 |
رواية عشقي الابدي الفصل الرابع والعشرون بقلم ساره
عمر بص لهنا بإستغراب ومسك أيدها
هنا نتشت ايدها من عمر وبصتله وعيونها مقدرتش تمسك دموعها قدامه
-عمررر أعتبر نفسك متعرفنيش خلاص خلصت
عمر. / هو اي ال خلصت انتي مالك كده اي ال مضايقك واي ال بتقوليه ده في اي
هنا بزعيق / في ان من ساعه معرفتك وانا اتعلمت الغلط والكدب وجودي معاك دلوقتي غلط وحرااام انت قربت مني اكتر من مره و
عمر بص لهنا بإستغراب / انا معملتلكيش حاجه ولا قريت منك بطريقه مش كويسه
هنا بزعيق / ده من وجهه نظرك انت إنما لمسك لايدي دي غلط وحرام حضنك ال حضنتهولي ده حرام وغلطط
خدتني الحفله علشان بس تثبت لياسمين انك تخطتها وانك نسيتها وكمان اتجوزت وعيشت بعدها واخدني تسلايه تتسلي بيها الوقت ال انت عايزه وبعدين تسيبني زي غيري انا عندك ولا شي تسليه وبسسس عندك فكره لو بابا خد خبر بوجودي معاد في حفله زي دي ممكن يعمل فيها أي او هو ممكن يجراله اي بس للاسف أنا مفكرتش في كده وانت مفكرتش غير في نفسك ياعمر وانك تروح حفله ياسمين وتثبت انك عديتهاولا اهتمت بشكلي ولا منظري قدام الناس ولا قدام بابا ال بقيت اكدب عليه من يوم مشوفتك وانت ولا هنا من كل ده
عمر بص لهنا بإستغراب.. انتي شايفه كده يعني
هنا / ايوا مش شايفه غير كده روح للعالم بتاعك وسبني للعالم بتاعي متأذنيش اكتر من كده ياعمر
عمر. / انا بأذيكي ياهنا
هنا بنرفزه ودموعها نازله / ايوا قربك مني بدون معني ده بيأذيني وبيأذي مشاعري ال بقت عيزاك دايما وانا معرفش نهايه ده اي معرفش انا هستخمل ازاي بعد كده ان انت متكونش في حياتي لان اكيد هتيجي يوم وتمشي ومتبقاش في حياتي فخلاص ياعمر انا هحط نهايه لكل ده خلاص انا ال مش هسمح ليك تاني تقرب مني
ونوقف المسخره دي واسيطر علي كل احساسي ناحيتك
يمكن دلوقتي اقدر اسيطر علي نفسي بس الاكيد ان لو فضلت اشوفك مش هقدر اسيطر علي نفسب بعد كده
هنا مشيت وسابت عمر واقف مش قادرر يرد علي هنا
وكلامها كله بيتردد في باله
هنا مشيت وهي منهاره من العياااط ومش قادره تبعد عن عمر واتمنت ان يلحقها يوقفها بس محصلش كده
وكلمات الاغنيه لسه بيتردد في دماغها ولحاظتها مع عمر وهما بيرقصوا مش مفارقه خيالها
((يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيء معي إلا كلمات))
هنا عيطت بكل حرقه وجريت في الشارع علشان توصل بيتها وتنهار براحتها
وعمر رجع عربيته واتخرك بنرفزه وعصبيه وفضل يلف كتييير لغايط اما رجع بيته وفي نفس الوقت كان حازم رجع
حازم/ مش معقول الصدف سيادتك كنت فين كل ده
عمر بضيقه/ اي يا حازم انا مش فايقلك دلوقتي
حازم/ مالك في حاجه حصلت ضايقتك
عمر / مفيش ياحازم مفيييييش سيبني في حالي بقه يااخي هو انا ناقصك انت كمان
حازم بإستغراب/ لا ده الموضوع شكله كبير بقه حصل اي
ضايقوك في الحفله دي تاني
عمر / يارتهم هما ال ضايقوني كنت عدتها لان متوقع منهم كده
حازم/ أومال مالك ياعمر
عمر/ انا مش قادر اقف بعدين نتكلم اطلع لمراتك احسن
حازم/ لا طبعاً مش هسيبك بالمنظر ده لازم تحكيلي ال حصل
عمر طلع شقته وحازم طلع وراه وهو مستغرب حال عمر
حازم/ يابني ادم فهمني مالك اي ال قالبك بالمنظر ده
عمر/ مفيش ياحازم
حازم/ لا في هو انا معرفكش ياعني اخلصصص
عمر / هنا
حازم / هو الموضوع يخص هنا قالبتك دي بسبب هنا
عمر/ وجودي في حياتها بيأذيها ياحازم تخيل طلبت مني أن ابعد عن حياتها خالص ومشيت وسابتني
حازم بص لعمر وسكت شويه وبعدين بص لعمر/ وانت مضايق ليه كده
عمر بص لحازم وسكت وبعدين انكلم.. تخيل واحده ترفضني واحده تقول لعمر السويدي لا ابعد عني
حازم بص لعمر بشكك واتنهد واتكلم بهدوء/ انت حبيتها ياعمرر
عمر بص لحازم واتكلم بسرعه/ لا طبعاً إحنا كنا صحاب بس مفيش اي حاجه تانيه بينا ولا ينفع يكون فيه أصلا
حازم/ لا انا مش بسألك انا بعرفك ان انت حبيت هنا
عمر/ حازم انت بتقول اي كلام انا مش زيك علشان احب واحده لسه عارفها من كام شهر
حازم/ لا حبيتها ياعمر بدليل ظهور ياسمين في حياتك
ال مبقاش مأثر عليك وانك روحت حفلتها بنفسك وراجع مش هامك ياسمين أصلا بل انت راجع مضايق علشان كلام هنااا معاك انت فعلاً عارف هنا بقالك كام شهر وانت فعلا بقالك كام شهر مش قادر تروح بار سوزي بتاعتك دي ولا تسهر في أي حفله من حفلاتك هنا جت وقدرت في كام شهر تمنعك عن أن بحاول امنعك عنه بقالي خمس سنين
عمر / اي كلام علي فكره وعلشان اثبتلك انك غلط انا نازل اسهر تاني علشان تثبتلك ان كل ده كلام من وحي خيالك انت بس
حازم قام وقف وبص لعمر / انت لو نزلت هيبقي بتأكد كلامي انت مش متخيل ان هنا قدرت تخليك تحبها
حازم ساب عمر في حيره وكلام حازم وهنا بقوا يترددوا في بال عمر
وحازم طلع بيته لليان ال كانت لسه صاحيه بتذاكر
حازم/ كل ده صاحيه٩ياليان
ليان بنعاس/ انت كل ده تأخير ياحازم اتأخرت اوي
حازم/ معلش ياحبيبتي بس عمر كان تعبان وكنت بشوفه
ليان/ لا الف سلامه طيب انزل اشوفه طيب
حازم بغيره/ لا طبعاً خليكي قاعده هنا انا شوفته
ليان ضحكت / غيور اوي اوي
حازم/ اذا كان عاجب بقه
ليان/ عاجبني ونصصص ادعيلي ياحازم
حازم/ في حاجه ولا اي
ليان/ بكره امتحان نفسي السنه دي تخلص بقه انا تعبت اوي اوي فيها وخايفه اوي
حازم/ متخافيش ياروحي ان شاء الله هتبقي احلي دكتوره وهتنجحي انا مش عيزاكي تقلقي نهائي
ليان/ ان شاء الله خير
حازم خد ليان في حضنه وناموا في هدوووء
في بيت هنا
هنا رجعت البيت وهي منهاره وكل لحظاتها مع عمر
كانت بتعدي قصادهااا ودموعها نازله مش قادره تقف
هنا ... معقول حبيته بالسرعه دي انا مش متقبله فكره بعده عني أصلا بس ال انا عملته صح
- بس انا بحبه اوي اوي
هنا فضلت قاعده في ؤضتها وعيونها مبطلتش عياط
وكلام عمر معاها وهزارها معاه كله في بالها مش قادره تنسااه ولا قادره متفكرش في
عدي وقت كتييي وهنا قاعده باصه للاشئ لغايط اما النهار طلع وقامت خدت شاور وليست علشان تروح كليتها
فريد/ هنااا
هنا بتعب/ نعم يابابا
فريد/ مالك ومال عيونك كده
هنا / ابدا ياباابا بس منمتش كويس
فريد/ ليه ياحبيتي في حاجه تعباكي
هنا بتعب/ أبدا يابابا بذاكر النهارده امتحان انت ناسي ولا اي
فريد قرب حضن هنا وهنا حضنت ابوها جامد وكانت هتعيط في حضنه بس مسكت نفسها بالعافيه
- هنا ياحبيبتي أنا أول مره اشوفك بالمنظر ده
هنا/ متقلقش يابابا ادعيلي بس اعدي الامتحان ده علي خير وان شاء الله خير ياحبيبي
هنا سابت ابوها ونزلت راحه كليتها وشافت ليان
ليان/ قلقانه اوي ياهنا ربنا يعدي الماده دي علي خير
هنا بهدوء/ متقلقيش ان شاء الله خير
ليان بصت لهنا بشك/ مالك في حاجه؟!
هنا/ بعد الامتحان ياليان بعد الامتحان نتكلم
ليان مسكت ايد هنا وطمنتها بعيونها وراحوا الاتنين للأمتحان وهنا كانت قاعده مش مركزه وشويه تبص للورقه وشويه تبص للفراغ وشويه تمسك القلم وتشرح وشويه تركز وليان من وقت للتاني تبصلها ومش عارفه تتصرف معاها ازاي لغايط اما وقت الامتحان عدي
وليان راحت لهنا ال كانت قايمه بهدووء وبتلم ادواتها بهدووء ومش مهتمه بأي حاجه
ليان/ هنا انا اول مره اشوفك كده مالك
هنا من غير اي مقدمات حضنت ليان جامد وفضلت تعيط في حضن صحبتها وليان حضنتها وحاولت تهديها وهش مش فاهمه سبب عياطها ده اي
هنا فضلت وقت حاضنه ليان والاتنين ساكتين لغايط اما هنا هديت وبعدت عن ليان
ليان/ مالك يا حبيبتي مالك
هنا/ انا تعبانه اوي ياهنااا انا تعبانه وزعلانه وصعبان عليا نفسي أنا حاسه قلبي هيقف من الوجع ياليان انا مش عارفه انا صح ولا غلط انا فقدت صوابي
ليان بهدووء/ شششش اهدي وفهميني كل حاجه بالتفصيل
ليان خدت هنا علي كافتيريا الجامعه وقعدوا الاتنين وهنا حكتلها كل حاجه حصلت وحكتلها علي كلامها لعمر واخساسها ناحيه عمر
هنا/ مش قادره ياليان مش قادره اتخيل ان هو مش هيبقي في حياتي مش قادره اتخيل يومي من غيره
مش عارفه ازاي خليت نفسي تحبه ازاي معأن كنت دائما اقول لا اكيد مش هخلي نفسي تحبه بس الحب جه مره واحده ومقدرنش اتحكم فيه ومش قادره اتحكم دلوقتي مش قادره ياليان انا لاول مره اخس بقلبي بيدق لمجرد أن شوفته كلامه كله كان بيحسسني أن مهمه عنده وان انا غييير بس كله كلااام واهو دلوقتي كلامه راح
ليان بهدوء/ اهدي ياهنا ياحبيبتي الموضوع بسيط اعدي وسيبي الموضوع يمشي زي ما ربنا عايز
عمر أصلا
هنا بحده/ مش عايزه اسمع حاجه عنه انا خلاص هحاول انساه مش عايزه افتكره ولا افتكر كل لاحظه ضعف
وانا معاه هو زمانه عايش ولا علي باله انا أصلا
انا عايزه انسييييي واحاول اعييييش حياااتي
في شركه حازم
حازم دخل مكتبه وكانت جميله مطلعه ملفات كتييير
حازم/ جميله انتي بتعملي اي هنا
جميله لفت بخصه/ بشمهندس حازم حضرتك جاي بدري ياعني
حازم/ انتي بتعملي اي هنا واي الملفات دي كلها
جميله بتوتر/ ابداع يابشمهندس بدور علي ملف الصفقه
علشان في فايلات معايا عايزه احطها فيه
حازم/ لا ملكيش دعوه انتي بالموضوع ده خالص هاتي الفيلات واتفضلي انتي
جميله ادت الفيلات لحازم بخوف وخرججت بسرعه
من قدام حازم ال بصصلها كتييير
وبعدين مسك تليفونه علشان يرن علي عمر
ال مكنش عايز يرد علي تليفونه وكان نايم في بيته ومش عايز يخرج منه
وهنا رجعت بيتها تكمل مزاكره وخلصت ايام الامتحانات وهي متعرفش حاجه عن عمر وعمر مكنش بيخرج من بيته وحازم كان بيحاول مع عمر ال مش مديله فرصه حتي يشوفه ولا يسمعه وهنا كانت حالتها النفسيه اسوء من حاله عمر لدرجه ان هي وشها شحب من الحزن وعيونها دايما حزينه
هنا خلت امتحانتها ومسكت تليفونها
- الوووو
-..............؟؟.
- هنا بعياط/ مش مهم بس انا محتجالك اوي اوي اوي
انا لازم اشوفك دلوقتي حالا
هنا نزلت دمعه من عيونها واتنهدت ... انا محتجالك اوي ياماما ونفسي تحضنيني انا تعبانه اوي ياماما
