رواية يعقوب والغرباء الفصل الثالث بقلم جمانه السعيدي
يعقوب....كانت ايام الفاتحه والحد الأربعين أصعب ايام تمر عليه
وخاصه هبه كل شويه تذكر امها وتبجي
ما متعوده تفاركها
طول النهار لو لازمتني لو لازمه امي
اذا اطلع الاي مكان تكوم تبجي تخاف اطلع وماارجع مثل امها
حاولت اخليها بلروضه لان عمرها ٤ سنوات
بس تبقى تبجي اله ابقى ويااها لو امي تبقى وياها
عفت الروضه لان اني عندي دوام مااكدر اعوف دوامي
وامي عدها البيت والمحل
وهبه ما تقبل تبقى وحدها بلروضه
خليتها يم امي
البيت وحش
ناقصه اشياء دنيا جانت ماليه البيت
شكد جانت ساده نقص مجاي اكدر اعوض مكانها
احس حياتي كلها تخربطت
البيت ما مرتب ملابسي مبهذله
ارجع من الدوام بس ادخل للبيت احس كلبي يقبط
مجرد ماادخل للبيت كلش اضوج
محتاج وقت يله اتعود على غيابها
شويه شويه كمت احاول ارتب شغلاتي
واعتني بهبه لان امي ماتكدر
البيت والطبخ والمحل ٢٤ ساعه تجينا ناس تشتري
مريت بوقت كلش صعب احس حياتي كلها تخربطت
ومجاي اكدر ارتبها
منى تجينا بيوم الجمعه تنضف وتروح
مااكدر اضغط عليها لان عدها عيال وطفلين
هم عدها مسؤليه جبيره زين وتجي يوم الجمعه تنضف وتروح
جمانه السعيدي
بعد سنتين من وفاة دنيا
رجعت للبيت من الدوام
لكيت بنيه شابه عمرها بلعشربن كاعده بلمحل وياا امي
والضاهر باجيه
لان وجها احمر وعيونها حمر
مادرت بال سلمت ودخلت للبيت
بدلت ملابسي
حضرت الاكل شويه واجت امي وراي قفلت المحل واجت
يوميه تنتضرني من ارجع من الدوام حتى نتغدا سوا
امي....اني احضر الاكل انت تعبان
يعقوب...اني حضرته اليوم فاصوليا عاشت ايدج
كعدنا ناكل اني وياها وهبه هم كعدت ويانه
فدوه حبيبتي صايره تفتهم
تعرف تشغل الغساله وتخلي الملابس
وطلع الزباله برا
تساعد بيبيتها بلمحل تعرف تبيع وتخلي الفلوس بلمجر
المهم كعدنا نتغدا
امي...شفت هاي البنيه
يعقوب...اي بنيه
امي.. هاي الي كاعده من دخلت
يعقوب... هاي الي لابسه اسود وتبجي
امي...اي
يعقوب...شبيها
امي...يايمه ولله خطيه قصتها قصه تمرد الكلب
يعقوب....شنو قصتها
امي....هاي جايه من غير محافظه هي واخوها
تبجي مسكينه شايفه الويل
يعقوب...شبيها
امي....تكول امي ماتت من القهر ابوي يشرب و يتعاطى مخدرات ماخله على حالنا حال
باع كل غراض البيت حتى يتعاطى مخدرات
كلشي مابقى علينا
امي ضربتها جلطه بسببه وماتت
كل يوم مشكله وكل يوم يضربها لمن ماتت من القهر
اخوي يشتغل ليل نهار بس يدخل للبيت ياخذ فلوسه
منه واذا فتح حلكه يموته كتل
كل يوم صوتنا طالع كدام الجوارين بسبب ابوي
اخير شي اخوي هج من البيت كام يبات برا
لان الحياة وياا ابوي صعبه
لا يرحم ولا يعوف رحمة الله تنزل علينا
جمانه السعيدي
جنت صابره وساكته اني بنيه ووين اروح ماعندي مكان اروحله
ابوي بليل يجيب أشكال والوان
زلم للبيت اكعد بغرفتي واقفلها عليه
لو يكسرون الباب تكسر ما افتحه
اربد احافظ على نفسي ذوله مو بشر حيوانات
ابوي انلحس عقله مايعرف ليله من نهاره
عايشه بلضيم وساكته اكول لو رب العالمين يموتني احسن من هاي العيشه السوده
واخوي كل يومين يمر علبه الصبح اشوفه وينطيني مصرف
ويروح
الصبح ابوي نايم مايعرف الدنيا وين بسبب هذا السم الي يشربه
اخوي يشتغل الفرصه يجي يشوفني
كلما يجي اكله اخذني وياك اني خايفه
يكول وين اخذج هو اني يوميه نايم بمكان شكل
اني اعرف المكان الي يشتغل بي اذا احتاجه اكدر اروح علي
كل هذا كنت صابره ومتحمله
واكول ميخالف بلكت ابوي يوعا على نفسه
بلكت يحس بس ابد ماكو اي فايده
قبل اسبوع سووا اكبر مصيبه بيا
يعقوب....اي كملي
امي...يايمه تبجي مو دموع دم تكسر باب الكلب
يعقوب...كملي شنو سوا ابوها
امي....ماعندا فلوس ويريد مخدرات هذا الي يتعامل ويااا
ما قبل ينطي لان على دين هواي
وهو تخبل شلون ما تنطيني ووين اروح
يعقوب...اي
امي...كايله هاي بنتي تعال اخذها
متفق هو والتاجر على هاي المسكينه
يعقوب...وبعدين
امي... البنيه كايمه تبجي تريد تخلص نفسها ماكو
مااكدر اكول غير ابوها اكبر حيوان
مدخل الرجال عليها للغرفه وقافل الباب عليها
متفق ويااا
اي شي يريد يسوي بيها عادي بس ياخذ مشروب ومخدرات
خطيه مسكينه شكد مقاومه تعيط تضرب بي بس ماكدرتله
اعتدا عليها وضيع شرفها
ابوها واكف برا يسمعها تصرخ ولا على باله
عايف هذا الحيوان يتعدي عليها وساكت
منا لمن انتهك عرضها وطلع برا ابوها فتحله الباب
اتكول ابوي سكر ومايدري بلدنيا وصاحبه طلع من البيت
بعد ما ضيعني وضيع شرفي
اني راسا بدلت وطلعت اركض رحت الاخوي حجيتله كلشي صار وياي
اخوي تخبل اله ارجع اقتل ابوي خلاص
مادام هيج رخصج وسلمج الهذا الحيوان
بس البنيه باقيه تبجي وتتوسل باخوها
تكول اذا قتل ابوي راح يدخل سجن واضيع بلزايد
بعد محد يبقالي بهاي الدنيا ووين اروح
اخوها جايبها وجاي هنا حتى ابوها بعد ما يلكاها
مااجربن غرفه بفندق شعبي تعبان
وكاعدين هو وياها
ابو الفندق كل شويه وطاردهم لان بس اخوها عنده هويه
هي ماعدها هويه
ابو الفندق يخاف من التفتيش خاف الشرطه
تجي وتحاسبه
يعقوب....وين اخوها هسه ليش وحدها
امي...اخوها يشتغل بااجور يوميه حتى يكدر يعيش
وهي هم طالعه ادور شغل
تكول اشتغل اي شي بس كون مكان آمن
اني اخاف من الناس بعدني زغيره والوقت صعب
يعقوب....ولله خطيه مسكينه هذا ابوها صدك حيوان
شلون يسلم بنته باايده
بس هي هاي المخدرات تلحس عقل البشر
بعد مااكدر يتحكم بنفسه
امي....ولله كسرت خاطري تحجي وتبجي
يايمه زغيره وحلوه صدك واحد يخاف عليها
يعقوب....شلون تعرفتي عليها
امي....اني كاعده بلمحل وهي اجت وكفت بلباب وسئلتني على شغل
اتكول انتي تعرفين هاي المنطقه ماكو واحد محتاج عامله
خدامه كلشي اشتغل اي شغله
بس كون مكان اامن
اكدر اامن على نفسي اذا اشتغل بي
تكلي خاله انتي مره جبيره وتعرفين الناس اكثر مني
اذا تعرفين ناس محترمين اشتغل عدهم
اذا ساعديني ماانسا فضلج طول العمر
جمانه السعيدي
يعقوب... ما تشغلينها ببتنا
تنضف تطبخ بمكان ماانتي طول النهار تركضين وما تلحكين
امي..هاااا بيتنا اي ولله هي تكول حتى إذا ١٠٠ بلشهر اوافق
على الاقل اساعد اخوي ايجار الفندق والمصرف كسرت ضهرا
وتخاف اذا ابو الفندق طردهم وين يرحون
يعقوب...لا ١٠٠ قليله خطيه اذا رجعت عليج باجر
خل تجي تشتغل وتساعدج
واني انطيها ١٥٠ اول شهر لمن انشوف شغلها اذا شغلها حلو وامينه
ساعته تبقى هنا تساعدج
امي...اذا رجعت باجر احجي وياها واشوف
يعقوب....تدرين هاي اذا احد.ساعدها تشتغل بمكان زين
حتى تحافظ على نفسها شكد اله اجر يم رب العالمين
يقول الرسول محمد ص
من فرج كربة عن مؤمن في الدنيا
فرج الله عنه الف كربة يوم القيامه
امي...اي ولله يايمه مسكينه خطيه
يعقوب...اني بس اتعجب على ابوها شلون ينطي كلبه هيج يسوي بيها مو خطيه
اذا البنيه ماتحس بلامان يم ابوها ووين بعد اكو امان
همزين عدها اخوها ووكف وياها وساندها
جان ضاعت فد مره
تعرفين هاي خوش بنيه ما قبلت بلغلط
عافت كلشي ونهزمت
مو بس هاي خافت على اخوها يقتل ابوها ويدخل السجن
وتفقد ابوها واخوها
هاي تفتهم وعاقله
لا والنوب ادور شغل ماتريد اخوها يشيل مسؤليتها
هاي رحمه مو بنيه الله يستر عليها
امي...اي ولله من شفتها تبجي كسرت خاطري
اطيتها خمسه وكتله تعاي كل يومين اتلاثه اطيج القاسمه الله
يعقوب....لا من تجي اعرضي عليها تشتغل ببتنا
وخليها جوه عينج شوفي شغلها زين
امي...اي اذا رجعت خاف بعد ماتجي
يعقوب...انشاء الله ترجع
جمانه السعيدي
يومين مااجت وامي كالت يمكن بعد ماتجي
ثالث يوم كعدت الصبح اغسل وجهي وامي تحضر ريوك
اندكت الباب
الساعه بلسبعه الصبح
الدنيا بارده والجو شويه بي ضباب
فتحت الباب شفته كدامي بس ماعرفتها
لان اني ذاك اليوم ماركزت من شفتها واليوم الجو ضباب
وتوني كاعد من النوم
اتوقعت وحده حاي تشتري ريوك
لان احنا متعودين على الزباين تجينا الصبح
الي يشتري جبن والي يريد جاي والي يشتري بيض
المهم فتحت الباب شفته ماركزت على وجها
بس شفتها دخلت وصحت على امي تجي تشوفها شتريد
عبالي وحده تشتري ريوك
دخلت للصحيات وامي اجت فتحت الباب
اسمع امي تكول
امي .....هله هله خاله سحر تفضلي هله بيج
سحر...لا انتضرج برا هنا مااريد ازاحمكم
علما تخلصين ريوك
امي...الدنيا بارده تعاي ادخلي شنو باقيه برا
سحر...اني اجيتكم من الصبح
بس ولله مااعرف وين اروح كلت بلكت خالتي شافتلي شغل
امي...تعاي ادخلي اني بردت
سحبتها امي ودخلتها جوه
يعقوب....فهمت من كلام امي وياها هي هاي البنيه الي امي حجت عنها قبل يومين
غسلت ودخلت لكيتها كاعده بلكاع كبال امي
بس شافتني دنكت ورجعت على الحايط
يعقوب....صباح الخير
سحر...صباح النور اسفه ازعجتكم من الصبح راسا كامت وكالت اني انتضر برا
يعقوب....شنو القصه الدنيا بارده ووين برا اكعدي اتريكي ويانه
سحر....اعذروني ماعندي مكان اروحله والحجيه
اكثر وحده حست بيه وبوضعي
الله يرضا عليها اجيت اسئلها اذا شافت احد محتاج
مساعده خدامه اي شي اني اشتغل
بس كون الحجيه تعرف الناس الي اشتغل عدهم
كون ناس ثقه
يعقوب... اكعدي ارتاحي احنا لكينالج شغل
كعدت ودنكت راسها
سحر...صدك اكو شغل
يعقوب......يله يمه وين ريوك خل تتريك ويانه
سحر...اني تريكت ريوك العافيه انشاء الله
امي.. مايصير اله تاكلين ويانه
سحر...مااكدر اعذروني
يعقوب...اباوع عليها تحجي وهي مدنكه
لابسه رداء اسود املح ومخيط منا ومنا وحجاب عادي
بس شكلها حلو مبينه محترمه
كعدنا نتريك اني وامي وهبه
هبه بس تباوع عليها ماقريت منها
يعقوب...تعرفين شغل البيت
سحر...اي كلشي اعرف اطبخ وانضف واخبز
يعقوب...زين احنا راح نشغلج بيتنا ونشوف شغلج
يعني تشتغلين تحت التجربه
اذا شغلج عجبنا تشتغلين عدنا
امي تعبانه ومحتاجه مساعده
واذا شغلج ماعجبنا نشوف مكان ثاني تشتغلين بي
بس نتأكد مكان زين
سحر...الله يرضا عليكم الله يستركم مثل ما سترتوني
الله يوفقكم
ولله اخدمكم بعيوني حتى بدون مقابل
على هذا الحجي الحلو واستقبالكم اليه
الله يحفظك وينور طريقك
يعقوب...من اليوم خل نشوف شغلج
سحر. مو من عيوني مو تدللون
سحر...اني ما مصدكه رب العالمين وكعني بناس طيبه مثلكم
الله شكد يحبني
الحمد لله والشكر الف الف الحمد لله والشكر
