رواية خادمة الفصل الثالث بقلم جمانه السعيدي
بشرى....الساعه ثنتين ونص رجعو للبيت الدكتور والدكتوره
حضرت الغده
كعدو اتغدو اثنيينهم
دكتوره امال....عاشت ايدج الاكل طيب
بشرى...بلعافيه حضرت الجاي
الدكتور....الله شنو هذا الجاي طيب اريد بعد
بشرى...تدلل
الدكتور...عاشت ايدج صار هواي ماشارب جاي طيب هيج
الدكتوره....مبينه نظيفه وشاطره ومراح اتعبنا
بشرى....غيرو ملابسهم وطلعو للعياده
نظفت المطبخ ورجعت رتبت البيت
حضرت عشى وطلعت قبل أذان المغرب بشويه
من رجعت للبيت سعدون وجماعته جانو كاعدين بلباب
بقو يباوعون عليه
بس اني ابد مااهتميت دخلت وطبكت الباب
ذوله ماعدهم شغل وعمل ملتهين يراقبون الناس
لو كل واحد يشتغل ويطور نفسه احسن من هاي الكعده بلباب
امي...هله بشوره مامريت عليج ولد موضف هو وزوجته وصلني للبيت بسيارته
هااا خوما تعبتي
بشرى...لا ما تعبت اصلا بيتهم يلمع كلش نظيف
شغل بسيط
امي...هااا مو كتلج هما نفرين وكل النهار برا البيت
منو يوصخ البيت
بشرى...عجبهم طبخي الدكتوره كالت يخبل
امي...انتي نفسج بلطبخ حلو عفيه بتي اريدج ترفعين راسي
بشرى...لا تخافين اني حبيتهم ومراح اقصر بشغلي ابد
امي...عفيه هاي بتي السباعيه
جمانه السعيدي
بشرى....يمه شنو بيتهم هذا يجنن احنا عايشين وهما عايشين
اصلا بيتنا هذا ما يعرفون بي جلبهم
امي...يايمه كلمن وقدرته هما ناس شبعانين
واحنا ناس على كد حالنا موزين عدنا بيت ملك وماندفع اجار
بشرى....يمه اني بعد مااسمي هذا بيت
لان شفت شنو البيت الحقيقي
صدك جذب بيتهم يخبل نص الشغلات بلمطبخ مااعرف اشغلهن
ولا بعمري شايفتهن
احنا مو من البشر حالنا حال الحيوانات
امي...انتي متوقعه بس هذا البيت عدهم خير من الله
دكتوره امال من بيت العطار املاكهم تارسه الدنيا
يعني اغنياء ابا عن جد
ودكتور عدنان بعد اهله يسموهم بيت عيسى
تجار وأصحاب أملاك عدهم كراجات
وبيوت حتى سينما عدهم
احنا وين وهاي الناس وين ناس واصلين
بشرى....يمه هم يجي يوم ونكعد بيت زين واثاث حلو
حالنا حال هاي الناس
امي...بلكت تطيحين بواحد شبعان ويشتريلج بيت حلو
بشرى....لا ولله مااضن حتى زواج يمكن ماازوج
يمه اني منو يباوعلي
واني بوضعي هذا لا جمال ولا مال
عليمن ياخذني ماكو بس سعدون يباوع عليه بلرايحه والجايه
اضن حتى سعدون مايرضي بيه
امي...يااا شنو سعدون اخليج هيج بدون عرس وما تاخذين سعدون
بشرى...يمه هو هم ما يخطبني هسه الناس كلها راح تعرف اني اشتغل خدامه
بعد محد.يكلبني تطمني راح ابقى على كلبج
جمانه السعيدي
بشرى...ثاني يوم طلعت وياا امي حتى الحك
على دكتوره امال بلبيت واسألها على الغده شنو
واني ماعندي مفتاح ادخل للبيت وحدي
المفتاح عدهم
وصلت فتحلي الباب الدكتوى
بشرى...صباح الخير
دكتور عدنان...صباح الخير تفضلي
بشرى...دخلت لكيت الدكتور جاي تتريك
....صباح الخير
امال....صباح الخير زين اجيتي قبل لا نطلع
عاشت ايدج شغلج حلو ونظيف
العشى طيب بس قللي بهارات وملح تمام
بشرى...تمام عندج أوامر خاصه اليوم
امال...اليوم نريد على الغده برياني دجاج كلشي عندج
هنا الخضروات البهارات والدجاج
بشرى...والتنظيف تحبين شي خاص
امال...لا بكيفج انتي عندج تليفون اتواصل وياج
بشرى...هذا الصرصور
امال... زين اريد رقمج خاف احتاج شي لو ادز شي للبيت
بشرى...اي هذا رقمي
امال...تمام
بشرى...بس اذا عندج وقت اريد تعلميني اشغل المكناسه
وهذا الجهاز بلمطبخ مال شنووو
وهذا وهذا لان مااعرف شغلهم شنو
امال....هاي المكنسه مجرد تخليها بالكهرباء وتشغلين هاي الدكمه الحمره تسحب التراب ومن تخلصبن
تطفيها من نفس النقطه
اذا اشتغلتي بيها هواي افتحيها هيج وفرغي هذا الجيس من التراب
اما ذني الاجهزه هاي طاحونه لازم تقفليها زين قبل لا تشغليها لان اطشر الشي المطحون برا
وهاي محظرة طعام
تكدرين اثرمين بيها اي شي لحم دجاج حتلو دولمه
وهيج تشتغل
وهذا خلاط مال عصير هيج يشتغل
وهذا مايكرويف تسخين الاكل بس لازم تخلين الاكل بماعون كزاز حتى لا ينفجر عليج
وهذا توقيت التسخين الكل اكله
امال.. هاي هيه فهمتي
بشرى...اي فهمت شغلهم بسيط
دكتوره امال...اني اروح لان اتأخرت
جمانه السعيدي
بشرى...هيه طلعت واني بقيت اباوع على الاجهزه
شنو هاي حياتهم شكد.سهله
كلشي على الكهرباء ويتحضر بدقايق
اني اذا اريد اطحن شي بيتنا ابقى ادك بلهاون لمن اطيح
اديه الفقير كلشي علي صعب
والغني كلشي بحياته سهل
اي بعد وبعد يابشرى راح تشوفين شغلات بعمرج ما شفتيهن
طلعو منوالبيت الدكتور والدكتوره
واني بلشت شغل قبل اكول الشغل بيتهم سهل
وبسيط وهسه صار بعد أسهل
وياا هاي الاجهزه ماكو اي تعب
ولج يمه تعاي وشوفي هاي الناس شلون عايشين
تعاي شوفي الغراض الي عدهم
عود احنا هم عايشين وهما عايشين
احنا مال شمر بلزباله على وضعنا التعبان هذا
كل يوم اسوي حمله على البيت المع كلشي
انظف تنظيف ما صاير حتى البيبان والشبابيك
حتى باب الشارع اغسله
اغسل كدام الباب
الملابس غسل وكوي طبخ
كلشي بلنسبه اليه سهل شغل سهل مو متعب
الدكتوره امال خلتني بمرحلة اختبار بدون مااعرف
جانت تعوف فلوس على الميزان مرات قطعة ذهب
بغرفة النوم اني انظف واعوفها بمكانها
بيتهم بي غرفتين
غرفة نوم وغرفه استراحه
غرفة الاستراحه بيها نص ديوان ومكتب وكراسي ثنيبن خشب وحاسبه ايباد وزرع ضلي
اني ابدي بغرفة النوم كل يوم اغير الجرجف
واهوي الغرفه وكل اسبوع اغير البرده
اخذ ملابسهم الوصخه اخليهن بلغساله
بعدين ارجع الغرفة الاستراحه انظفها وارتبها
جنت الكه بغرفة الاستراحه ساعات ثمينه فلوس أقلام غاليه
ايباد حاسبه كلشي ثمين وغالي
بس بعمري مامديت ايدي على حاجه انظف وارجع كلشي المكانه
حتى غرفة النوم الكنتور دائما مفتوح
بي علبة ذهب وبي فلوس بس مو مبالغ هواي
يعني ٥٠٠ او ٤٠٠
لان هما يخلون فلوسهم بلمصرف
اني بلبدايه جنت اكول شلون يعرفون غراضهم هيج مطشره
حتى الذهب مشمور على الميزا
معقوله هاي الفلوس والذهب مو مهمه بلنسبه الهم
ماجنت اعرف اني بمرحلة اختبار ثقه
شهرين واني اشتغل بهذا البيت حسب الاصول
وانفذ كلشي تكول على اادكتوره
الدكتوره حبت شغلي وطبخي وجانت فرحانه بامانتي
بعد فتره صرت اعرف الدكتور والدكتوره شيحبون
شيكرهون شنو الأكلات الي يفضلونها
الدكتوره جانت كل فتره تنطيني الملابس الي ماتحتاجهن
والاحذيه والشالات
شكو شي ماتريده تنطينيا
مرات تجيهم هدايه للبيت لو علب حلويات
لو تمر بالمكسرات لو عسل طبيعي راشي اصلي
حتى لحم وسمج
اكو جماعه يجيبولهم هدايه
الدكتوره جانت اطلع حصتي من كل هذا
تكول اخذي احنا كل وقتنا شغل وماعدنا وقت للاكل
ليش يخرب حرامات
تنطيني قسم من هذا الخير الي يجيهم
حبيت الشغل بيتهم فلوس واكل وملابس
وشغل بسيط وسهل
بعد سنتين زاد راتبي صار ٧٥٠ الدكتور جانت تقدملي
هدايه وفلوس بس حتى ابقى
اشتغل بيتها لان شافت نظافتي وشغلي شلون مرتب
وأهم شي امانتي
امانتي جانت اكثر شي عاجبها بيه
جمانه السعيدي
خمس سنوات واني اشتغل بهذا البيت صرت اني
ام البيت حتى الطبخ بكيفي
من ياكلون يكولون اكعدي اكلي ويانا
اعرف كل تفاصيل حياتهم يحجون كل اسرارهم
كدامي
لان عدهم ثقه بيه فلوسهم غراضهم
كلشي اني ارتبه واحفظه الهم عدهم ثقه بيه مو طبيعيه
صار عندي نسخه من مفتاح بيتهم
مرات يسافرون ويوصوني على البيت
طبعا لو شكد مايبقون وقت برا بيتهم واني بيتي
راتبي ماشي مناقص منه شي
يعني ما يعاملوني بليوم
لو هذا الوقت احنا مسافرين ينقص راتبج
بلعكس الدكتوره جانت بلمناسبات تنطيني فلوس اكثر
مثلا اذا عيد لو اتمرض تنطيني اكراميه
تكول اني لو افتر العالم كله مالكه وحده مثلج ومثل امانتج
شغلج حلو ونظيفه
اتمنى ما تعوفين الشغل عدنا
الصراحه اني ابد ما مفكره اعوف الشغل بيتهم
لان كمت اكل احسن اكل والبس لبس راقي
طول هاي الفتره الخمس سنوات كنت اجمع راتبي واحاول
اشتري كلشي ناقص بيتنا
راتب امي مكفينا معيشه
وراتبي اليه اشتري اي شي يعجبني امي ابد ما تدخل
براتبي ولا تسئلني وين راتبج
اشتريت غساله زغيره لان اني ارجع المغرب
ماالحك اغسل ملابسنا اني وامي
اغسلهن بلغساله واجففهن حتى الصبح نلبسهن
اشتريت طباخ مصري
لان طباخنا تعبان حيل اشتريت كاونتر مستعمل
بس نظيف
اشتريت مجمده زغيره اشتريت نص ديوان
غيرت البردات
بيتنا هذا التعبان صار شي ثاني
صار حلوووو شكل جديد
على الاقل من ارجع للبيت ارتاح نفسيا من ادخل بيتنا
اشتريت تليفون ابو الكامره وهذا كان أكبر احلامي
اشتريته ٣٠٠ الف
سحبت نت للبيت
اريد احس نفسي عايشه حالي حال الناس
ومحد احسن مني مادام اشتغل وتعبانه من حقي اعيش حالي حال هاي الناس
جمانه السعيدي
كل هاي الاحداث والتطورات الي صارت بحياتنا اني وامي
بعد شغلي بيت الدكتوره
جانت حديث الشارع
كل الجوارين تحجي بلفلوس الي صارت عدنا
وشلون حالنا تغير
وشلون وضعنا كله تبدل
ناكل احسن اكل ونلبس ملابس راقيه
الجوارين يكولون بشرى وكعت على كنز
هاي مو تشتغل خدامه
هاي صارت من أصحاب الفلوس ووضعها كله تغير
الشغله الي كانو يعيروني بيها
الكل يحب يشتغلها حتى وضعهم يتغير
مثل ما وضعي كله تغير
كم وحده من الجواربن اجن عليه
الدكتوره الي تشتغلبن يمها ماتريد بعد وحده تشتغل عدها
كتلهن هو اني اشتغل انظف بيتها قابل سكرتيره عدها
حتى راحن للمستشفى الدكتوره امال يسئلنها
اذا تريد وحده تشتغل عدها
بس هي كانت متمسكه بيه حيل
تكول مالكه مثل بشرى ابد
من ضمن الناس الي خلت عينها عليه سعدون
يشوفني اطلع لا بسه ملابس راقيه
وجنطه وحذاء على الموديل متوقع اني راتبي مليون
مايدري هاي ملابس مستعمله من الدكتوره
ومن ارجع دائما محمله علاليك اي شي تنطينيا الدكتوره
اجيبه للبيت
هو متوقع اني اشتري هاي الشغلات من راتبي
فكر اني فرصه مناسبه للزواج
لان كلشي مراح يخسر عليه
بيت اهلي موجود راتب عندي هو متأكد من اخلاقي
ويعرف اني ماعندي سوالف موزينه
اذا ازوجني راح يضمن حياة مريحه
يعني يعيش براسي
عمري صار ٢٦ سنه واني محد متقدملي
والا واحد دك بابي طول هاي السنيين
من اسمع وحده من بنات الشارع ازوجت حيل اضوج
ليش اني وأكف حالي
ليش ماازوج حالي حال كل البنات
حتى البنات الي ازغر مني اعمارهن اقل ١٨ كلهن ازوجن
بس اني عبالك عليه عمل حالي واكف
يمكن راح ابقى طول عمري
