رواية صدفة عشاق الفصل الثاني والثلاثون
ليلي ابتسمت بهدوء و اتحركت ناحية زين . و هي بتصحيه .
و اتنهدت بضيق ./زين يلا هتتاخر . يوه بقي يا زين .
زين فتح عينه بضيق . و ابتسم بهدوء ./هو في صباح حلو كده .
ليلي ابتسمت بهدوء . و هي بتقوم ./يلا يا زين هتتاخر علي الشغل .
زين اتعدل و هو بيتكلم ./حنين صحيت .
ليلي هزت راسها بهدوء ./هنستناك علي الفطار .
و ابتسمت بخبث و هي واقفه علي الباب . و باسته علي الهواء و نزلت . زين ابتسم عليها بحب . و خد حاجته و دخل الحمام .
ليلي فضلت قاعده مع حنين . لحد ما زين قرب منهم . و ابتسم بهدوء و هو بيشيل حنين . و يبوسها ./صباح الخير يا قلب بابا .
ليلي ابتسمت عليهم بهدوء . / هتيجي معايا عند الدكتوره انهارده .
زين هز رأسه بهدوء ./ هعدي عليكي نودي حنين عند ماما . و نروح سواء . بس انتي ليه خلتينا نغير الدكتوره .
ليلي اتنهدت بهدوء ./حسيت اني محتاجه حد احسن . و سألت علي دكتوره و قالولي عليها . فـ هتبقي كويسه إن شاء الله .
زين هز رأسه بهدوء . و هو بيأكل حنين ./إن شاء الله .
__________________________________________
حازم اتنهد بهدوء . بعد ما عرف أن ندي دخلت غيبوبه . و قعد علي الكرسي بتعب من التفكير . و هو بيحاول يعرف ايه علاقه زين بـ ندي . و اتنهد بتعب لما أتأكد أنه مش هيوصل لـ حاجه . غير لما هي تفوق . و قام يتابع شغله بهدوء .
__________________________________________
ريماس ابتسمت لـ ايهم بحب ./عارف بقالنا قد ايه بعاد عن بعض يا ايهم . كنت حاسه أننا خلاص نسينا بعض .
ايهم باس راسها بحب ./انا مقدرش انساكي لحظه يا ريماس . كل حاجه بعملها عشانك و عشان رحيم . و بعدين ما أنا واخد تلت ايام اجازه . مش كفايه دول و لا ايه .
ريماس هزت راسها برفض . و هي بتدخل في حضنه ./مش كفايه اي حاجه يا ايهم . انت بتوحشني حتي و انت معايا .
ايهم حرك ايده علي شعرها بحنان . و هو بيشدد علي حضنه ليها ./ انا عارف اني كنت مأثر معاكم الفترة اللي فاتت . بس كان غصب عني يا ريماس . انتي شايفه حازم مكنتش مهتم بـ اي حاجه . و انا و علي اللي كنا شايليت كل حاجه . و اول ما لقيت الوقت المناسب اللي قدرت اكون معاكي في . عملت كده مش صح .
ريماس ابتسمت بهدوء و هزت راسها ./صح .
ايهم ابتسم بهدوء ./ طب يلا اجهزي انتي و رحيم . عشان نخرج خروجه عائليه متكامله انهارده .
ريماس هزت راسها بفرحه و مشت . ايهم ابتسم عليها بهدوء . و راح يجهز .
__________________________________________
في العربيه .
ليلي كانت راكبه مع زين . بعد ما راحوا لـ الدكتوره .
زين ابتسم بهدوء . و هو ملاحظ سرحان ليلي ./ايه يا حبيبتي سرحانه في ايه .
ليلي ابتسمت بخفه ./لا عادي مفيش .
زين مسك ايديها . و ابتسم بحب ./مش قادر اوصفلك فرحتي بالبيبي ده يا ليلي . حاسس اني اسعد واحد في الدنيا .
ليلي ابتسمت بتوتر . و اتنهدت بهدوء ./تفتكر احنا غلطنا يا زين .
زين بصلها باستغراب ./غلطنا في ايه .
ليلي اتنهدت بهدوء ./اني خبيت علي حازم اني كنت حامل . ممكن نكون غلطنا أننا حرمناه من بنته .
زين ركن العربيه . و اتنهد بضيق ./انتي فاكره كلامك وقتها يا ليلي . كنتي عايزه تموتي حنين و انتي حامل . و كنتي عايزه تهربي من مواجهة حازم ليكي . تفتكري الاحسن أن حنين كانت تموت . و لا انك تربيها تربيه كويسه . مش وسط اب خاين و ام مش قادره ترجعله . تفتكري لو حازم عرف ممكن يسبهالك يا ليلي .
ليلي اتنهدت بتعب . و غمضت عينيها . زين مسك ايديها بهدوء ./اللي عملناه كان الصح يا ليلي . لـ حنين و ليكي .
ليلي هزت راسها بهدوء و سكتت . و زين كمل سواقه بهدوء .
__________________________________________
حازم دخل اوضته بتعب . و هو بيبص علي كل جزء في الفيلا . و ابتسم بسخرية . و هو بيرمي نفسه علي السرير . و حط أيده في جيبه . و هو بيطلع دبلته . و اتنهد بدموع ./حتي دي مش هقدر اقلعها .
و غمض عينه بدموع . و هو بيفتكر كل حاجه بينه و بين ليلي . و ازاي كانت بتحبه و ازاي قدرت تكره . و سحب الصوره اللي جمبه و ابتسم بحب ./انا اتاكدت اني اسوء عقاب ليا . اني خسرتك يا ليلي .
غمض عينه بغضب . و هو مش قادر يسمع غير صوت دماغه . /كانت مراتك و بتحبك . كنت لقيت حب حياتك كله . بس مقدرتش توقف ضعفك .
دموعه نزلت بندم ./ياريت الزمن يرجع بيا تاني . مكنتش فكرت لحظه اني اسيب عقلي لـ ندي . و كنت حاربت ضعفي عشانك .
و كمل بتعب و هيسترية دموع ./ايهم كان عنده حق . و انا معترف اني كنت مستمتع و انا شايف نظرات الندم في عينيها . بس كنت بحبك انتي . كنت عايز اكمل حياتي معاكي انتي .
حازم سكت لـ لحظات . و خد نفسه بدموع ./انا غلطت . و بستحمل نتيجة غلطي دلوقتي .
__________________________________________
فات اسبوع . يبقي الوضع علي ما هو عليه .
ليلي كانت بتكلم ريماس . و هي مروحه . بعد ما جابت هديه زين .
ليلي اتنهدت بضيق . و هي بتكلم ريماس في التليفون ./يعني ايه يا ريماس . اسيب معاكي حنين تروحي مودياها هناك . انا هروح اجيبها بـ صفتي ايه بس .
ريماس ابتسمت بتوتر ./والله يا ليلي ما فكرت في حاجه . انا وديت رحيم و ليلي عند مامت ايهم . و جريت اول ما كلموني علي طول .
ليلي اتنهدت بهدوء ./طب و انتي عملتي ايه دلوقتي .
ريماس اتنهدت بتوتر ./ كلموني و قالولي أن في غلط . في تسليم اوردرات الشغل . و كان لازم اروح و لسه مستنيه الورق بتاعهم .
ليلي اتنهدت بضيق ./انا مش عارفه يا ريماس هروح هناك ازاي بس . زين لو عرف ممكن يعمل معايا مشكله .
ريماس ابتسمت بهدوء ./حقك عليا والله غصب عني . و انا مش هقوله اي حاجه . روحي خديها و انا متاكده انك مش هتقابلي حازم هناك . ده ميعاد شغلهم و زمانه راح الشغل اصلا .
ليلي هزت راسها بهدوء ./ انا داخله عليهم . لما اروح هكلمك تطمنيني عملتي ايه .
ريماس ابتسمت بهدوء ./حاضر .
و قفلت معاها . ليلي خدت نفسها بصعوبه . و هي بتبص علي الفيلا . و اتنهدت بضيق و هي بتسحب شنطتها و نزلت من العربيه .
ليلي دخلت و هي شايفه جيهان و سالي قاعدين في الجنينه . قربت منهم بتوتر . و اتكلمت بهدوء ./مساء الخير .
سالي و جيهان ابتسموا بهدوء . و جيهان قربت منها و هي بتحضنها ./وحشتيني اوي يا ليلي .
ليلي ابتسمت بهدوء . و هي بتحضنها ./و حضرتك يا طنط والله .
سالي قربت منها و ابتسمت بهدوء ./جايه عشان حنين صح .
ليلي هزت راسها بهدوء ./ريماس قالتلي انها جبتها هي و رحيم .
جيهان هزت راسها بهدوء ./اول ما شوفتها حسيت اني شوفتك قدامي . اتاكدت أنها بنتك من غير ما يقلولي .
ليلي ابتسمت بهدوء . و بصت بقلق . و هي شايفه رحيم بس ./اومال حنين فين .
سالي هزت راسها بهدوء ./مع سليم كانوا بيلعبوا مع بعض . استني هشوفهملك راحوا فين.
و سابتهم و مشت . جيهان ابتسمت بضيق مصتنع ./كده بردك متساليش عليا . احنا مش اتفقنا أن علاقتنا ملهاش دعوه .
ليلي ابتسمت بتوتر ./كان غصب عني والله . انا سافرت فجأة و كل حاجه حصلت بسرعه .
جيهان حركت ايديها علي كتفها بهدوء ./ربنا يوفقك في حياتك يا حبيبتي .
ليلي هزت راسها بهدوء . و اتنهدت بتوتر . و هي شايفه حازم بيلعب مع سليم و حنين . ليلي بلعت ريقها بصعوبه ./حنين ...
جيهان بصت عليهم باستغراب ./اه ما هما كانوا مع بع....
ليلي قاطعتها و هي بتمشي ناحيتهم . و سحبت حنين بسرعه . من ايد حازم . حازم بصلها باستغراب . و اتنهد بهدوء ./كانت بتلعب معانا انا و سليم .
سليم قرب من ليلي . و اتكلم ببراءة ./سبيها يا ليلي تلعب معايا شويه .
ليلي رجعت شعرها وره ودنها بتوتر . و هي ماسكه في ايد حنين ./مش هينفع . اصل انا متاخ...
سليم مسك ايديها برجاء ./خليكي معايا شويه بس . و بعدين امشوا .
ليلي حركت عينيها بتوتر . تحت نظرات حازم . اللي كان بيراقب توترها باستغراب . حازم ابتسم لـ حنين بهدوء ./يلا يا حنون . روح....
ليلي مسكت ايده بضيق . لما لقته بيمسك ايد حنين . و بعدته عنها . و ابتسمت بتوتر لـ سليم ./ ممكن تلعبوا حبه بس . عشان متأخرش .
سليم ابتسم بفرحه و مسك ايد حنين . و هما بيجروا . حازم وقف لـ مستوي ليلي . و هو بيراقب كل حركه فيها . /للدرجادي بتخافي عليها .
ليلي اتنهدت بهدوء ./معنديش غيرها اخاف عليه .
حازم اتنهد بهدوء . و هو بيتكلم بسخرية ./انتي ازاي كده يا ليلي .
ليلي اتنهدت باستغراب ./ ازاي ايه .
حازم ابتسم بسخرية ./ ازاي قادره تعيشي حياتك . و تتجوزي و تخلفي و تكمل كأن محصلش اي حاجه . ازاي عارفه تبقي قويه كده .
ليلي اتنهدت بهدوء ./عشان ده الطبيعي . و اللي كان لازم يحصل . لأن فعلا هو محصلش حاجه . يدوبك قلبي اتكسر . مكنتش ينفع افضل باصه لوره طول عمري .
حازم مسح على وشه بضيق ./قلبك اتكسر و صلحتيه . إنما أنا لسه زي ما انا . لسه مش عارف اشوف غيرك يا ليلي . و مش قادر اصدق ان مبقاش ليا الحق اقرب منك .
حازم كمل و عينيه لمعت بالدموع ./ انا مش عارف اسرق من عينك لحظه . احس فيها اني وحشتك . ازاي قدرتي تنسي كل حاجه كانت بينا يا ليلي .
ليلي رفعت عينيها بدموع ./عشان مينفعش توحشني يا حازم . اللي بتقوله مش هيفيد بـ حاجه . كمل حياتك يا حازم . و شوفلك واحده متعملش معاها اللي عملته معايا .
و سابته و مشت . حازم اتنهد بهدوء . و هو بيحبس دموعه .
ووووو.....
