رواية مزيونة الشيخ الفصل الرابع والعشرون بقلم شهناز العلالي
ضليت منزله عيوني ملتهيه بشغلي ....فات و ب ايده سله عنب .....خلا سله العنب على الكونتر. كال"
_اغسليلي عنب ...
سحبت العنب ب ايدي بعصبيه فرغته بالطاسة يربي اشلون جاي يتمندل ...اغسل بالعنب وادعي ...ربي
كون تعصه ب زردومه عنبه تخنكه ويموت....
اففف شكد ثوله حتى بدعائي فاهيه ...هههه
غسلت عنب ...هنا ومازن جان ديسولف ويه ابوه وصكر مسوين شدة ياورد هففف باوع عليه يباوعلي من بعيد غلست رجعت استغل كلت ربي بس يختنك بالعتب ويموت ...
صكر"
_وينج ست كحلاء ادري عنب لو راس باجه جاي تغسلين...
مشيت على كيفي بقمة الهدوء خليت العنب كباله كعدت ...شكلهم عندهم مشكله بخصوص واحد اسمه (ماهر) شكله مهم عندهم...
هنا وصكر جاي ياكل عنب اختنك كبل التفتت عليه جمدت كلت ربي معقوله راح يموت هيج بسرعه دعائي استجاب....وره ساعه طلعو شكلهم صدك عندهم كعده عشائرية.....
اني هم التهيت بشغلي ...اشوو وره ساعتين من طلعتهم اجت نورس تدك وتلطم يم عمتي ام صكر ...
نورس"
_داده شلون بيه اخوي ماهر اخاف بدال مايكحلها عماها ...جاي اخابر مازن مايرد كلبي نار شتتوقعين شراح يصير
_اشبيج يمه اهدي مازن وصكر يكفون ويوفون ميسرة ان شاء الله...
_ياعمه خايفه ما٨ر متهور والقضية قضيه ملايين
_ماكو شي هسه يجون ...
هنا وصكر جاي وجهه مايكصه الطبر ...غادي كركم ...رجع وحدة وابوه ومازن ماكو ....هنا نورس تلكتهم
_ها يخوي وين مازن جاي ادك عليه يرفض شصاير خير...
ام صكر "
_لج كحيلة لج ....روحي بسرعه جيبي دشدتشة لرجلج لا حضريه الحمام ...
كحلاء"
_ها ؟امشي يلا
_شنو اشلع طابوك لو تبدل الكاشيي....
صكر"
_افففف روحي عن وجهي لا اسطرج براشدي ماخليج تندلين دربج ..
ام صكر"عوفك منها وليدي شجاي يصير ...
صكر التفت ل نورس كال"
_خيتي اكلج شي بس لاتزعلين....
_اي كول؟
_اخوج الارعن ليش مايكعد راحه هالسكط جاي نحل القضية زلم مشوربين شطولنا نب هو بالنص والله اعترض وهذولاك اعترضوا وكبت العيطه هناك ....
واخوج الشقيه جرررب ويلزم البندقية وبرجل الزلمه طلقة ...وهاي هيه هسه مازن وماهر بالمركز مالشرطه وتعال جر وعر وتعال وادفع تعويض
نورس"يااا وهسه شلون
_اني طلعوني منها عمي اخوج الي متعدي ينحسب مجرم بنظر القانون بله الرجال رجله ماطابت شلون يبقى عاجز؟والله علمود اخوج مغتاض منه
...اكو اخذ دوش احسن ما اكلب البيت كلاب ...ابوي بالمستشفى يم المسكين ابن العالم ...
صكر/الصكر عالي لهذا السبب محد يكدر يعرف وين يستقر....
رحت للحمام اخذت دوش وطلعت من الحمام كحلاء تباوع عليه واني بالمنشفة جاي انشف شعري ...
كحلاء"
_ماناوي تطلع اخويه من السجن تره بهذلت ابويه وانت رجال تحجي حجي مدوزن كدام العالم مو وتبيع مثاليات اشو يمي لاترى ولاتسمع ولاتكلم ابويه وحدة ...
جاوبني ،؟ليش هالظلم زين خليني اخابرة ...زين من تليفونك ....جاوبني لاتسكت لاتعذبني ....
هنا صكر شمر علبه العطر الزجاجي عليها بالكاع ونظربت برجلها قوي ونكسرت....
_اه ....كمت من مكاني وكفت كتلة"
_ماهر اخو الحيه نورس مجرم موووو؟يعتبر ؟؟زين اخويه شمسوي...
حجيي عدل مو؟ صكر لا تسكت ...جاوبني ...
صكر"
_زيحي حالج من كدامي تره روحي بخشمي ...
_اي داشوفك تطلع دخان ناقصني البس احمر
هنا صكر رفع حاجبه...
_قصدج ثور اني مثلا..
_اي ...لا..لا ...طلع اخويه من السجن..
صكر اقترب من كحلاء...لزمها من حنجها....اقترب اكثر يريد يبوسها ...زاحت وجهها بعيد عنه...
صكر"
_اخوج مايطلع انسي....
لبس وتعطر وقبل مايطلع ...اشر ب ايدة ...
_هذا الزجاج لمي ...
سد الباب قوي فزيت ...
نزلت المه يم السرير لفت انتباهي هيج صندوق مالفاكهه اسود تعرفوا مو مال طماطم ...سحبته شفت البوم صور مالزوجته السابقه واطفاله من العرس لحد ماخلف بداخلي ضجت مدري ليش بس ضجت رجعته بمكانه ...لميت الزجاج جان نورس تهد عليه بالغرفه"
_ضامه راسج بالخنفسانه ...
تخصرت الها كتلها"
_ها يا الأميرة لج انتي تدرين المن تشبهين ...
_اي بله المن
_البومه
_ها لج تعالي اليوم اله املخ شعرج .
والله اله ابيس بيج....
_اي اي تطلع منج كلشي اذا اخوج عايق ...ومايخاف الله وبعدين ارجع واكرر حضرت جنابج الكسيف الف مره كتلج لاتصيرين همجيه وتدرين الباب هيج انتي لو بيج حظ كدام صكر حتى يقسمح وصلتين ....
هنا نورس تخبلت ....هجمت على كحلاء وحسناء فاككتهم ....
حسناء"
_كحلاء شبيج كوه تجيبين مشاكل لنفسج هاي ايدها طويله....ولسانها اطول...وبعدين لاتنسين انتي هنا موقفج ضعيف هاي الج فترة من اجيتي شبعتي طن كتل
هنا ودك الجرس ...
الحجيه فتحت الباب واذا ب ايمان جاية هي واخوها
_السلام عليكم
ام صكر"
_ وعليكم السلام...خيرج شجابج ي ايمان؟
_اخويه اجه علمود ماهر اخو نورس اصدقاء كلنا نادي واجب ...و
_لاتلفين وتدورين صكر ماموجود .....
_عمه شهالحجي ...
_اني مو عمه فرجينا يا ايمان ...واني مو كلت ل نورس يانورس رجالج مو هذاك اليوم دكج دك وكال بطلي تتواصلين ويه ايمان ماتسمعين كلمته ولج ...
نورس"
_لج شجابج يبو ....والله عمه ماقصد شي بس تدرين انتي عشرة عمر دخيلج لاتكولين ل مازن والله يشيلني ويهطرني بالكاع وهو منا غادي جمر على سالفه اليوم...
_اسكتي دهر دهرج اله اكله حتى تتأدبين ..
ايمان"
_يا اني ماتصورت هيج يصير عمي مالي غيركم خل يرجعني والله اصير خدامه والله تهت بنتي ذبيتها بدار ايتام وصفيت وحدي وكلمن يريد غايه مني عمه الله يخليج ..
_مانريدج ابني مايريدج البيت يتعذرج ...
_صكر تزوج مو ؟
_اي بنيه فلعه كمر ...
نورس"
_ههه جنها سلبوح اجت بمكان سالفه ابنج خويلد سطل مالكتل اويلي على ايامج شكد حلوه ...
ام صكر عاطت بنورس"
_لج صلفه روحي منا حسابج بعدين ...
هنا كحلاء"
شفت الجو متكهرب ...واكفه اتطلع عليهم جان تجي نورس ....
_هاي مرت صكر شوفيها شكد حلوه ...
غلست مانطيت اهتمام لكلامها بس ليش هيج نافرين منها هيج ؟ اني كلت هيج هيج مكتوله ...صعدت للغرفه رحت جبت صندوك الصور مالتها ....ونزلت هاي من شافتني عيونها صارت براسها ....
كتلها "
_هاي اشياء تخصج....
اخذتها مني وضلت صافنه عليه تباوع من فوك ليجوه ....
ام صكر"
_اي اخذيهن ..
ايمان/متوقعتها هيج حلوة وان كانت فصليه مستحيل مامتقرب الها اني مره وعجبتني ....طلعت مناك و با
ايدي صندوك صوري وذكرياتي ....خسرت الاول والتالي ....
بنفس اليوم صكر ومازن والاب رجعو هالكانين والام كالت "
_مازن نورس عاندتك وحاجت ايمان وكالت الها صكر متزوج ووووماتدري شصار اليوم ...
مازن كلش عصبي"
_اريد افهم انتي شنو؟من يامله تكسرين كلمتي واني ظهري مكسور ويه اخوج ال ك ....و...د وانتي هنا جاي تاكلين تبن؟؟صدك تحجين ولج.......هسه ....تلمين دومج وتروحين بيت اهلج ٠..
_لاعلى بختك لابمروتك..
_باعي كلمتي وكسرتيها مره وهونت بس هالمرة لا افتهمتي يلا.......
نورس طلعت لبيت اهلها ....وسالفه صندوق الالبومات ما نفتح سيرتها ومحد حجه ل صكر عن موضوع ايمان وهذا احسن شيء سووة صكر متنرفز مدري شبي هالايام ....
حسناء"
_والله البيت هادئ اله سبوع
كحلاء"جاي اشتغل واباوع على حسناء
_شببها ايمان هاي؟
_اشتغلي لأ تحجين زايد ....
.....____
