رواية لم يكن قراري الفصل الخامس بقلم جمانه السعيدي
زادت مضايقات حيدر اليه
اني عندي احساس اني مو ممكن احب وانحب ابد
اكيد الي يحبني متوقع اني بنيه وكلشي تمام
بس اني لا مو بنيه
لا اكدر أبوح بلسر واكشف نفسي ويجوز يعوفني ويفضحني بالكليه
بيوم اجاني حيدر اني واكفه وحدي
حيدر صباح الخير
هناء شكووو
حيدر تدرين اني شكد احترمج
هناء هاي طريقه جديده
حيدر لا ولله احجي صدك انتي شكد انسانه محترمه
غير كل البنات الي عرفتهن
اغلب البنات جايه للكليه علمود العلاقات وخاله ابالها
ماتطلع من الكليه اله بيدها عريس
هناء وبعدين
حيدر بس حبيت اشكر امج وابوج الي ربوج على هاي الاخلاق الحلوووه
هناء العفوووووو
حيدر ممكن اطلب منج طلب
هناء تفضل
حيدر ممكن انكون اصدقاء اني مراح اضايقج ابد
بس يكون بينا سلام واذا احتاجيت اخت الكاج كدامي
هناء بس اني ما اصادق ولد ابد
جمانه السعيدي
حيدر بس اني اذا بيوم اذيتج او حسيتي اني مضايقج
انسحب من حياتج بكل هدوء
هناء سكتت
حيدر اني اروح لان عندي محاضره
هناء وفعلا حيدر ابتعد عني واذا يشوفني من بعيد يرفع ايده يسلم ويروح
ومرات يكول صباح الخير وهو يمشي
قبل وين جان لاحكني وين ما اروح
ومره وزعونا نتائج امتحان شهري وجابلي الورقه انطاانياها وراح
اني اطمنت حيل اله وحسيته رجال عد كلمته
وكبر بعيني حيل
وبيوم عدنا امتحان كلش صعب واني بس اقرا وحتى اكل اكلت كلش قليل
بس خلص الامتحان طلعت بس حسيت نفسي كلش تعبانه
طلعت برا القاعه وشفت حيدر يسولف
التفت عليه وكال هااا جاوبتي
هناء اشرتله اي
حسيت بدوخه لزمت الحايط ووكفت اجا قرب عليه وكال بيج شي
هناء لا مابيه شي
حيدر تعاي اكعدي مبين عليج التعب
سحبتها من ايدها وكعدته على الدرج هااا اجيبلج مي
هناء اريد مروه
حيدر ووين الكاها مروه
هناء انطيته تليفوني وفتحته واشرتله خابرها
اكو بنات ثنيين صعدن الدرج
هااا هناء سلامات
لزمت راسي ومآ اكدر احجي يمكن هبوط بلسكر صار عندي
حيدر طلعت من الامتحان وطلعت هناء بس سألتها على الامتحان زينه اشرتلي ووكفت لزمت الحايط
قربت عليها عرفت تعبانه
كعدته على الدرج وطلبت مني اخابر مروه انطتني تليفونها
وخابرت صديقتها
مروه اي هسه اجي دقايق بقيت واكف يمها وهي لازمه راسها شويه واجت مروه
رحت اني جبت بطل مي الها
شربت مي وكالت يمكن صار عندي هبوط سكر
رجعت للكافتريا جبتلها جكليت وعصير وجبت شويه شكر
وصلت لكيتها منتهيه
حيدر افتحي حلكج شويه مروه فتحت حلكها واني خليت شويه شكر
هاي الطريقه ترفع السكر اسرع
جمانه السعيدي
بعدين فتحت العصير ومروه شربتها
حيدر هااا هناء تكدرين تمشين
هناء شويه خل اصير زينه
عشر دقايق وصارت احسن كامت ولزمتها من ايدها مروه
اني حاولت الزمها من ايدها الثانيه بس ما قبلت
طلعت واجرت تكسي على اساس توصل للاقسام
بس مروه ما قبلت كالت خاف تتخربط اخذها وياي
حتى انتبه الصحتها
صعدن بلتكسي وراحن واني صعدت بلتكسي ورحت للبيت
اني حيدر من بغداد عندي اخ اكبر مني عايش بلخارج
واني وامي عايشين وحدنا
عدنا راتب تقاعد ابوي الله يرحمه
واخوي يشتغل بشركه بلخارج ودائما يدزلنا فلوس امورنا ماشيه والحمد لله
طبعا اخوي مزوج وعندا طفل زوجته عراقيه عايشه بلخارج
ابنيه كلش حبابه واخلاقها تمام
اني مدلل وعايش حياتي بلطول والعرض
الصراحه مصادق هواي بنات بس من داومت لفتت انتباهي هناء
اول شي لفت انتباهي شكلها الحلوووو
وثاني شي شفتها حيل منعزله
مو مثل باقي البنات
الفضول كتلني اتعرف عليها
بس هي حيل صدتني حسيتها متعرضه الصدمه بحياتها
لان تخاف تقرب للكل
عدها بس صديقه وحده بس وياها تمشي
اني صحيح تراهنت عليها بس كان هذا الرهان مجرد لعبه
بلنسبه اليه
اليوم تخربطت بلدوام وانطتني تليفونها اخابر صديقتها
ومن الهوسه نست تليفونها يمي
وصلت للبيت ولكيت تليفونها بجيبي
اني شفت الرمز شلون فتحته من طلبت مني اخابر مروه
فتحته وضليت اكلب بي اكثر شي صور امها بي
وشعر حزين وصورها هي وصديقتها مروه
سجلت رقمي وانطيت رنه حتى احفظ رقمها
هناء وصلنا البيت مروه ونخبصت بيه هي وامها
مروه طلعتلي ملابس من عدها وغيرت ملابسي
وامها حضرتلي الاكل
اكلت وشويه ارتاحيت حسيت نفسي احسن
دورت تليفوني ما لكيته اكثر شي شكيت وكع مني من اتخربطت
نسيت اني انطيته الحيدر يخابر مروه
اخذت تليفون مروه واتصلت علي اول رنه محد رد ثاني رنه اجاني صوت ولد الووووو
حيدر خليت التليفون وبديت ابدل سمعته يرن
ما لحكت على الرنه الاولى
الثانيه رفعته وكلت الوووو
هناء الوووو عيوني هذا تليفوني وكع مني
حيدر اهلا وسهلا لا ما وكع منج انتي انطيتنيا
هناء شلون اني انطيتك تليفوني اني اتخربطت ووكع مني فدوه رجعه من رخصتك
حيدر ولله انتي انطتنيا وكلتي خابر على مروه
هناء منو انت انت حيدر
حيدر اي شلون صرتي
هناء احسن همزبن التليفون عندك خفت وكع مني
حيدر باجر اجيبه وياي للدوام
هناء شكرا
حيدر اكلي زين مو توكعين علينا
هناء شكرا لانك ساعدتني
حيدر ولو احنا اصدقاء
هناء مع السلامه
حيدر الله وياج جمانه السعيدي
هناء ما اعرف ليش ارتاحيت الحيدر حسيته انسان شهم وعندا غيره
رجعت كلت اني ووين وحيدر وين
مستحيل ومن سابع المستحيلات راح يقبل بيه
ومآ اريد اتعلق بي ولا يتعلق بيه
اني باجر اخذ التليفون واقطع علاقتي بي نهائيا
الصبح رحت للدوام اني ومروه وبقيت ادور علي اريد اخذ تليفوني منه
شويه وصار كدامي
هناء صباح الخير ممكن تليفوني
حيدر اي ممكن صباح الخيرات شبيج مستعجله
هناء لا ما مستعجله بس اريد تليفوني
حيدر هاج تفضلي اني بلخدمه
حيدر حسيتها انسانه مسكينه ومكسور وقررت انهي الرهان
لان مو هناء الي اتراهن عليها
رحت الصديقي
...هلوووووو
...هلو حيدررررر
...شلونك
...تمام يمكن جاي تاخذ الرهن مني لان البارحه شفتك واكف يمها وتسولف عليها وطلعتو من الكليه سووو
....اني اريد الغي هذا الرهان
...ليش فشلت ماتكدر تخليها تحبك
...لا يمعود هاي مسكينه مو مال نتراهن عليها
...اول مره تفشل برهان
...لا ما فشلت بس ما اريد اكمل
...زين تعزمني على غدا محترم ونلغي الرهان بينا
...ميخالف
...بس موهنا بلكليه اريد مطعم محترم
...موافق
هناء كملت دوام ورجعت للقسم لليل اتصل عليه رقم غريب
ما رديت بقه يتصل واني انطيته كتم للصوت
شويه واجتني رساله
اني حيدر حبيت اطمن عليج لان طلعت من الكليه الصبح ومآ شفتج
اني صفت منيين جاب رقمي اني رقمي ما منطيته الاي احد بس مروه واهلي
بعدين فكرت وعرفت
التليفون من بقه عندا اخذ الرقم منه
رديت برساله
شكرا السؤالك ممكن بعد ما تتصل ولا ادز رساله
حيدر ليش مو احنا اصدقاء
... اي اصدقاء داخل الكليه وبس
....اسف اذا ازعجتج حبيت اطمن عليج اتمنى تكونين بصحه زبنه
...شكرا اللك
هناء تمددت شنو قصة حيدر ليش مصمم يدخل حياتي
وليش اني بديت افكر بي
يمكن لان هو أول انسان يتخطى كل الحواجز ويقترب مني
هناء ثاني يوم ماشفته اجذب اذا اكول عادي
كل شويه ادور علي
بقيت النهار كله عيوني ادور علي ومآ لكيته
ثاني يوم مر من يمي ومآ شافني ويجوز هو متعمد
يتجاهلني
اني شبيه وين عقلي ليش مشغول بي جمانه السعيدي
ثالث يوم اني شفته يحجي ويه صديقه ورحت مشيت قريبه علي بس ما انتبهلي ابد
لا اني وضعي مو طبيعي اني شكاعد اسوي بنفسي
حيدر حسيت نفسي جاي اضايقها فقررت ابتعد عنها
ما انكر هي عاجبتني حيل
بس اني نفسي عزيزه ومآ احب افرض نفسي على احد
بس اكللكم سر اني جنت اراقبها من بعيد
ما اعرف ليش عيوني بس ادور عليها وين ما اروح
يمكن هلمره حبيت صدك
بس هي عصبيه وماتنطي مجال ابد
ورا كم يوم شفتها ورحت سويت نفسي امشي قريب عليها
وسلمت عليها سلام عادي ومشيت
هناء من شفته قرب عليه كلبي فز من مكانه ومن سلم عليه
حسيت كلبي فرح حيل
اخاف اخطي اي خطوه اتجاها واتعلق بي ويعرف حقيقة الشي الي صار وياي ويعوفني
وترجع حالتي تنتكس مره ثانيه
حيدر ما اعرف ليش بس افكر بيها يمكن حبيتها صدك
بعد ما اكدر اصبر اكثر خل اروح اصارحها واشوف ردت فعلها شنوووو
ايجوز من تحس اني صادق بمشاعري تقبل
اول مره احس هذا الاحساس اتجاه بنيه
يمكن هذا هو الحب الحقيقي
ماحبيت اواجها بلكليه ردت اشوف ردت فعلها بلاول شنووو
بليل دزيت رساله كتبت
اكووو موضوع مهم اريد احجي بي وياج
هناء تفضل
حيدر انتي اكو انسان بحياتج
هناء وليش تسئل هذا السوال بصفتك شنووو
حيدر انتي انسانه تختلفين عن كل البنات الي عرفتهم
واني احبج وشعوري صادق وياج
وإنشاء الله بس تخلص امتحانات اخير السنه اجي اخطبج
تعرفين شكد عرفت بنات بس بعمري ما كلت الوحده اجي اخطبج
بس انتي ما اعرف ليش تعلقت بيج
ودائما افكر بيج
هناء بقيت صافن ومآ اعرف شكووول
كلت بكلبي انت الإنسان الصح الي اجا بلوقت الغلط
حيدر إذا تحتاجين وقت تفكرين اكثر ما عندي مانع
بس اللج وقت منا لمن تخلص الامتحانات
لان اني ناوي بهاي العطله ازوج
امي وحدها بلبيت خطيه
ولا تخافين راح نكمل دراسه سويه
هناء سكتت هواي وحرت بلجواب شراح اكول
احجيله الحقيقه اكيد يعوفني
واذا عافني علمود ذنب مو ذنبي راح اكره نفسي واكرها اكثر جمانه السعيدي
ياربي اني ليش هيج يصير وياي اني مو بنيه وحالي حال البنات ليش ما اعيش مثلهن
هناء قررت ارد علي رد يخلي يبتعد عني لان ولله كلبي خلص وموحيل صدمه جديده
هناء اني اسفه اني مخطوبه الابن عمي وقارين الفاتحه
وزواجي بلعطله
اتمنى تلكه بنت الحلال الي تسعدك
حيدر كلش ضجت معقوله لمن لكيت الانسانه الي اقتنعت بيها وحبيتها هيج يصير وياي
حيدر انتي تحجين صدك لوبس تردين تبتعدين عني
هناء لا احجي صدك
انت اخ عزيز عليه واتمنالك السعاده من كل كلبي
حيدر قفلت التليفون وحتى ماكلت مع السلامه
ودعيت بكلبي يخرب زواجها وترجع اليه
