رواية صدفة عشاق الفصل الرابع والعشرون
تاني يوم .
ندي فتحت الباب لـ حازم و ابتسمت بهدوء ./ مش المفروض تبقي في شغلك يا دكتور .
حازم دخل و قفل الباب وراه . و سحبها من شعرها بغضب ./انتي اللي بعتيلها الفيديو صح .
ندي حطت ايديها علي أيده بوجع ./حازم سيب شعري . فيديو ايه بس .
حازم اتنهد بضيق ./ الفيديو اللي صورتيني بيه و انا معاكي . مين غيرك ممكن يكون حاطط كاميرا في اوضة نومك .
ندي هزت راسها بتوتر ./يا حازم اسمعني بس . انت كده كده مكنتش عايزها . كان....
حازم قاطعها بغضب ./انتي مين اداكي الحق انك تتكلمي معايا كده . بس هي غلطتي اني عملت حساب لـ جنه الله يرحمها . و ساعدتك في علاجك .
حازم سبها بضيق ./ اعرفي اني مش هسيبك و هدفعك تمن اللي عملتيه كويس اوي يا ندي .
و سبها و مشي . ندي اتنهدت بضيق و هي بتعدل شعرها . و قعدت و هي بتفكر هتعمل ايه .
__________________________________________
حازم راح لـ ليلي . و هو عارف رد فعلها . بس خايف تكون قالت لـ أهلها . عشان عارف رد فعل راشد .
حازم اتنهد بهدوء بعد ما قعد مع راشد . و فهم انها متكلمتش في اي حاجه .
راشد اتنهد باستغراب ./هو حصل بينكم حاجه .
حازم اتنهد بتوتر ./ حصل بينا مشكله . و انا حاولت اكلمها كتير مكنتش بترد .
راشد اتنهد بضيق ./هي جت بليل و دخلت اوضتها . و مطلعتش من ساعتها . حتى مراحتش الشغل انهارده .
حازم هز رأسه بهدوء ./انا بس عايز اتكلم معاها . لو ينفع...
ليلي قاطعته و خرجت بغضب ./انت ايه اللي جابك هنا .
راشد قاطعها بضيق ./ليلي .
حازم اتنهد بضيق ./ليلي خلينا نتكلم . افهمك بس اللي حصل .
ليلي ضحكت بسخريه ./نتكلم و تفهمني .هو انت مبتفهمش قولتلك مش عايزاك . طلقني يعني طلقني .
نعمه خرجت علي صوتهم . و اتنهدت باستغراب ./يا ليلي اي مشكله ممكن تتحل .
ليلي هزت راسها بدموع ./هو فعلا اي مشكله ممكن تتحل . إلا الخيانه .
راشد بص لـ حازم بضيق ./اللي بتقوله ليلي حصل .
حازم اتنهد بضيق ./والله مش زي ما هي فاهمه . انا بحبها لو مش بحبها مكنتش جيت لغاية هنا دلوقتي .
ليلي وقفت قصاده بدموع . و هزت راسها برفض ./انت وقفت قدامي عشان خايف علي شكلك قدام اهلك . خايف يعرف انت كنت علي علاقه بـ مين . خايف تتفضح قدامهم .
حازم هز رأسه برفض ./والله انا مفيش حاجه مهمه عندي غيرك . عشان خاطري يا ليلي . عشان خاطر كل حاجه بينا . خلينا نتكلم .
راشد اتنهد بضيق ./ليلي ادخلي جوه .
ليلي مسحت دموعها بضيق ./ لحد فرح ريماس و ايهم . لو مكنتش طلقتني . انا هرفع قضيه و ساعتها هعرف اهلك كل حاجه .
و سبته و دخلت . و نعمه دخلت وراها .
راشد وقف قصاد حازم بغضب ./لما جيت تخطب ليلي . قولتلك أنها اغلي حاجه عندي . و دموعها اغلي من اي حاجه . و ان مهما حصل مش هسمحلك تأذيها . بس لما اشوفها بالشكل ده . يبقي انت اتخطيت كل حاجه يا حازم .
حازم اتنهد بضيق من نفسه ./ انا عايزها تسمعني بس . عايزها تفهم اللي حص...
راشد قاطعه بضيق ./ طلقها و كفايه لحد كده . ليلي مش هتتكلم كده غير و هي متأكدة . ابعد عنها و طلقها بهدوء . من غير ما اهلك يعرفه السبب . عشان متتكسفش قدامهم زي ما انت مكسوف قدامي كده .
حازم اتنهد بضيق و مشي . راشد دخل لـ ليلي . لقاها دافنه وشها بين أيديه و منهاره . اتنهد بهدوء ./سبيني يا نعمه معاها شويه .
نعمه هزت راسها بهدوء . راشد قرب من ليلي و ابتسم بهدوء . و هو بيبعد ايديها عن وشها . راشد اتنهد بهدوء ./ ليلي انتي متاكده من اللي قولتيه .
ليلي هزت راسها بدموع ./ ده فيديو يا بابا . و هو رد عليا بنفسه . يعني انا طلعت مغفله طول الفترة اللي فاتت كلها.
راشد اتنهد بهدوء. / يبقي متعيطيش . هو قبل علي نفسه انه يبقي الشخص ده . يبقي ميستهلكيش يا ليلي . و مينفعش لحظه تعيطي علي اي لحظه كانت بينكم .
ليلي غمضت عينيها بدموع ./بس انا كنت مدياله الامان يا بابا . و هو وعدني أنه ميخذلنيش .
راشد مسك ايديها و ابتسم بهدوء ./و ده يعلمك انك متديش الامان كله لحد . و لازم تبقي عندك استعدادات لـ اي حاجه ممكن تحصل . هو هيطلقك و انتي الكسبانه يا حبيبتي .
ليلي هزت راسها بدموع . و دخلت في حضنه و هي بتعيط . راشد غمض عينه بضيق عليها . و حرك ايده علي شعرها بحب.
__________________________________________
ايهم اتنهد بضيق . /كنت مستني أنها تقف و تسمعك عادي . انت عارف و متأكد أن ليلي لو عرفت مكنتش هتديك فرصه . زي ما حصل فعلا .
حازم مسح على وشه بضيق ./ انا معرفش أنها مصوراني . معرفش أنها هتبعته لـ ليلي .
ايهم ضحك بسخرية ./يعني انت مشكلتك أنها بعتت الفيديو . مش مشكلتك انك خونت ليلي . و كنت بتكدب عليها و بتقابل ندي من وراها . لو كان عندك احساس انك بتقابل ندي عشان مرضها فعلا . كنت هتقول لـ ليلي . انما انت كنت بتقابل ندي . عشان كان عاجبك احساس الكسبان . اللي اخيرا لقي واحده تحبه و يحبها . و شايف في عيون حبيبته اللي خانته الندم .
ايهم كمل بغضب ./انت نفسك لما اتبعتلك نفس الفيديو لـ ندي . و روحت لقيتها معاه في الشقه . مقدرتش تكمل . بس الفرق أن ندي مكنتش بتحبك . متعذبتش غير لما انت خطبت . و انت دلوقتي هتفضل تتعذب عشان انانيتك يا حازم .
حازم بصله بغضب . و سحب مفاتيحه و مشي .
_________________________________________
فات يومين و حازم مش عارف يوصل لـ ليلي . حتي لما كان بيروح عند شغلها مكنتش بتروح .
عند ليلي كانت خارجه من المدرسه . ليلي اتنهدت بضيق و هي شايفه حازم واقف قدام عربيته . اتنهدت بتوتر و مشت بسرعه . حازم وقف قصادها بضيق . و وقفها و هو بيمسك ايديها ./يا ليلي استني .
ليلي سحبت ايديها بضيق ./ورقة طلاقي مجتش ليه .
حازم اتنهد بضيق ./ليلي عشان خاطري . خلينا نتكلم الاول . و بعدها اعملي اللي انتي عايزاه .
ليلي هزت راسها برفض ./مهما كان الكلام ايه . مش هيغير موقفي . فـ خلينا نوفر علي بعض الكلام . انا مش عايزه اسمعك و لا اصدقك تاني . انا مش عايزه اشوفك حتي . مش عايزه افتكر اني كنت بحب واحد خاين زيك .
حازم حرك ايده علي كتفها بتوتر ./ليلي انا بحبك والله . انا بس معرفش اللي حصل حصل ازاي . انا بعترف اني كنت علي علاقه بيها . بس مش زي ما انتي فاهمه . كانت مريضه عندي بس والله .
ليلي اتنهدت بسخريه ./انا عرفت انها خطيبتك القديمه . اللي كنت متجوزها عرفي كمان . و لما حبيت تصلح غلطك لما سبتها صلحته و انت معايا . صلحته بعد ما علقت واحده بيك . ذنبها الوحيد أنها حبتك . بس انا عندي استعداد أن اقفل قلبي من ناحيتك طول حياتي .
حازم حرك رأسه برفض ./ مش كده والله ما كده . تعالي نركب العربيه و نتكلم . والله ما هتندمي .
ليلي فتحت أيده بهدوء . و حطت مفاتيح العربيه ./دي مفاتيح العربيه . و الدبله رميتها في وشك . مش عايزه اي حاجه تفكرني بيك . يبقي خلي عندك كرامه . و متكملش مع واحده مش عايزاك . و لو لقيتك هنا تاني . مش هيحصل كويس .
و سبته و مشت . حازم اتنهد بغضب و ضغط علي ايده بعصبيه . و ركب عربيته بسرعه و مشي .
__________________________________________
فات ايام لحد ما جه ميعاد فرح ايهم و ريماس.
ووووو....
