رواية لم يكن قراري الفصل الثالث بقلم جمانه السعيدي
دكتوره فدوه اروحلج خلصيني انتي الوحيده الي تكدر تخلصني من هذا الموضوع
ابتهال عملية الإجهاض بلنسبه اللج خطره لازم واحد من اهلج يعرف بلموضوع واحصل موافقه لان اني ما ضامنه العمليه تنجح
هناء شلون واحد من اهلي يعرف يعني حكمتي عليه بلموت
ابتهال باعي حبيبتي اني ما اكدر اقرر هاي العمليه اله بموافقت واحد من اهلج
يعني لازم واحد يكون مسول عليج يوقعلي قبل العمليه
ولاتعتقدين جاي اصعب الشغله عليج
اي دكتوره مراح تقبل تسويها على مسوليتها
هناء ما اكدر دكتوره ارحمي حالي
ابتهال اني اقترح عليج ترحين تكولين الامج وتشرحيلها كل الي صار
امج الوحيده الي تكدر تساعدج بهذا الموضوع
وراح تقدر حالتج ووضعج
امج راح تصدكج وتحاول تساعدج وياريت بأسرع وقت لان الوقت مو بصالحج ابد
هناء طلعت واني راسي يريد ينفجر معقوله اروح اكول الامي الي صار
اوووف ياربي شلون بيه
اروح اكللها والي يصير خلي يصير اذا الله كاتبلي عمر راح اعيش واذا كانت هاي نهايتي اني قابله بيها
آريد اخلص من هذا الكابوس الي موتني
رجعت البيت صديقتي طبعا هاي صديقتي مروه هي الي اقترحت عليه اروح الدكتوره ابتهال
رجعت وحجيت كلشي المروه
مروه اي كلام الدكتوره معقول احجي الامج اكيد راح تساعدج كلب الام ماكو مثله ابد
بقيت اتكلب وعيني ماتاخذ نوم ابد الحد مآ اذن اذان الصبح
رحت اتوضيت وصليت وكعدت على السجاده استغفر ربي
يارب انت تدري اني ماليه ذنب بلي صار ابد
وعمري مافكرت اعصيك يوم
اريدك تساعدني اطلع من هاي الشده
اني ماعندي احد غيرك يسمعني ويعلم بحالي
نمت ورا الصلا وحلمت اني امشي ولابسه ثوب ابيض
واكو نار جبيره كدامي حرت شلون اعبر
رحت من جهة اليمين ما اكدر اعبر رحت من جهة اليسار
ماكدرت اعبر
بهاي الاثناء سمعت صوت امي تحجي
صحت يمه يمه تعاي عبربني ما اكدر اعبر
راسا امي اجتني كتلها شلون عبرتي النار
كالت اني اعرف طريق هسه راح اعبرج منه لاتخافين
لزمتني من ايدي وعبرنا من نص النار خلصنا وطلعنا بس اني لكيت شعري محترك
بس شعري محترك
باقي جسمي وملابسي سليمه كلشي ما بيها
جمانه السعيدي
طفرت من النوم لكيت الساعه تسعه الصبح
اخذت ملابسي وقررت ارجع الاهلي واحجي الامي كل الي صار والباقي رب العالمين يدبره
وصلت مالكيت احد بلبيت بس امي زوجت اخوي رايحه هي والجهال الاهلها
واخوي الثاني بلشغل
امي هله
هناء هله بيج يمه ودنكت عليها وبستها
امي اسويلج ريوك
هناء لا يمه ما اشتهي اني من اجوع اتريك
امي بشري شغلتج كملت
هناء اريد احجي وياج بموضوع كلش مهم
امي خير شكو
هناء دقيقه خل أسد الباب زين خاف احد يجي
جمانه السعيدي
امي باوعت عليه بتركيز وخوف
هناء اني راح احجيلج مشكله صارت وياي وادري انتي الوحيده الي راح تصدكني
واني ماليه احد غيرج احجيله واثق بي
امي احجي خوفتيني فصلوج من الكليه
هناء ياريت على هاي تهون
امي احجي مو كلبي كام يوجعني
هناء اوكفي دقيقه رحت جبت القرآن وخليت ايدي علي وكتلها وحق هذا القران مالي ذنب بلي صار
كلشي صار مو بيدي
امي احجي
هناء وبديت احجليها كلشي صار وياي بذاك اليوم النحس
واني حاولت امنعه بكل طريقه بس ماكدرت هو أقوى مني
امي بدت تعيط وتملخ بوجها وهي بعدها ماتدري اني حامل
من هذا الحيوان
اني بس شفتها تبجي اني هم كمت ابجي
امي ياربي واني اكول بتي شبيها لا ياخنزير ولك خليتها يمك امانه هيج تسوي بيها
الله لايوفقك دنيا واخره ولك ليش هاي عرضك
ما خفت من عدنا خاف من ربك
ساعه كامله تبجي وتدعي وحالتي اسوء من حالته اريدها تهدء ماكوووو
هناء مسحت ادموعي ولزمت اديها لان هي تضرب على وجهه يمه فدوه اهدئي شويه
مو هنا المصيبه المصيبه اني هسه حامل
امي انصدمت سكتت ماعدها اي ردت فعل بس فاتحه عيونها كامت ماتحجي كلش خفت عليها
هناء يمه حاجيني يمه فدوه ردي عليه ياريتني ميته
ولا اشوفج بهاي الحاله
يمه فدوه حاجيني ترا وضعي ما يسمح باي مصيبه ثانيه
رحت جبت ماي وغسلت وجها وعيونها واديها
راسا كامت تبجي وتنحب نحيب
بجيها وونتها تكسر الكلب
امي اني اروح اكتله خلاص خاين الامانه مع الاسف هذا ماخذ اختج
هناء يمه ما اريد احد يعرف
اختي اذا عرفت راح تتطلك
وجهاله يتبهذلون وبيتها يخرب
واكيد الكل يريد يعرف السبب ليش اطلكت واذا انعرف السبب اني خواني يكتلوني وسمعت عائلتنا راح تضيع للابد
اني اريد انزل الطفل بس الدكتوره تكول هاي مسؤليه
لازم واحد من اهلج يحضر ويوقع على العمليه
اريدج ترحين وياي البغداد بحجة زياره
حتى اسوي العمليه ونرجع
امي يبوووي على حضج يهناء يبوووي على هاي المصيبه
هناء يمه اسمعيني التأخير مو من مصلحتنا ابد
امي مسحت دموعها وكالت باجر الصبح اخذج واروح البغداد
لمن اجو اخواني شافو وضع امي مو تمام سئلوها شبيج
امي مابيه شي ضايجه على اختكم وباجر اريد اخذها للكاظم دخيله بلكت تصير زينه
اخواني انطوها مصرف وامي جانت مجمعه كم فلس الوكت العازه ورحنا الصبح اول رحنا للأمام الكاظم ودخلنا علي واني وامي بس نبجي
وندعي الله يطلعنا من هاي المصيبه ومايصير شي موزين
بعدين رحت للدكتوره للمستشفى
طبعا هي موصيتني ما اكل قبل العمليه واني فعلا كلشي ما اكلت
بس امي توسلت بيها تاكل ومآ قبلت كالت اريد ابقه صايمه منا لمن اشوفج اطلعين من العمليه سالمه جمانه السعيدي
دخلت للعمليات وامي بقت برا كاعده وتدعي
لمن بدت الدكتور بلعمليه صار عندي نزيف حاد بسبب
الاجهاض ومتكدرت اسيطر علي
طلعت الامي وكالت الها
ابتهال خاله حالت بتج بخطر مضطرين نرفع الرحم او تموت بسبب النزيف
امي لا خاله كلشي ولا تموت فدوه اروحلج سوي اي شي بس بتي تبقى عايشه
دخلت الدكتوره ورفعت الرحم
يعني اني ادمرت حياتي بعد لا اكدر ازوج ولا يصير عندي اطفال كل عمري
انتهت حياتي بسبب لحضه شيطانيه
بسبب شهوه حيوانيه
بسبب مجرم عايش حياته بلطول والعرض
فتحت عيوني من البنج لكيت امي كاعده وتبجي عليه
فتحت عيوني ورجعت سديتهن
اسمع امي تبجي وتحجي وياي بس اني ما اكدر احجي
احس راسي ثكيل
سمعت اخوي خابر يطمن علينا
وامي كالتله احنا نبات اليله بلكاظم
للعصر يله كدرت افتح عيوني واحجي ويه امي
بلبدايه ما كالت الدكتوره رفعنا الرحم خاف تنتكس حالتي
بقينا بلمستشفى الثاني يوم
اختي خابرت كالت انتم ابغداد من امس ليش ماتمرون عليه
امي احنا جايين نزور مو جايين مسيرين عليج
ندى يمه شبيج ليش عصبيه وياي اني شسويت
ولله مشتاقه الكم
امي غير وكت ونمر عليج
ندى ليش مايجيكم خليل بسيارته ويجيبكم
امي انتي ليش تلحين وسدت التليفون
صرت شويه احسن ثاني يوم وامي كالت نطلع نروح الاهلنا
اجت دكتور ابتهال وسجللتلي علاج وكالت لازم تلتزمي بي
حتى لاتصير عندج اي مضاعفات
بعدين كالت اني اسفه حياتج جانت بخطر وضطرين نرفع الرحم
احس الحزن محاصرني ولمصايب واكفه سرا عليه
الرحم انشال يعني بعمري مراح اكون ام ابد
الله يضلم بلضالمين
سكتت وبعد ماعدي قابليه للحجي ابد
امي طلعت اجرت تكسي تأخذنا للبيت كبل
وصلنا واني كوه امشي
اخواني جانو بلبيت اثنيينهم
جمانه السعيدي
اول ماشافوني هيج استغربو
...شبيه هناء ليش هيج تمشي وهاي الكانونه بايدها شنو
امي مابيه شي تخربطت عندي ورحنا للمستشفى
وكالو عدها مصران اعور ولازم العمليه هسه ما تتاجل بسرعه
اخذوها مني للعمليات
واني ما اعرف اخابر ولكيت التليفون طافي شحن
...يمه شلون تسويلها عمليه وحدج ليش ماخابرتينا
امي يمه قدر وصار والحمد لله طلعت سالمه هسه تصير زينه زين ما انفجر بطنها وماتت
...الحمد لله على سلامتها
امي نومتني بغرفتها وتطبخلي بايدها وحتى الابره علمتها عليها بنيه جواربنا وتضربني كل ست ساعات ابره بلكانونه
اسبوع وصرت زينه
بس شنو الفايده ضاع شرفي وضاع مستقبلي
وحتى الكليه ضاعت عليه
حسيت الدنيا سوده بعيني
واني وجودي بعد ماله داعي ابد امي اسمعها تدعيلي دائما
واني أصبحت انسانه كئيبه كلش قليلة الكلام قليلة الحركه
قليلة التفاعل ويه الاحداث الي تصير
ضاعت عليه هاي السنه حرامات
