رواية قصتي في الموصل الفصل الرابع بقلم زينب نور
طلعنا والباب الثاني يطل على غير شارع
قبل لنروح شاهين طلب منها شي يغطي بي وجهه حتى ميعرفو راحت وجابت شال من عندها وغطى وجهه بي ومشينا بحدود الساعه بقينا مستمرين بالمشي واحنا دنمشي لگينا سياره مال حمل محملين بيها حشيش للحيوانات رحنا عليها واترجينا الرجال يساعدنا هوه مقبل بس احنا اتوسلنا انقهر علينا كال راح أساعدكم نزل من السياره ونزل كميه من الحشيش الي محمله هوه وكال نامو واني راح احط فوكاكم الحشيش ومااريد حركه لأن راح ندخل من يم سيطرتين احنا سوينا الكال عايه ونمنا وطلعنا من السيطرتين وكفت السياره والرجال وخر الحشيش وكال لهنا ومااكدر اكمل واوصلكم اكثر احنا نزلنا واتشركنا من عنده لأن ساعدنا بس شاهين طلب من عنده موبايله وانطى الموبايل الشاهين اتصل على صديقه واختصرله الكلام وگله تعال لفلان مكان وكمل مكالمه ورجع الموبايل للرجال واتشكر منه
وبعدين كعدنا ننتظر صديقه يجي لأن اتعدينا مكان ومنطقة الخطر وبهاي اللحظات الكعدنا بيها اني وشاهين واحد يباوع على الثاني
طبعاً شاهين جان بس لون عيونه بارزه بوجهه لأن جان عباره عن لحيه طويله وشعر طويل
لون عيونه جذبتني لونها اخضر على زيتوني
طبعاً اني سألته وكلتله ليش ساعدتني وانت وياهم كال اول شي اني مجبور اصير وياهم وثاني شي مكدرت اقتل هيج بنيه شكلها ملائكي وبريئه اني سكتت معرفت شأجاوبه وورا دقايق اجه صديقه واخذنا وطلعنا من الموصل بصعوبه كولش بس اهم شي طلعنا بالسلامه الحمدلله والشكر .....
ملاحظه : محبيت ادقق بالتفاصيل شلون طلعنامن الموصل لأن السالفه طويله وتعبنا واتعذبنا يالله طلعنا
طلعنا من الموصل إلى بغداد تحديداً الغزاليه بيت جدي اهل بابا هناك مثل مكلتلكم اني من بغداد اصلي
دگيت الباب وطلعلي عمي اتفاجأ بمنظري اني من شفته كمت ابجي وحضنته واجتي بيبي وجدو ورحت حضنتهم وحجيتلهم القصه وضلو يبجون وبيبي كامت تصرخ واغمى عليها من الصدمه
وثاني يوم سوينا فاتحه لأهلي كملنا كولشي وشاهين ويانا ويانا معافنا ابد
ورا أشهر /
كعدنا بالحديقه اني وشاهين وكلتله
لمى :احجيلي عن اهلك وينهم
دمعت عينه
شاهين :قتلوهم الأنذال
اني انقهرت عليه واتذكرت اهلي بنفس الوقت وبجيت
خلي اعرفكم على شاهين
شاهين / عمره 25 طوله 185 حنطاوي عيونه اخضر زيتوني مكحله وملامحه حاده
لمى / طولي 167 ملامحي طفوليه لون بشرتي ابيض لون عيوني عسلي لا سمينه ولا ضعيفه وسط
وهاي وصفت شكلنا اني وشاهين
طبعاً شاهين ميكدر يطلع لأن لحيته طويله وشعره هم ف اني اقترحت عليه انو يروح ويا عمي للحلاق ويزين
راح للحلاق واجه
انصدمت بشكله وضليت صافنه من كد ما شكله حلو بين شكله الحقيقي
طبعاً بهاي الفتره جدو وبيبي حجو ويانا وكالو انسو الماضي واني حاولت اتناسى مو انسى خصوصاً اني شفتهم بعيني مااكدر انساهم قررت انو احاول انسى وابطل بجي لأن عمر البجي م رجع الميت
بعد مرور شهور /
طلعنا اني وشاهين وعمي نفتر نغير جو لأن من يوم الي صارت الفاتحه مطلعنا المهم
كعدنا بحديقه وضلينا نسولف ونضحك عمي راح يجيب مي لأن عطشت
بقينا اني وشاهين دنحجي جان يكول
شاهين :لمى احبج
لمى :اني خجلت ومعرفت شأحجي بس ابتسمت بوجهه لأن اني هم معجبه بي وحابته
اجه عمي وشربنا مي وكال امشو خلي نتعشى
اتعشينا واني مأخذت راحتي مع العلم جنت كولش جوعانه بس من ورا شاهين مكدرت جنت خجلانه وهوه كاعد كدامي ويباوع عليه واني بكلبي اكول يمه فدوا للنظرات هاي
رجعنا للبيت وكلمن راح الغرفته ......
