رواية صدفة عشاق الفصل الثاني والاربعون
عند ايهم .
ريماس قربت منه بدموع ./هنفضل كده كتير يا ايهم . انا اعتذرت و عندي استعداد اعتذرلك و اعتذرلهم كلهم . بس كفايه بعد يا ايهم كفايه .
ايهم اتنهد بهدوء ./انا مبقيتش عارف اطمن معاكي يا ريماس . جوايا حته محسساني انك ممكن تغدري بيا في اي وقت عشان خاطر اخوكي حتي لو كان غلط . انتي خونتي ثقتها فيكي يا ريماس . عايزاني اديكي الثقه تاني ازاي .
ريماس مسكت ايده برجاء ./عشان خاطري يا ايهم . انا والله ندمت . انا و انت غير يا ايهم . انا بحبك بجد . سامحني يا ايهم عشان خاطر رحيم . و انا هوريك اني فعلا اتغيرت .
ايهم سحب ايديه بضيق ./لما اجي يا ريماس . اديني وقتي .
ريماس اتنهدت بدموع ./طب خدني معاك عشان ابقي جمب ليلي .
ايهم سحب مفاتيحه . و اتنهد بضيق. /الاحسن ليكي و ليهم انك متبقيش موجوده طول ما حازم موجود . انا مش عايز مشاكل اكتر من كده .
و سابها و مشي . ريماس قعدت علي السرير و اتنهدت بدموع . و هي مصممه تصلح اللي حصل .
__________________________________________
ليلي دخلت الاوضه اللي كانوا بيجهزه حازم فيها للعمليه . و وقفت قدام الباب بدموع . و هي بتبص علي حازم اللي متابعها بهدوء. لحد ما حازم هز رأسه بهدوء لـ الدكاتره اللي معاه ./انا هكمل الباقي .
و شاورلهم يخرجوا . ليلي اتحركت ناحيته . حازم اتنهد بهدوء . و هو بيمسك ايديها عشان يطمنها . و ابتسم بهدوء رغم توتره ./اطمنتي علي حنين .
ليلي هزت راسها بدموع ./بيجهزوها للعمليه .
حازم هز رأسه بهدوء . و هو بيمسح دموعها بـ ايديه ./ليه الدموع دي يا ليلي . المفروض تبقي فرحانه أن حنين هتبقي بخير .
ليلي مقدرتش تمسك عياطها . و اتكلمت و هي بتعيط ./ انا خايفه يا حازم . خايفه عليك و عليها .
حازم اتنهد بهدوء . و سحبها لحضنه بحب . و كأنه بيطمن نفسه بوجودها ./بس خلاص اهدي . كل حاجه هتبقي بخير طول ما احنا مع بعض .
ليلي رفعت عينيها بدموع ./هتقوم بسرعه عشاني يا حازم . انا و حنين محتجينلك .
حازم ابتسم بهدوء . و هو بيحرك أيده علي وشها بحنان ./هقوم و حنين هتبقي بخير . و اول حاجه هعملها هتجوزك يا ليلي . و نكمل حياتنا سواء . و ننسي الماضي بكل لحظه عيشناها فيه .
ليلي ابتسمت وسط دموعها .و هي بتدفن راسها في حضنه .
جيهان اتنهدت بهدوء و دخلت عندهم . و ابتسمت بهدوء و هي بطبطب علي كتف ليلي ./يلا يا ليلي . عشان منعطلهمش .
حازم مسك ايد جيهان و أبتسم بهدوء ./ خلي بالك منها يا ماما .
جيهان هزت راسها بهدوء ./ربنا يطمنا عليكم . و تقوموا بالسلامه انتو الاتنين .
ليلي خرجت من حضنه و هي بتمسح دموعها . /هتبقوا كويسين يا حازم صح .
حازم هز رأسه و هو بيحضن وشها بين أيديه . / كل حاجه هتبقي كويسه يا ليلي . انا بوعدك أن كل حاجه هتبقي بخير . بس دلوقتي اطلعي مع ماما . عشان انا الحق اجهز قبل ميعاد العمليه .
جيهان اتنهدت بهدوء ./يلا يا ليلي يلا يا حبيبتي .
ليلي هزت راسها بهدوء و مشت معاها . حازم اتنهد بهدوء و هو بيحاول يداري قلقه علي حنين .
عند ليلي .
ليلي قعدت جمب نعمه . و هي بتحاول تكتم دموعها .
نعمه حضنتها بتوتر ./ادعيلهم يا حبيبتي . يخرجوا بالسلامه .
ليلي هزت راسها بدموع و سكتت . راشد فضل واقف بتفكير لحد ما قرب علي ليلي و همس باستغراب ./اشمعنا حازم المتبرع . و ليه معرفتيناش من بدري .
ليلي بلعت ريقها بتوتر ./حازم مكنتش قايلي أنه عمل التحاليل . و لما لقاها متطابقه صمم أنه يعمل العمليه .
جيهان قربت منهم بتوتر . و ابتسمت بهدوء ./بقيتي احسن يا ليلي .
ليلي هزت راسها بخوف . بتحاول تداريه من نظرات راشد .
راشد اتنهد بهدوء و سكت .
__________________________________________
بعد ست ساعات .
ليلي مسكت ايد جيهان بقلق ./ هما كل ده جوه ليه .
جيهان اتنهدت بقلق و هي بتحاول تهديها ./معلش يا ليلي العمليه مش سهله .
قاطعهم خروج ايهم من جوه . ليلي قربت منه بسرعه . جيهان اتكلمت بسرعه ./ايه يا ايهم طمنا .
ايهم هز رأسه بهدوء ./حنين كويسه و هتتنقل العنايه المركزه لحد الصبح .
ليلي بلعت ريقها بخوف ./و حازم .
ايهم اتنهد بتوتر ./حازم حصله نزيف في العمليه . بس احنا وقفناه بس لسه حالته مش مستقره .
ليلي دموعها نزلت بخوف ./ازاي يا ايهم هو مطمني بنفسه . قالي أن مفيش خطر عليه .
ايهم هز رأسه بهدوء ./ ده وارد يحصل في اي عمليه يا ليلي . مش عايزين نقلق نفسنا علي الفاضي . احنا بس مستنيين الكام ساعه اللي جايين يعدوا علي خير . نحمد ربنا أن العمليه نجحت و عدت علي خير .
جيهان مسحت دموعها بسرعه ./الحمدلله الف حمد وشكر ليك يارب .
راشد قرب من ليلي ..و ابتسم بهدوء ./ارتاحي يا ليلي دلوقتي . انتي محتاجه مجهود و طاقه الفتره الجايه عشان خاطر حنين .
نعمه هزت راسها بهدوء ./الحمدلله انك اطمنتي عليها و أنها هتبقي بخير .
ليلي بصت لجيهان بدموع بتحاول تكتمها . جيهان مسكت ايد ليلي بهدوء . /تعالي يا ليلي اغسلي وشك .
ليلي هزت راسها بهدوء و مشت معاها . راشد اتنهد بشك . و هو حاسس ان في حاجه مش طبيعيه بتحصل .
__________________________________________
تحت في الكافتيريا .
جيهان اتنهدت بهدوء و هي بتبص علي ليلي ./انا في موقف غير الموقف . كنت اتصرفت تصرف تاني . علي حرمانك لي حفيدتي . و حرمانها من ابوها . بس انا عشان عارفه أن ابني غلط . حطيت نفسي مكانك و عرفت ان قلبي كان هيبقي موجوع و مقهور زيك بالضبط . و كان ممكن اعمل اكتر من كده كمان .
ليلي اتنهدت بدموع . و سكتت . جيهان مسكت ايديها بهدوء ./لسه بتحبيه .
ليلي هزت راسها وسط دموعها . /بس حاسه ان كل حاجه اتهدت . انا مش ليلي بتاعت زمان . هو فضل زي ما هو . بس انا اتغيرت . مبقتش عارفه احدد اي الصح دلوقتي .
جيهان اتنهدت بهدوء ./هو بيحبك و فضل يحبك . و فضل يدور عليكي و حتي و هو موجوع منك . فضل يحبك يا ليلي . انا ام و خايفه علي ابنها . و زي ما شيفاه بيحبك شيفاكي بتحبيه . انتو بس عمركم ما وجهته مشاكلكم . انما دلوقتي في بينك حنين . الرابط اللي هيفضل ملازمكم طول حياتكم . مهما حاولتي تبعدي حنين جزء منكم .
ليلي مسكت ايديها و ابتسمت بدموع ./هتساعديني .
جيهان ابتسمت بهدوء ./انتي اللي هتساعدي نفسك . كل حاجه هتخرج من قلبك هتبقي اهم من مليون مساعده .
ليلي ضحكت و هي بتمسح دموعها . جيهان اتنهدت بهدوء ./يلا عشان نطمن عليهم .
__________________________________________
ليلي فضلت قاعده جمب حازم من ساعة ما خرج من العمليات . و بتاخد نفسها بصعوبه من قلقها عليهم . لحد ما حازم فتح عينه . و هو بيحركها بتعب . ليلي وقفت بسرعه . و هي بتمسح دموعها ./حازم انت كويس .
حازم هز رأسه بتعب . بيحاول يداريه ./حنين عامله ايه .
ليلي ابتسمت بدموع ./حنين كويسه . ايهم طمني و قالي أنها مش هتفوق دلوقتي .
حازم غمض عينه و فتحها بتعب . و هو ماسك ايد ليلي .
ليلي حركت ايديها علي وشه بـ حنان ./متشغلش بالك بـ اي حاج دلوقتي . و متتكلمش كتير عشان متتعبش .
حازم اتكلم بتعب . و هو بيضغط علي ايديها./خليكي .
ليلي هزت راسها بهدوء . و بعد علي الكرسي و هي ماسكه ايديه . و عينيها عليه . لحظات و حازم راح في النوم من أثر البنج .
__________________________________________
فات تلت ايام و جه ميعاد خروج حازم و حنين من المستشفي .
ليلي كانت واقفه مع راشد و نعمه . و اتكلمت بهدوء ./يا بابا حازم اتبرع لحنين . انقذ حياة بنتي . و انقذ حياتي قبل كده . أقل حاجه اعملها اني ابقي جمبه دلوقتي . مامته بردك كبيره في السن و هو محتاج معامله خاصه .
راشد مسح على وشه بضيق ./و تبقي معاه بصفتك ايه يا ليلي . هو اللي صمم يعمل العمليه محدش هدده . انتي ذنبك ايه .
نعمه هزت راسها بضيق ./ايوه يا ليلي . انتي المفروض تخلي بالك من بنتك و تراعيها الفترة دي . هتخلي بالك منه و لا من بنتك .
ليلي اتنهدت بهدوء. /انا اسفه . بس انا هفضل مع حازم و حنين . لحد ما اطمن عليهم . و هروح معاه .
راشد اتنهد بضيق ./ماشي يا ليلي براحتك .
و سابها و مشي . نعمه اتنهدت بهدوء ./ابقي طمنيني عليكم .
ليلي هزت راسها بهدوء . و هي عارفه أن راشد مشي مضايق .
و اتنهدت بهدوء . و دخلت عند حازم ./بقيت احسن دلوقتي .
حازم اتعدل و هز رأسه بهدوء ./المفروض هنمشي كمان ساعتين .
ليلي هزت راسها بهدوء . و قعدت قدامه . حازم اتنهد بضيق ./حصلك مشكله بسببي صح . لو عايزه تاخدي حنين ان...
ليلي قاطعته و ابتسمت بهدوء ./انا عايزه ابقي معاك يا حازم .
حازم ابتسم بهدوء و رجع دماغه لوره بتعب .
ووووو....
