رواية خادمة الفصل الخامس بقلم جمانه السعيدي
بشرى...دخلت ام سعدون وامي اجت عليه
امي...بشرى تعاي احجي ويا ام سعدون وكولي شروطج كلهن
بشرى...اي اجيت
طلعت من الغرفه بعدني بملابسي ما لحكت ابدل
دنكت عليها وبستها
بشرى...شلونج خاله شلون صحتج
ام سعدون...هله هله هله بشرى شلونج
بشرى...الحمد لله
بشرى...كعدت كبال ام سعدون وامي بدت بلكلام
امي...احنا موافقين على سعدون بس عدنا
كم شرط اذا قبلت بيهن شايفين كل الخير
ام سعدون...اي كولي اسمعج
امي...بشرى يمه كولي كلشي بخاطرج من البدايه
الازم كلشي يكون واضح حتى لايصير زعل بينا بعدين
ام سعدون...اسم الله الله لا يجيب الزعل
احنا أهل انشاء الله نتفق كولي يمه اسمعج
بشرى...اني ماعندي شروط صعبه كلهن سهلات
.نسكن هنا ويااا امي
واني مااعوف شغلي ابد
نص مصرف البيت على سعدون
اذا هو موافق على ذني الشروط هاي هيه
ام سعدون..ذني سهلات .المهر هم تتشرطين علي ترا هو ماعده
على كيفج وياااا
سعدون خوش ولد ومراح يقصر وياج بشي
انشاء الله تعاشرينه وتشوفين طبعه
بشرى....لا اني مااشرط شيطيني هاي هي
اني اعرف ضروفكم زين
ام سعدون...هاي هيه موافقين على شروطكم
يمتى المهر انشاء الله
امي....يومين هيج اليوم شني
بشرى...اليوم ثلاثاء
امي....يوم الجمعه اريد اطي خبر العمامها يحضرون
وهم البنيه تحضر روحها
ام سعدون....تمام انا باجر اجيبلج فلوس النيشان
والغرفه سعدون يشتريها
امي....هاي هيه
طلعت ام سعدون من بيتنا
بشرى...يمه شو ام سعدون كبل وافقت ماراحت حجت ويا سعدون على الشروط
امي...تلكيهم متفقين ليكدام على كلشي قابل هو مايعرف تشتغلين لو مايدري اني وياج ما نتفارك ابد
بشرى...زين اني خفت مايوافق اكمل بشغلي
امي...ليش مايوافق وين لاكي مره تشتغل ويجيب فلوس للبيت
بلكت انتي ويا تتعاونون وتهدون هذا البيت وتبنونه من جديد
بشرى...ادعي الله يصلح حال سعدون ويمشي وياي عدل
ويرزقنا ذريه صالحه
امي...انشاء الله
بشرى...بليل امي راحت على عمامي ثنيينهم علمود يحضرون المهر
طبعا عمامي ابد مايذكروني ولا يسئلون عني
كلمن ملتهي بضيمه
زوجو ولدهم وبناتهم وكلمن شايف حياته
ما نلتقي بس بلمناسبات ونشوفهم
بقيت منتظره امي ساعه ونص يله رجعت
بشرى...هااا يمه
امي...يكولون على الخير والبركه شايفه كل الخير
يوم الجمعه يحضرون بلمهر
بشرى...اي همزين هم سئلوج منو العريس
امي...اي كتلهم ولد جيرانه لا سئلو منو ولا بيتمن
بشرى...هاي هيه احس شي ما يدخلون بحياتنا
جمانه السعيدي
بشرى...راح اتصل بدكتور امال اريد اروح للصالون
هي كالت الصالون عليه اريد انظف وجهي بلكت
ام الصالون عدها خلطه اخليها الوجهي واصير بيضه
امي...الصبح روحي البيت الدكتوره خلصي شغلج
ومن يرجعون ويتغدون روحي للصالون
بشرى...اي هيه هم هيج
ثاني يوم رحت بس شافتني الدكتوره
امال...اي اليوم الوجه منور خير
بشرى...المهر يوم الجمعه
امال...اي شايفه كل الخير
بشرى...اريد اروح للصالون اليوم حتى تعدل خلقتي شويه
امال...العصر من اطلع للعياده اخذج وياي للصالون
واوصيها عليج
بشرى...اي فدوه العينج دكتوره لان ينرادلي سمكره
يرادلي إعادة بناء ام الصالون يمكن تحتاج اسبوع حتى تعدل هاي الخلقه
امال...شبيج تخبلين جنج ورد
بشرى...عيونج الحلوات
طلعت الدكتوره هي والدكتور للعياده
واني بلشت تنظيف وشغل وترتيب اليوم اشتغل بواهس
احس عقلي مو عندي
مامصدكه اني راح ازوج وتصير عندي عائله
للضهر رجعو الدكتور والدكتوره اتغدينا سوه
خدرت جاي بعدين علما نظفت المطبخ هما
سبحو وبدلو وتحضرو للعياده
غيرت ملابسي واخذوني وياهم
الدكتور بقى بلسياره واني والدكتوره نزلنا
الصالون يجنن وشكد بي بنات يخبل
خوب ام الصالون عبالك ممثله بقيت واكفه بمكاني
واباوع عليها
الشعر لونه مدري شنو الجسم رشيق لابسه جينز
وبدي بلاردن حتى اضافر رجليه مصبغتهن ولا بسه بيهن محابس
بس شافتني استغربت من شكلي
دكتوره امال....هاي بشرى تخصني اريدج تشتغليها شغل كامل اريدها تطلع غير وحده
ام الصالون...خاف تتأخر شوفي المكان مزدحم
دكتوره امال...من ارجع من العياده اجي اخذها
ام الصالون....تمام زين هواي وقت
بشرى...بقيت كاعده عبالك وحده مخلوسه البنات يخبلن
اكو نسوان بكد امي جايات للصالون
يااا صدك ذني جايات للصالون
اتصلت على امي وكتله اتأخر بلصالون
امي...تمام بس لا تجين وحدج اخاف عليج
اشتغلت ام الصالون ثنيبن وبعدين بلشت بيه
اول شي حفت وجهي بعدين خلت على ماده بيها رغوه بيضه عشر دقايق
مسحت هاي الماده من وجهي ورجعت خلت ماده لزجه لونها أخضر
فتحت شعري اني شعري النص ضهري
ناعم وحلو
مشطته وبلشت تكص بي مدرج على طوله
تشتغل وحدها ابد ما سئلتني اي سوال
بعدين رجعت الوجهي سوتله سنفره
كملت وجهي بلشت تصبغ شعري اول مره احس نفسي حالي حال البنات
اني شكد ضالمه نفسي اي مو عندي فلوس ليش مااروح للصالون واغير من شكلي
جمانه السعيدي
صبغت شعري لون يجنن ورجعت خصلته
وجهي طلع يلمع لمع بعدين بلشت اشسور شعري
يماااي هاي مو اني هاي وحده ثانيه
زين ينطلع بيه صرت حلوه
كون سعدون يشوفني هيج
بشرى...من رخصتج اريد خلطه كريم الوجهي
ام الصالون.......اي راح انطيج كريم تفتيح ومرطب للبشره
بشرى...اي فدوه الكلبج
من خلصت كتلها شكد الحساب
ام الصالون......اني اخذ هيج شغل ١٥٠ بس الخاطر دكتوره امال
انطيني ١٠٠
بشرى...تدللين
كعدت على جهه واتصلت على دكتوره امال
كالت نص ساعه ونجي ناخذج
الدنيا صارت ليل والنسوان عادي بلصالون ذني ماعدهن أهل
شلون بلصالون الهيج ساعه اني كاعده على نار
اجت الدكتوره دخلت سئلت ام الصالون على الحساب
كاللتها دفعت
امال...ليش دفعتي
بشرى...دكتوره انتي ما مقصره وياي
امال...يوم المهر كلشي عليه
بشرى.. انشاء الله هااا شلوني
امال.. تخبلين انتي من زمان حلوه
بشرى.. الله يجير خاطرج مثل ما جاي اجبيرين خاطري
رجعوني الدكتور والدكتوره بسيارته للبيت
سياره حديثه أغلى وأحدث وارقى موديل
من دخلنا للشارع سعدون واكف بلباب يمكن هاي الوكفه من لعصر
لان ما شافني رجعت
جمانه السعيدي
نزلت والدكتوره كالت سلميلي على امج
بس مشت السياره ووصلت يم بابنا اجا سعدون
سعدون...وين جنتي اليوم اتاخرتي
بشرى...فرحت بسؤاله يسئل عني يعني مهتم
واذا مهتم يعني يحبني
بشرى....سلم بلاول
سعدون...شلونج وين جنتي اتاخرتي
بشرى...رحت للصالون الدكتوره اخذتني سويت شعري
علمود المهر والدكتوره والدكتور ماقبلو ارجع وحدي
يخافون عليه وصلوني للباب
سعدون...تدرين اني هاي وكفتي من العصر بلباب
بقيت بقلق عليج
اجيت اسئل خالتي عليج بعدين كلت انتظر شويه
بشرى...شكرا لان تسئل عني
دكيت الباب
سعدون.. اوكفي اريد رقمج خاف نتفق على تفاصيل المهر
بشرى...طلعت تليفوني وكتله سجل رقمك
ورن على تليفونك
اخذ التليفون سجل الرقم ورن على تليفونه
رجعلي تليفوني وبقا واكف لمن امي فتحت الباب
ودخلت للبيت يله رجع البيتهم
سعيده الدرجه ما تنوصف ابد
سعيده بلتغير الي صار بحياتي
سعيده بلاحداث الجديده كلشي حلو جاي يصير
بحياتي فرحانه بروحي
امي من شافتني تخبلت ولج بشيره طالعه حلوه
بشرى...يمه الفلوس تغير حال اكبر واحد
يمه لوشايفه النسوان بلصالون حتى بكدج جايات
يكصن شعرهن ويصبغن ويحفن
احنا ووين وهاي الناس وين
امي...يااا يمه بكدي ورايحه للصالون
بشرى...اي يمه النسوان حايرات برواحهن
امي...يااا اضن النسوان تسودنت
بشرى...لكيت سعدون منتضرني يكول خفت عليج اتاخرتي
امي.. هااا بدت رحمة الله
بشرى...غير راح اصير مرته شلون ما يخاف عليه
بشرى...بعدنا نتعشى اجتني رساله
....اني سعدون
بشرى...هله
سعدون....اريد احجي وياج اذا فارغه
بشرى...اي احجي شمنتظر
سعدون...ممكن بعد ما تتاخرين
بشرى....بس اليوم ضرف طارء
سعدون...اليوم سماح شسويتي بلصالون
بشرى...صبغت شعري وخصلته وحفيت ونضفت وجهي
سعدون...انتي حلوه ما يحتاج كل هاي الهوسه
بشرى...لازم كل عروس تروح للصالون
سعدون...بعد اني اجي اوصلج للبيت مااريدج ترجعين
بهيج سياره بليل
بشرى...مو كتلك يخافون عليه
سعدون...اغار تعرفين شنو اغار
بشرى...يعني تحبني
سعدون...شلون مااحبج ليش خطبتج اذا مااحبج
بشرى...تمام
سعدون...شنو تمام تسكتيني
بشرى...شكووول جمانه السعيدي
سعدون....كولي احبك مثل ما تحبني
بشرى...مو وكته هذا الحجي بعدين ورا الزواج
سعدون...تعجبني اخلاقج وتربيتج
بشرى...وووين جان هذا الحب من زمان
سعدون.. قبل انتي ما طلعين اني ماانتبهت عليج اله لمن كمتي اطلعين للشغل
جنت انتضرج كل يوم
بشرى....اني جنت اضوج منك
سعدون...ليش اضوجين مني اني حتى ما مقرب عليج
بشرى...هاي الكعده بلشارع مالها داعي
سعدون...حاضر بعد ماكو كعده بلشارع ابد
بشرى...وماكو نسوان
سعدون....اني ماعندي نسوان
بشرى...الناس كلها تعرف سوالفك
سعدون....صدكي ماعندي نسوان وداعتج انتي
هاي الناس تطلع عليه حجي بكيفهم
بشرى....يعني ماعندك نسوان بحياتك
سعدون...النسوان تريد فلوس ومحسوبج حديقه
ميلي فلوس
بشرى....زين صدكتك
سعدون....بس انتي بحياتي وماعندي غيرج
بشرى....خل اشوف
سعدون....يعني شلون تردين اثبتلج احبج
بشرى....الوكت كفيل يبين كلشي
سعدون...راح تشوفين شكد اني احبج واموت عليج
بشرى...ثاني يوم دز المهر بعد امه
ام سعدون.. هاي فلوس المهر والغرفه انشاء الله وصا جماعته يشوفلوله غرفه زينه
بشرى...مافتحنا الفلوس كدام ام سعدون
من راحت فتحت العلاكه حسبتهن دازلي مليون
مليون وبس للذهب والملابس
امي....يااا شنو مليون شجيبين بيهن المليون
احنا صوجنا ماشرطنا عليهم هنا خمسه بعشره البنات كلها
هذا مهرها شنو يضحك علينا على روحه
بشرى...ميخالف ماعدهم ضروفهم على كدهم
راح اشتري حلقه ٥٠٠ وملابس ومكياج ٥٠٠
اني عدي كلاده وتراجي هاي هيه
امي...لا ترخصين نفسج من الاول
بشرى...يمه هذا زواج مو صفقه هاي هيه اني راضيه
