رواية صدفة عشاق الفصل الثامن والثلاثون
ايهم دخل علي حازم . و اتنهد بهدوء ./عملت ايه يا حازم .
حازم اتنهد باستغراب ./مش عارف . ازاي و لا ليلي و لا زين تحاليلهم مطابقه معاها . اكيد في حاجه غلط .
ايهم هز رأسه بهدوء ./ عادي يا حازم . بتحصل .
حازم بصله بطرف عينيه ./تحصل أن حتي فصيلة دمهم مش مشتركه .
أيهم كمل بص في الورق . و بص بشك ./ حنين نفس فصيلة دمك يا حازم . يعني وارد جدا انت تقدر تتبرعلها .
حازم بص علي التحاليل باستغراب . و اتكلم بسرعه ./ هي فين شهادة ميلادها .
ايهم بهدوء ./هتلاقيها عندك في الملف بتاعها .
حازم مسك الملف بتاعها . و طلع شهادة ميلادها . و اتنهد بتفكير ./ ازاي ده ...
ايهم سحب منه شهادة الميلاد . و بص باستغراب ./ازاي ايه يا حازم .
حازم اتنهد بضيق . /لو فعلا ليلي و زين كانوا اتجوزه في الوقت اللي هي سافرت فيه . يبقي ازاي حنين اتولدت بعدها بخمس شهور بس . و ازاي هتبقي اكبر من رحيم . رغم أنها المفروض مولوده بعده .
ايهم هز رأسه بهدوء . و هو بيفتكر ./انا فاكر أن اول ما اتولدت فضلوا فترة مكنتوش بيخلوا ريماس تشوفها . و كانوا بيقولوا انهم خايفين عليها من إشاعات التليفون .
حازم وقف بغضب . / لو اللي في دماغي صح . مش هرحمهم .
ايهم بصله باستغراب ./هو انت و ليلي يعن...
حازم كمل بغضب ./ايوه انا و ليلي مكنتش جوازنا علي ورق بس . اخر مره كنا حلوين مع بعض حصل اللي حصل . عشان كده كل ده ملوش غير معني واحد بس .
ايهم اتنهد بهدوء ./اهدي طيب يا حازم . خلينا نفكر كويس الاول .
حازم مسح على وشه بغضب ./مفيهاش تفكير يا ايهم . مفيهاش دي . انا لازم اعمل التحاليل و بسرعه .
ايهم هز رأسه بهدوء ./ حاضر يا حازم . هعملك كل حاجه .
حازم قعد و اتنهد بضيق ./ مش عايز حد يعرف يا ايهم . حتي ريماس .
ايهم هز رأسه بهدوء و سكت .
__________________________________________
ليلي ابتسمت بهدوء و هي بتلعب مع حنين . /هتفضل نلعب كده و مش هناكل و لا ايه .
حنين ضحكت ببراءة و هي بتجري . ليلي ابتسمت بضيق مصتنع و هي بتجري وراها . /و بعدين بقي . يلا عشان تاكلي .
ليلي شالتها . و بعدين بصت علي التليفون اللي بيرن . و سحبته بهدوء و هي بترد علي حازم ./ صباح الخير .
حازم اتنهد بهدوء ./صباح النور . كنت عايزك تجيبي حنين عشان هنحتاج نعملها تحاليل .
ليلي هزت راسها باستغراب ./حاضر بس تحاليل ايه .
حازم اتكلم بهدوء ./تحاليل كده عشان نحاول نلاقي متبرع مناسب . ياريت لو تيجي دلوقتي .
ليلي هزت راسها بهدوء ./حاضر هلبس و اجي .
حازم اتنهد بضيق و قفل معاها . ليلي بصت علي التليفون باستغراب . بس هزت راسها بهدوء و هي بتشيل حنين و بتضحك ./يلا بقي يا قلب ماما . عشان نروح نلبس .
__________________________________________
ليلي ركنت عربيتها قدام المستشفي . و اتنهدت بتوتر و هي شايفه نفس العربيه . و نزلت و هي بتحاول متبصش عليهم . و دخلت عيادة حازم .
ليلي بصت باستغراب لما ملقيتش حازم . و قبل ما تخرج حازم دخل . و ابتسم بهدوء ./معلش كان عندي كشف .
ليلي هزت راسها بهدوء ./انا لسه جايه .
حازم هز رأسه بهدوء . و هو بيشيل حنين ./هروح اوديها قسم التحاليل .
ليلي هزت راسها بتوتر ./هو انت لقيت متبرع .
حازم هز رأسه برفض ./في كام حاله قدامي . و في حاجه كمان .
ليلي بصتله باستغراب ./حاجة ايه .
حازم بص في عينيها بهدوء ./لقيت فصيلة دمي زي فصيلة دم حنين . فـ قولت مفيش مانع من محاوله يبقي النخاع الشوكي يبقي متتطابق .
ليلي بلعت ريقها بتوتر ./ ايوه بس دي حاجه مستحيله . يعني مش معني أن فصيلة دمك زي حنين ي....
حازم قاطعها بهدوء ./هنحاول . و ممكن تروحي دلوقتي عشان حنين هتاخر . و مش هيبقي مسموحلك تدخلي معاها .
و سبها و مشي من غير ما يسمع رد منها . ليلي فضلت واقفه بتوتر و هي مش عارفه تتصرف ازاي . و متاكده أن اكيد التحاليل هتبقي متتطابقه . و مشت بسرعه . و هي مكرره أنها هتنهي الموضوع ده .
__________________________________________
بليل .
ليلي فتحت الباب و حضنت ريماس بدموع . ريماس طبطبت عليها بقلق ./في ايه يا ليلي مالك . كلمتيني و قولتيلي تعالي بسرعه . في حاجه حصلت .
ليلي قفلت الباب بسرعه . و مسكت أيد ريماس . و هي بتقعد قدامها . و اتكلمت بدموع ./انا و زين عملنا كارثه زمان . و دلوقتي حياة حنين متوقفه كلها علي الكارثه دي . انا مش عارفه اعمل ايه يا ريماس .
ريماس اتنهدت بقلق. /ليلي اهدي و احكيلي كل حاجه . عشان نعرف نتصرف .
ليلي هزت راسها بدموع . و هي بتحكي كل حاجه .
ريماس برقت بصدمه ./يعني ايه يا ليلي . ازاي تعملوا كده . ده معناها أن حنين بنت حازم . زين ازاي وافق علي كده .
ليلي غمضت عينيها بدموع ./زين هو اللي خطط و كرر . هو اللي اداني كل حاجه تخليني اوافق . و لما كنت بفكر اني اقول كان بيقنعني أن حازم هياخد مني حنين .
ريماس مسحت علي وشها بضيق ./ليه يا ليلي . ازاي تعملي كده .
ليلي هزت راسها بعياط ./مش عارفه مش عارفه . و دلوقتي حازم لازم يعرف عشان حنين . و خايفه يعرف يحرمني منها . انا مليش غيرها يا ريماس . و هيبقي معاه حق علي كل حاجه هيعملها معايا لو عرف .
ريماس اتنهدت بهدوء ./طب اهدي يا ليلي اهدي . دلوقتي اللي لازم يحصل . إن حازم يعرف . ازاي بقي مش عارفه . بس حازم لازم يعرف يا ليلي .
ليلي هزت راسها بدموع . و هي بتسحب تليفونها اللي رن . و همست بتوتر ./ده حازم .
و ردت عليه بسرعه . بس حازم قاطعها بجمود ./تعالي المستشفي دلوقتي .
ليلي بلعت ريقها بتوتر ./حاضر .
و قفلت معاه بسرعه . و بصت لـ ريماس بخوف ./حازم قالي تعالي المستشفي .
ريماس هزت راسها بهدوء ./يبقي تروحي . يلا تعالي تمشي و انتي روحي المستشفي . لازم تفكري هتقوليله ازاي يا ليلي .
ليلي هزت راسها بتوتر . و هي بتفكر هتعمل ايه .
__________________________________________
ليلي دخلت عيادة حازم بهدوء . و بصت باستغراب علي حازم اللي كان بيبصلها بطريقه غريبه . ليلي اتنهدت بهدوء ./ايه يا حازم . وصلت لـ متبرع .
حازم وقف قصادها بجمود و هو ماسك ورقه في أيديه . ليلي بلعت ريقها بتوتر ./ايه ده .
حازم ابتسم بسخرية ./ده تحليل DNA . ليا و لـ حنين .
ليلي برقت بخوف . و هزت راسها بتوتر ./ يعني ايه يا...
حازم مسكها من كتفها بغضب ./يعني حنين بنتي . يعني خبيتي انك حامل مني . و اتجوزتي و كتبتيها بـ اسم راجل تاني . خبيتي عليا ان عندي بنت يا ليلي . ايه الجبروت ده . جبتي قسوة القلب دي منين . تحرمي بنت من ابوها .
ليلي دموعها كانت بتنزل بـ خوف من شكل حازم ./انا خوف..
حازم صرخ في وشها بغضب ./خوفتي من ايه . و ليه . ايه الخوف اللي ممكن يوصلك انك تحرمي اب من بنته .
ليلي دموعها نزلت بحزن و هي بتفتكر كل حاجه حصلت ./خوفت تستغل ده لـ صالحك . انا مكنتش عايزه حاجه تربطني بيك .
حازم ضحك بسخرية ./ تقومي تنسبي بنتي لـ حد تاني . و تخليه يربيها و تقوله يا بابا . و ابوها لسه عايش و حرماها منه .
حازم كمل و دموعه بتنزل ./حرمتيني من اني افرح بيها اول واحد يوم ما تتولد . و حرمتيني من اني اشيل بنتي علي ايدي . عملتي كل حاجه عشان مصلحتك يا ليلي . فكرتي في نفسك و بس . و انا لا انا مش مهم .
كمل بغضب و هو بيرفع وشها ليه ./انا الخاين اللي مستحقش اني حتي اعرف ان ليا بنت . كنتي هتكملي في كدبتك لحد أمتي يا ليلي . حطي عينك في عينك و قوليلي كنتي ناويه تفضلي مخبيه عني بنتي لحد أمتي . ده حتي بعد ما عرفتي اني كنت مظلوم . مهنش عليكي تعرفيني أنها بنتي . كنتي سيباها تموت قدامك عشان سرك ميتكشفش . و انتي عارفه أن علاجها معايا .
ليلي هزت راسها بدموع ./لا والله لا . كنت هقولك هعرفك . لما حسيت ان كل حاجه بتضيع كنت هقولك كل حاجه والله . انا عارفه اني غلطت و قسيت عليك . بس أنت مجربتش احساسي يا حازم . و انا شيفاك في حضن واحده تانيه . انا وقتها مكنتش شايفه قدامي غير الفيديو . في كل لحظه كنت بتوحشني فيها كنت بفكر نفسي بالفيديو . انت نفسك لازم تعترف انك اديتها المساحه أنها تعمل كل ده فينا .
حازم صرخ في وشها بغضب ./و النتيجه ايه . و لا انا طلعت في وعي . و لا انا كنت الراجل الخاين . حرمتيني من بنتي من غير اي ذنب .
ليلي دموعها نزلت بـ خوف . و اتكلمت بوجع ./بس الفيديو بكل حاجه لسه في دماغي يا حازم . حتي لو مكنتش في وعيك . انت اللي اديتها الفرصه أنها تعمل معاك و معايا كده .
ليلي كملت بدموع . /حاولت اقولك كتير . كنت بندم كتير . بس كنت بخاف تاخدها مني . زين اول واحد عرف اني حامل . كرر و اقنعني . و انا كنت ضعيفه كان كل تفكيري ابعد عنك من غير ما اخسر بنتي . حاولت والله اقولك . بس دي بنتي يا حازم بنتي . مش هقدر اشوفك بتحرمني منها . و في نفس الوقت ده هيبقي حقك . بس زين..
حازم صرخ بغضب و هو بيخبط علي المكتب ./زين تاني . زين اللي دمر حياتي و حياتك . اللي خلاني اتحرم من اجمل احساس ممكن يعيشه اي اب . لو قولتيلي مكنتش هضغط عليكي بيها . لو قولتيلي مكنتش حصل كل اللي احنا فيه ده يا ليلي . لو صدقتي حبي ليكي في لحظه . كنتي هتعرفي اني لا يمكن اخونك .
حازم رفع وشها ليه و اتكلم بدموع ./انا فضلت طول السنين اللي فاتت بحاسب نفسي علي دموعك اللي كانت بسببي . قهرتك اللي شوفتها في عينك فضلت الوم نفسي عليها . مصعبتش عليكي خالص يا ليلي . و انتي كاتبه بنتي بـ اسم راجل تاني و بتقوله يا بابا .
ليلي غمضت عينيها بانهيار و ندم . حازم بعد عنها بضيق . و مشي ..و اتكلم بسرعه ./امشي يا ليلي . روحي البيت . لما اطمن علي حنين هجبهالك .
و سبها و مشي . ليلي فضلت تبص علي اثره بندم . و هي بتفتكر كل حاجه حصلت وصلتها لـ كده .
__________________________________________
حازم دخل بخطوات متوتره . و هو شايف حنين قدامه علي السرير . و قرب منها بخطوات بسيطة و عينيه مليانه دموع . و هو بيحرك ايده علي شعرها بحنان . و قعد علي ركبته قدام سريرها . و باس راسها بحب و غمض عيونه بدموع ./يعني كل احساسي ناحيتك كان عشان انتي حته مني .
حازم بص علي ملامحها بـ تأمل و عيونه دمعت بـ فرحه ./علي قد ما كان نفسي احضنك اول واحد . و اسمع منك كلمة بابا اول حد . علي قد ما أنا فرحان أن بقي عندي بنت . اجمل بنت في الدنيا .
حازم ابتسم بحب . و هو شايفها بتقفل ايديها علي صباعه . و باس صباعها بفرحه . / انتي موجوده عشان تبقي البدايه الجديده لينا يا حنين . بداية حب عمره ما انتهي . و انتي السبب أنه يفضل عايش لحد دلوقتي .
حنين فتحت عينيها بنوم . و هي ماسكه في صباع ايديه . بايديها الصغيرين ./ماما ..
حازم حرك ايده علي شعرها بحنان ./ماما شويه و جايه . بس بابا موجود معاكي لحد ما نطمن عليكي .
حنين رجعت تغمض عينيها بنوم تاني .
حازم اتنهد بدموع . و هو مش عارف ممكن يعمل ايه مع ليلي . بس مش قادر يمنع نفسه من فرحة المشاعر الجديده اللي بيعيشها دلوقتي .
ووووو...
