رواية مزيونة الشيخ الفصل السادس بقلم شهناز العلالي
كملت رضاعه أبني....واني بالي شارد فكرت بحجي صديقتي وبصوت فؤاد...الياسر مسامعه صوته ....والي اشهر مشايفته وشفته هذاك اليوم ....شبيه خبلة مو نطته الي التليفون جان اعرف شيريد شكو شمرته ؟
لالا صح سويت.....خليت ابتي بمكانه ...اه نمت من الوجع...
كعدت ثاني يوم ...تريكت امي واختي كاعدين يمي ..امي شايله الطفل وتناغييه ...باوعت علية"
_شبيج؟
تاأففت حجيت بملل"
_اريد ..اريد امشي وارجع لبيتي ...
اختي نبت"
_اي مشتاقه حقج ابو الصكور...اقصد ابو خويلد ..
ردت امي"
_استعيدي صحتج مناا١٠ايام وروحي ....
اختي باوعت عليه وهي تشرب شاي ...كالت"
_شرادت منج..
رديت عليها بهدوء مصطنع بحبس الانفاس "
_منو؟
_صاحبتج.....
_باوعي تعبانه ومالي خلك ....
____________
بعد يومين من هالموقف اندكت الباب ....اختي جانت راجعه لبيت زوجها...امي فتحت الباب واذا هي صديقتي ...اختنكت ...سلمت على امي واجت كعدت يمي ....
امي تباوع من بعيد ماعاجبها الوضع ....
صديقتي خلت اظافرها بحلكها وكالت"
_فؤاد....
اني هنا عدلت كعدتي وبلعت ريكي ...فتحت عيوني بس ماحجيت حرف ...
رجعت كررت اسم فؤاد وكملت جملة وكفت شعر راسي"
_فؤاد واكف بالباب مال بيتكم كبال الباب ..بالجهه المقابيل ...
هنا عدلت كعدتي .. بسرعه ف توجعت...
كالت"
_على كيفج ...اهدئي ...يكول اذا مااحاجيتي وياه صوت ...يضطر يدك بابج ووواكيد اخوج يفتح ووووتصيرلج فضيحه....باعي اني المفروض ما ادخل نفسي من بعد ماحجيتي بقسوة هذاك اليوم بس شسوي صديقتي واحبج ...ها تحجين وياه ..... ؟
اروح احسن لان بيتج بدة يخنكني امج فوك راسي تفتر ومرت اخوج ادري سجن لو بيت ...اني سويت الي عليه عسى نارج تاكل حطبج ....
ايمان/طلعت من البيت حجيها خوفني شنو واكف شنو يريد يحجي وياج ...
ماعرف شنو الي فكرت بي بهذاك اليوم بس كل الي اعرفه انه انتظرت صحتي ترجعلي حتى انفذ فكرة براسي وقنعت امي بشغله ماتخطر على البال ... قنعتها .......
قنعت امي تسوي ثواب بروح امها ...الجده واقتنعت واني الي اوزعها واكيد اودي لبيت صديقتي...
وفعلا راحت امي للسوك وجابت خبز وخضرة وسوينا كباب عروك ..ولفينا وطلعت اوزع ...وصلت لبيت صاحبتي دكيت الباب طلعت امها اخذت الثواب دخلت للبيت اجت....اشو هاي من شافتني جن كلبها صار هالكبرة كعدت كتلها"
_من الاخير خابري ل فؤاد ...
_اي مو تدللين ...وهاج هذا رقمه ...
كتبته بورقة...اخذته وضميته يمي ...دكت على فؤاد
اخذت الموبايل كلت "الو...
عاد هي طلعت من الغرفه مالتها خلتني وحدي ...
فؤاد "
_ايمان...مشتاقلج ...
_اني مره متزوجه ...اني لو ماتهديدك توكف باب البيت جان مااتصلت ...اني ..اني اخترعت الف وسيله يله كدرت اخابرك فؤاد ...
_يا فؤاد هو انتي بقيتي بيها فؤاد؟
_ليش؟
_اريد اشوفج ضروري ...افتهمتي لولا
_لاوين اكدر رام ارجع لبيت زوجي ...زوجي راح يجي ياخذني ...
_ماعرف عود خابريني ونتفاهم.
_شنو على شنو نتفاهم ...ماكدر وماعندي تليفون فؤاد افهمني.
_هه ..هالتريش كله الي عايشه بي بعد ماجان كاتلج الفكر ...وماعندج تليفون ..
_زوجي يغار عليه .
_تره اني احبج يعني مو من حقج تحجين هيج فهمتي ...ويلا انتظر منج مكالمه..
سد التليفون ...
شبكت اصابعي...بينهم التليفون ...اجت صديقتي كعدت كبالي كالت"
_ها شكو ؟شصار ....
عفتها وطلعت لبيت اهلي ...دخلت مالب واهس ابرر ولااحجي شي..حتى التوزيع علي النص عفته..تحججت ب ابني ....
بالليل وصل صكر..جايب كلشي من مسواك وشغلات اجه باس وشمشم خالد وقرر ياخذني نتعشى برة
وافقته الرايي وعفت الطفل على امي....
بالسيارة صكر كال"
_وبن نروح؟
بهدوء وملل كتلة"
_ماعرف ...
رد عليه "
_امشي نروح لنفس المطعم ....
سكتت ماحجيت شي ...
وصلنا هنآك....كعدت ..جابولنا المينيو طلبنا....اجت المقبلات ...داكل شفته ل فؤاد كبالي يباوعلي من بعيد ويقدم الوجبات للطاولات.....باوعت على صكر ملتهي بالمكالمات الي داتجي بالتليفون ....سد المكالمه كال:
_شبيج حبيبتي؟
ب ابتسامه خفيفه كتله"
وصلنا هنآك....كعدت ..جابولنا المينيو طلبنا....اجت المقبلات ...داكل شفته ل فؤاد كبالي يباوعلي من بعيد ويقدم الوجبات للطاولات.....باوعت على صكر ملتهي بالمكالمات الي داتجي بالتليفون ....سد المكالمه كال:
_شبيج حبيبتي؟
ب ابتسامه خفيفه كتله"
_انت وعدتني؟
ضل صافن مافهم مقصدي .....حك شعرة وضحك كال"
_هديه ولادتج تليفون؟
_اي حبيبي ....
_تدللين خل ناكل وبطريق الرجعه مناك الي ترديه اجيبه الج
ابتسمت بهدوء...نزل الاكل ضليت اكل بشراهه واغتلس النظرات لفؤاد كملنا اكل...صكر راح يغسل ...فؤاد اجه يلم الصحون ....
ذب حجاية"
_خابريني.....
اجه صكر وجهي يضرب الوان ....
طلعنا من المطعم رحنا لمركز بيع اجهزة هواتف نقاله ....
جان بوكتها مفتح كلش فرحت ....
بنتا بيت اهلي...ثاني يوم رجعنا للعمارة
وصلت هناك والهلاهل والذبايح ...دخلت لغرفتي نظيفه خليت ابني بالكاروك ونزلت يم عيالي...
حسناء:اكلج ايمان شبيج متغيرة مو على بعضج خوب اهلج مابيهم شي احجي اني مثل اخيتج لاتنحرجين جايز تستحين تحجين ل صكر اني وامي موجودات لاتنجرجين ابد من عندنا خوش ...
_لا ياحبيبتي بس تعرفين الولادة وجربتي الازمه النفسيه الي تصير من بعدها هاي اني دامر بيها...
_اسم الله حبيبتي حقج
وراها اترخصت منهم ورحت لغرفتي جان خالد يصرخ...اخخخ راسي ....
شلته ناغيته ورضعته ونام ....باوعت لوجهه وجه ملائكة
طلعت التليفون ضليت صافنه عليه ...دخل صكر للغرفه جان تعبان نام...اني هم نمت ردت انفض تعب الدرب شطوله ....
كعدت من النوم الغروب لكيت صكر ماكو بصفي ...معناها طالع ..رحت قفلت باب الغرفة علية ...
طلعت التليفون سيفت رقم فؤاد ب اسم بنية...جان تندك باب الغرفة من كد ماخايفه بلعت الورقه مالرقم غصيت بيها فتحت الباب ل حسناء واني اشهك....
بحيث هي استغربت
كالت"
_حبيبتي انزلي تعشي اليوم صكر يم صحبانه معزوم هوو كال كعدوها على العشى ...
_ماريد ماشتهي ..
_شهالحجي انتي مرضعه يعني لازم تاكلين شي ...
_اوك لخاطرج....
*تاكدت من ابني نايم ونزلت ....نزلت حتى ابلع الورق زين لان ضل بزردومي ....كعدنا نسولف
سولف تجر سوالف ..اجه صكر للبيت رحت وراه جان جايب حلويات احبهم...ابتسمت رحت بسته من شفايفه بوسه خطف وووحضرت الكرزات والشغلات نسيت نسسسيت سالفه فؤاد بس من انام على المخدة اذكرة
اكول بيني وبين نفسي "ياترى يفكر بيه ..يشتاقلي ...هو يغار عليه والدليل اليوم خزرني وكال خابريني ....
مر يومين واحاول اتناسى الموضوع بسس صوت بداخلي ...كل ساعه يذكرني ب فؤاد ....
ثكر٢٤ساعه ملتهي ويه الزلم مدري ليش واني وحدي ..فتحت التليفون باوعت على رقم فؤاد اريد اتصل اجت ام صكر للغرفه حتى تشوف خالد ......________
