....
وكفت تخصرت كتله"
_ساقطه اي ساقطه مو؟؟؟؟يلا رجعني ل ابويه ....
_لا انسي ...
_اي حقك انت بس تلفي ساقطات...
والتفتت لازمه خصري واون .....
*حجيتها والله على نيتي ماقصدت شيء ....اسو بلحظه وحدة وحسيت بضربه قويه ونكسم ظهري نصفين اه....
ماعرف منين يجيني الضرب ...اه عوفني صكر شبيك ...
طلع ركع باب الغرفه وطلع شحجيت ماحجيت شي والله شبيه هذا ....
مااكدر احجي شي ...كل الحجي مايكفي الالم الي تسببه الي صكر احس كأنه يعاقبني....فتحت كنتور رحت سبحت مشطت شعري...نمت ...كعدت على صوت نورس ثاريها جايه من المستشفى...ب١١بالليل افففف استغفر الله جنها غراب البين ...ساعه٤ونص الفجر باوعت صكر ماكو ...بين ما اني جاي اسئل روحي ...
دخل صكر شكله عينه مدمغه من النعس ممرود وجهه مدري شبي ...باوع عليه عاط من زوم العيطه فزيت ...
_كومي خبزي وي البنات ...
اني هم بدون وعي طفرت طلعت من باب الغرفه لكيت نورس ....اشو هاي غمتني ......غلست ....
مازن متحف الي بس يذب حجي سم عبالك النفس ب ايدهم ...لكيت امهم جاي تصلي الصبح باوعت عليها مشيت ،حسناء جاي تخبز ....
حسناء"
_تعالي اعلمج ....
_ماشي
هي وتعلمني تسولف كالت"
_شرماج هالرميه اني معليه بالي جاي يصير وكلبي يتألم عليج ماتستاهلين كلش حبابه انتي ....
_تخيلي بعد كم يوم يبدي الدوام ...اشتاقيت لصديقاتي لحياتي ل ابويه كان الله بعونه شلون الليالي جاي تمر عليه ...شلون شديحس ...اخويه بالسجن ...تره والله نمله يخاف يدوس عليها شحال لو يكتل روح انتو مشتبهين....
صكر اجه "
_حسناء روحي اجمعي البيض من الدجاج ..
صكر وكف يمي ...خليت الخبزه بالتنور وصفنت بوجهه هو يباوعلي ويحرك ايده ...
_ها ؟شو تباوعين جنج ماعاجبج تره اقلع عيونج الثنتين ب ايدي.
_صكر اخويه طلعه من السجن ...
_شرط تنطيني روحج ...
_لا ماانطيك روحي واخويه تطلعه ...انت تعهدت وكلمه رجال...او زلمه على كولتكم ...مو شو الهمبله هاي كلها واني واني زلمه وكلمتي وحدة ويمي الزلمه تسوطر ....
_لج دتعالي.....
صكر بدون وعي لزم راس كحلاء الا شوية ويذب راسها بالتنور ...صرخت صريخ هنا وحسناء ركضت فاككتها
حسناء "
شجاي تسوي يخوي ترتكب جريمه ....تعالي انتي تعالي اكعدي هنا ...
كحلاء:ابوس ايدج خلصيني ...
صكر"
_هالعرمة وعيها لا ادفن راسها بالطين....
_بالطين ....بالطين الظاهر راسك بالطين صاير من قبل ......
صكر"
راح جاب الرشاشه يريد يقتلها لكحلاء....
كحلاء/اصواتهم علت بالفجر ....والله صكر جاب الرشاشه خلاها براسي ... كعدت بالكاع ارجف مثل السعفه....
الاب"
_صكر شمو تريد تودي نفسك بالسجن دكعد عاقل عاد انت شيخ اهدء جيب الرشاش وحكم عصبيتك اهدئ
جيب الرشاش ...
صكر /عفتهم ورحت بيت عمي ....
الام"
_لج انتي ماتضبين لسانج شهالرعونه الي شايلتها تهدي ولج تهدي ...لج جاي تحفرين كبرج ب ايدج ...
حسناء/
_كومي غسلي ...كومي لاتحجين هيج وياه لج انتي جوه سنونه داري لكمتج .....
_شلون عاشت مرته وياه شلون تحملته
_اشششس انجبي لاتجيبين سيرتها موصوجج صوجي اني استخطيج اكول خطيه غريبه هنا ....
اروح احسن ....
كعدت بالغرفه بجيت بجي منا لحد ماكلت بعد بس ....
بعد ما اتحمل ...غمضت عيوني اريد. اتذكر ...اتذكر شلون جنت عايشه حياه بسيييطه يربي اشتاقيت ل اختي كوثر ول بارق زوجها....حتى اشتاقيت احضن البوم صور امي واحاجيها....
نمت......جان تجي نورس ساعه١٠الصبح متخصرة ....دفرت الباب برجلها...
_كومي لج كومي ركبي الغدة ...
حلاء"اغتاضيت"
_لج حسني اسلوبج احسن مااحركج صدك هالمرة
_اوي اوي عرمه ...لج اخوي شكد فرحت ليوم من صكر راد يحمس راسج بالتنور لاوالله وتردين تخلين راسه بالطين ههههه والله يا الله هدورة علينا نسوان بغداد يتفلسفن ...
_كاتليج ...عينج فارغه يانورس ...بعدين شهالاستهتار تجين ماتدكين الباب هاي مو اول مره اكثر من مره سويتيها...بعد لاتعيديها...
_اشش بلا لاغاوي لا ازين راسج صفر ...
_اي انتي بس تعالي...تعالي وجربي تلمسين شعره مني حتى الله ميخلصج ...
هنا ام صكر اجت "
_انزلي كحلاء شوفي شغلج وحاسبي على كلامج
مو كل مره تسلم الجرة وانتي هيج هيج دمج مهدور بمكان خالد...
كحلاء"
_ها اذا تشوفين هيج لعد ماتخلون صكر يطلع ياسر من السجن ؟؟
_امشي .....كملي شغلج.....
*كحلاء"نزلت وبلشت اشتغل وقت الغدة اجه صكر .._______
