رواية لم يكن قراري الفصل الثاني بقلم جمانه السعيدي
سحبني من ايدي وحضني وبدأ يبوس بيه واني ادفع بي واصيح شبيك تخبلت
ما اكدر اوصف هاي اللحضه شكد صعبه عليه
اني مأمنه بي وابد ما مفكره ممكن يصير هيج شي
ادفع بي واريد اصيح ما اعرف صوتي وين راح يمكن من قوة الصدمه اختفى صوتي
يمكن عقلي انشل بهاي الدقايق
ادفع بي كل قوتي بس هو أقوى مني بهواي
ماحسيت اله دقايق وملابسي انشكن عليه وما اعرف ألملم نفسي لو اصرخ لو اشرد لو ادفعه
لو كلهن لازم اسويهن
صار عليه هجوم شرس وسريع حسيت هاي الفكره مسيطره عليه
لان شافني ابجي وادفعه وهو بعده
يحاول يغتصبني
جنت اضن لحضات وارح ينتبه النفسه ويعوفني
بس بدا يضربني ضربات قويه
حتى استسلم وارضى واقبل بلي كاعد يصير
الشيطان كان مسيطر على عقله تماما
ماكو دقايق وانتهى كلشي
دقايق كانت كفيله تنهي حياتي
دقايق وانتهى مستقبلي
كمت ابجي واني اجر النفس بلكوه فحطت واني ادافع عن نفسي جمانه السعيدي
كام وكف عدل ملابسه وطلع من البيت
واني بقيت مثل الطير المذبوح
امدده بلكاع وابجي وجسمي كله يوجعني
احس نفسي ما اكدر اكوم ولا اكدر اسوي اي شي
كل هذا الي صار واني بعدني ما مصدكه غمضت عيوني ودعيت الله يكون حلم
كابوس وهسه اكعد منه
ساعه كامله واني ا مدده وابجي
بعدين كمت اسحل بروحي سحل جسمي عبالك مكسر
ملابسي مشكله الدم نازل على رجليه
دخلت للحمام وفتحت الماي وكمت اصرخ واصرخ بس بعديش
اني انتهيت ودمرت حياتي للابد
اغسل بكل مكان لزمه وكل مكان قرب علي
واني ابجي وابجي ومآ اكدر اسكت
طلعت من الحمام رحت بدلت وجمعت ملابسي
وغراضي خليتها بلجنطه
طبعا ما أخذت كلشي لان ما اكدر حتى اوكف على حيلي
طلعت من البيت قبل لاتوصل ندى ويرجع هذا الحيوان للبيت
اجرت تكسي للنهضه وبعدين صعدت للعزيزيه
وكل الي يشوفني يبقى يباوع عليه هلكد ما عيوني وارمه من البجي وحالي يكسر الكلب
طول الطريق واني ابجي
آريد اسكت دموعي بس ما اكدر
اكو وحده كاعده يمي من شافتني ضلت اتباوع عليه
جمانه السعيدي
...شبيج خاله
هناء مابيه شي ومسحت دموعي
...عدكم حالة وفاة ميت عدكم احد
هناء اي ماتت انسانه عزيزه عليه حيل
...امج
....لا مو امي
بعدين ضلت تحجي وتسئل واني ابد ما رديت عليها
وصلت كوه امشي رجليه يتخربطن
وصلت الساعه بلثنين و٤٥ دقيقه
بابنا بي خيط سحبته ودخلت محد جان اكو صعدت الغرفتي كبل
شمرت الجنطه وتمددت على الجربايه
واني ما اعرف شراح يصير بيه
واني اصعد شافني مومل ابن اخوي الجبير عمره ٦ سنوات
اجاني هااا عمه اجيتي
هزيت راسي ومسحت دموعي
...ليش تبجين عمه
...مابيه شي تعبانه شويه
نزل جوه وشويه وصعدت امي
...هااا يمه هناء اجيتي ليش ما كلتي اجي اليوم
باوعت عليه واني احاول أدير وجهي منها
ياااا شبيج ليش تبجين
...هناء حرت شراح اكول واحجي
...شبيج احجي
...هناء السياره الي صاعدين بيها سوت حادث واجت تنكلب بينا بس الله ستر واني حيل خفت وبقيت ابجي
امي مدت ايدها ومسحت دموعي
واني لكيتها فرصه حضنتها وكمت ابجي حيل
...اسم الله شبيج يمه يااا خفتي خفتي من الحادث
الحمد لله الله ستر مابيج شي يوجعج شي
وكامت ادور بجسمي واديه
امي مابيج شي يايمه لاتبجين
واني اريد اسكت ما اكدر تمنيت لو صاير حادث صدك وميته ولا هذا الوضع الي اني بي هسه
غطتني امي وكالت راح احضرلج اكل وانتي تمددت شويه
بس طلعت دك التليفون باوعت ندى
بلاول ما ردت ارد عليها
دكت مره ثانيه والدكه الثالثه رفعت التليفون
جمانه السعيدي
هناء الوووو
ندى وين انتي شو ماكو بلبيت
...اني بيت اهلي
...شنو بيت اهلي موكلتي عندي امتحان باجر
...اجلو الامتحان واني حسيت نفسي تعبانه حيل واجيت الاهلي
...شبيج تعبانه شو الصبح جنج ورد وبعدين شبي صوتج
...اهوووو موكتلج تعبانه وسديت التليفون
غمضت عيوني وفكرت
اذا حجيت بيت اختي راح يدمر اكيد راح تطلك وشنو مصير جهاله وبيتها راح يضيع
واني اكبد راح يذبحوني راح يذبون كلشي براسي
راح يكولون لوما شايف منج شي ما اعتدى عليج
ياربي هذا الامتحان أقسى امتحان مريت بي بحياتي
انت تعرف يا الاهي اني مااليه كل ذنب
وكلشي صار غصبا عني مو بيدي
يارب ساعدني
امنيتي الوحيده انام وبعد ما اكعد
اتمنى هذا اليوم يكون اخر يوم بحياتي
ندى رجعت للبيت ومآ لكيت هناء رغم هي اليوم ما مداومه
اتوقع طلعت تشتري شي من برا
ولمن اتاخرت اتصلت عليها وكالت بيت اهلي
استغربت هي ما تسافرهيج فجئه وبدون ما تكول
بعدين خليل هم ماكو اتصل علي ما يرد
خليل ما اعرف اني شلون اتصرفت هذا التصرف اعترف
اني هليام اراقبه حيل
احب تصرفاته وضحكته احب الطفله الي بداخله
اليوم كالت ما اداوم ضل الشيطان يصوري شغلات
ويكلي هي تحبك هي تتصرف وياك هيج لان تحبك
رجعت للبيت وجانت موجوده وحدها
ومآ كدرت الزم نفسي وصار الي صار
رغم هي شكد حاولت تبعدني عنها ودموعها تشهد على صدمتها من الي صار
مجرد ما سويت الي بعقلي اتندمت حيل
وكانو كان واحد ثاني مسيطر عليه ومن اتأكد اني اخطئت
ابتعد عني هذا مو اني الي يسوي هيج
شراح اكول الندى وشراح اكول البيت عمي
اني اليوم سويت اعضم الكبائر
شفت ندى تتصل عليه كلت هاي هي اني انتهيت
اكيد لكت هناء بلبيت وحجتلها كلشي
ما رديت على التليفون بقيت افتر بلشوارع بدون وعي ومآ اعرف وين اروح
هناء امي جابتلي اكل وغصبتني اكل اكلت شويه وجابتلي حباية وجع راس وجاي
وغطتني وكالت نامي حتى تروح منج الخوفه
ندى ضليت بقلق هناء ليش راحت الاهلي وخليل ليش ما يرد
دزيت رساله الخليل
ندى خليل وينك يمعود اني قلقه عليك اكو شي صار شي
ليش ما ترد عليه
انت ماكو وهناء راجعه الاهلي ولله ضجت وحدي بلبيت
خليل من الرساله عرفت هناء ما حاجيه اي شي الندى
بس يجوز راحت تحجي الاهلها
دزيت رساله الندى
لاتخافين اني مابيه شي بس صديقي سوا حادث واليله ابات وياااا
وباجر ارجع
خليل خفت ارجع واخوانها اي لحضه يجون ويكتلوني
هناء ماكدرت انام ابد نار بكلبي تسعر وماتقبل تهيد
امي كل شويه تجي تشوفني وتروح واني اسوي نفسي نايمه لان ما عندي قابلبه للكلام ابد
جمانه السعيدي
خليل تعبت من المشي والتفكير اكل راسي ولله ندمان ما اعرف شلون تحولت حيوان
وشلون دمرت حياة هاي المسكينه
اخر شي الساعه ١١ بليل اجرت غرفه بفندق ودخلت
نمت بيها واني متوقع الأسوء يصير باجر
كعدت ثاني يوم على صوت التليفون باوعت ندى تتصل
...الووووو
...وينك خليل شنو صاحبك صار زبن
...الحمد لله
...يمته ترجع
...للعصر حالته تستقر وارجع
...منو صديقك اني اعرفه
...لا ماتعرفي ابد
...شلون صديقك واني ما اعرفه
...ندى لا تلحين ما تعرفي
...زين لاتصير عصبي انت عصبي وهناء قفلت التليفون بوجهي
خليل بلعت ريكي
ندى امي تكول السياره الي راجعه بيها هناء مسويه حادث وجايتهم حالته حاله عيونها وارمه من البجي
همزين ما ماتت اكلك خليل هي هم كالتلك اليوم ترجع الاهلي شو اني اتفاجئت بيها
خليل لا ما كالتلي يله اريد اروح
ندى على كيفك شبيكم محد متحملي كلمه لا تتاخر
خليل انشاء الله
ندى ضليت بلفراش واني فكره اجيبني وفكره توديني منا لمن تعبت كلش وراسي يوجعني لان بجيت هواي
خليل من شفت الوضع تمام رجعت للبيت بس ندى كل شويه تسولف على هناء
ندى خليل امي تكول هناء كلش مريضه وماتكوم من الفراش ومحد عرف علتها شنو شنو رائيك نروح نشوفها نهاية الاسبوع جمانه السعيدي
خليل لا ما اكدر عندي شغل
ندى خلاص اني اروح اني والجهال عود رتك تروح وياي بلكت هناء تشوفك وتحجي وياك وتصير زينه
خليل لا ما اكدر
هناء تمرضت ومآ اكدر اكوم واكلي كلش قليل والتفكير اكل راسي
امي تكول محسوده
لان اني بيضه وعيوني كبار وشكلي حلووو
كل اشويه امي تكول انحسدت لان داومت بس شافوها حسدوها زين ما ضاعت مني بنتي
ماخلت سيد يعتب عليها ما اخذتني اله شكد سوتلي ادعيه
واني حالتي ما تحسنت ابد
عفت الدوام وكرهت الحياة كلها
كلما تكول ناخذج للطبيب اني ارفض اخاف يسولي تحاليل
ويعرفون الي صار وياي
بقيت بلبيت وامي تندب حضها وماعدها غير بتي محسوده
دكتوره اني الدوره بعد ما اجتني من يومها وعرفت اني صارت وياي مصيبه
صار ٣ اشهر اني ما مداومه اكيد فصلوني اني هسه اتحججت صديقتي مدبرلتي واسطه ارجع للدوام وراح ابقى يمها اهلي يعرفونها ويثقون بيها وخلوني اجي
اني فعلا كاعده بيت صديقتي هسه لان بس هي وامها بلبيت
ومراح ارجع اله الكه حل الهاي المصيبه
