رواية في قبضة الفهد ج 3 الفصل الثاني والثلاثون بقلم جنات
فى محزن قديم .
جاد بدأ بفتح عينيه وكانت الرؤيه مش واضحه .
وافتكر اللى حصل لما السواق اتحرك بالعربيه ولما مشي شويا لف ورش حاجه فى وشه ووقتها جاد فقد الوعى .
جاد لسه هيتحرك لاقى نفسه قاعد على كرسي وايديه ورجليه مربوطين بشده .
وكان بيحاول يفك نفسك بس ماكنش عارف وده عصبه .
واتصدم لما سمح صوت اللى جمبه وبصله كان حازم مربوط زى ووشه كله كدمات وجروح:منور يا باشا .
جاد:حازم
وبص على الباب اللى اتفتح واتصدم لما شاف اللى واقف قدامه .
جاد بصدمه:انت ... ازاى ؟!!
الشخص قعد على الكرسي اللى قدامه:انت مفكر انك ممكن تخلص منى ... تؤ تؤ .... اصل انت بتلعب لوحدك ومفكر نفسك ذكى ..... لكن انا بلعب مع الكبير واللى يلعب مع الكبار ما يخسرش ابداا يا باشمهندس .
جاد بص لحازم:مش الواد ده كان مات !
حازم:لا مانت هتتفاجأ كتير هنا متقلقش .
جاد:يعنى انت كنت عارف ان رياض لسه عايش !
حازم:لسه عارف قريب لما جيت هنا .
رياض ضحك:صعبان عليا وانت هتجنن كدا .
رياض قام وقف وبص على الباب اللى دخل منه الفهد اللى جاد صدمته زادت لما شافه .
الفهد قعد على الكرسي وحط رجل على رجل:باين على وشك الصدمه مش محتاج تتكلم .
دخل مراد وادم وفهد اللى نظرته للجاد كانت كلها غضب وغل ونفسه يقتله الوقت بس طبعاا جده محذره ماياخدش اى خطوة غلط .
جاد:انتو عاملين عليا عصابه ... احب اقولكو مش هتقدرو عليا .... انتو متعرفوش انا مين !
الفهد:انت مين ! .... اقولك انا انت مين .... انت واحد مريض نفسى مفكر نفسه بيخطط وبينفذ من غير ما يقع .. صح ؟
جاد ضحك:طبعا صح ... مانا مادوخكو ورايا ومش قادرين توصلو ليا حتى الاتنين اللى مفكرين نفسه رتبه بقااا مش فالحين حتى يوصلو لحاجه .
مراد وادم بصو لبعض وضحكو .
الفهد:محدش يقدر يدوخ الفهد وراه ... دانا ادوخ بلد يالا ولا حته عيل برياله زيك يدوخنى ... صح مبروك شركتك اللى بقت فى الارض .
جاد:انت جايبنى هنا عشان تشمت فيا .
الفهد:بظبط كدا .
جاد بغضب:وليه بقااا !
الفهد بحده:لو انت مفكر انك بتعمل حاجه من ورا ضهرى .... تبقا عبيط يا جاد ... دانا الفهد .... ولو مش عارف مين الفهد ... انصحك تزور الست الوالده فى السجن واسالها مين الفهد هى اكتر واحده هتفيدك فى الموضوع ده .
جاد بصدمه:انت عرفت ازاى ؟؟
الفهد:خلينى اعرفك انى عارف عنك كل كبيرة وصغيرة من قبل ما تيجى مصر .
جاد:ولما انت عارف كل حاجه ... كنت باعت اسامه يدور ورايا ليه !
الفهد:اسامه اللى انت امرت رجالتك يقتلوه مش كدا .... وعلى العموم كان تمويه مش اكتر .... يمكن مقدرتش احميه كويس ... بس حقه هيرجع متقلقش .
جاد:يعنى الوقت بنلعب على المكشوف يا فهد .
الفهد ضحك اوى:تلعب ... اممم بس خلينى اعرفك انت مش قد اللعب مع الفهد .
جاد:ليه ... مانا بلعب معاك من زمان .... واللعب كان جامد الصراحه .
الفهد:لعبتك دى انا كنت ماشي معاك فيها كل خطوة ... تحب تعرف ازاى ؟
جاد بصله .
الفهد:من قبل ما تيجى مصر يعنى من اول ما اتوصلت مع شركتنا وقتها عرفت كل حاجه عنك ... لما اسامه قال ان امك فى السجن ما كنتش مستغرب ولا متفاجأ ... لانى عارف ان والدك فريد وانا عارفه كويس جداا ومتاكد ان فريد متجوزش غير ست واحده بس وهى صوفيا .... وعمك فرانكو اللى انت جاى على اساس تنتقم منى ليه .... بس خطتك اتغيرت لما شوفت حياه .
جاد:دى بقاا ماعرفتهاش غير منها اكيد .
الفهد:تؤ ... من اول مابعت المسدجات لفهد ... اصل احفادى انا مربيهم مش اى تربيه بردو ... ويعرفو يوصلو لاى رقم بسهوله جدااا بس قصه انهم معرفوش دى تمويه بردو .
فهد بص بغضب لادم اللى غمزله:دى اوامر الفهد يا معلم .
الفهد:الراجل بقا اللى انت مربيه طلع غبي ... لانه بيشترى الخطوط ويسجلها باسمه ودى اول حاجه كشفتك يا جاد .
جاد بص لحازم بغل .
الفهد:وحادثه حياه .... وقتها ادم قدر يوصل لصاحب العربيه وجابه ومن اول قلم اعترف ان انت اللى كلفته بالمهمه دى ..... وتانى بوكيه بعته على الشركه ... معتز اللى كان بيراقب رياض كان شغال تبعى انا كمان بس طبعاا فهد ماكنش يعرف بده ... وقتها معتز قالى على محل الورد وروحت بنفسي وللاسف الراجل قال اسم حازم ان هو اللى جابله الفلوس .... وقتها حسيت انك بتوقع رياض بعد ما ادم قالى على شك فهد فيه ... ولما فهد الشرطه مسكته بتهمه قتل رياض وقتها روحت المستشفى وطلبت من الدكتور المسؤل عن حاله رياض يكلمنى اول ما يفوق ..
•• فلاش بااااك ••
الفهد وصل المستشفى وقبله الدكتور المسؤل عن حاله رياض .
الدكتور:رياض فاق وانا كلمت حضرتك على طول .
الفهد:تمام .
الفهد دخل لرياض اللى كان تعبان جدااا:حمدلله على السلامه يا رياض .
رياض اتفاجأ بوجود الفهد:الله يسلمك يا باشا .
الفهد:مين اللى عمل فيك كدا يا رياض ؟!
رياض خاف يقول والفهد لاحظ خوفه:قول متخافش يا رياض انا معاك وهحمى اخوك من اى شر .
رياض بتعب:جاد ... وهددنى باخويا وحبيبتى .
الفهد:طب اسمع اللى هقولك عليه وتنفذه بالكلمه سامع .
رياض هز راسه والفهد بدأ يقوله على الخطه .
•• بااااااك ••
الفهد:وفهمنا الكل ان رياض مات ومحمود الظابط كان معانا هو كمان .... وبعدها خرج من المستشفى وكان فى حمايتى انا .
جاد بص لرياض بغل .
رياض:معلش يا باشمهندس اصل اللى يلعب مع الفهد عمره ما يخسر ابداااا .
فهد طبطب على كتف رياض .
الفهد:وكاميرا اللى كانت فى سوبر ماركت اللى قدام عمارة رياض ... انت مفكر انها اتعطلت لوحدها كدا .... تؤ تؤ انا اللى امرت تتعطل ... عشان اسيبك تلعب على الهادى واعرف اخرك ..... والحوار اللى عملته مع ديما عشان تنتقم من ادم ... عايز اقولك ان انا اللى بلغت الشرطه وكان معاهم وليد لانى عارفه كويس وعندى ثقه فيه .
ادم:مفكر انك تقدر تشوه سمعه حد من عيله الفهد كدا بساهل ولا ايه ؟! .
جاد بص للفهد:ولسه ايه كمان ؟
الفهد:كاميرات الشركه اللى انت لعبت فيهم عشان منعرفش انك امرت الحارس يدخل ويعمل دوشه جوا عشان يتصلو على فهد ويسيب الحفله ويمشي ووقتها تقدر تقرب من حياه .... بس اللى انت متعرفوش ان فى كاميرات سريه فى الشركه كلها وجابت الحارس وهو داخل ولما ادم جابه واخد العلقه التمام اعترف ان تلميذك الفاشل امره يعمل كدا واداله قرشين حلوين ..... اما بقااا تهديدك لحياه هى جت وعرفتنى ووقتها جيتلك الشركه وانت فهمت من تهديدى ان حياه قالتلى ووقتها عرفت فهد انك انت اللى بتهدد حياه .... وخرج وقتها من القصر وكان متعصب وجاى يقتلك بس انا حذرته ميعملش كدا وخليته يعمل سلسله فيها GPS لحياه لانى ماكنش عندى ثقه فيك ..
جاد كان بيسمعه ومش متخيل قوة الفهد ... هو دايما يسمع عنه بس اول مرة يشوفها بنفسه وواضح انه استخف بيه وبعيلته جداا .
الفهد:نيجى بقااا لاهم نقطه وهى محاوله قتلى .... انا فعلا اخدت الرصاصه ودخلت فى غيبوبه بس هو اسبوع واحد بس .
•• فلاش باااااك ••
ديما كانت داخله اوضه الفهد فى المستشفى عشان تعطيه العلاج عن طريق المحلول واتفاجات لما لاقت الفهد بيحاول يحرك ايده ويفتح عينيها .
ديما:جدو ... حضرتك كويس صح ... جدو انت سامعنى .
الفهد فتح عينيه وهز راسه بالايجاب .
ديما: دى توتا هتفرح اوى والعيله كمان .
ديما لسه هتتحرك الفهد مسك ايدها وديما بصتله والفهد هز راسه بلا.
ديما:حضرتك مش عايز حد يعرف ؟
الفهد هز راسه باه ومد ايده شال جهاز التنفس الصناعي:ادم .
ديما: حضرتك عايز ادم .
الفهد هز راسه باه .
ديما:حاضر يا جدو .
•• بااااك ••
وفضلت امثل انى فى غيبوبه على الكل ماكنش حد عارف غير ادم ومراد وفهد وديما .... طبعا كنا مراقبين تلميذك الفاشل ده وعرفنا انه بيروح لهنا وخطفناه وبلغت وليد وراح قبض عليها واخدت ٥ سنين حلوين .
حازم اتصدم لانه ماكنش يعرف .
الفهد بصله:بس مراتك طلعت اصيله اوى ماجبتيش سيرتك ابداا فى القضيه ... نسيت اقولك مبروك على حمل مراتك .
جاد:مراته مين ؟!
حازم كان مصدوم ومش متخيل اللى مرت بيه هنا فى غيابه وهى كمان حامل .
الفهد:مراته هنا ... اصل حازم اتجوزها .... اللى ماحسبتش حسابه انك تخطف حياه وابنها .
جاد ضحك:يعنى لعبت صح مرة وكانت اصعب مرة كان فى ايدى حفيد حفيد الفهد ... مش سهل بردو .... وحياه كانت معايا لولا تعبها كانت هتكون ليا انا وبس .
فهد اتعصب وقرب من جاد وبقي يضربه بقوة .
الفهد:فــــــهــــــد ... ميستاهلش ... حقك هتاخده متقلقش .
جاد:وانت جايبنى هنا ليه ... مسلمتنيش لشرطه من الاول ليه ؟!
الفهد:كنت لازم اعرفك انك غبي يا جاد .... بس متخافش هسلمك بايدى ... ادم .
ادم قرب من جاد وفك ايديه وحط الكلبشات فى ايديه ودخل وليد وقبض على حازم وجاد اللى كان بيتعامل ببرود كأنه رايح رحله مش سجن .
فهد قرب من جده وحضنه:حمدلله على سلامتك يا جدو .
الفهد طبطب على ضهره:الله يسلمك يا وحش .
مراد:هترجع معانا يا عمى ولا هتروح المستشفى ؟!
الفهد:هروح لنبض قلبي اجيبها وارجعلك القصر .
الشباب:ايواااا بقاااا يا كبير .
رياض قرب من الفهد:مش عارف اشكر حضرتك ازاى .... حضرتك عملت معايا اللى اهلى معملهوش .
الفهد:انت بطل يا رياض وتستاهل كل خير .... عايزك تجهز نفسك عشان ترجع شغلك من تانى مكانك مستنيك .
رياض:اكيد يا فهد باشا .
الفهد:وكمان جهز نفسك عشان اجى معاك عشان تتقدم لبنت الجيران .
رياض:بجد يا باشا !!
فهد:هو من امته الفهد بيقول اى كلام يا باشمهندس .
رياض ضحك:مش قصدى والله تسلم يا باشا والله .
الفهد:يلا روح لاخوك اكيد وحشك .
رياض حضن الفهد وخرج بسرعه من المخزن .
الفهد:يلا وصلونى المستشفى وكل واحد على شغله .
الشباب خرجو مع الفهد .
بقلم الكاتبة جنات
ــــــــــــــــ★ــــــــــــــ
فى المستشفى .
ديما دخلت اوضه تمارا:توتا جدو موحشكيش ؟
تمارا:وحشنى اكيد .
ديما:طب تعالى شوفيه وقعدى واتكلمى معاه براحتك .
تمارا:مش الزياره ممنوعه !
ديما:تعالى بس مش المهم عندك تشوفى جدو .
تمارا:اكيد .
تمارا خرجت من اوضتها وراحت على الاوضه اللى فيها الفهد اللى كان نايم على السرير ودخلت وقعدت على الكرسي جمبه ومسكت ايده:وحشتنى اوى يا فهد ... ارجعلى بسرعه بقااا اول مرة تبعد عنى المده دى كلها .
تمارا غمضت عينيها ودموعها نزلت وفتحت عينيها بصدمه لما حست بايد بتمسحلها دموعها.
تمارا:فهد .
تمارا رمت نفسها فى حضنه والفهد ضمها ليها بحب كبير واشتياق:وحشتينى يا نبض قلبي .
تمارا:الحمدلله انك بخير يا فهد الحمدلله .
الفهد:خلينا نرجع القصر .
تمارا:انت اكيد لسه تعبان نطمن عليك وبعد كدا نرجع سوا .
الفهد:انا بخير يا تمارا ... تعالى نمشي وانا هفهمك كل حاجه فى الطريق .
تمارا بصت على لبسه اللى ماكنتش اخده بالها منه انه لابس بدله مش لبس المستشفى:انت غيرت امته ؟!
الفهد ضحك:لا انتى فايتك كتير اوى يا توتا ... تعالى نمشي وفى الطريق افهمك .
ديما دخلت:واخيرا هتنور القصر يا جدو .
تمارا بصتلها:بت انتى متفقه معاه على حاجه مش كدا ؟!
ديما ضحكت:فى حمايتك يا جدو بقااا .
الفهد:طب يلا نمشي .
تمارا: اومال حسن وكنان وراكان فين ؟!
ديما:رجعو القصر يا توتا .
تمارا:هما معاكو فى الخطه ولا ايه ؟!
الفهد ضحك:حاجه زى كدا .
الفهد خرج وهو ماسك ايد تمارا وديما وركبو العربيه وفى طريقهم للقصر .
بقلم الكاتبة جنات
ــــــــــــــــ★ــــــــــــــ
فى القسم .
وليد كان بياخد اقوال حازم وجاد اللى كان الصمت مسيطر عليه ومش بينطق ابدااا ومش مستوعب ان الفهد كان ماشي معاه خطوة بخطوة .
وليد:سكوتك ده مش هيفيدك يا جاد لازم تتكلم .
وليد بص لادم .
ادم:سواء اتكلمت او لا اللى عملته مش قليل وهتاخد عقابك عليه .
حازم:وانا يا باشا ؟!
وليد:انت حكمك هيكون خفيف عنه لانك كنت أداة هو بيحركها .
حازم:ممكن اطلب طلب يا باشا .
وليد:قول .
حازم:عايز اشوف مراتى ونبي .
ادم بص لوليد ورجع بص لحازم:فى الوقت الحالى صعب ... بس انت اكيد لما يتحكم عليك هتتحول على السجن اللى هى فيه .... ووقتها اقدر اساعدك انك تشوفها .
حازم:تسلم يا باشا .
وليد نادى على العسكرى ياخدهم على الحبس لحد ما يتحولو على النيابه ويتحكم عليهم .
وليد:واخيرا اخدت حق مراتك كدا بقااا هتنام مرتاح .
ادم:حق العيله كلها يا صاحبي مش مراتى بس ... البنى ادم ده عيشنا ايام اسود من قرن الخروب .
وليد ضحك وادم ودعه ومشي ورجع على القصر .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل متجمعين بامر من فهد فى الريسبشن .
حياه شايله ابنها والبنات حوليها بيلاعبوه .
فهد عينه على حياه اللى ضحكتها رجعت تنور وشها من تانى .
فى اللحظه دى الفهد دخل مع تمارا وديما وادم وراهم .
تمارا اللى كان باين عليها انها مضايقه جدااا .
ديما بصوت عالى :مفاجأه .
الكل بصو على ديما واتفاجاو بوجود الفهد .
الشباب والرجاله كانو عارفين طبعااا .
الماميز والبنات فرحو .
حياه طلعت تجرى وهى شايله ابنها على حضن الفهد اللى ضمها لحضنه .
حياه:وحشتنى اوى يا جدو .
الفهد رفع وشها عشان تبصله:ايوا كدا عايز ضحكتك تنور وشك دايما .
حياه:بص ابنى يا جدو .
الفهد اخده منها وباس راسه:ماشاء الله يتربي فى عزكو يا ولاد ... سميتو ايه ؟!
فهد:حياه مش راضيه تسميه غير لما حضرتك تقوم بسلامه وتختار اسمه بنفسك .
الفهد بص لحياه وابتسم .
حياه:اختار اسم يا جدو .
الفهد بص لطفل اوى:فهد .
كنان:فهد تااااانى .
كلهم ضحكوووو
حياه:احلى اسم والله يا جدو .
فهد:خلاص اعتمدنا الاسم وبكرة باذن الله هروح اسجله .
حنين قربت من الفهد وحضنته:بجد يا جدو وحشتنى اوى ... بلاش تسيبنا مرة تانيه .
الفهد:وانا اقدر ابعد عنك يا مجنونه .
حنين:حبيبي يا جدو .
الكل سلمو على الفهد وقعدو سوا .
زين:حضرتك مضايقه من حاجه يا ماما ؟!
تمارا:انتو ازاى تعرفو ان فهد فاق من الغيبوبه ومحدش يقولى !
مروة:مش هو لسه فايق النهارده ؟!
تمارا:اسكتى ونبي داحنا فايتنا كتير اوى يعنى .
تمارا بدات تحكيلهم كل اللى الفهد حكاه ليها وهما فى العربيه والكل كانو مصدومين ومبهورين بقوة الفهد .
الفهد بص لديالا: شكرا يا ديالا على وقفتك معانا .
ديالا:متقولش كدا يا عمو ... انا بجد بحب حياه والعيله كلها .
الفهد:انتى من النهارده فرد من العيله ... وجهزى نفسك عشان نفرح بيكى انتى والدكتور حسين .
حسين بص لديالا وابتسم ورجع بص للفهد:بعد سنويه عمى فريد ناوى اعمل احلى واكبر فرح لديالا .
البنات:اوووووه .
ديالا اتكسفت وكانت مبسوطه جداااا ........
