رواية ضحية امي الفصل الثالث بقلم جمانه السعيدي
بقيت بيت خالي اربع ايام وامي كل هاي الايام تتصل مره باليوم وتقفل تليفونها
خالي حيل ضاج ومآ يكدر يحجي عليها كدام زوجته
بس كل شويه يكلي بله امج هاي سالفه تسويها
خامس يوم العصر اتصلت كالت اني رجعت للبيت
تردين ترجعين للبيت خلي خالج يجيبج
تردين تبقين بيت خالج براحتج
كلامها قلقلني من يمته واني اعوف بيتنا واكعد بيت خالي
بس رجع خالي كال امشي اوصلج
رحنا البيتنا دكينا الباب طلعت امي لابسه دشداشه
عاديه وشال فتحت الباب
اني جنت حيل مشتاقه الها
حضنتها وبستها بس هي كان سلامها بارد وياي
دخلت للبيت اني وخالي
خالي بعد ما سلم عليها
خالي انتي ماتكللي شنو قصتج شلون ترحين للزياره وماتكولين ومنو ذني صديقاتي الي رحتي وياهن
امي شنو هو تحقيق ضايجه ومحرومه بلبيت
ورحت غيرت جووو يعني اني قابل شسويت
خالي اي غير نعرف وين الكربلا للنجف اني قابل شريد منج بس اريد اطمن عليج
خاف يصير شي لاسامح الله حتى اعرف اتصرف
امي هياني رجعت سالمه والحمد لله ومآ صار شي ابد
خالي الحمد لله
امي هنا سوت نفسها تنعس وكل شويه وكالت اني تعبانه من الزياره
خالي كال اني اروح واعوفكم ترتاحون
بس طلع خالي هي راسا دخلت سبحت واني دخلت الغرفتي راسلة مهند وكتله اني رجعت للبيت
سمعت امي طلعت من الحمام والعطر ترس البيت
وكامت تخابر بس اني جنت مركزه
ويه مهند يريد يشوفني واني كتله لا اريد اقرا
واذا صارت فرصه اني اتصل بيك
مهند زين طمنيني عنج واذا تحتاجين شي اتصل عليه
لقاء ان شاء الله
قفلت التليفون وتمددت شويه واني افكر بمهند وشلون راح تكون حياتي وياااا
والسادس شلون راح اطلع منه
سمعت امي فتحت الباب الخارجي ودخلت تسولف ويه واحد
كان صوت رجال اعتقدت خالي رجع
طلعت وشفت شي مامتوقعته ابد
ضليت واكفه ومصدومه
وولد شاب ضخم عمره تقرببا ٢٣ او ٢٤ واكف وخال ايده على كتف امي ويسولف ويضحك وياها
وامي طالعه علي بسيت نوم
سيت احمر قصير واروب تور ومكياج قوي
حسيت صار عندي مغص من الموقف الي شفته
وتبسمرت بمكاني
حتى كلام ما اكدر انطق اي كلمه
امي هاي بعدج كاعده امشي روحي ادخلي جوووه
الولد الي واكف ضل يباوع عليه من فوك ليجوووه
اني قطعت صمتي وكلت منووو هذا
امي هذا زوجي على سنة الله ورسوله ازوجنا بكربلا
قبل أربع ايام
لقاء يمه شنووو زوجج انتي تحجين صدك
راسا امي سحبته من ايده ودخلته غرفة النوم وسدت الباب ورجعت عليه
سحبتني ودخلتني بغرفتي
اني غرفتي بصف غرفتها
دخلت وسدت الباب
امي باعي لقاء اني ازوجت وهذا الشخص اني احبه
وهو يحبني واني ما مسويه شي غلط لو حرام
هذا زواج على سنة الله ورسوله
واني جبيره بما فيه الكفايه حتى اتصرف براحتي
كافي سنيين العذاب الي عشته وياااا ابوج
حابسني وحسره عليه اطلع
واي كلام مني راسا يضربني واي رايئ ماليه
هو العمر كم سنه باقيه بي واضيعهن اني اريد اعيش حياتي
لقاء بس هذا شاب زغير مو ويه عمرج
امي شنو شاب زغير واني شكد عمري مليون اصلا اني مبينه ازغر منه واني ما جبرته هو شافني وحبني
وطلب يزوجني
لقاء وين شافج وشلون عرفتي يحبج
امي هسه هذا الكلام مو وقته ابد تعارفنا اني ويااا على الفيس وطلب يشوفني وبس شافني اقتنع
وطلب يزوجني واني وافقت
لقاء اذا كلامج صحيح ليش ما تقدملج وخطبج من خالي
ليش زواجكم سري
ليش يتسحب للبيت نص اليل مثل الحرامي
اذا انتي ما مسويه شي غلط ليش مايكون كلشي علني
ليش تتختلون مثل الحراميه
امي اسكتي ما اسمع صوتج ولاتحجين ولاكلمه
اذا ما عاجبج روحي عيشي بيت خالج
اني ما مستعده اضيع باقي ايام عمري واني ادور رضا الناس
الناس على كلشي ما ترضا
واي واحد ماله سلطه عليه اني جبيره واعرف اتصرف
لقاء ماما هذا غلط ومآ يحتاج واحد يكول علي غلط مبين جمانه السعيدي
مادام قبل يزوجج بلسر وبعيد عن عيون الناس
اذا يعرف نفسه جاي يسوي شي غلط
امي واني كاعده على الجربايه مثل الواحد وضاربينا
على راسه
عقلي مايقبل يستوعب الموقف
معقوله هي هاي امي ليش هيج كاعد تسوي
مدري اترحم الابوي لان جان حابسه
مدري احجي علي لان بس انفتح القفص طارت
اي امي طارت
جاي تواكب التطور الحديث بس ما تعرف تتصرف
معقوله هذا كله من الحرمان الي عاشته
اتمددت وكمت ابجي ليش هيج يصير وياي
شلون راح اكدر اعيش بلبيت
زين الجوارين لمن يشوفونه داخل طالع شراح يكولون
صح هي من حقها تعيش وترتبط
بس اولا لازم تصبر شويه وتأخذ وقت اكثر
واذا تريد ترتبط تزوج واحد مناسب العمرها
شخص جبير وفاهم
مو هذا ازغر منها ١٥ سنه او اكثر
ياترى هذا على شنو ازوجها
صحيح امي حلوووه بس مو مال واحد هيج زغير يزوجها
شنو شاف عدها وزوجها
شاف الذهب لو طمع بلبيت والراتب
بقيت احوس اريد انام ما اكدر
فكرت احجي ويه مهند
بس شراح اكله شلون اوصله الموقف
اكله امي ازوجت واحد ازغر منها ب ١٥ سنه
ويدخل للبيت مثل الحرامي يتسلل
هنا بديت اسمع صوت امي وزوجها
الضحك والسوالف والشقه
سديت اذاني حيل ما اريد اسمع شي
اريد اختفي من هذا العالم امي موبس خطئة بحقها
اني هم خطئت بحقي
ليش هيج وين اروح والمن اشكي الحال
ضليت اتكلب واريد انام بكل طريقه ما اكدر وخاصه صوت ضحكت امي عالي
يرجعني الهذا الواقع المر
لمن بدا الجو يكشف شويه يله سكتو
واني راسي كام يوجعني من التفكير والبجي
نمت وبعد ما حسيت غيرعلى صوتهم يحجون برا
سمعت امي تكووول ابقى وين رايح احنا محد يجينا
هسه اشوي دجاج واسويلك احلى غذا
فتحت عيوني الساعه ثنتين الضهر
حيل هذا الوكت كله نمت وما حسيت
كعدت اريد اطلع اغسل بس شلون وهذا برا
فتحت باب غرفتي ما كو احد امي خاله الدجاجه بلفرن وداخله تسولف هي وياااا ويتشاقون ويضحكون
طلعت للمغاسل غسلت ورجعت
جان هو يلاكيني وجكارته بحلكه بس شافني ضل يتفحص بجسمي
اني لابسه تراك
اني ماعندي ملابس محتشمه لان متعوده بلبيت كله تراكات وبرمودا ودشاديش قصيره
لان ماكو احد بس اني وماما بلبيت
دخلت غرفتي وسديت الباب
بقيت كاعده ومآ اعرف شسوي
فتحت موبايلي فكرت اتصل بخالي واكله
بعدين فكرت خاف يتعاركون وتصير مشكله بسببي
خل ارجع احجي ويااا ماما بلكت الله يهديه وتبطل
لكيت مهند دازلي رساله
اليوم ماكووو الحلوووو هاي كله قرايه
اخاف على عيونج الحلوووات
فكرت احجيله لان لازم الكه واحد احجيله واطلع الي بكلبي ولا راح انفجر
بعدين تراجعت هاي امي شلون راح احجي عليها
مهما يكون مهند غريب
شلون ياربي هاي مصيبه اني ما اكدر اتحملها ابد
سمعتهم طلعووو يتغدووون
امي ماكلفت خاطرها تشوفني كعدت اكلت بعدني
اسمعه يوكلها ونازل عليها بعبارات الغزل
عبالك ثنيين مراهقين
طبعا شاف الخير كله بعيونه لازم يتمسكن لمن يتمكن
كملو اكل ورجعو للغرفه
للساعه خمسه يله طلع من البيت واني محبوسه بغرفتي
طلعت اريد اشرب ماي
امي وصلته للباب ورجعت
لقاء باوعت على امي وكتلها
ماما انتي مقتنعه
امي كلش مقتنعه وراح اطير من السعاده
اني ويه ابوج جنت مدفونه انتي ماتخيلين حمودي شكد يحبني
لقاء ليش يحبج
امي شنو قصدج اني ما انحب شوفي الجمال شوفي الحسن
لج من اطلع الزلم كلها ضل تباوع عليه
واحدهم تنكسر ركبته وهو يلتفت وراي
اني كنز وابوج جان دافنه
لقاء قصدج محافظ علي من عيون الناس
امي المهم اني اريد اعيش حياتي منا وهيج
لقاء بس اني راح اكول الخالي
امي خوفتيني من خالج بابا خالج عايش حياته
وعندا زوجه واطفال
شنو اني مدخله بحياته ماله دخل بيه
اني حره اسوي الي يعجبني ومحد مسول عني فهمتي
واي مشكله تصير بسببج
اني اطردج من هذا البيت فهمتي
عوزي وحده زعطوطه مثلج تتحكم بحياتي
اني داخله انام ممنوع تزعجيني
دخلت وسدت الباب
واني حرت ولله وين اروح ياربي والمن احجي
اخاف احجي وتصير مشكله واخاف اسكت وتصير مصيبه
هذا حمودي مبين مو راحه ابد
وامي ماتقبل تقتنع بكلامي
حسيت نفسي ضايجه اتصلت بمهند كتله فارغ نطلع شويه
مهند شعجب يوميه اكلج ماتقبلين
بدلت وأخذت المفتاح وطلعت
لكيته منتضرني صعدنا تكسي ورحنا على الكورنيش
كتله خل ننزل هنا اريد امشي
مهند شبيج ما عاجبتني ابد
....مابيه شي شويه ضايجه
....طبعا صدك السادس يخلي واحد يتكئب
...اي احس نفسي ضايجه حيل
...لااضوجين حبيبي هسه ازمه وتعدي ومآ تلكين نفسج
غير عروسه وبيتي
بس السنه يكون بعلمج وبعد تتخرجين على بيتي كبل
بقينا نمشي شويه ورجعت للبيت ويه اذان المغرب
صح ما غيرت شي بس نفسيتي صارت احسن
