رواية إخفاء فضيحة كامله جميع الفصول بقلم جمانه السعيدي
اني رهف مواليد ٩٥ بيضه وعيوني عسلي طولي ١٦٥
شعري كيرلي نازل النص ضهري شعري لونه جوزي
اني اكبر وحده بعائلتي احنا ثمن نفرات
٣بنات ٣ ولد وماما وبابا
اني اكبر وحده بعدين اختي نور واحمد وسرى وعلي
وازغر واحد زيد
امي عدها سبع خوات وماعده اخ
بيبتي ضلت تحبل كل سنه علمود الولد
بعدين مات جدي ومآ حصلت الولد
امي ما قبل الاخير
امي اسمها سناء واختها الازغر منها اسمها هناء
امي وخالتي هناء مزوجات اخوان
جمانه السعيدي
بابا وعمي اقاربهم من بعيد أقارب اهل امي
بلاول امي ازوجت
على فكره ابوي ازغر واحد بخوانه
وعمي اكبر منه ومزوج خالتي الازغر من امي
يعني الجبير ماخذ الزغيره
والزغير ماخذ الجبيره
ابوي وامي نفس المواليد مواليدهم ٧٥
عمي صلاح اكبر من خالتي بسبع سنوات
هسه تكولون شلون الزغير مزوج قبل الجبير
يعني بابا ازوج قبل عمو صلاح الجبير
عمو صلاح جان مزوج وعندا ولد اسمه سيف
بس زوجته اتمرضت
بالسرطان وماتت
من ازوجت ماما عمي شاف خالتي الزغيره
عجبته وخطبها وزوجها
عمي أموره الماديه حيل ميسوره يشتغل بلعقارت
بابا موضف حكومي موضف بلتربيه راتبنا يله على كدنا
جمانه السعيدي
ابوي كلش عصبي ومايتفاهم ابد
راسا يعصب ويغلط ويكسر
بس ولله كلبه طيب وحنيين
امي كلش بارده وموعصبيه من يعصب بابا تسكت ولاتحجي تكول شويه ويهدء
وفعلا ورا ساعه يهدء ويرجع يصالحها ولا كانو شي صار
عمي صلاح بلعكس كلش هادء وخالتي هناء عصبيه بشكل
بسرعه تصير عصبيه
وتضرب نفسها وتملخ شعرها
بس عمي يبقى يهدي بيها
دائما يكولوله شلون متحملها
شكد عصبيه ما تنجرع
يكول احبها ولازم اتحملها بعدين اني عايف البيت عليها والجهال الله يساعدها طول النهار تركض
مرات اكول همزين بابا مزوج امي لو بابا مزوج خاله هناء
شلون راح نعيش وياهم ثنيينهم عصبين
سبحان الله الحار ويه الحار ما يعيش
بس الحار ويه البارد ينطي طاقه وضوه مثل الكلوب
يعني بلحياة لازم واحد يشد وواحد يرخي الحبل حتى تستمر الحياة
خالتي هناء جابت ولد سمته امير ازغر مني بست اشهر
من صار امير خالتي شدت ويه سيف ابن زوجها
كامت تكرها تشوف العمى ولاتشوفه
دائما تضربه وتصيح علي واذا قرب على امير
هاي الي آلله كتبها علي
تلزمه تموته تموت
جمانه السعيدي
حتى تتخلص منه كثرت الحجي علي
يعني ساعه تكول حرامي يبوك فلوسي من الكنتور
ساعه تكول اسبح ويباوع عليه
ساعه تكول ما يحترمني
منا لمن خبلت الولد
الولد النهار كله كاعد بلشارع بس من يجي ابو يدخل للبيت
لان خالتي من تشوف عمو صلاح موجود
ماتحجي تسكت
رغم هي دائما تكول كدام عمي سيف يبوكني
لو طلعت من الحمام ولكيته كبالي
لو يعلم خوانه على الفشاير
سيف اكبر مني ب١٠ سنوات
عمر سيف خمس سنوات من ماتت امه
الناس كامت تحجي على عمي ليش ابنك كل النهار بلشارع
وانت شامره بلشارع حتى مرتك ترضا
خالتي صارو عدها ٣ولد وبنيه
كعدت الشارع علمت سيف على هواي اشياء غلط
كل طفل ينترك بلشارع بدون رقيب اكيد يتعلم هواي اشياء غلط
بلبدايه علمو يشرب جكاير
من يطلع بلشارع يشرب جكاير وياهم
ويضم الباكيت بلشارع جوه طابوكه ويدخل للبيت
بس ريحة الجكاير فاضحته فضيحه
من كام يدخن جان مخلص متوسطه
عمي بس عرف بي يدخن اتعارك وياااا
وكام يحجي على خالتي لان بسببها هو كاعد بلشارع
ماتريده يدخل بلبيت
اتموت منه تكرها كره العمى
جمانه السعيدي
عمي مايكدر يبقى بلبيت طول النهار حتى يراقبه
كام ياخذه ويااا للشغل
بعد المتوسطه بطل سيف ومايقبل يداوم ابد
بقى يروح ويرجع ويه عمي
كان سيف حاب السياقه حيل
طلب من عمي يشتريله سياره يشتغل عليها
يريد يكون عندا شغله الخاص
عمي اشترا سياره سايبه صفرا جديده السيف حتى يشتغل عليهاااا
عمر سيف بوكتها ١٧ سنه
هنا خالتي تخبلت
انت اطشر بفلوس جهالي
شنو سيف وتشتريله سياره
هسه يدعمها ويضيعن فلوسك
بس عمي ما سمع كلامها
زعلت خالتي عافت الجهال والبيت وراحت البيت جدي
ومآ قبلت ترجع اله سيف يطلع من البيت
طبعا احنا الأقارب كلنا نضوج من سيف هلكد ما خالتي تحجي علي
وتشوه بسمعته يعني ما تتخيلون شنو تحجي علي من حجي
علي العموم عمي ضاج لان ما يكدر يعوف الجهال بلبيت وحدهم ويطلع للشغل
ولايكدر ياخذهم ويااا ولا يكدر يكعد بلبيت وياهم
وبنفس الوقت شلون يطرد سيف من البيت
ولا يكدر يخلي يسكن وحده وبعيد عنه
يريده قريب علي حتى يراقبه
قرر يبني مشتمل بلحديقه ويكعد بي سيف
حتى يكون قريب ويكدر ايدير باله علي
رجعت خالتي بس عرفت بعد سيف راح يطلع من البيت
عمي بنا المشتمل غرفه ومطبخ مفتوح على هول زغير وصحيات
يعني مشتمل ٤٠ متر
عمي كان يشتري غراض السيف بدون ماتدري خالتي
يعني طباخ وسنك كاونتر متر وغساله حتى يغسل ملابسه
وتلفزيون وفراش
وكنتور بابين
وكل ما يتسوك ينطي قسم من المسواك السيف
سيف تعلم يطبخ ويعتمد على نفسه
هنا كان سيف عمرا ١٨ سنه
سيف سبع كان يشتغل بلسياره ويطلع مصرفه
بس ولله ولا خلصان من حجي خالتي علي
واحنا كنا نصدك كل كلامها علي
اني من جنت زغيره واروح الخالي اذا اشوفه بلباب
يغسل سيارته لو يصلحها
اطكها ركضه وادخل بيت خالتي لان اخاف منه
مو بس اني كلنا الجهال نخاف منه
خالتي جانت تكول دائما رهف جنتي
يعني اني وأمير نزوج
جانت دائما تردد هاي العباره كدامنا
بحيث اني عشش بدماغي امير من اني زغيره
وكنت ما اشوف واحد غيره
من نتعارك اني والجهال يحميني منهم
واذا عندا فلوس يشتريلي وياااا
واذا امي دزتني على الخياطه يروح وياي
يكول خاف واحد يحاجيج
كبرنا واحنا نعرف امير الرهف ورهف الامير
