رواية لم يكن قراري الفصل الرابع بقلم جمانه السعيدي
دخلت مرحلة احساس بضياع
الحياة صارت مالها معنى ابد ومآ اشوف اي شي اله قيمه
اتعافيت جسديا
بس روحي ضلت مريضه وحتى ماتحاول تقاوم
ورا هذا الحادث تقريبا شهرين اجو ناس عليه يخطبوني
الحمد لله احنا ناس سمعتنا طيبه حيل بلمنطقه
امي رفضت راسا بدون حتى ماتكلي
اني بعدين سمعت بلصدفه
امي جاي تتألم اكثر مني
وبيوم خابرتني مروه تطمن عليه
طبعا هي تعرف اني سويت عمليه واجت مره زارتني بلبيت
مروه شلونج
هناء شلوني على وضعي
مروه انتي لازم تصيرين قويه وتشدين حيلج
هناء كلشي ضاع تفهمين كلشي ضاع
مروه ما ضاع شي ارجعي للكليه وكملي دراستج
وابدي من جديد ترا الحياة موبس رجال واطفال
هاي زها حديد احسن مهندسه معماريه وانجح امراءه
بلعالم وهي لامتزوجه ولا عدها جهال
اذا هذا الباب انسد انتي افتحي غير باب
على الاقل تحصلين شهاده تحاربين بيها الزمن
ترا محد دايم الاحد
لا اخو يدوم ولا ام ولا اب الزمن كفيل ايغير الناس
مراح تفيدج غير شهادتج
ايجوز تتوضفين على الاقل ايصير عندج راتب
وصدكي رب العالمين مراح يعوفج
راح يعوضج بيوم عوض انتي مامتوقعته
لان رب العالمين يدري بيج مضلومه
هناء وللج راح اموت من التفكير الهم كتلني
مروه بعد شهر ويبدي الدوام لازم ترجعين وهلمره تعاي اكعدي وياي بلبيت تعرفين بس اني وامي وماعدنا احد
ولله اخليج بعيوني ونروح ونرجع سويه
هناء الله كريم خل يخلص الشهر
كعدت افكر بكلام مروه كلامها صحيح ليش اضيع كلشي من ايدي
اذا مراح اكدر اكون بيت واسره
على الاقل احصل شهاده وتعيين
شنو نهاية كعدتي بلبيت راح الهم ياكل كلبي وراح أعجز
قبل وقتي وليش أضل طول عمري ادفع ثمن غلطه ماليه بيها ذنب
الله دفع عني الموت والعار ونقذني
من باجر افتح ويه امي هذا الموضوع بلكت تقتنع
وفعلا امي اقتنعت من حجيت وياها
امي اكبر هم عدها اطلع من هاي الحاله النفسيه
بس ما قبلت اكعد ويه مروه ابيتهم كامت تخاف
تكول خاف عدهم أقارب يزورونهم
اخاف عليج
اكعدي بلقسم الداخلي وتنزلين كل جمعه واني نص الاسبوع اجيج اشوفج
وبعد عندي وصيه لاتخالطين البنات هواي
خلي علاقتج على كد السلام وبس
اخذتني امي للسوك واشترتلي ملابس جديده وشغلات حلوه وجنط واحذيه
بس اني صحيح امشي وياها بس ماليه نفس باي شي
بس اريد اجرب اطلع من هاي الحاله النفسيه
اجتنا ندى اتزورنا اني بس سلمت عليها صعدت الغرفتي
شويه واجت وراي
ندى ممكن احجي وياج شويه
هناء اي احجي
....انتي ليش متغيره عليه اني غلطت وياج بشي
هناء لا
ندى من يوم رجعت للبيت ومآ لكيتج من يومها واحس متغيره عليه
بلبدايه كلت خطيه مريضه ويجوز عدها حاله نفسيه
بس انتي ابد ما جاي ترجعين وياي مثل قبل
يوميه اسئل خليل واكله ما تعرف هناء ليش متغيره عليه
ويكول ما اعرف
الله عليج زعلانه مني زعلانه من خليل
هناء خلصتي لازعلانه منج ولا زعلانه من خليل
ندى زين ليش متغيره
هناء مريضه تعرفين مريضه وماليه خلك للحجي
ندى بس اني ما عندي اخت غيرج
هناء على عيني وراسي ولله احبج وانتي اختي الوحيده
ومآ استغني عنج بس اني مريضه
ندى سمعت مومل يكول عمتي هناء اشترت ملابس راح ترجع للدوام
اني راح ارتب غرفتج من هسه وراح نبقى ننتضرج
شكد الجهال وخليل راح يفرح
هناء لا شكرا اريد اكعد بلقسم الداخلي
ندى ليش
هناء هذا الليش اني ما اجي عدكم اريد اكعد ويه البنات بلقسم
ندى بكيفج بس الولد راح يقبلون تكعدين بلقسم
هناء تعبت ندى تعبت من الكلام ممكن اطلعين اريد انام
ندى ولله انتي مو هناء اختي الي اعرفها هواي متغيره عليه
طلعت ندي وسدت الباب
ماتعرف اني بيش ضحيت علمودها سكتت وتحملت الألم
علمودها حياتي ضاعت حتى حياتها تستقر
تريد ترجعني يم خليل
الله ينتقم منه ومن الساعه السوده الي شفته بيها
بدا الدوام وعتذرت من مروه لان ما اكدر اسكن عدها
كعدت بغرفه وياي بنات اثنيين كلش حبابات من الديوانيه
واني ويه الكل كلامي قليل اروح وارجع بطريقي
اكثر وقتي ادرس واذا عندي وكت انام
البنات يكولون عليه مغروره وشايله نفسها
لان كلامي قليل وياهم
رجعت استعاديت صحتي شويه شويه
رجعن خدودي اني وجهي دائري وخدودي بارزات ووجهي ابيض
من البس الحجاب يخبل عليه
اكو ولد اسمه حيدر دائما الاحضه صافن عليه
بس اني وين والعلاقات وين
كلش متجاهلته موبس هو متجاهله الشباب كلهم متجاهلتهم
آريد اعيش وبس
هو ازغر مني بسنه وحده
اسمر وطويل وشعره مجعد بس شكله حلوووو
بدا بلبدايه بس نضرات بعدين يسمعني كلام
كلت بكلبي لو تعرف قصتي تبتعد عني عشرين متر
بس اني ولا يمه ولا اباوع علي اريد الايام تمشي بسرعه
ويخلص كلشي
بيوم واكفين اني ومروه نسولف ما احس آله واحد
طخني من وره التفتت شفت حيدر جان يمشي ليوره وطخني بضهره
اعتذر مني وكمل طريقه وهو يخابر
اني ما خليت ابالي ابد
احس كلبي مثل الكاع اليابسه مابي حتى نبض
كملنا الدوام وطلعنا منتضرين الخط
طبعا الأقسام حيل قريبه مرات نمشي ومرات نصعد بلخط
واكفه وسمعت كلمت اسف
التفتت شفته حيدر
باوعت علي ومآ حجيت اي شي
حيدر اسف جاي تسمعيني
هناء اي سمعتك
حيدر وشدعوه شايله خشمج
هناء نعم شنو كلت وانت منو روح روح منا حباب
حيدر شني اني طفل كدامج
هناء لا موطفل شيخ بس ما اقبل تحجي وياي افتهمت
عفته ورحت مشي للاقسام
حيل نرفزني والدنيا حاره خلاني امشي الله لايوفقه
ثاني يوم جان عدنا امتحان مهم واني مخبوصه واقرا
سمعت صوت صباح الخير
رفعت راسي حيدر
ما رديت علي دنكت ورجعت اقرا
دخلنا الامتحان واني جاوبت والحمد لله
طلعنا ورحت المروه مروه سابقتني بسنه لان هي كملت واني تركت اول سنه
رحت الها وهو لاكاني وجه بوجه
اني اتجاهلته
حيدر موتتني هاي البنيه ياربي بليوم اصارح عشره
واصادق عشره وهاي لافاد وياها النضرات
طخيته متعمد ولا يمها
اعتذرت طنشتني اريد اعرف بيا طريقه تجي
رحت يم صديقي حازم اكلك هاي شني كتلوكها
مافاد وياها كلشي
اهوووو ما لكيت غير هاي هاي يسمونها ام خشم اليابس المغروره
هاي ما تحجي ويه اي احد
حيدر إذا خليتها تحجي وياي وتصادقني شتكول
حازم انطيك ورقه اذا خليتها تمشي وياك وتصادقك
حيدر زين اتفقنا بس الوقت منا الاخير السنه
حازم واني قابل اتفقنا
هناء حيل ضوجني حيدر وقررت بس يحجي وياي
اروح اشتكي عليه بعمادت الكليه
حيدر ثاني يوم الصبح بقيت منتضره لمن اجت
رحت عليها
حيدر صباح الخير
هناء مارديت ومشيت
حيدر لحكتها على كيفج اريد اسئلج عل المحاضره البارحه ما لحكت عليها اذا عندج اريدها
هناء باوع هذا الأسلوب القديم مو عليه ابتعد عني لان
ناويه اشتكي عليك
اني مو مثل باقي البنات
روح شوف وحده مثلك ومن مستواك واحجي وياها
واني شماتكدر ابتعد عني ترا ولله اسود عيشتك
حيدر انتي اشايفه نفسج منو انتي وتحجين وياي بهذا الاسلوب موصوجج صوجي اني محترمج
هناء ومنو عاتب عليك تحترمني ابتعد عني روح شوف وحده مثلك احجي وياها
حيدر ديله هسه انتي نمونه كالبه خلقتج
عفته ومشيت كلش ضوجتني شكد مغروره وخشمها يابس صدك حازم من كال عليها هيج
بس ما اعوفج اله اكسب الرهان يله
كدامي السنه طويله وين ترحين مني
