رواية تبديل عريس كامله جميع الفصول بقلم جمانه السعيدي
اني سلسبيل مواليد ٢٠٠٠
اذا احجي قصتي لازم ابدي بقصة امي بلاول
ليش قصة امي .......لان بسبب قصة امي انولدت قصتي
امي اسمها سميره مواليد ٧٠ سيده جميله
سمره سمارها يخبل طويله طولها ١٧٢ عيونها ناعسات
شعرها اسود سرح
رشيقه فاتنه صوتها جميل ابتسامتها كلها بهجه
حضورها طاغي
صديقاتها كان يكولون انت جمالج جمال سومري
فاتنه وملامحج عبالك مرسومه رسم
امي من محافظة بغداد عدها اخ وحيد اسمه اركان
من عائله متوسطه الدخل
ابوها متوفي وهي عمرها ٢٠ سنه وأركان كان عمره بوقتها ١٥ سنه
امي موضفه بأحد الدوائر الحكومبه
وصلت العمر ٣٠ سنه وهي مامزوجه
يمكن اغلبكم راح يسئل اذا حلوه ومثقفه ومرتبه
ليش وصلت الهذا العمر بدون زواج
راح اكللكم قسمه ونصيب
هواي ناس اتقدمولها بس ماكان يعجبها اي واحد بيهم
يعني من عمر ١٥ سنه وهي تجي ناس تطلبها للزواج
بلداية كانت ترفض لان تريد تكمل دراستها
وبعد ماكملت دراستها
الناس الي تجي تطلبها مابيهم المواصفات الي
تريدها بشريك العمر
او يمكن بعد قسمتها مااجت
او يمكن جانت تنتظر ابوي 😍😍😍
هلكد ما ترفض عرسان صار عليه سمعه ان هي
ماتريد تزوج
وخاصه داخل الدائره الي تشتغل بيها
امي كانت انسانه واثقه من نفسها ماتريد تزوج فقط
الاجل موضوع الزواج
يعني ماتريد تزوج بس خاف يفوتها قطار الزواج
لا امي كانت مصممه تزوج انسان يستاهلها
انسان تحبه تتعلق بي تزوج انسان تكدر تكمل حياتها ويااا بدون خوف وقلق
انسان يكملها وتكمله
الحد مااجا اليوم الي التقت بابوي
ابوي محامي من محافظه من محافظات الجنوب
ابن عشائر ابن الفنجان والدله
اخو شيخ اكبر عشيره بالجنوب اهله من اثريا
الجنوب صاحب املاك
عائلته متوارثه الشيخه اب عن جد
حتى املاكهم متوارثيها عن اجدادهم
عمي الجبير الي هو أكبر من ابوي هو الشيخ
شيخ سعد شيخ على اتلث عشائر جبيره بلجنوب
ابوي الأخ الثاني بلعائله اسمه محمد العائله اتفقت ابوي يكمل دراسته حتى يصير محامي
محامي العشيره كلها شكو قضيه تصير للعشيره
هو الي يدافع عنها
بلاضافه هو الي لازم قضيا العائله
ابوي شاطر وذكي بلاضافه شكله وسيم وعنده قبول
عائلة ابوي كلهم حلوين
طول وهيبه وشخصيه بلاضافه الأهم ميزه
القبول عند الناس
جمانه السعيدي
كل الموصفات الحلوه عدهم
المهم نرجع لليوم الي التقى ابوي باامي لأول مره
بحكم كونه محامي
اكو قضيه تستوجب يحضر للدائره الي تشتغل بيها امي
لو اكللكم من اول مره شاف بيها امي وهيه وكعت عينها علي
وواحد حب الثاني
مثل ما يكولون الكيميا بينهم اشتغلت
حب من اول نضره
التعامل بينهم كان مختلف من اول السلام
الإعجاب كان واضح بعيون الاثنيين
كل واحد بيهم حس اكو مشاعر عنده اتجاه الثاني
ابوي كان يريد يفتح مواضيع ويااا امي حتى يطول الحديث
ماكان يريد يطلع من الدائره
قبل لا يتعرف عليها
بيومها بابا ماكذب خبر هذا اليوم بقى بغداد مارجع
الاهله حتى يخترع حجه يشوف بيها امي مره ثانيه
لان هاي الدقايق الي التقى بيها اول مره ماكانت كافيه
تطفي لهفته اتجاه امي
نفس هاي المشاعر كانت امي تحملها اتجاه ابوي
إعجاب من اول نضره ومن اول كلمه
المهم ابوي رجع ثاني يوم للدائره يريد يحجي وياا امي
ماكو غير يكوووول اكو غلط بلتدقيق
ومحتاج توضيح للاوراق
بس هو بلحقيقه كان محتاج تدقيق المشاعره
الي اتأثرت من شاف امي
امي اول ماشافته راجع ثاني يوم كانت فرحتها ماتنوصف
بهذا اللقاء الي ماكانت متوقعته يصير بهلسرعه
جمانه السعيدي
محمد...صباح الخير
سميره...صباح الخيرات
محمد...اكو عندي اواراق مو واضحه محتاجه تدقيق
سميره...اي خل اشوفها
محمد...تفضلي
سلسبيل....بس مدت امي ايدها تاخذ الأوراق
ابوي لزم الاوراق حيل هي لزمت طرف الاوراق ورفعت عينها مستغربه ليش ما ينطيها الاوراق
مجرد صارت عينها بعينه
همس بصوت عذب اريد رقمج
سلسبيل....امي كانت متوقعه منه يطلب رقمها بس مو بهاي السرعه لان هاي ثاني مره يشوفها بيها
سميره...وليش تريد رقمي
محمد....اريد احجي وياج بموضوع مهم
سميره...شنو هذا الموضوع المهم
سلسبيل...امي عافت الاوراق ونزلت ايدها
محمد...الصراحه اني عندي موضوع لازم احجي وياج بي
اذا ماتكدرين اطلعين وياي
اريد رقمج
سميره..شنو هلجرئه اكيد مااكدر
محمد...لا تكدرين اكيد تكدرين اذا مااخذ رقم تليفونج
اكعد هنا اليوم ومراح اخليج تكملين شغل
من البارحه واني باقي بغداد ومارجعت الاهلي بسببج
سميره...ليش وين اهلك
محمد...محافظات
سميره....احجي شتريد مني
محمد...اعتقد انتي ذكيه بما فيه الكفايه وفهمتي اني شنو قصدي
اني مو واحد ملعب واركض ورا للبنات
اني ابن شيوخ واعرف الاصول زين ومااريد
الف وادور عليج
اني معجب بيج ممكن نتعرف واذا صار بينا قبول
راح اتقدملج ونزوج
سلسبيل...امي من سمعت ذني الكلمتين فرحت
لان ابوي مبين علي محترم مو واحد لعبي لو ابو بنات
وهيه جانت منتظره واحد مثل هذا يطلع بحياتها
حتى ترتبط بي
تكدرون تكولون ابوي سحرها بشكله وطريقة كلامه
سميره....انت شكد جريئ مااكدر انطيك الرقم
محمد....وهاي كعدت ومراح اطلع اذا مااخذ الرقم
لو تنطيني العنوان
سلسبيل...ردت علي امي بتعجب عنوان بيتنا
محمد...اي اني اليوم لو قاتل لو مقتول
انطيني الرقم واذا ماعجبج كلامي تكدرين ترفضين
اني مراح اجبرج على شي
سلسبيل...الصراحه امي عجبها ابوي وطريقته بلكلام
وشخصيته المميزه
طلعت ورقه وكتبت عليها رقم تليفون البيت
التليفون الارضي هذا الحجي كان سنة ٩٨ بنهايتها
سلسبيل...امي كانت تكول بكلبها هو هذا الإنسان الي كنت منتظرته من زمان
بهذا اليوم ابوي بس طلع من الدائره رجع المحافظته
لان شغلته خلصت بغداد ليش يبقى اكثر
اما امي رجعت للبيت وهي طايره من الفرح
وتكول وين جنت من زمان
انت الانسان الي احلم ارتبط بي
بقت طول النهار تنتظر مكالمه من ابوي
بليل رن التليفون امي عرفت هذا ابوي الي جاي يتصل
عليها
بس كالت الووو
محمد....هلو محمد وياج
سميره...اهلا وسهلا دقيقه
كان خالي وبيبي كاعدين وعينهم عليها يردون يعرفون منو المتصل
سميره...هاي بنيه صديقتي راح اخذ التليفون جوه
لان اهل امي كلهم ثقه بيها ماكانو يدققون وراها
لان هي فعلا بعمرها ماسويت شي غلط
محترمه نفسها ووتتصرف بااحترام
جمانه السعيدي
دخلت امي للغرفه
سميره.. الوووو هلو محمد
محمد...هلو شلونج
سميره...تمام انت شلونك بعدك بغداد
محمد...لا رجعت الاهلي لان عندي شغل ينتظرني
سميره...زين سغلتك مو متعبه
محمد....اي متعبه وكل يوم بمكان ونشوف أشكال وألوان
بس اني متعود عليها
سميره... يعني تحبها
محمد...اكيد احبها لو ما احبها مجان اشتغلتها وانتي شلونج بلشغل
سميره....زينه ماشي اموري
محمد...اني من اول مره شفتج عبالك مضيع شي ولكيته
اكو سحر عجيب جذبني اللج
سميره....انت صريح
محمد...وليش اكذب اني احب اكون واضح كدام الناس
مثلما احب الناس نكون واضحه كدامي
سميره...طبعا الصراحه حلوه
محمد...مرتبطه
سميره...لا بعد
محمد...وحده حلوه مثلج شعجب مامرتبطه
سميره...بعدني ما مقتنعه اريد شخص اقتنع بي
محمد...وليش ما مقتنعه
سميره...اكو موصفات محدده بعدني ما التقيت بشخص
يحمل هاي المواصفات
محمد...شنو هاي الموصفات بلكت تنطبق عليه
سميره...هههههه
محمد...ليش اضحكين ولو ضحكتج حلوه
سميره...ترا ماكو واحد هيج
محمد...هيج شلون يعني
سميره...واضح وصريح الي اعرفه المحامين
اكثر شخصيات متغيره ومتلاعبه ومتلونه ومحد يكدر عليها
محمد...منو كال علينا هيج هاي موخوش سمعه
سميره...مو اني اكيد الكل يكول
محمد...زين جربي مراح تخسرين شي وشوفي اني شكد صريح
سميره...نشوف
محمد...بلبدايه احنا من أكبر شيوخ عشائر الجنوب
معروفين بسمعننا الطيبه
حتى الدوله تحسبنا الف حساب راح انطيج الاسم الثلاثي واسألي عنا
سميره....مبين من طريقتك بلكلام مبين ابن ناس
وكشخه
ترا اني شايفه الناس كلها بحكم تعاملي ويااا
المراجعين
واعرف ابن الخير الشايف وعايف
من الفكر الي يجي نافخ نفسه
محمد....اني غني عن التعريف تكدرين تسئلين عني
سميره...شنو المطلوب مني
محمد...نتعرف
سميره...وبعدين
محمد...اذا صار بينا توافق نخطط المشروع زواجنا
سميره...هيج كبل
محمد...لا مو كلنا نتعارف يعني واحد يدرس الثاني
واذا صار توافق اجيب الاهل واتقدملج
سميره....واذا ماكو توافق
محمد...كلمن يروح بحال نصيبه ولو اني متأكد راح يصير توافق بينا
لان اني اول مره بحياتي اكون معجب بوحده الهلدرجه
سميره...انت شعجب لسه مامزوج
محمد...مثل ماكلتي مالكيت الانسانه لمناسبه
سميره...ليش اني اسمع اهل الجنوب يزوجون على معرفة اهلهم
يعني هو ما يختار اهله بختاروله
محمد...منو كال هذا الحجي
اهل الجنوب هم أهل العشك والحب الحقيقي
اذا حبو وحده يستقتلون حتى ياخذوها
سميره....اكيد الي وصلي هاي المعلومه غلط
محمد...هسه انت راح تشوفين العشك الحقيقي
سميره...الله يستر تحجي بثقه
محمد....طبعا اني اعرف نفسي شلون مااحجي بثقه
