رواية لم يكن قراري الفصل التاسع بقلم جمانه السعيدي
طلعت من ورا البرده اسحب رجليه سحب وكعدت على القنفه
الشرطي هااا استاذ انت تعرف ست هناء
حيدر من رخصتك
الشرطي اي اخذ راحتك
حيدر دخلت وكعدت على القنفه الصدمه اكبر من عقلي
هناء هي المعلمه الحايره بجهالي
هناء بقيت كاعده وساكته
حيدر هناء انتي هنا من يمته
هناء اذا عجايب الدنيا سبعه هاي الثامنه معقوله
انت حيدر كدامي وذوله جهالك
زهراء بابا اني احب ست هناء
كرار اني هم احبها
جمانه السعيدي
حيدر هناء حاجيني شبيج ساكته انتي من يمته هنا
هناء هاي السنه الثانيه
حيدر لو تدرين شكد اجه يكول مشتاقلج بس حس الجهال عينهم علي
حيدر لو شكد ما اقدملج شكر على الي جاي تسوي ويه جهالي ما اوفيج حقج
هناء بس اني ما اعرف هم جهالك هاي شنو من صدفه عجيبه غريبه
حيدر اليوم اتاخرتي علمودهم
هناء عادي
حيدر اكدر اوصلج للبيت لو زوجج مايقبل
هناء لا شكرا اني اروح وحدي
لزمت جنطتي وطلعت
وهو لزم جهاله كل واحد من ايد وطلع
اني قفلت باب غرفة المعلمات وامشي وراهم
امشي بدون وعي ما مصدكه الي صار وياي
صعده بلسياره ورجع عليه كال خل اوصلج بطريقي
هناء لا شكرا
صعد وشغل السياره ومشت والجهال يسولي بيباي من الجامه وهو عينه ما نزلت مني ابد
صعدت بلخط والسياره مشت
سرحت وين رحت الايام الكليه
سرحت لعيون حيدر شلون مركزه عليه
اجيت انزل
صاح السايق وين خل ارجعلج الباقي
منطيته خمسه واريد انزل
ماتصدكون ما ادري يمته انطيته الاجره
هلكد ماعقلي سارح
رجعلي الباقي ونزلت فتحت الباب
امي هله يمه اناخرتي كتلني الجوع
جمانه السعيدي
هناء اسفه يمه
امي الجهال اجا ابوهم اخذهم
هناء هااا اي اجا حيدر اخذهم
امي حيدر منو ابوهم اسمه حيدر
هناء اي حيدر ابوهم اسمه حيدر
بدلت وكعدنا ناكل واني ولا كلمه
امي شبيج اليوم شو ساكته يوميه ادوخيني شكالك المعلمات والطلاب هيج والطالبات هيج صاير شي
هناء لا ما صاير شي ابد
عفت الاكل يمكن اكلت لكمتين
امي ليش كمتي اكلي لعد اني المن اطبخ
هناء موجوعانه
رحت اتمددت وغطيت راسي
بس ماكدرت انام اريد واحد احجي ويااا
آريد احجي الي صار وياي اليوم
آريد مروه اي اريد مروه بس هي تفهمني
باوعت للساعه بلثنتين ونص
هسه مروه نايمه اروح اكعدها اي اني حالتي مو تمام
اريد واحد احجي وياااا
كمت لبست رداء فوك التراك ولفيت الشال على راسي
امي وين موتكولين اريد انام
هناء يمه هسه اجي شويه خل اشوف مروه
طلعت وامي تحجي بس ماسمعت شكالت
سحبت خيط بابهم ودخلت البيت سنطه نايمه هي وامها
دخلت الغرفتها
هناء مروه مروه مروه فدوه اكعدي
رفعت راسها هناء شبيج شكووو
هناء كومي اريد احجي وياج
مروه اريد انام تعبانه توني تمددت
هناء اريد احجيلج شي خطير صار وياي
مروه بعدين من اكعد رحمه الاهلج خل انام
هناء ولله اذا ما كعدتي هسه اروح اجيب ماي بارد من الثلاجه واصبه على راسج فهمتي
مروه كعدت واني مغمضه عيوني يله احجي بسرعه
آريد انام جمانه السعيدي
هناء اليوم شفت حيدر
مروه واني مغمضه ياحيدر وكمت اثاوب
هناء حيدر حيدر ماكو حيدر غيره
مروه فتحت عيوني حيل قصدج حيدر سالم الي جان ويانه بلكليه
هناء اي هووو
مروه وين شفتي
هناء لو احجيلج هسه تكولين اني نايمه بعدني واحلم
مروه وين شفتي احجي
هناء تذكرين الجهال الي حجيتلج عليهم الولد والبنيه
الي امهم ماتت ويبجون بلمدرسه
مروه اي شبيهم
هناء وللج طلع ابوهم
مروه شلون حيدر ابوهم
هناء اي اجا ياخذهم اليوم وشفته
مروه وهو شافج اقصد عرف انتي موجوده بلمدرسه
هناء اي ومن شافني اتفاجئ بيه وللج صار سبع سنوات من تفاركنا
مروه اي اجت عدله ارجعيله
هناء عباله مزوجه لان كال اوصلج بعدين كال خاف زوجج مايقبل
مروه حاولي تحجين ويااااا
هناء شلون احجي ويااا ووين هو أول فرح بيه بعدين
حسيته خاف لان اذكر اني مزوجه
مروه لازم يعرف الحقيقه
هناء شيعرف
مروه يعرف انتي ما مزوجه
هناء شني اروح اتوسل بيده تعال حيدر اني ما مزوجه ممكن تزوجني
مروه لا موهيج بس انتي حاولي تسئلينه على وضعه
على امه شلون عايش
اكيد موضوع يجر موضوع وهو هم راح يسئلج على وضعج
وساعته كولي الحقيقه
هناء هم بعدني خايفه رغم شكد فرحت من شفته
هاي الدنيا شكد عجيبه غريبه يختفي من كدامي سبع سنوات ويرجع يطلعلي وويااا ثنيين اطفال وبدون ام
الله عليج اذا اسولف هاي السالفه الأحد يصدكني
جمانه السعيدي
مروه اي صدكي هذا لطف رب العالمين الله رجعلج الإنسان الي تحبينه وويا اطفال ثنيين
ابد لااضيعين هاي الفرصه من ايدج هلمره اتمسكي بي حيل
هناء اني ولله قبل لا أعرف ذوله جهاله حبيتهم حيل وتعلقت بيهم
مروه كل الأخبار الحلوووه تجي مره وحده
هناء كولي شكوووو
اني اليوم انخطبت اخو صديقتي صار كم مره يوصلنا اني وياها واليوم اخته فاتحتني بموضوع الزواج
شلون ولد يخبل وخريج وعندا محل بيع وصيانة موبايلات
هناء يالله موفقه حبيبتي
مروه شكرا حبيبتي
هناء هسه شراح اسوي
مروه كلشي لاتسوين بس اذا راد يحجي وياج انطي فرصه
وانطي النفسج فرصه انتي تستحقين تحبين وتنحبين
كافي خوف من المجتمع ومن كلام الناس
عيشي حياتج وبس
هناء رجعت للبيت واني مقتنعه بكلام مروه ١٠٠/ ١٠٠
حيدر كلشي متوقع بس اشوف هناء كدامي بعد سبع سنوات مستحيل لا وتطلع هي معلمة جهالي
ليش كلبي بس شافها فز من مكانه
اني بعدني احبها معقوله بعد سبع سنوات فراك
اي احبها وطرت من الفرح بس شفتها
جمانه السعيدي
استغفر الله ربي واتوب اليه مايصير افكر بيها هيج
هي مزوجه ويجوز عدها اطفال
اني هسه ما اريد شي بس اسئل عليها واطمن على حالتها
هناء
ثاني يوم كعدت كلي نشاط وطلعت فستان عندي وردي فاتح وبي تطريز قليل اسود
ولبست شال اسود وخليت مكياج وعطر
يوميه اكول اني رايحه للمدرسه بس اليوم اني رايحه اشوف حيدر
وصلت وضليت قريبه على الباب شفت سيارته اجت من بعيد طلعت برا سويت نفسي احجي ويه الطلاب
ماحسيت اله زهراء وكرار حضنوني من ورا حضنو رجليه لان هم كصار
التفتت شفته نزل من السياره
حيدر صباح الخير
هناء ابتسمت صباح الخير ودنكت بست الجهال
حيدر شلونج
هناء الحمد لله زينه
حيدر ممكن اطلب منج طلب
هناء اي تفضل
حيدر اريد رقمج حتى اتصل اطمن على الجهال اذا هذا الشي مايسببلج ازعاج
هناء اكيد سجل يمك
حيدر طلعت الموبايل وسجلت رقمها
هناء سحبت الجهال ودخلت وهو بقه واكف يباوع عليه
منا لمن دخلنا للمدرسه
طول اليوم اباوع الزهراء وكرار واكول معقوله ذوله جهال حيدر
انتهى الدوام وبقيت اني اخر وحده اريد اشوف حيدر قبل لا اطلع
رسا رن تليفوني رقم غريب اول مره ترددت وبعدين اذكرت حيدر
هناء الووو
حيدر هلووو شلونج
هناء عرفته بس احب اسمع صوته اني اليوم راجعه مراهقه كلش كلت العفو منو
حيدر اني حيدر
هناء اهلا وسهلا ابو كرار
حيدر هله بيج ممكن اطلعين الجهال اني منتضرهم برا
هناء اي اني طالعه واجيبهم وياي
طلعنا اني وياهم
ركضو على ابوهم
حيدر شكرا تعبتج وياي
هناء لانكول هيج ازعل منك انت ما تدري اني شكد احبهم
حيدر ولله لو شسوي ما اجازيج
هناء احنا كملنا الواجبات بس زهراء تكتب بعد مره
حيدر صار تدلل ست زهراء
هناء اني اترخص
حيدر ممكن نوصلج ويانه بلكت نكدر نرد شي من تعبج ويانه
هناء هزيت راسي موافقه
مشه حيدر كدامي وفتح باب السياره الامامي صعدت
والجهال صعدت ورا
شغل السياره وسئلني وين ساكنه
دليته على عنوان بيتنا وبعد ما حجينا اي شي
وصلت والجهال خبصوني بيباي
دخلت للبيت ودي اركص ودي اكمز حضنت امي وضليت ابوس بيها
امي هااا خير اليوم فرحانه
هناء فرحانه وميته جوع اريد اكل بسرعه بس ابدل وارجع
رجعت لكيت امي محضره الاكل
امي فرحينا وياج
هناء لا ماكو شي بس اليوم طلابي طلعو درجات عاليه كلش والمديره شكرتني على جهودي
امي الله يوفقج ويسعدج يابت بطني ويدزلج ابن الحلال الي يفرحج
اني ضحكت امي شمدريها معقوله اني شكلي حيل فاضحني
تمددت واني عيني على الموبايل منتضره بتصل واحجي ويااااا
طول النهار ما اتصل اني قلقت كلت ايجوز اني مو على باله ابد لعد ليش ما يتصل بيه
رحت وحجيت كلشي المروه
مروه وللج هناء شني هاي الخفه اعرفج ثكيله اصبري هسه بليل يتصل وشوفي
كملنا عشى ونضفت المطبخ واني اغني اغنيه يارا صدفه ومن بين كل الناس علكني حسيت شي بعيونه حيل يجذبني لم ابتسم بانت بوجهي تلاوينه
امي راحت يم ام مروه
رجعت للغرفه سحبت التليفون لكيته دازلي هلووو شلونج
احس ضربات كلبي كامت ادك الف دكه بلدقيقه
باوعت صار سبع دقايق دازلي الرساله
كتبت هلوووو الحمد لله انت شلونك
....زين خاف راستلج بوقت مو مناسب
...لا ماعندي شي زهراء كملت الواجب
...اي كملت وسبحت ونامت اني معلمهم ينامون من وكت
حتى الصبح يكعدون بسرعه
...احسن النوم من وكت يخلي الجهال تركز اكثر
انت شلونك الوالده شلونها
سكت شويه وبعدين كتبلي
....ممكن اتصل تعبتني الكتابه
...اي ممكن راسا اتصل جمانه السعيدي
سلم وبعدين اتحسر امي الله يرحمها
هناء الله يرحمها البقيه بحياتك
....حياتج الباقي
...لعد منو يعتني بيكم
..بس اني والجهال اني اعتني بيهم
....اني راح احجيلج الي صار وياي
امي اجتها جلطه واني تخبلت عليها فكرت اترك الجامعه بس هي ما قبلت حولت دوامي مسائي واتفقت ويه ممرضه تجي يمها تعتني بيها يعني اني الصبح وبليل والممرضه العصر امي بهاي الفتره صممت ازوج
واني حيل تعبت من المسوليه وحدي رشحتلي وحده من اقاربنا من بعيد بنيه حلوه ومؤدبه مخلصه ثالث متوسط
وفعلا رحت خطبتها وزوجنا
شكد ما احجي بحقها قليل شكد درات امي واعتنت بيها والايوم تمللت ولا ضاجت كله اصيحلها يمه
واول زواجنا حبلت
من اشوفها بلبيت اكول الله رحم حالي وحال امي بهاي البنيه
لمن دخلت بشهر السابع تسحل بروحها سحل وماتقبل ترتاح ابد
بيها توم وحيل تعبانه
حتى الدكتوره حذرتها وكالت لازم ترتاح بس ما قبلت ابد
من دخلت بلثامن صارت عدها ولاده مبكره
وجابت زهراء وكرار وبقو بلخدج اسبوعين
بلبدايه ايسنا منهم مستحيل يبقون عدلين بس الله لطف بحالنا وتحسنت صحتهم اثنيينهم
جمانه السعيدي
من يومها اني كتلها بعد ماكو حمل لان ذوله توم ازغار
وامي تحتاج عنايه والبيت
طبعا اني اساعدها على كد ما اكدر
من صار عمر الجهال سنتين امي توفت
واني حيل اتمرضت على فراكه
بصعوبه يله رجعت الوضعي القديم اتخرجت وهسه ابيع واشتري بلسيارات
قبل كم شهر ام كرار جاي تغسل بلفراشات وانتلت بلماطور مال الماي نقلناه للمستشفى ومآ لحكنا عليها
ماتت ومن هذا اليوم اني اعتني بجهالي
واحاول ما اخلي عليهم نقص ابد
اكذب اذا اكلج ما فاقدها بلبيت كانت نعم الزوجه
الله يرحمها
