رواية صدفة عشاق الفصل التاسع والثلاثون
تاني يوم .
ليلي وصلت المستشفى . و دخلت عند حنين . و اتنهدت بهدوء . لما شافت حازم . و اتاكدت أنه هنا من بليل . حازم قام بهدوء ./خليكي معاها . و انا همشي عشان اشوف إجراءات العمليه . و بليل هاخد حنين عشان اعرفها علي أهلها .
ليلي هزت راسها بتوتر ./ مش بدري شويه . يعني انا شايفه حنين مش وق..
حازم قاطعها بضيق ./ده متأخر اوي يا ليلي .
ليلي وقفت قصاده . و اتنهدت بهدوء ./ حازم انا عارفه اني غلطت . بس انا ميهمنيش غير حنين دلوقتي . انا عايزه اطمن عليها .
حازم اتنهد بضيق ./انا كمان ميهمنيش غير حنين و بس يا ليلي . عشان كده من مصلحتها و مصلحتي أن ده يحصل . الدنيا كلها لازم تعرف أن حنين بنتي انا يا ليلي .
ليلي اتنهدت بدموع ./ بس اهلي . انا مش عايزاهم يعرفوا . هجبهالهم بطريقتي بس مش دلوقتي يا حازم .
حازم خد نفسه بصعوبة . و اتنهد بقلة حيله ./ ليه يا ليلي تخليني مكسوف ابص في وشك . كنتي حلم بالنسبالي يا ليلي . لما حقيقتي بانت . حسيت ان القدر عايز يرجعنا لبعض تاني . حسيت انك من نصيبي . و ان كان من حقي استناكي . دلوقتي مبقتش عارف . انتي ظالمه و لا مظلومه يا ليلي . تستحقي كل حبي ليكي . و لا لا .
ليلي غمضت عينيها بدموع . و فتحتها بسرعه . /انا الاتنين يا حازم . اتظلمت فـ ظلمت . انا غلطت غلط كبير و هفضل ندمانه عليه . بس حط نفسك مكاني يا حازم . فكر فيا مره واحده .
حازم اتنهد بتعب ./كل ما ببص علي حنين . بفتكر وجعي مرتين . مره في بعدي عنها . و مره منك . انتي جزء من المشكله يا ليلي . اتمني تبقي جزء من حلها . حتي لو قلبي محبش غيرك . بس متوجعتش غير منك يا ليلي .
قال كلامه و سبها و مشي . ليلي خدت نفسها بدموع . و قربت من حنين اللي كانت نايمه علي السرير . و ابتسمت وسط دموعها . و هي بتبوس ايديها ./ انتي احلي حاجه في حياة ماما يا حبيبة ماما .
__________________________________________
بليل . حازم ركن عربيته . و بص علي حنين اللي بتلعب في الكرسي اللي جمبه . و ابتسم بهدوء و هو مش عارف اللي هيحصل صح و لا لا . بس حاسس ان لازم الدنيا كلها تعرف انها بنته . قرب منها بهدوء و هو بيشيلها . /يلا يا حنون نعرفك علي العيله الجديده .
حنين ضحكت ببراءة و هي بتنام علي كتفه ./ماما..
حازم اتنهد بهدوء . و هو بينزل من العربيه ./نخلص مشوارنا و هوديكي لـ ماما .
حازم دخل عندهم و هو شايل حنين . كان خايف من رد فعلهم . بس لازم يعمل كده .
كلهم كانوا قاعدين بهدوء . من غير اي كلام . لحد ما قطع هدوئهم . صوت حازم اللي ابتسم بهدوء ./مساء الخير .
سالي ابتسمت باستغراب . /مساء النور يا حازم .
احمد قرب منه بهدوء . و ابتسم لـ حنين ./مين البنوته العسل دي .
علي بصله باستغراب . /هي مش دي بنت ليلي يا حازم .
حازم بص علي حنين . و ابتسم بهدوء . و هز رأسه بهدوء .
عاصم بصله بهدوء ./و بنت ليلي معاك ليه يا حازم .
جيهان هزت راسها بضيق ./ما تتكلم يا حازم . بنت ليلي معاك ليه .
حازم قرب من جيهان بهدوء . و هو بيديلها حنين ./شيليها يا ماما . شيلي حفيدتك .
كلهم بصوا لبعض بصدمه و استغراب . محمد اتكلم باستغراب ./حازم انت في وعيك . دي بنت ليلي يا حازم .
حازم اتنهد بهدوء ./شيلي حفيدتك يا ماما .
جيهان شالت حنين . و هي بتبص عليه باستغراب و دموع و مشاعر كتير مش فهماها ./حفيدتي ازاي يا حازم . دي بنت ليلي و...
حازم قاطعهم بهدوء ./بنت ليلي و بنتي . حنين حازم احمد العاصم .
احمد قرب منه بسرعه . و اتنهد بضيق ./حازم اللي انا بتعمله ده مش لمصلحتك . بنتك ازاي . انت اصلا متجوزتش ليلي ...
حازم وقف قصادهم و اتنهد بضيق ./ليلي كانت مراتي علي سنة الله و رسوله . و دي حنين بنتنا . و حفيدتكم و من العيله دي . اللي حصل غير كده ميهمش حد غيري انا و ليلي . حنين بنتي و بنت ليلي .
عاصم اتنهد بهدوء . و هو بيقرب من حازم ./تعالي قولي كل حاجه في المكتب . مش هينفع تجبلنا بنت و تحطنا في موقف . و احنا مش فاهمين حاجه .
حازم اتنهد بضيق ./يا جدي دي بنتي . حنين بنتي انا . بنتي انا و ليلي . انا عملت تحاليل و اتاكدت .
جيهان دموعها نزلت بفرحه . و هي بتتأمل في ملامح حنين ./بس ازاي يا حازم . ازاي .
حازم باس راسها بهدوء ./ افرحي بـ حفيدتك يا ماما . الباقي ميخصش غيري .
سالي قربت من جيهان و حضنتها بحب . /اعملي زي ما حازم قالك يا جيهان .
احمد اتنهد بهدوء ./بس احنا من حقنا نعرف كل اللي حصل . ازاي حنين تبقي بنتك و هي مكتوبه بـ اسم زين .
حازم هز رأسه بهدوء ./بعدين يا بابا . بعدين . انا هسيبكم مع حنين . و هقعد في الجنينه شويه . عشان هاخدها و نمشي .
حازم طلع و اتنهد بتعب .
علي طلع وراه و قعد جمبه بهدوء . /مبسوط .
حازم بصله بهدوء . /مش عارف . حاسس اني مبسوط . و مضايق و مش قادر اسامح ليلي . في نفس الوقت نفسي احضنها و انسي كل حاجه حصلت .
علي اتنهد بهدوء ./انتو الاتنين غلطوا يا حازم .
حازم اتنهد بضيق ./بس هي غلطها كبير اوي يا علي .
علي هز كتفه بهدوء ./كان رد فعل علي غلطك . اسمعها يا حازم . جايز عندها مبرر . حتي لو مش هترجعوا . علي الاقل يبقي بينكم علاقه محترمه عشان بنتكم .
حازم اتنهد بتعب ./مش عارف استوعب كلمة بنتي اللي بقت تتقالي . علي قد ما أنا فرحان أن حنين بنتي . و فرحان أنها جزء مني و من ليلي . علي قد ما أنا تايه يا علي .
علي اتنهد بهدوء ./اعمل اللي قلبك يقولك عليه يا حازم . لو الحب بينكم صدقني اي حاجه تتحل . تهون كل حاجه قصاد لحظة حب بينكم . قصاد حياه جديده بين اتنين بيحبوا بعض بجد . فكر بقلبك المره دي يا حازم .
حازم بصله بهدوء . و رجع دماغه لوره بتعب .
__________________________________________
ليلي فضلت قاعده بتوتر . و عينيها مليانه دموع و خايفه حازم ياخد حنين و ميرجعهاش . دقايق و بصت علي الباب اللي اتفتح . و عينيها اتملت بـ دموع الفرحه و هي بتجري علي حازم و بتشيل حنين . و ابتسمت وسط دموعها و هي بتبوسها ./ حنونتي انتي كويسه .
حنين ركنت دماغها علي كتفها بتعب. /ماما.
ليلي حركت ايديها علي شعرها بدموع ./قلب ماما متخفيش من حاجه انا معاكي .
حازم اتنهد بهدوء و هو بيرمي المفاتيح علي السفره . /اطمنتي عليها . هاتيها بقي .
ليلي بلعت ريقها بتوتر ./اجيبها ليه .
حازم اتنهد بضيق ./حنين مش هتنام غير في حضني من انهارده .
ليلي هزت راسها بدموع ./ طب سيبها معايا انهارده . عشان خاطرها هي . انا محتجاها جمبي يا حازم .
حازم اتنهد بهدوء ./انا كمان محتاجها يا ليلي . انا بقالي تلت سنين محروم منها . انا عايز اعيش كل لحظه اتحرمت منها . بسببك يا ليلي و بسبب ضعفك .
ليلي اتنهدت بدموع . و سابته ياخدها .
__________________________________________
تاني يوم .
حازم صحي الصبح علي صوت حركه في اوضة ليلي . و ابتسم بهدوء و هو بيبص علي حنين اللي نايمه جمبه . ابتسم بحب و باس راسها . و قام بهدوء و هو عارف ليلي بتعمل ايه .
حازم دخل عند ليلي و هو شايفها بتقفل شنطة هدومها . و اتنهد بهدوء ./بتعملي ايه .
ليلي هزت راسها بهدوء . /بلم شنطتي .
حازم اتنهد بضيق ./ ليه .
ليلي اتنهدت بهدوء و هي ماسكه الشنطه في ايديها ./ انا هتصرف في موضوعي لوحدي . اما حنين هي معاك و اكيد في امان . و هشوفها كل يوم . بس مش هحرمك منها زي ما عملت زمان .
حازم مسح على وشه بضيق ./رجعي حاجتك يا ليلي . انتي مش هتمشي من هنا .
ليلي اتنهدت بضيق ./انا همشي من هنا يا حازم . انا لازم امشي من هنا . احسن لينا احنا الاتنين .
حازم اتنهد بضيق ./زمان انتي اختارتي تمشي و تبعدي بنتي عني . و تخبي عني انك حامل و خليتي واحد زي زين يدخل حياتك . و يخطط و يرسم كل حاجه فيها . استغل ضعفك و استغل انك عايزه تهربي مني . دلوقتي لا يا ليلي . و لا انتي و لا حنين هتبعدوا تاني .
ليلي اتنهدت بهدوء . / احنا مش هنعرف نتخطي اي حاجه من اللي حصل يا حازم . المهم نعرف نبقي ناس سويه نفسيا عشان منحسش حنين أن علاقتنا عشان منفصله نبقي أعداء . مش عايزين نحسسها اننا كارهين بعض .
حازم مسك كتفها بغضب ./كفايه انانيه و افهمي بقي . حسي بيا مره واحده في حياتك . انتي مش قادره تفكري غير في نفسك و بس . مفكرتيش فيا و في حالي كان ازاي من غيرك . مفكرتيش بوجع قلبي و انا شايفك مبسوطه معاه . محستيش اني ممكن في يوم كنت أعرف أن حنين بنتي . انتي عمرك ما فهمتيني يا ليلي . لو فهمتيني فعلا .
حازم اتنهد بدموع ./كنتي هتعرفي اني عمرك ما هعرف اكرهك يا ليلي . حتي و انتي السبب في وجع قلبي . قلبي موجوع بسبب أنه بيحبك . مش عارف اخد غير قرار واحد بس . ان عايزك معايا يا ليلي .
ليلي كانت بتبصله بدموعها اللي مغرقه خدها . و دخلت في حضنه بسرعه و هي بتلف ايديها حوالين رقبته . حازم غمض عينه بدموع و هو بيشدد علي حضنه ليها . ليلي اتكلمت بصوت خافض ./شكرا علي كل حاجه يا حازم .... انا اسفه .
و خرجت من حضنه و هي بتمسك شنطتها . و اتنهدت بصعوبه و هي بتمسح دموعها ./هجيلكم بليل المستشفي .
و سابته و مشت قبل ما تسمع منه اي كلام . حازم غمض عينه بتعب . و هو بيرمي نفسه علي السرير بشرود.
__________________________________________
عند جيهان و احمد .
جيهان اتنهدت بهدوء ./انا قلقانه علي حازم يا احمد .
احمد اتعدل باستغراب. /قلقانه عليه من ايه .
جيهان كملت بهدوء ./ فجاه كده يعرف أنه عنده بنت . في مليون سؤال في دماغي . بس لما شوفت حنين و شوفت شكله حسيت اني مش قادره اتكلم معاه . حازم كان مقهور يا احمد .
احمد مسك ايديها بهدوء ./حازم كبير يا جيهان . اكيد عارف يتصرف كويس . و اكيد كلامه و سكوته وراه حاجات كتير . هنعرفها في الوقت المناسب . اعملي زي ما قالنا سبيه يحل مشكلته لوحدك و افرحي بـ حفيدتك .
جيهان ابتسمت بهدوء ./انا لحد دلوقتي مش قادره افهم كلمة حفيدتك .
و كملت بتوتر ./تفتكر وضعه مع ليلي و جوزها ايه دلوقتي .
محمد اتنهد بهدوء ./ مش مهم ده دلوقتي . حازم مش هيعمل اي حاجه تضره مهما حصل يا جيهان.
جيهان هزت راسها بهدوء و سكتت .
__________________________________________
بليل .
ليلي بصت في مرايا عربيتها بتوتر . و هي في طريقها لـ المستشفي . و ركنت علي جمب لما حست بقربهم منها . و مسكت تليفونها . و هي مستنيه حازم يرد عليها . لحد ما حازم رد عليها . ليلي اتكلمت بتوتر بتحاول تداريه ./حازم في عربيه ماشيه ورايا من ساعة ما طلعت .
حازم سحب مفاتيحه بسرعه . و هو بيكلمها ./نفس العربيه
ليلي هزت راسها بتوتر . /اه
حازم اتكلم بهدوء عشان ميقلقهاش ./اهدي انا معاكي و هاجيلك . بس خليكي معايا . ابعتيلي اللوكيشن و اتحركي بعربيتك .
ليلي خدت نفسها بصعوبه . و هي بتتحرك بالعربيه . / ماشيين ورايا لسه .
حازم ركب عربيته بسرعه ./ خليكي هاديه عشان ميحسوش بـ حاجه .
ليلي دموعها نزلت بخوف ./حازم قطعوا عليا الطريق .
حازم اتكلم بسرعه ./خليكي قافله باب العربيه يا ليلي . ليلي ليلي ..
حازم رن عليها تاني و خبط التليفون بقلق لما لقاها مردتش . و اتحرك بسرعه .
بعد شويه . حازم ركن قدام عربية ليلي . و مسح علي وشه بضيق . لما لقي العربيه و جواها حاجة ليلي .
و كلم ايهم بسرعه . ايهم رد عليه بهدوء . بس حازم قاطعه بغضب ./ليلي اتخطفت يا ايهم .
ايهم بص علي ريماس . و قام بسرعه ./اتخطفت يعني ايه .
حازم ركب عربيته . و اتكلم بغضب ./يعني اتخطفت كلمتني قالتلي أن العربيه مرقباها . و الخط قطع و روحت اللوكيشن اللي بعتتهولي ملقيتش غير عربيتها حتي تليفونها في العربيه .
ايهم اتنهد بهدوء ./طب تعالي يا حازم . خلينا نفكر بهدوء الاول .
حازم مسح على وشه بغضب ./لو زين اللي عملها مش هخليه عايش المره دي يا ايهم .
و قفل التليفون في وشه . ريماس بصتله بقلق ./في ايه يا ايهم .
ايهم مسح على وشه بهدوء ./ليلي اتخطفت .
ريماس شهقت بخضه ./اتخطفت يعني ايه يا ايهم .ازا...
ووووو....
