رواية صدفة عشاق الفصل الخامس والثلاثون
بليل . ريماس اتنهدت بهدوء ./خلاص يا ليلي هنمشي . و بكره نيجي نطمن عليها .
ليلي هزت راسها برفض . و هي قاعده جمب حنين ./انا همشي في مكان غير و هي معايا .
راشد طبطب علي كتفها بحنان ./ يا حبيبتي هي كويسه . بس ده إجراء روتيني عشان يطمنوا عليها .
ليلي اتنهدت بهدوء ./معلش يا بابا روح انت . انا مش هعرف ابات في مكان و بنتي في مكان تاني .
ايهم اتنهد بهدوء ./خلاص يا جماعه سبوها براحتها .
راشد حرك ايده علي شعرها بهدوء ./خلي بالك من نفسك .
ليلي هزت راسها و ابتسمت بهدوء . ريماس ابتسمت بهدوء ./هجيلك بكره .
ليلي اتنهدت بهدوء ./متعرفيش زين حاجه .
ريماس هزت راسها بهدوء ./حاضر اللي يريحك .
ايهم ابتسم بهدوء ./ لو احتجتي اي حاجه كلمينا . و انا هوصيهم عليكوا .
ليلي ابتسمت بهدوء ./شكرا يا ايهم .
ايهم ابتسم بهدوء و مشي مع ريماس .
ليلي فضلت قاعده و هي بتبص علي حنين بقلق . و بتدعي من جواها أن ربنا ميعقبهاش فيها . لحد ما الباب خبط .
ليلي ردت بهدوء ./ادخل .
حازم دخل بهدوء ./انا قولت اجي اطمن عليكي لو محتاجه حاجه .
ليلي هزت راسها بهدوء ./انا كويسه . بس هو انت مروحتش .
حازم هز رأسه بهدوء و هو بيقرب من حنين ./ ما أنا قولت مينفعش اسيبك لوحدك .
ليلي رفعت حاجبها باستغراب . بس حازم اتكلم بسرعه . /كان عندي شغل في الطوارئ .
ليلي هزت راسها بهدوء . و سكتت . حازم كشف علي حنين بهدوء . و ابتسم ./متخفيش هي بس محتاجه تبقي تحت الملاحظه عشان لو تعبت . لحد ما التحاليل و الإشاعات تطلع و نعرف في ايه .
ليلي اتنهدت بهدوء و هي ماسكه ايد حنين . حازم ابتسم بهدوء ./شبهك .
ليلي ابتسمت بهدوء ./محدش شافها و مقلش شبهي .
حازم اتنهد . و ابتسم بهدوء ./شبهك في ضحكتك . و حركتها و كلامك . حتي نومتك .
ليلي ابتسمت باستغراب ./نومتي .
حازم هز رأسه و ابتسم بهدوء ./بتحط ايديها تحت جمبها و هي نايمه زيك . لما شوفتك نايمه و كنت بحاول اشيل ايدك من تحت جمبك كنتي بتصحي . كأنك مخبياها .
ليلي ضحكت بهدوء . /بتركز في ادق التفاصيل يا حازم .
حازم اتنهد بهدوء ./تفتكري ليه كل ده بيحصل .
ليلي هزت راسها باستغراب ./ايه اللي بيحصل .
حازم هز رأسه بهدوء ./ممكن نتكلم بره . نتمشي شويه كمان عشان متصحاش .
ليلي هزت راسها بهدوء و مشت معاه . حازم ابتسم بهدوء ./ننزل الكافتيريا .
ليلي هزت راسها بهدوء ./ماشي .
حازم اتنهد بهدوء ./ تفتكري احنا مكتوب في نصيبنا كده . إن احنا نفضل نبعد و نرجع تاني . و ان اللي حصل ده كان درس عشان نتعلم منه .
ليلي اتنهدت بهدوء . /بس احنا مش نصيب بعض يا حازم . دي الحقيقه اللي لازم تواجها .
حازم مسك ايديها و وقفها قصاده . و هو باصص في عينيها ./ليه يا ليلي مش نصيب بعض . ليه مش بعد الظلم ده كله نبقي لبعض . ليه منكملش كل حاجه كان نفسنا فيها . انا هستناكي لحد شهور العده ما تخلص . و نعتبر كل ده محصلش و نبدأ من جديد .
ليلي اتنهدت بدموع ./بس كل ده حصل . و انا دلوقتي حامل و عندي بنت . ملهمش ذنب يتحملوا نتيجة اخطائي . من حقهم يعيشوا حياه سويه .
حازم عينيه لمعت بالدموع ./طب و انا . انا استنيت كتير يا ليلي . و استحملت اني اشوفك مع راجل تاني . قلبي كان بيموت بالبطئ و انا مش قادر اقربلك .
ليلي دموعها نزلت علي خدها بوجع ./و انا اتأذيت كتير يا حازم . انا كمان مكنتش ليا ذنب اني حبيتك زمان . زي ما زين غلط انت سهلتله الغلط ده . خليته يفرق بينا عادي . حتي انت نفسك مشكتش في نفسك وقتها .
حازم اتنهد بتعب ./بس انا عندي استعداد استناكي . انا بحبك يا ليلي . عندي استعداد اصلح كل حاجه حصلتلك .
ليلي سحبت ايديها بدموع ./في حاجات ممكن تتصلح . بس لو قربنا هيبقي في حاجات هتتكسر بينا اكتر . خلينا بعاد يا حازم . شوف حياتك و فكر في نفسك . انا هطلق من زين و هعيش لـ عيالي . انت تستاهل حاجات كتير . بس انا مش هقدر .
حازم بصلها بهدوء ./بس انتي بتحبيني . حتي لو كنتي قادره تكرهيني كل الفترة اللي فاتت . بس دموعك دي معناها انك بتحبيني يا ليلي . ليه نقفل كل الحب اللي بينا .
ليلي اتنهدت و هي بتمسح دموعها ./صدقني ده احسن ليك قبل ليا . انا مش هقدر يا حازم .
و سبته و مشت . حازم بص علي اثرها بشرود . و دخل عيادته .
__________________________________________
بعد تلت ايام .
كلهم كانوا متجمعين في عيادة حازم .
ريماس شهقت بصدمه . و هي بتحط ايديها علي بوقها ./ورم في النخاع الشوكي .
حازم اتنهد بضيق ./مش وقت صدمه خالص . احنا جبناكي قبلها عشان تعرفي تهديها .
ايهم هز رأسه بهدوء ./بالضبط يا ريماس . نسبة النجاح عاليه اه بس متنسيش أن لسه قدامنا حاجات كتير . و ليلي محتاجاكي و محتاجانه معاها .
ريماس دموعها نزلت بقلق . /بس ليلي ممكن يحصلها حاجه لو عرفت . و زين لازم يعرف .
حازم قاطعها بضيق ./هنعرفه . بس ليلي دلوقتي اهم و لازم ت...
قطع كلامهم . ليلي اللي دخلت عليهم . و اتنهدت هدوء ./ ريماس رنت عليا . و قالتلي أن النتيجه ظهرت .
و كملت باستغراب ./ بس مقلتليش انكم هتبقوا متجمعين كده .
حازم اتنهد بهدوء ./اقعدي يا ليلي .
ليلي قعدت بتوتر . و ابتسمت بهدوء بتحاول تداري بيه قلقها ./ في ايه يا جماعه .
ايهم اتكلم بهدوء ./ ليلي هي نتيجة التحاليل و الاشاعه . أثبتت أن حنين عندها ورم . و هتحتاج عمليه .
ليلي ابتسمت برفض ./ورم ازاي . لا اكيد في حاجه غلط . انا لسه كنت عند...
حازم اتنهد بهدوء ./ليلي حنين عندها ورم في النخاع الشوكي . هي حالتها طبيعيه شويه . بس ده عشان لسه في بدايته .
ليلي بصت لـ ريماس بدموع ./ طب ازاي . دي كانت كويسه والله كويسه . انا كنت بوديها عند دكتور كل كام شهر بنفسي . مكنتش فيها حاجه طيب ازاي.
ريماس مسكت ايديها بدموع ./ يا حبيبتي ده قضاء ربنا . و هما قالولي أنها في بدايته . يعني هنلحقها والله .
ايهم هز رأسه بهدوء ./ محتاجينك تبقي اقوي من كده . احنا لسه قدامنا مشوار كبير . و محتاجين نعمل العمليه في اسرع وقت . و لازم نشوف متبرع و بسرعه .
ليلي مسحت دموعها بسرعه ./انا هتبرعل..
حازم قاطعها برفض ./لا انتي لا .
ريماس اتكلمت بهدوء ./لا ليه . ما هي مامتها و اكيد تحاليلهم مطابقه .
ايهم اتنهد بهدوء ./العمليات اللي زي دي بنحتاج المتبرع من الاب مش الام . نسبه ضعيفه جدا أن ليلي تبقي تحاليلها مطابقه مع حنين . عشان كده لازم نكلم زين و بسرعه .
ليلي دموعها نزلت بتوتر ./ بس انت قولت أن ممكن يبقي تحاليلنا مطابقه .
حازم اتنهد بهدوء ./بس احتمال ضعيف يا ليلي .
ليلي وقفت . و هزت راسها بسرعه ./بس في احتمال . يبقي اعمل التحاليل و نشوف .
حازم اتنهد بضيق ./ليلي العمليه دي مش زي ما انتي متخيله ..لو صعبه علي حنين مره ..علي المتبرع الف مره . و انتي كمان حامل .
ليلي بصتلهم بدموع ./بس دي بنتي . مش هستحمل اشوفها كده . انا موافقه . و عندي استعداد اموت لو هي هتعيش . نحاول يمكن انفع .
ريماس مسكت ايديها بدعم ./بعد الشر عليكي . هتبقوا كويسين انتو الاتنين إن شاء الله .
ايهم هز رأسه بهدوء ./خلاص يا ليلي هنعملك اللي انتي عايزاه ..بس ده ميمنعنش أن لازم نكلم زين . عشان نعمل احتمالات لكل حاجه .
ليلي دموعها نزلت بخوف . و هي بتدعي أن تكون هي المتبرع .
__________________________________________
تاني يوم . ليلي شالت حنين و هي بتلعب معاها .
راشد دخل عليها و اتنهد بهدوء ./مش المفروض تعرفي زين يا ليلي . دي بنته و من حقه يعرف .
ليلي هزت راسها بهدوء ./هعرفه يا بابا . بس الاول اعمل التحاليل . و هعرفه .
نعمه ابتسمت بهدوء . و هي بتحرك ايديها علي شعر حنين ./هتبقي كويسه يا حبيبتي إن شاء الله . بس اعملي حساب اللي في بطنك يا ليلي . اعملي حساب كل حاجه يا حبيبتي ده روح بردك .
ليلي هزت راسها بهدوء ./انا مهم عندي اطمن علي حنين يا ماما . هي حياتي كلها .
راشد ابتسم بهدوء ./هتطمني عليها يا حبيبتي . بس يلا عشان نلحق .
ليلي هزت راسها بهدوء و مشت معاه .
__________________________________________
حازم فضل قاعد في عيادته متوتر . و مضايق من اللي ليلي هتعمله بس مش قادر يمنعها .
لحد ما ليلي دخلت هي و راشد . حازم وقف و ابتسم بهدوء و هو بيسلم علي راشد . و ابتسم لـ ليلي بتوتر ./يلا عشان تجهزي .
راشد بصلها بقلق ./تجهز ليه .
حازم اتنهد بهدوء ./احنا هنديها بنج نص ساعه او ساعه . و هتفوق علي طول . بس احنا بناخد العينه من النخاع الشوكي نفسه .
ليلي مسكت ايد راشد . و ابتسمت بهدوء ./ انا هروح اجهز . خلي بالك من حنين علي بال ما اطلع .
راشد هز رأسه بهدوء ./ خير يا حبيبتي إن شاء الله .
ليلي هزت راسها بهدوء و مشت مع حازم .
حازم اتنهد بهدوء بعد ما دخلها الاوضه . و قالها علي كل حاجه . و قرب منها بهدوء ./ليلي لو خايفه بلاش . احنا ممكن نشوف زي...
ليلي هزت راسها بهدوء . و اتنهدت بتوتر ./ انا هعمل اللي اقدر عليه عشان بنتي يا حازم .
حازم اتنهد بهدوء ./انا هبقي معاكي جوه . هسيبك تجهزي و هتطلعي علي العمليات . متخفيش .
ليلي ابتسمت بهدوء و هزت راسها بقلق .
__________________________________________
بعد ساعتين .
ليلي فتحت عينيها و هي حاسه بـ تعب . ريماس قربت منها و ابتسمت بهدوء ./انتي كويسه .
ليلي اتعدلت بتعب ./شويه صداع . بس كويسه .
ريماس حركت ايديها علي شعرها بحنان ./ طب الحمدلله يا حبيبتي .
راشد و حازم دخلوا مع بعض . و حازم شايل حنين . راشد قرب من ليلي بهدوء و ابتسم بحنان ./كويسه دلوقتي يا حبيبتي .
ليلي هزت راسها بهدوء ./ الحمدلله يا حبيبي .
حازم ابتسم بهدوء . و هو بيلعب مع حنين ./ شوفتي خلتهالك تضحك ازاي .
ليلي ابتسمت بهدوء و هي بتاخد حنين منه . راشد ابتسم بهدوء ./دي كانت علي صرخه واحده و عماله تعيط . لحد ما حازم خرج من عندك و هي عماله تلعب معاه زي ما انتي شايفه كده .
كلهم ضحكوا بهدوء ..ماعدا ليلي اللي ابتسمت بتوتر ./هي نتيجة التحاليل هتطلع امتي .
حازم هز رأسه بهدوء ./اسبوعين او عشر ايام .
ريماس ابتسمت بهدوء ./طب مش هنعرف زين يا ليلي .
ليلي اتنهدت بضيق ./مش دلوقتي . لما اشوف محامي كويس .
راشد بصلها باستغراب ./ ليه يا ليلي .
ليلي اتنهدت بهدوء ./زين مش هيطلقني بالذوق يا بابا . و انا مش هينفع افضل كده كتير .
راشد اتنهد بهدوء ./ نطمن عليكم و هعملك اللي انتي عايزاه .
ليلي اتنهدت بهدوء . و هي بتلعب مع حنين .
__________________________________________
فات اسبوع من توتر ليلي علي نتيجة التحاليل . و قلقها علي حنين .
ليلي فتحت الباب بهدوء . و برقت بصدمه ./انت ليك عين تيجي .
زين اتنهد بهدوء ./مش تقوليلي اتفضل .
ليلي ابتسمت بضيق ./محدش غيري هنا . مينفعش تدخل .
زين ابتسم بهدوء و دخل ./ما أنا عارف ان محدش غيرك هنا . عشان كده جيت .
ليلي اتنهدت بضيق و ربعت ايديها ./ايه اللي جابك هنا .
زين اتنهد بهدوء ./وحشتيني . ينفع اعرف من الغريب أن بنتي تعبانه . اخر من يعلم يعني يا ليلي .
ليلي اتنهدت بضيق من بروده . /انت بني ادم مقرف يا زين . انت لو كنت راجل مكنتش جيت هنا و انت عارف اني طالبه الطلاق و رافعه عليك قضيه .
زين حرك ايده علي وشها بـ برود ./ما أنا جيت عشان اعقلك . لان لو القضيه دي حصل و كسبتيها . انا هاخد منك عيالي الاتنين .
ليلي ابتسمت بسخرية . و هي بتزق أيده ./حنين مش بنتك . و بطل التمثيليه دي بقي . حنين مش بنتك . و مش من حقك انك تاخد حد من عيالي مهما كان . لان أنا الام و حضنتهم معايا .
زين ربع أيده بهدوء . /لو تقدري تثبتي أن حنين مش بنتي . و بنت حازم و تخليه ياخدها منك اعملي كده . أما لو انتي شاطره و عاقله مفيش اي حاجه من كل هيحصل . هنبدا من اول و جديد . و لا كأن حاجه حصلت .
ليلي اتنهدت بغضب ./انت فاكر حازم شبهك و لا زيك . انا لا عايزاك و لا عايزه غيرك . اللي بينا كان مجرد كدبه هدفع تمنها بالطفل اللي هييجي اللي هيبقي اسمه للأسف مربوط باسمك . غير كده كل ده كان كدب في كدب . انت بني ادم كداب و مريض . و اللي عايزه اعمله .
زين اتنهد بهدوء ./هسيبك تفكري يا حبيبتي . عشان عارفك مضغوطه بردك من اللي انتي فيه فكري يا ليلي فكري .
و سبها مشي . ليلي اتنهدت بضيق و هي بتبص علي أثره بقرف و قفلت الباب بسرعه . و هي بتاخد نفسها بصعوبه .
ووووو....
