رواية صدفة عشاق الفصل الخامس والعشرون
فات ايام لحد ما جه ميعاد فرح ايهم و ريماس .
ريماس وصلت الاوتيل من بدري . و معاها ليلي و فيروز . و حازم و ايهم و علي كانوا وصلوا من بدري في الاوضه اللي جمبهم . و كلهم كانوا مبسوطين من قلبهم . ماعدا حازم و ليلي اللي كانوا بيحاولوا يفرحوا معاهم .
ريماس ضحكت بهدوء ./يا ماما مش كفايه عياط بقي .
فيروز اتنهدت بدموع ./يا ريماس انا ملحقتش اشبع منك . و انتو مستعجلين علي كل حاجه كده .
ليلي ضحكت بهدوء ./و هي ريماس هتسكت . يومين و هتلاقيها رجعت تنطلنا تاني .
ريماس اتنهدت بهدوء ./يا ماما خلاص والله هعيط معاكي .
ليلي ابتسمت بضيق مصتنع ./و بعدين بقي . الميكب بتاعك هيبوظ . يلا يا طنط بقي اضحكي ده انتي حتي صغيره علي ام العروسه .
فيروز ضحكت بهدوء و مسحت دموعها بايديها . /عقبال فرحك يا ليلي . و افرح بيكي .
ريماس ابتسمت بهدوء ./لا متخفيش ليلي ورايا علي طول . و هنفرح كلنا تاني .
ليلي ابتسمت بهدوء ./طب يلا يا طنط . عشان تلحقي تجهزي .
فيروز هزت راسها بهدوء . و دخلت عشان تجهز .
ليلي ابتسمت بهدوء و قربت من ريماس ./ و انتي كمان اتفضلي ادخلي البسي فستانك . انتي فاضلك ساعه واحده يا ريماس .
ريماس هزت راسها بهدوء ./طب و انتي .
ليلي هزت راسها و ابتسمت بهدوء ./هدخل بعد ما اطمن انك جهزتي خلاص .
ريماس ابتسمت بحب ./انا لو عندي اخت مكنتش هتبقي زيك بجد .
ليلي ابتسمت بهدوء و بتطبطب عليها ./ و انتي عارفه انك اكتر من اختي .
ريماس ابتسمت بهدوء . و بصت علي ايد ليلي باستغراب ./ليلي اومال فين دبلتك .
ليلي ابتسمت بهدوء./تلاقيني نسيتها . يلا قومي اجهزي عشان متتاخريش .
ريماس هزت راسها بهدوء . و قامت .
ليلي اتنهدت بضيق و هي بتدعي متقبلش حازم طول اليوم .
__________________________________________
عند ايهم .
ايهم قرب من علي و حازم . بعد ما لبس البدله ./تمام كده .
علي ابتسم بتقييم ./تمام بس هحط التاتش بتاعتي .
ايهم و حازم ضحكوا بهدوء . حازم ابتسم بهدوء ./سيبو يحط التاتش بتاعه .
علي ابتسم بضيق مصتنع ./انتو بتضحكوا . طب هات الجاكيت يا ايهم و انا هوريك هعمل ايه .
ايهم ضحك بهدوء .و هو بيقلع الجاكيت ./اتفضل يا عم علي .
حازم اتنهد بهدوء . و وقف علي جمب . ايهم بص عليه بهدوء و قرب منه ./انت كويس .
حازم ابتسم بهدوء ./متشغلش بالك . ده حتي انهارده فرحك بقي .
ايهم ابتسم بهدوء و هو بيطبطب علي كتفه ./انا هكلمها بعد الفرح . بس انت متزعلش علي الاقل انهارده في فرحي حتي .
حازم هز رأسه و ابتسم بهدوء ./يلا نشوف علي عمل ايه .
ايهم هز رأسه و ابتسم بهدوء و مشي معاه .
__________________________________________
بعد شويه . حازم و ايهم كانوا واقفين قدام اوضة ريماس .
ليلي ابتسمت بهدوء ./يلا انا هطلع عشان منتاخرش .
ريماس ابتسمت بتوتر ./خلي بالك من ماما تحت . انا خايفه تعيط تاني .
ليلي ضحكت بهدوء ./لا متخفيش . انا هفضل معاها مش هسيبها .
ريماس ابتسمت بهدوء . و هي بتاخد نفسها بتوتر .
ليلي فتحت الباب و ابتسمت بهدوء لـ ايهم ./لو عليا كنت عايزه اخليك واقف شويه .
ايهم ضحك بهدوء. /قلبك قاسي انتي . ادخل دلوقتي و لا ايه ليلي طلعت و ابتسمت بهدوء ./اه ادخل .
ايهم هز رأسه بهدوء و دخل . ليلي ابتسمت بهدوء عليهم . و بعدين بصت لـ حازم بضيق . و مشت . حازم مسك ايديها برفض و قربها منه بهدوء ./انا لسه عايز اتكلم معاكي .
ليلي سحبت ايديها و ابتسمت بـ برود ./و لا هو مكانه و لا هو وقته . و لا انا عايزه اتكلم معاك . انا عايزه ورقة طلاقي و بس يا حازم .
حازم اتنهد بهدوء و سحبها من ايديها بسرعه و هو بيدخلها الاوضه .
__________________________________________
عند ايهم و ريماس .
ايهم ابتسم بـ مرح ./ عروسه قمر و فستان قمر . ده انا يا بختي .
ريماس ابتسمت بكسوف ./ايهم بس .
ايهم ابتسم بضيق مصتنع ./هو ايه اللي بس . ده حتي كلها ساعه و تبقي مراتي .
ريماس ابتسمت بتوتر ./انا من كتر ما كل حاجه بسرعه . حاسه ان في حاجه هتحصل .
ايهم ابتسم بهدوء و باس راسها بحب ./مفيش اي حاجه ممكن تحصل . كل حاجه كويسه و تمام و ماشيه زي ما احنا عايزين . مش عايزك تخافي أو تقلقي . عيشي يومك و سبينا لفرحتنا.
ريماس هزت راسها و ابتسمت بهدوء . ايهم باس ايديها بحب ./يلا عشان لسه في تصوير .
ريماس ابتسمت بهدوء و حطت ايديها في أيده ./يلا .
و نزلوا .
__________________________________________
ليلي زقت حازم بغضب ./ انت بجد مش طبيعي . و مش قادر تفهم ان اللي بتعملوا مش هيجيب اي نتيجه . غير أنه هيخليني اكرهك اكتر .
حازم مسح على وشه بغضب ./ يا ليلي انا من حقي اخد فرصه . اتكلم بيها و ادافع عن نفسي .
ليلي ربعت ايديها بسخريه ./طب اتكلم . قولي يا حازم . ايه اللي يخليك علي علاقه بـ واحده كانت خطيبتك . و انت متجوز و بتحب غيرها .
حازم اتنهد بضيق ./يا ليلي والله العظيم . اللي حصل كان غصب عني . انا عيشت ايام كل يوم حاسس اني مستهلكيش بسبب اللي حصل . انا لو بحبها زي ما بتقولي هفضل اتكلم معاكي ليه . و ليه هحاول ابررلك غير لو انا فعلا مظلوم .
ليلي قربت منه و ابتسمت بـ برود ./و انت فعلا متستهلنيش يا حازم . و لو كل كلامك ده صح . يبقي اتمني انك تكون لسه بتحبني يا حازم . عشان اعيشك عمرك كله ندمان علي كل احساس خليتني أحسه لما شوفتك في حضن واحده تانيه .
حازم اتنهد بدموع ./ليلي انتي عمرك ما هتعرفي تكرهيني . انتي مش كده .
ليلي هزت راسها بهدوء . /انا فعلا مش كده . انا كنت هبله و بريئه اوي يا حازم . لدرجة اني اول مره اسلم قلبي فيها لحد . كسرني و خلاني مش قادره اشوفه غير شخص خاين .
حازم مسك ايديها بـ رجاء ./ انا غلطت و معترف بـ ده . و عندي استعداد افضل اتأسف عمري كله .
ليلي سحبت ايديها بدموع ./اتأسف عمرك كله يا حازم . و انا بردك مش هسامحك .
حازم مسح على وشه بغضب . و سحبها من دراعها بعصبيه ./بطلي تكابري بقي . كفايه يا ليلي كفايه . انتي عارفه كويس اوي . انك مش هينفع تبعدي . هتقولي لأهلك ايه لو حد عرف اللي حصل بينا . مش هتقدري تكابري اكتر من كده يا ليلي .
ليلي سحبت ايديها بغضب ./انت بني ادم حقير يا حازم . اللي حصل بينا ده اكبر غلط هفضل ندمانه عليه عمري كله . و ندمانه اني سلمت نفسي لـ واحد زيك . و بعدين احنا كاتبين كتابنا يعني انا كنت مراتك . معملتش زيك و روحت نمت في حضن واحده و خلاص . او كنت متجوزها عرفي و يا عالم كان اي بيحصل زمان .
ليلي نهت كلامها بسخريه و فتحت الباب و مشيت . و هي بتمسح دموعها بسرعه من كلامه . حازم مسح على وشه بضيق. هو كان فاكر أنه هيضغط عليها عشان ترجعله . و اتنهد بضيق و خرج من الاوضه .
___________________________________________
تحت في الفرح . كانت كل حاجه ماشيه تمام . و ريماس و ايهم كانوا فرحانين بجد من قلبهم . و العيلتين كانوا فرحانين بيهم .
جيهان كانت واقفه مع ليلي . و بتضحك معاها . و فيروز كانت كل شويه عينيها تدمع و زين كان واقف بيضحك معاها .
ندي قربت من حازم بخبث ./قولت مش معقول اعدي يوم زي ده .
حازم اتنهد بضيق ./بتعملي ايه هنا .
ندي ابتسمت بخبث ./سليم صمم اني لازم ابقي معاه . و قولت اسلم عليك . و اشوف اخبارك ايه .
حازم ابتسم بضيق ./اللي عملتيه ده مساعدكيش في اي حاجه . و وعد مني لاعزمك بنفسي علي فرحي انا و ليلي .
ندي ضحكت بهدوء ./مستنيه .
و سبته و مشت .
جيهان ابتسمت لـ ليلي بهدوء ./انتي كويسه يا حبيبتي .
ليلي هزت راسها و ابتسمت بهدوء ./اه يا طنط في حاجه و لا ايه .
جيهان ابتسمت باستغراب ./لا حاسه انك واقفه مهزوزه أو تعبانه . لو تعبانه قعدي شويه . انتي اكيد مع ريماس من الصبح .
ليلي ابتسمت بخفه ./لا انا كويسه متقلقيش.
جيهان هزت راسها بهدوء ./هروح اشوف سليم . و ارجعلك تاني .
ليلي هزت راسها بهدوء .
عند ايهم و ريماس . ايهم ابتسم بحب ./ ايه يا حبيبتي انتي مش مبسوطه و لا ايه .
ريماس مسحت دموعها و ابتسمت بهدوء. /لا مبسوطه اكيد . بس مضايقه عشان ماما .
ايهم باس ايديها بحب ./ما هي ام بردك . بس شوفتي هي فرحانه ازاي و بتعيط من فرحتها .
ريماس هزت راسها و ابتسمت بهدوء . ايهم ابتسم بمرح ./ده حتي بصي بابا و عمي فاروق . في حاله من الانسجام التام .
ريماس ضحكت بهدوء. /تحس انهم ما صدقوا يتكلموا مع بعض .
ايهم ابتسم بخبث ./خليهم يدعولنا بقي . ما احنا السبب .
ريماس هزت راسها و ضحكت بهدوء .
عند ليلي .
ندي قربت من ليلي و ابتسم بهدوء ./عقبالك يا ليلي .
ليلي بصت عليها بضيق و متكلمتش . ندي ابتسمت بخبث ./ مش عايزه تردي عليا و لا ايه .
ليلي ابتسمت بـ شك ./انتي اللي بعتيلي الفيديو صح .
ندي هزت كتفها بخبث ./تفتكري مين ممكن يحط كاميرا . في اوضة نومي و يصور حاجه زي كده .
ليلي ضحكت بـ قرف ./مش مستغربه من وقاحتك . واحده قبلت علي نفسها تبقي في علاقه مخفيه . مع واحد عارفه أنه بيحب مراته . هتبقي ايه غير واحده زيك . بس مقبوله منك . اتفضليه يا حبيبتي . انا مستغنيه عنه .
ندي ابتسمت بخبث ./رغم أن حازم لسه قايلي أن الموضوع مش فارق معاكي . استغربتك الصراحه ازاي واحده قابله علي نفسها أن جوزها يخونها . و بكل هدوء بتجهز لفرحها كمان . اكيد عارفه أن المشكله فيها و أنه من حقه . شوفي مين يكسب يا ليلي .
ليلي اتنهدت بضيق من كلامها ./هنشوف كلنا . و مسكت ايد ندي بجمود./تعالي .
ندي وقفت بتوتر ./استني أن...
ليلي قاطعته بضيق و هي ماسكه ايديها جامد./ لو متحركتيش معايا حالا . هوري الفيديو قدام الناس دي كلها . امشي يلا .
ليلي مسكت ايد ندي و اتحركت ناحية ترابيزة عاصم . و اهل حازم .
ليلي وقفت قصادهم بضيق و سابت ايد ندي . حازم بص عليها بتوتر و وقف بسرعه و هو بيقرب من ليلي ./ليلي انتي هتعملي ايه .
ليلي ابتسمت بسخرية ./هعمل اللي المفروض يحصل .
جيهان اتكلمت باستغراب ./ في ايه يا ليلي . و ماسكه ندي كده ليه .
ليلي ابتسمت بتحدي لـ حازم ./ حازم مرديش يطلقني بالذوق . فـ للأسف كان لازم ادخل بـ طريقتي .
عاصم وقف بهدوء مخيف ./ايه اللي حصل .
ليلي ابتسمت بسخريه ./اوريهم الفيديو انا . و لا توريهم انت .
احمد بضيق ./فيديو ايه . ما تتكلمي يا ليلي .
ليلي اتنهدت بهدوء ./ فيديو حازم و ندي . اللي اتبعتلي من كام يوم . في الفترة اللي كان بيبات فيها بره يا طنط .
جيهان هزت راسها باستغراب ./فيديو ايه يا ليلي .
ليلي اتنهدت بـ تحدي و هي بتبص لـ حازم . و كملت بدموع بتحاول تمنعها ./فيديو ليهم في شقتها . و في سرير واحد .
كلهم بصو لبعض بصدمه . حازم سحب ليلي من كتفها بضيق ./ليه عملتي كده ليه .
ليلي سحبت ايديها من أيده بغضب ./ عشان انا مقبلش علي نفسي الاهانه مهما كان مين الشخص . لما واحده زي دي تيجي تقولي اني راضيه بـ خيانتك ليا يبقي حقي اكشف حقيقتك قدامهم . و اقولهم اني طلبت الطلاق و انت بكل بجاحه رافض . و مخليني علي ذمتك بالعافيه .
عاصم اتنهد بغضب ./الكلام ده حصل يا حازم .
حازم اتنهد بضيق و متكلمش . ليلي ابتسمت بسخريه ./انا معايا الفيديو . أطلعه و لا ترد انت .
حازم غمض عينه بضيق ./حصل .
جيهان حطت ايديها علي وشها بصدمه ./ازاي عملت كده . و ليه اصلا تعمل كده .
حازم مسك ندي من كتفها بضيق ./معرفش معرفش اساليها . هي اللي عملت كل ده . خلتني عندها و حصل اللي حصل .
ندي هزت راسها بتوتر ./لا مش ده اللي حصل والله مش ده .
احمد سحب ندي من ايد حازم ./امشي من هنا امشي . و اخرجي بره حياة ولادي بقي .
ليلي اتنهدت بدموع ./انا مش عايزه غير أنه يطلقني . مش عايزه منه أي حاجه تاني . خليه يسبني و يبعد عني .
ليلي مشت . بس حازم وقفها و مسك ايديها بدموع ./ليلي عشان خاطري . اديني فرصه تانيه انا بحبك .
ليلي سحبت ايديها بجمود ./و انا بكرهك يا حازم .
و سبته و مشت . عاصم قعد و اتنهد بضيق ./حسابنا لما نروح .
ليلي طلعت بره و هي بتاخد نفسها بالعافيه . و وقفت علي جمب و هي بتعيط بتعب . هي مكنتش عايزه تعمل كده . بس مقبلتش علي نفسها الاهانه و الوجع اللي سببهولها .
زين فضل واقف يبص عليها باستغراب . و قرب منها بـ شك ./ليلي انتي كويسه .
ليلي مسحت دموعها بسرعه . و هزت راسها ./اه اه كويسه .
زين كمل بهدوء ./ليلي انتي معيطه . في حاجه حصلت .
ليلي هزت راسها برفض ./انا همشي .و اعتذر لـ ريماس و قولها ان غصب عني .
زين وقف قصادها بهدوء ./طب تعالي اوصلك . اكيد مس هينفع اسيبك كده .
ليلي هزت راسها برفض ./ انا هعرف اروح لوحدي . خليك مع ريماس .
زين اتنهد بضيق ./ريماس معاها ماما و بابا جوه . مش هينفع اسيبك كده يلا .
ليلي اتنهدت بهدوء و مشت معاه .
__________________________________________
الفرح خلص و كل واحد روح بيته .
ووووو....
