رواية ضحية امي الفصل السادس بقلم جمانه السعيدي
طلع من البيت زعلان وامي كامت تبجي وتحجي عليه
وطردتني من البيت كالت اطلعي وبعد لاترجعين هنا
اني ما اريدج بلبيت
دخلت غرفتها وقفلت الباب عليها
رفعت راسي لرب العالمين
آلهي اني ماليه احد غيرك خلصنا من هاي المصيبه
اني ما اكدر اتصرف وحدي
ساعدني يارب
لا اكدر اعوفها وحدها راح ياخذ الراتب ويخليها بدون مسواك وحتى يضربها
ولا اكدر ابقى وياها
على طول اني وياها مشاكل
وتفضل زوجها عليه
وين اروح ياربي المن انطي وجهي
وكلما يبتعد عنها ترجع تتوسل بي حتى يرجع
كلشي ما بقالها غير البيت
وموبعيد تبيع حصتها وتنطيها اله
اتصلت بخالي وكتله احنا لازم نعرف هو منيين
اصله وفصله
بلكت اكو عدهم احد جبير يحجي وياااا
خالي انتي تحجين صدك المثل هذا منيله جبير
واحد دايح ساقط
لكه امج كنز كدامه وكام يسحب منها عايش براسها
لقاء شنو الحل انعوفه يضحك عليها
خالي امج عدها الحل هي تكدر تطرده وطلعه من حياتنا للابد.
رغم امي تحجي عليه بس ما اكدر اعوفها
يومين وامي كالت اني اريد اطلع اغير جوووو
اريد اطلع سفره ويه صديقاتي
لقاء اني اروح وياج
امي لا اني اريد اروح وحدي وانتي روحي بيت خالج
لقاء كلبي لعب من هاي الطلعه
حسيت اكو شي بس شنو ما اعرف
اخذت جنطة ملابسها وطلعت واني اتصلت بخالي يجي ياخذني
من طلعت فتت من يم باب بيت مهند
كلت بكلبي وينك ليش مختفي
من كتلك تعال اخطبني وانت مختفي
يا ترى شنو الي منعك مني
وصلت البيت خالي ورجعت اتصلت بمهند ماكوووو
دخلت على صفحة ولد صديقه اسمه امير
وسئلته عنه
لقاء السلام عليكم
امير عليكم السلام
...اني صديقة مهند بلكليه وهليام مجاي اشوفه حبيت اطمن علي
طبعا اني حجيت هيج عليك يالله
... اي مهند جاي يحضر للمهر مالته ليش متعرفين خطب بت عمته يمكن هسه بس مهر ومن تخلص هاي السنه
يتزوجون
بقيت ساكته وحتى ما اكدر ابلع ريكي
عيوني دمعن حسيت مشاعري اتجمدت
لقاء انت متاكد
...اي باجر المهر وعزمنا كلنا اذا انتي ويااا بلكليه شعجب ماتعرفين
لقاء زين ممكن صفحته لان القديمه ما يرد عليها
راح انطيج رقمه الجديد وتطلع صفحته على الواتساب
انطاني الرقم واني حسيت نار وشتعلت بجسمي
صخنت حيل
اديه يرجفن ٣ مرات ادخل الرقم ويطلع بي غلط
ما اشوف الأرقام زين من الدموع
بعدين مسحت دموعي وتأكدت من الرقم
وكتبت
السلام عليكم شلونك مهند
اني لقاء صار فتره اتصل وما ترد
اذا ما تريدني جان كلت ما اريدج من حقك ترفضني
بس كلي شنو الاسباب
مومنحقك تعلقني بيك ودير وجهك وتروح
اريد اعرف شنو الي صار
شنو شفت مني وعفتني لان كتلك تعال اخطبني
حقك اني رخصت نفسي
بس يكولون الحب مابي كرامه
وأعتقد الي جان بينا حب
لو جنت تضحك عليه
على العموم الله ياخذ حقي منك
مشاعري مو لعبه بايدك مع الاسف اني جنت مامنه بيك
ومعتبرتك سند
ما اريد منك شي بس اربد اعرف ليش عفتني
يمكن من اعرف السبب النار الي بكلبي تبرد
واريد اكلك كلمه اخيره
حسبي الله ونعم الوكيل
الي صار بيت مهند
ام مهند خافت يرجع يفكر بلقاء مره ثانيه
لو يرتبط بيها قررت اتزوجه وتخلي يرتبط حتى ينسى
لقاء للابد
ضلت تلح علي هي وابوووو وشترو غرفة النوم وحضرو كلشي وخلو كدام الأمر الواقع
ما كان كدامه غير يوافق
ويكطع اتصالاته بلقاء
بعد ما الناس كلها ااكدتله ان سمعت لقاء وامها كلش موزينه بلمنطقه
بعد ما الناس كانت تشوف حمودي وجماعته يترددون ليليه على بيت ام لقاء
لقاء كان حاله بلويل كل الفقدان اجه بوكت واحد
فقدت ابوها وامها وحبيبها
وحتى صارت مشرده حتى بيت ابوها ما كاعد تكدر تسكن بي
اتمرضت حيل وبسبب الحاله النفسيه كامت تتقئئ
وصارت عدها حالت اسهال مستمره
ضعفت حيل
ووجها صار باهت
وامها مختفيه ومآ تقبل ترد على تليفوناتها
مر اسبوع وامها ماكوووو
وهي نايمه بلفراش
وكل شويه اطلع رقم مهند بلكت يطلع الموضوع كذب
بلكت هذا الكلام مجرد اشاعه
جانت متاكده كلشي صار بينها وبين مهند حقيقي
لان اختفى فجئه وبدون اسباب
بس كلبها يكلها اصبري
ايجوز يرجع
ماكدرت تتعافه بسرعه المصايب نازله عليه ترف
ومآ مطيته مجال للمقاومه
خلصت مصرف واجا موعد الراتب وامها ماكووو
سئلو عليها بكل مكان ماكوووو
حتى الفنادق بكل المحافضات ماكووو
وعد أقاربها وماكووووو
بلغو الشرطه عن اختفائه
راحت لقاء تسئل عن الراتب اتشوف امها سحبته لو لا
تريد تطمن امها عايشه لو صار عليها شي
والمصرف الي عدها خلص
من كد ما راجعت دكاتره بسبب سؤ حالته الصحيه
سئلت بلمصرف وطلعت امها ساحبه سلفه عشر ملايين على راتب ابوها ومستلمه الراتب
عرفت هذا الحقير كدر يبعدها عنهم ويستفرد بيها
لقاء خالو شفت هذا النذل شلون مخليها ساحبه سلفه على الراتب
خالو اني كتلج هو مابي صوج الصوج باختي
لقاء اني هسه ما همتني الفلوس خاف يكتلها لو يعذبها
هذا مجرم ماكو بكلبه رحم ابد
خل نشتكي علي ونكول خطفها ونخلي الحكومه ادور علي
خالي ما ادري
لقاء على الاقل اطمن على امي عايشه خاف ذبحها
خالي اني راح اسجل علي دعوة خطف
وفعلا خالي راح سجل على دعوه والشرطة عممت اوصافه بكل مكان
اسبوعين وماكو اي خبر عنهم ابد
ومهند قرأ رسالتي ومآ رد عليه ابد
غير الرقم حتى لا اتصل علي
كل الانهزامات والخيبات اجت وكت واحد
ورا شهر لزمته الحكومه وكال اني ما خاطفه زوجتي وعايشين سوا
الشرطه اتصلو عليها واجت
واني وخالي رحنا المركز الشرطه
اني دخلت متلهف عليها اريد بس اشوفها
اريد ابجي بحضنها
مشتاقه الحضنها اريدها تبوسني
وتكلي مشتاقتلج حبيبتي
ياناس ابوي بعد ما يرجع ونحرمت منه بس امي عايشه اني ليش محرومه منها
امي شافتني ولا دارتلي بال ولا اهتمت اصلا كامت تصيح عليه بلمركز
امي انتي شتريدين عفتلج كلشي حلي عني عوفيني اعيش حياتي
اني وزوجي عايشين حياتنا وهو يحبني واني احبه
انتي ليش تردين تخربين حياتنا
اني بقيت واكفه ومصدومه امي ملابسها عاديات ويلعبن النفس والشال يهد الحيل
جان وجها ينفط دم هسه وجها اصفر
لقاء بجيت وكتلها يمه مشتاقتلج
امي انتي لا بنتي ولا اعرفج واذا بعد كررتي هاي السالفه اني اشتكي عليج
التفتت على خالي واني دموعي اربعه اربعه
خالوووو هاي امي لو غيره
سمعته شتكول تكول انتي مو بنتي
التفتت عليها
ماما ولله جنت خايفه عليج ولله ما نام بس افكر بيج
ليش هيج تغيرت عليه
اني ماليه احد غيرج وين اروح
ضاعت السنه الدراسيه بسببج
ضاع مستقبلي بسببج
بس مااقول غير حسبي الله ونعم الوكيل عليج وعلى هذا
المجرم الي فرقنا من بعض
سقطت الدعوه لان هي كالت زوجي واني ويااا عايشين سوووا وبعدنا عن كلشي بسبب المشاكل
رجعت طول الطريق ابجي منو اليه وين اروح
امي ماتريدني ياناس ياعالم امي فضلت واحد حقير واستغلالي عليه
ما فكرت بيه ابد
وصلنا واني دخلت للغرفه ونهاريت فد مره ابجي واصرخ
واكطع بشعري
امي المفروض تاخذني بحضنها وداريني
تخلت عني بكل سهوله
اتمرضت وكطعت الاكل بس نايمه بلفراش
حتى مهند جان يخفف عني
هم عافني ودور وحده غيري
ولله اني بلا عقل اذا امي تخلت عني اني ليش اعتب على مهند
