رواية خادمة الفصل السادس بقلم جمانه السعيدي
بشرى...بيوم المهر الدكتوره دزتلي سايق اخذني اني وامي للصالون
ام الصالون هاي تستاهل جائزه طلعتني غير وحده
من رجعنا الشارع جان مزدحم أقارب سعدون جايين علمود المشيه
بس دخلنا ورا شويه اجت المشيه ورانا
عمامي جانو موجودين عقدلنا الشيخ
أقارب سعدون بيهن عشر نسوان هلهلن وركصن
اجا سعدون لبسني الحلقه والتراجي ملااي والكلاده
أقارب سعدون اتعجبن شوف سعدون شكد جايب ذهب
كعدو شويه وطلعو كلهم
هو وأهله وكل اقاربه
اني هلكد ما فرحانه بنفسي بقيت بلفستان
شكلي كلش عاجبني
دزلي رساله اريد اجي اخذ وياج كم صوره
بشرى...اي تعال
رجع عليه وكعدنا وحدنا ناخذ صور
اكلنا كيك وشربنا عصير وراح الاهله
حددنا موعد الزواج بعد اسبوع قبل لا يخلص الاسبوع
دك عليه تليفون كال انتي وين
بشرى...بلشغل ووين
سعدون...جبت الغرفه
بشرى...اي امي موجوده بلبيت
سعدون...راح ننصبها كبل
بشرى....اي هاي هيه اني ساعه هيج وارجع للبيت
بشرى...خلصت شغلي بسرعه ورجعت للبيت كلي لهفه اشوف الغرفه
دخلت سلمت على امي ورحت كبل اشوف الغرفه
من دخلت اتفاجئت
غرفه مستخدمه موديلها قديم
الخشب محكوك
رنيت علي
بشرى....قبل لا اسلم علي هاي الغرفه شنو
سعدون...شبيها بعد وراها صبغ تطلع حلوه
بشرى...يااا صبغ يمعود تلعب النفس هاي وين لكيتها بلزباله
سعدون ...على كد امكانيتي شنو قابل ابوك
ماعندي اشتري غاليه
بشرى...مااريدها تعال شيلها مااريدها صدك جذب
سعدون...اذا رجعتها مااشتري غرفه لان الغرف غاليه واني ماعندي
جنت مجمع مليون انطيتهن مهر
بشرى...المليون كلشي مايجيب بهذا الوكت
سعدون....شوفي نصبغها وتصير حلوه
بشرى....رجعها واني اشتري غرفه
سعدون ...بكيفج باجر اشيلها
بشرى...باجر انروح اني وياك نشتري غرفه جديده
بله شكلت من جبت هاي الغرفه
سعدون...مو كتلج على كد فلوسي
بشرى...ثاني يوم رجع الغرفه وطلعنا اني ويااا اشترينا غرفه تخبل كلش حلوه بمليون وربع
سعدون... صدك تشترين غرفه بمليون وربع
بشرى...قابل اني كل يوم ازوج اريد غرفه حلوه
ثاني يوم جابوها نصبوها
امي. .هااا اشتريتي غرفه من فلوسج
بشرى...يمه ماعنده قابل يبوك بعدين اني كم مره ازوج
سكتت امي ماحجت رغم الوضع جان حيل ما عاحبها
بس ما حبت تكسر فرحتي
اجا يوم العرس طلبت اجازه اسبوع من الدكتوره
ورحت النفس الصالون حلو زفتنا وعرسنا يخبل
عشت احلى ايام عمري اول زواجي
سعدون حلو يعاملني يعرف شلون يخليني اتعلق بي
يهتم بيه
بعدين هو أول رجل يدخل حياتي
حيل حيل اتعلقت بي
الصبح اطلع للشغل مثل قبل اني وامي وهو يبقى نايم
بلبيت
من يكعد يروح الاهله ومن تجي امي يرجع للبيت
مرتين عزموني عيالي
اول مره دخلت البيتهم تعجبت
الفراش قديم وملخ ماعدهم اثاث الكاونتر حديد القديم وواكعه بيبانه
الطباخ بس عين وحده تشتغل بيتهم وصخ
الجهال ملطلطين امواعينهم تلعب النفس شلون ياكلون بيها مااعرف
زوجة مسلم تتحجج بالوقت تكول ماعندي وقت انظف
ماكدرت اكل بيتهم كتلهم نفسي تلعب
فرحو اتوقعو حامل بس اني فعلا نفسي تلعب من الوصخ
ثاني مره من عزموني مارحت
بس سعدون راح
احنا بيتنا شكد قديم بس يلمع كلشي بي يلمع
ومرتب مااعرف شلون عايشين
سعدون يروح ياكل ويشرب عدهم الموضوع عنده عادي كلش عادي
جمانه السعيدي
بيوم اجيت محمله غراض وااكل من الشغل
سعدون....شنو هذا كله
بشرى...كلةهذا من بيت الدكتوره
سعدون....شكد عدهم فلوس ذوله
بشرى...خير من الله بليوم الواحد يطلعلهم من العياده
مليون ونص ومرات مليونين
هو دكتور أطفال شاطر وهي دكتوره نسائيه
من غير العمليات
سعدون....وين يخلون هاي الفلوس كلها بلبيت
بشرى...لا بلمصرف يبقون شي قليل بلبيت
سعدون...اي هاي الناس العايشه مو مثلنا
شكد ينطوج بلشهر
بشرى...٧٥٠
سعدون....خوش راتب محترم
بشرى....ثنيينهم يحبوني ويحترموني حتى نأكل على سفره وحده
سعدون...مايردون واحد يشتغل عدهم حتلو ينطوني ٥٠٠ اني قابل
بشرى...شتشتغل مثلا
سعدون...حتلو حارس على الباب
بشرى...خالين كامره واني ماافتح الباب الاي واحد
منا لمن يرجعون
جمانه السعيدي
سعدون...هااا ماامنيين نفسهم
بشرى....شلون غير يخافون على نفسهم
سعدون...زين اي طبعا يخافون تلكيهم مايكدرون يحسبون الفلوس هيج شيل وشمر هلكد مااهواي
بشرى. .على طاري الفلوس شنو ما انطيتني مصرف
سعدون...شنطيج هو اني مطلوب على العرس
والراتب كبل للدين
بشرى...شكد مطلوب
سعدون...خير من الله
بشرى...اني راح انطي الامي من راتبي واكلها سعدون استلم
ودزلج ذني
سعدون...بكيفج بس لا تعتمدين عليه انتي راتبج خير من الله واصرفي
بشرى...بس احنا اتفقنا تشيل نص مصرف البيت
سعدون...انتي راتب وامج راتب ثنيبنجن تقبضن
مليون ونص وعينجن على ٥٠٠ الي استلمها
بشرى....انت ماتريد تساهم بمصرف البيت
سعدون...اني اهلي قبل كلشي ماانطيهم واكل واشرب بلاش
ليش ادفع هنا مثلا
اذا ما عاحبج ارجع اكعد بيت اهلي
بشرى...بكيفك
سعدون...هذا الاكل هواي جيبي اخذ منه الاهلي
بشرى.. هسه اقسمه بينا وبينهم
هاي اول اشارة الاستغلال بس اني كلت ميخالف
اني راتبي ماشي وخير من الله ليش اخرب علمود الفلوس
سكتت وعديت
ست اشهر على زواجنا واني ماعندي حمل
قررت اسئل دكتوره امال لان هي دكتوره نسائيه
بشرى...دكتوره ليش ماكو حمل
امال...اليوم اخذج وياي للعياده واشوف شنو المشكله
بشرى...اي فدوه دكتوره
اتصلت على امي وعلى سعدون وكتلهم اروح للعياده
افحص
رحت ويا الدكتوره واول وحده اني سويت تحاليل
وفحوصات
طلع عندي مشاكل تسبب تأخر الحمل
ينراد ابدي دورت علاج واشوف اذا راح يصير حمل
من رجعت سئلني سعدون
سعدون.. هاااا شكالت الدكتوره
بشرى...كلشي تمام بس اني محتاجه شويه علاج
حتى يصير حمل
سعدون.. خاف انتي ما تحبلين
بشرى....شنو مااحبل راح ابدي علاج ويا الدكتوره
وإنشاء الله احبل
بشرى...سولفت الامي الحقيقه
كلش ضاجت لان هي اصلا ماراضيه على هاي الزواجه من البدايه وسعدون ماعاجبها
يعني حتى بعد الزواج مابطل سوالفه
نايم النهار كله ويكعد باب اهله هو وجماعته
بشرى... كمت ارجع للبيت مالكه سعدون
اتصل علي ويا جماعتي هسه اجي
تكرر هذا الموقف اكثر من مره
بشرى...ليش تتاخر
سعدون...ليش تنتظريني نامي
بشرى...اطلع الصبح انت نايم وارجع مالكاك بلبيت
احجي الصدك رجعت السوالفك القديمه
سعدون...شنو سوالفي عيب هذا الحجي
يعني مااطلع مااغير جوووو شلون ابقى كاعد بلبيت
اني مره
شنو تردين تحبسيني
بشرى...بس اني اشتاقلك ومااصدك ارجع للبيت حتى اشوفك
وابقى منتظرتك
سعدون...شتريدين مني لان اختنكت
بشرى....اريدك قريب عليه
سعدون....يعني اني وين رايح مثلا اكرهج اذا تحاسبيني
بشرى...بعد مااحاسبك تعال يله خل انام
جمانه السعيدي
بشرى...اني اكول حقه يروح يم جماعته مايكدر يكعد بلبيت طول النهار
واني كل اليوم برا
من حقه يطلع ويا جماعته يتونس
اصلا اني نفسيتي تعبانه من العلاج وخايفه مايصير عندي حمل شلون بيه اذا ماصار عندي اطفال
اكيد حتى سعدون يعوفني
هو جبير وهم يريد طفل يحمل اسمه
فاتت سنه على زواجنا اني نفسيتي حيل اتغيرت
بسبب العلاج
غيرت العلاج مرتين وكلشي ماكوووو
مااكدر احاسب سعدون لو احجي ويا باي موضوع
خايفه يعوفني اذا ماصار عدنا اطفال
من نكعد اني ويااا اكثر شي نحجي عن حياة الدكتور والدكتوره شلون عايشين حياتهم
سعدون.. اني حاسدهم على عيشتهم
بشرى....اني بلعكس انقهر عليهم
سعدون .. عليمن تقهرين عندج فلوس بكد فلوسهم
لو بيت مثل بيتهم لو تسافرين بكدهم
بشرى....قبل جنت حادسدتهم مثلك
بس من عشت وياهم انقهرت عليهم
سعدون...ليش يافهيمه
بشرى.. عدهم فلوس وعدهم بيت حلو
بس ماعدهم لحضات حلوه تجمعهم كل نهارهم شغل
ماينامون براحتهم
ماياكلون براحتهم
حتى اطفال ماعدهم
سعدون...خل يطوني بيتهم وفلوسهم واني حتى اطفال مااريد
بابا افتهمي الحياة بدون فلوس كلشي ما تسوه
هسه يتعبون كم سنه وبعدين يرتاحون
بشرى.. يمتى بعدين من يخلص العمر
سعدون....انتي غبيه لو وحده بمكانج هسه تلعب بلفلوس لعب
ولج عايشه وبيتهم كله تحت امرج
بشرى...شنو ابوكهم
سعدون....يوميه اطلع حجه واسحب منهم فلوس
اليوم مريضه اليوم اريد اشتري فلان شغله
اليوم عندي مشكله
اسحب منهم فلوس وووين يودون هاي الفلوس
انتي تعبانه تستاهلين الفلوس الي عدهم
عيشي حياتج براسهم استغليهم شكد ماتكدرين استغليهم
بشرى.. لو اموت مااسوي هيج مستحيل اخون ثقتهم بيه
سعدون.. مو كتلج انتي غبيه ابقي اشتغلي خدامه
بيت متروس فلوس
جمانه السعيدي
بشرى...مااهتميت الكلام سعدون اني مستحيل اخون ثقتهم بيه
تمرضت امي وحتى ماتكدر اداوم
قدمت على طلب نهاية خدمه وكعدت بلبيت تعبانه ماتكدر
مو مثل قبل حتى ماتكدر تسوي اي شي بلبيت
قللت شغلي بيت الدكتوره
الحد الضهر حتى ارجع للبيت علمود امي
سعدون عايش حياته ولا على باله راتب امي كله اشتري بي علاج الها كل شهر تراجع مرتين للدكتور
ولازم اكل زين
حتى من ادز سعدون يجيب علاج الامي ياخذ فلوس العلاج مني
واذا نريد مسواك ياخذ الفلوس قبل لا يطلع للسوك
مايصرف ربع على البيت من جيبه
الدكتوره كم مره اشترت علاج على حسابها ودزته
الامي
طلع التعب مال السنيين الي فاتت على امي
هلمره مااصدك تطلع من هاي السالفه سلامات
الله اليستر
خايفه تموت قبل لاتشوف جهالي وتفرح بيهم
العلاج كلش قوي وهي ما تقبل تاكل بدت تضعف شويه شويه
وصلت مرحله ماتكدر تكوم من الفراش
واني حايره بيها خايفه تموت وتعوفني شلون بيه
منو اليه منو يشيل همي
ثمن اشهر وهي بلفراش واي تحسن ماعدها
الحد ما ماتت ماتت امي وبقيت وحدي
الحزن هزمني كرهت الناس كلها هلمره صدك بقيت وحدي من مات ابوي ابد ماحسيت بليتم
بس هلمره صدك بقيت وحدي
سعدون مجان مهتم الموت امي
عادي عايش حياته مثل قبل ما تغير علي شي
بقيت شهر كامل مااطلع من البيت
الأسود يلعب النفس عليه ووجهي متروس شعر
حالتي النفسيه تعبانه حيل
والعلاج جاي يتعبني اكثر
صار سنتين على زواجي وكل نتيجه للعلاج الي جاي اخذه ماكوووو
يمكن اني ما مقسوملي يصير عندي اطفال
