رواية لم يكن قراري الفصل السادس بقلم جمانه السعيدي
عقلي يكلي الي سويتي صح
وكلبي يلومني ويكول من حقي احب وانحب مثل البنات
واني عايشه بدوامه بين عقلي وكلبي
داومنا اول يوم امتحان شفت حيدر من بعيد
ثاني يوم اجا سلم عليه وراح
مرات اكول كون ما اشوفه حتى ما اتعلق بي اكثر
بس ولله جذب كلبي وعيوني ادور علي
اخر يوم بالامتحان مروه اجتني وكالت حيدر اجاني يسئلني صدك انتي مخطوبه
لو بس تردين تبعدي عنج
هناء وانتي شكلتي
مروه اضطريت أأكد كلامج بعد ما يصير اطلعج كذابه
هناء احسن خلي يبتعد عني
مروه ليش ماتنطين الكلبج فرصه
هناء اضحكين عليه على نفسج وين اكو فرصه بهيج موضوع
مروه يجوز يقبل شمدريج
هناء اذا قبل بموضوع اني مو بنيه وهذا الشي صار غصبا عني مراح يقبل يبقى طول عمره بدون اطفال
واذا هو قبل اكيد اهله يردون يشوفون جهاله ومراح يقبلون ابد
جمانه السعيدي
مروه ياسبحان الله نص رجال العراق مايصير عدهم اطفال
يجوز هو واحد منهم
هناء ما اكدر اجازف وابني حلم على مجموعة احتمالات
شوفي هو هسه عافني بس اني فرحانه
عافني وهو يحبني ايجوز اذا عرف بقصتي يعوفني وهو يكرهني
خلينا هيج احسن
اخر يوم اجا سلم عليه وهو ضايج كلش وطلع
بدت العطله ورجعت الكعدت البيت الحزينه
اخوي الزغير سجاد قرر يزوج وبدينا نجهز للعرس
أجواء البيت تصير حلووه من واحد عندا عرس
يوميه رايحين للسوك نشتري شغلات
اتفقنا العقد بيوم الحنه والعرس وراها بيوم
قبل الحنه بيومين اندكت الباب
فتحته ولد شاب طول بعرض وعضلات اني فتحت الباب جنت اعتقد سجاد
بس شفته رجعت ورا الباب انطاني جنطة ملابس
وكال هاي ملابس سرى
تريد تخفف لان عدها غراض هواي
كتله عوفها هنا بس سمعت السياره مشت طلعت سحبتها
ثاني يوم رحنا للصالون طلع هذا اخو سرى
اسمه همام
هو أخذنا للصالون بس الطريق كله عينه مانزلت من عليه
وصلنا وجنا حاجزين قبل يومين وبدت تشتغل ام الصالون
والمساعدة مالته كصت شعري الحد الكتف
وكذله قصيره ومكياج خفيف
واني جنت مشتريه فستان ماروني
ضيك من فوك ومنفوش من جوه قصير الصدر والردن تول
طلعت اخبل
رجع أخذنا للبيت واني لافه نفسي بلشال ولابسه رداء
وصلنا البيتهم ويشتغل الركص والهلاهل
ندى هم اجت هي وزوجها وجهاله
مانكدر نمنعها تجي لان اخوها ومآ نكدر مانعزم خليل
لان محد يدري بلمصيبه هاي جمانه السعيدي
على العموم عقدنا ودخل سجاد لبسها الذهب وسوالف وضحك هي ويا
ردنا نركص والمكان زغير
اني شلت الطبله اني واخت العروس نطلعها برا
بس طلعنا جان الكه همام بلمطبخ جاي ياخذ التوزيعه
اني راسا وكفت وعفت الطبله ورجعت للغرفه ركض
لان بدلتي قصيره والردن مكشوفه بس تور وشعري طالع
هو ضل صافن عليه
ثاني يوم العرس اني ما رحت بلزفه بقيت بلبيت
لان عدنا ناس هواي واني ما اكدر اعوف البيت واطلع امي وزوجت اخوي الجبير وعماتي وندى كلهن راحن
اني بيومها لبست فستان اخضر داكن طويل
وعلي شغل نمنم وليلو يخبل عليه وشال كريمي ومكياج خفيف
خليل صممت ندى احضر العرس بيوم المهر رحت متأخر
اني ما اريد اشوف هناء بعد الي سويته بيها
ولله متندم بكد شعر راسي على الي صار
بيوم الحنه رحت بتت يم اقاربنا
ولو الولد وندى شكد لحوو عليه ابقى ابات عدهم
وثاني يوم رحت وياهم للزفه
ومن رجعو من ضمن الهوسه لمحت هناء اتصفك وتهلهل
شكد حسيت نفسي خسيس وجبان
صعدت سيارتي ورجعت بليل البغداد
اني ما استاهل اكعد بمكان بي هناء واهلها
الله يساعدها شلون حامله السر وساكته
نص الطريق وندى خابرتني انت وين اريدك تاخذ الجهال يمك اريد اشتغل ومآ يخلوني جمانه السعيدي
خليل اني رجعت البغداد
ندى البغداد ليش صاير شي
خليل تعبان صار يومين بلهوسه اريد ارتاح انتي ابقي شكد ما تردين
هناء فرحتي بلعرس ماتنوصف بس كل الي تشوفني يمته نفرح بيج
هذا الجمال كله ولسه ما مخطوبه ولامزوجه
يعني لازم ينغصون عليه فرحتي
خلص العرس واني بقيت انضف اني وبنات اقاربنا وبنات الجيران
هسه تكولون ليش اقاربج ما خطبوج مادام انتي حلوه وسمعتج طيبه
تذكرون من رجعت للبيت منهاره بعد الي صار وياي
وامي كل يوم ماخذتني للسيد لو الامام
امي جانت متوقعه اني محسوده او احد خالي سحر
واني جانت حالتي بلنازل
انتشرت عليه اشاعه بين اقاربنا اني عندي حاله نفسيه
ومجتمعنا ابد ما بتقبل وحده مريضه وخاصه اذا مريضه نفسيه
من هاي واقاربي محد اتقدملي ولا خطبني
وبيني وبينكم احسن لان اني ما احبهم ابد
ثاني يوم لبست كلبيه كلها تطريز وشسورت شعري
ومكياج خفيف
لان تجينا ناس ولازم اكون مستعده
اجو اهل العروس وجاوبي الريوك وياهم
ام العروسه واختها وابوها واخوها
اسقبلناهم ابوها واخوها كعدو بلاستقبال
وامها واختها كعدن يمنا
امها كل شويه وتتغزل بيه
شني انتي تخبلين وين الشباب عنج
وتشوفني اركض منا وارجع منا انضف واقدم وندى بس كاعده وتسولف
ام همام فدوه للنداره والشطاره
بعدين نزلت سرى وسلمت عليهم وجابولها هديه كلاده ذهب وكالتلهم اريد باقي ملابسي وغراضي
ثاني يوم اندكت الباب الضهر كلهم نايمين واني كاعده انضف
فتحت الباب شفت همام جمانه السعيدي
هناء اهلا وسهلا هسه دقيقه خل اكعد سجاد وسرى
همام ماكو داعي اني جبت ملابس سرى وغراضها
يمكن راح ابقى السنه كلها انقل بغراض سرى
هناء الله يحفضك الها
همام شكرا عاف الغراض بلباب وراح
اجت السبعه وعزمونا كلنا
اني ردت ابقى بلبيت بس ام همام صممت عليه اجي وياهم
سرى راحت العصر سجاد اخذها
حتى تساعدهم وتلحك تشوف اهلها
طبعا امها مرتين اجت بهذا الاسبوع حتى تشوفه
بس تكعد شويه وتروح لان ناس جايه وناس رايحه تبارك علمود العرس
وماتكدر تكعد هي وياها براحتهن
رحنا للعزيمه اني لبست فستان اسود وبي ورد من الصدر فضي ناعم وشال ستن اسود
وخليت مكياج خفيف وعطر
بس وصلنا امي صممت اكوم اساعدهم
لان مخبوصين
اني رحت وياهم للمطبخ وبديت انقل الاكل واحضر وياهم
وكل شويه ام همام الله يرضا عليج
الله يوفقج
اجا همام للمطبخ ينقل اكل بس شافني مثل الي تفاجئ
صاح على امه يمه ليش هناء بلمطبخ
همام شلونج هناء
هناء الله يسلمك اهلا وسهلا
همام انتي خطاره لاتخلينهم يخربون كشختج اكعد وهمه يجيبون الاكل
هناء انشاء الله احنا اهل ومآ كو فرق بينا
اخذت الصينيه بيها اكل ودخلت جوه اخلي الاكل
وطلعت وهو لاكاني وابتسم ودخل سلم على امي وندى
بعدين طلع من المطبخ
كملنا اكل واني ساعدتهم انقل ياهم الاكل
جمانه السعيدي
امي خلي هناء تخدر جاي شوفو جايها شكد طيب
لكيتهم مخلين القوري على النار والماي يفور
خليت المهداره والجاي والهيل وقللت النار وعفته يخدر على كيفه
ردت اغسل المواعين بس ام همام ماقبلت كالت انتي صبي الجاي
بديت اصب واجا همام وين الجاي
وكف يمي واخذ الصينيه وكال عاشت ايدج
رجع للمطبخ يمه منو مخدر الجاي اني غمضت عيوني كلت يجوز ماعجبهم
ام همام ليش تسئل
همام كلش طيب كلهم يكولون جايبين جايجي مخدر الجاي
ام همام اي اليوم الجايجي الي خدر النا هناء
همام التفت عليه عاشت ايدج يخبل
كملنا عشى وكعدنا نسولف بعدين صاحو بعد انريد جاي مثل
الجاي مال العشى
ام همام ذوله طماعين شراح يخلصنا
هناء عادي اني هسه اخدر مره ثانيه
كمت خليت ماي حار من البراد حتى بسرعه يكمل الجاي
بس خليته بدا يفور نزلت النار وخليت المهداره
والجاي والهيل
اجا همام هناء علميني واني وياج نفتح كهوه بلنص
ابتسمت هو صفن عليه وبعدين طلع
رجعنا للبيت هاي الفتره حلوه اولا اجا نفر جديد للعائله
ثانيا اكو ناس رايحه جايه تبارك النا
اني نزلت على صفحتي ايد اخوي وهو لازم ايد سرى
بيوم الزواج وكتبت الحمد لله الذي بنعمته تتم الصالحات
حيدر كل يوم ادخل صفحتها اريد شوف آخر اخبارها
بس شفت تهنئت العرس ما اعرف شصار بيه
يعني صدك هناء ازوجت
كلش كلش ضجت جمانه السعيدي
اني وسرى صرنا كلش صديقات هي مخلصه معهد
وماعدها بس اخت وحده وأخ واحد
ورا العرس بشهر تقرببا اجت ام همام
فرحنا بيها وكلنا توقعنا جايه تشوف بتها
بس اتفاجئنا جايه تخطبني
