رواية صدفة عشاق الفصل الثامن والعشرون
زين ابتسم بحب . و هو شايل حنين و بيلعب معاها . و وقف علي باب المطبخ بهدوء ./صباح الخير يا حبيبتي .
ليلي ابتسمت بهدوء . و هي بتقرب منه تاخد حنين ./صباح النور . نازل الشغل .
زين هز رأسه برفض ./يدوبك نلحق نجهز حاجتنا .
ليلي بصتله باستغراب ./ليه .
زين ابتسم بهدوء . و باس خدها بحب ./ميعاد طيارتنا الفجر يا حبيبتي .
و سبها و طلع . ليلي ابتسمت بفرحه . و هي بتستوعب اللي قاله . و طلعت وراه بسرعه ./انت بتتكلم جد . طب ازاي و بالسرعه دي .
زين هز رأسه و ابتسم بهدوء ./انتي اطلبي و اتمني و انا انفذ .
ليلي ابتسمت بحب . بس كملت بتوتر ./ هو اللي احنا هنعمله مفيهوش اي خطر . انا كان نفسي ارجع مصر . بس اول ما قولت أننا خلاص هنسافر . مش عارفه ليه خوفت .
زين اتنهد بهدوء و هو بيقرب منها . و شال حنين و هو بيبوسها و يلعب معاها بحب . و مسك ايد ليلي بهدوء ./ مفيش حاجه تقلقك في مصر يا ليلي . انتي راجعه لأهلك و عشان تعرفي بنتك أهلها . و عشان تربي ابننا اللي جاي وسط أهله . و انا اتفقت مع شركة هندسه عشان يخلصولنا بيتنا في اسرع وقت . و خلاص هيجهز بكره . و احنا بقالنا تلت سنين هنا . مش ده كلامك بردك .
ليلي هزت راسها و ابتسمت بهدوء ./يبقي يدوبك نلحق . نجهز الشنط .
و سبته و مشت بفرحه . زين بص عليها بهدوء . و قعد علي الكنبه و هو بيكمل لعب مع حنين . و ابتسم بحب ./يلا قولي بابا .
حنين ضحكت ببراءة . و هي بتكرر الاسم بطريقتها . زين حضنها بحب . و نزلها ./يلا بقي هاتي ايدك عشان نجهز شنطتك يا قلب بابا .
و مسك ايديها و مشيوا .
__________________________________________
عند حازم .
حازم اتنهد بهدوء . بعد ما خلص عمليات و دخل عيادته بشرود . حازم ركن دماغه بتعب . و بص علي الدبله اللي في أيديه . و ابتسم بضيق . لحد ما دخل عليه ايهم ./ايه يا حازم مش هتروح .
حازم هز رأسه برفض ./انا هروح علي الفيلا انهارده .
ايهم ابتسم بهدوء ./بس متنساش بكره عيد ميلاد رحيم . لازم تيجي .
حازم هز رأسه بهدوء . و اتنهد بشرود ./بردك مش عايز تقولي ليلي سافرت فين .
ايهم بلع ريقه بتوتر ./ما قولتلك مقلتش يا حازم . و كفايه تعلق نفسك بـ حاجه مش موجوده . انتو اطلقتوا و من زمان . عيش حياتك و بطل تفكر فيها .
حازم اتنهد بسخرية ./ تفتكر محاولتش . بس مقدرتش . و بعدها هيجنني اكتر . ازاي يجيلها شغل فجأة . و تكرر تسافر و تبعد . من غير حتي ما تقول هي فين . تفتكر ليلي ممكن تكون خبت عن ريماس هي سفرت في بلد ايه . او ايه الشغل اللي جالها فجأة ده .
ايهم اتنهد بهدوء ./و لو عرفت هي فين . هتروحلها مثلا . ليلي نسيت خلاص يا حازم . و انت اللي كررت بنفسك أن دي تبقي النهايه .
ايهم كمل بهدوء ./حازم انسي ليلي . اللي حصل حصل و مش هنفضل نتكلم في كل شويه . ليلي مش نصيبك يا حازم . اقلع الدبله اللي مش راضي تقلعها من ايدك . و اقفل كل حاجه ليها علاقه بيها . عيش حياتك اللي بتضيع يوم وره التاني في ذكريات . لأن حتي لو ليلي رجعت . مش هترجع ليلي اللي كانت من مراتك يا حازم .
و سابه و مشي . حازم اتنهد بهدوء . و هو بيبص علي الدبله اللي في أيده . و غمض عينه بضيق .
__________________________________________
تاني يوم .
ريماس ابتسمت بهدوء و هي بتعدل . لـ ايهم هدومه ./عارف بقالك قد ايه مخدتش اجازه .
ايهم ابتسم بهدوء . و هو بيقربها منه ./ عارف بس غصب عني يا حبيبتي . و عارف اني انشغلت عنك الفترة اللي فاتت . بس انا عارف ان ريماس حبيبتي هتقدر ده .
ريماس ابتسمت بحب ./ بس ياريت متبقاش نسيتني وسط الزحمه دي كلها .
ايهم ابتسم بحب ./و هو انا أقدر بردك . حبيبتي انتي في عقلي و في قلبي و في عيني .
ريماس ابتسمت بخفه ./طب يلا ننزل عشان في حاجات كتير عايزين نعملها . قبل ما الناس تيجي .
ايهم سحبها من ايديها بخبث . /استني مش نكمل كلامنا الاول .
ريماس سندت ايديها علي صدره بتحذير . /ايهم .
ايهم ابتسم بحب ./عيون ايهم .
ريماس ضحكت بخفه و هي بتبعد بسرعه. /الباب بيخبط .
و سبته و نزلت . ايهم مسح علي وشه بضيق . و نزل وراها .
ريماس فتحت الباب . و صرخت بفرحه . و هي بتحضن ليلي ./ليلي وحشنتوني اوي .
زين دخل و هو شايل حنين . /و مفيش حضن لاخوكي . و لا لبنت اخوكي حتي .
ايهم قرب منهم بتوتر . و ابتسم بفرحه ./ايه ده حمدالله على السلامه .
زين ابتسم بهدوء و هو بيسلم عليه ./احنا لسه نازلين من الطياره . اول حاجه عملناها جينا علي هنا .
ليلي خرجت من حضن ريماس . و اتكلمت بدموع ./وحشتوني اوي . و انتي يا ريماس كنتي وحشاني اوي .
ريماس اتكلمت بدموع . و هي بتحضن زين ./انا مش مصدقه بجد دي مفاجأة حلوه اوي .
زين ابتسم بهدوء ./طب مش عايزه تشيلي ليلي الصغيره .
ريماس ابتسمت بحب . و هي بتاخد منه حنين . و ابتسمت بدموع ./دي شبهك اوي يا ليلي . بص يا ايهم مش نسخه من ليلي .
ايهم ابتسم بهدوء ./فعلا شبهك اوي .
ليلي ضحكت بهدوء هي و زين علي ريماس . ريماس ابتسمت بهدوء. /واضح أن مكتوبلنا نتجمع كلنا . انهارده عيد ميلاد رحيم . و كمان شويه و هتلاقوا الناس جم . اكيد هتحضره معانا .
ليلي بصت لـ زين بتوتر . اللي مسك ايديها و ابتسم بهدوء. /اكيد طبعا . بس هنروح عند اهل ليلي نسلم عليهم . و نرجع تاني .
ايهم ابتسم بهدوء. /انتو كده كده قاعدين معانا كام يوم .
زين ابتسم بهدوء ./احنا الفيلا بتاعتنا جهزت خلاص . انا كنت متفق مع شركة و ظبطوا كل حاجه .
ريماس ابتسمت باستغراب ./بس ازاي انا كنت مكلمه ليلي . و مقلتليش انكم جايين .
ليلي ابتسمت بهدوء ./اخوكي قرر يعملهالي مفاجأة امبارح .
ايهم ابتسم بهدوء ./دي احلي مفاجأة .
زين ابتسم بهدوء ./اومال فين رحيم انا مشفتوش خالص .
ايهم ابتسم بهدوء ./عند ماما من امبارح . بس شويه و جايين .
زين ابتسم بهدوء . و هو بيشيل حنين من ريماس . / علي بال ما نروح و نرجع يكون جه .
ريماس ابتسمت بتحذير ./بس اوعي متجوش .
زين ابتسم بهدوء./لا اكيد هنيجي يلا باي .
و سحب ليلي من ايديه و مشيوا . ايهم اتنهد بتوتر . و هو خايف من مواجهة حازم بعد ما يعرف أن ليلي . سافرت عشان اتجوزت مش عشان شغل جديد . و بيدعي أن اليوم يعدي من غير اي مشاكل .
ووووو....
