رواية قصتي في الموصل كامله جميع الفصول بقلم زينب نور
مرحبا اني اسمي لمى من بغداد السكن الموصل لأن اهل ماما بالموصل وابويه بغدادي من صار عمري 14 رحنا للموصل
عائلتي متكونه من 5 أشخاص اني وماما وبابا واخويه وزوجته
احنا من رحنا للموصل ضجنا اول بدايه لأن متعودين على بغداد بس علمود ماما قررنا انو نتعايش ويا جوهم ونحب المكان
عشنا الہ3 سنوات طبيعيه ناس تروح على ناس وعزايم وطلعات يعني اتعودنا وحبينا المكان وورا 3 سنوات صارت الأحداث الي قلبت حياتي إلى جحيم
طبعاً زوجة اخويه متحبل بالسنه الثالثه حبلت وفرحنا وقررنا نسوي حفله ونعزم اقاربنا بس يا فرحه ما تمت
دخلو داعش بيومها بسنة 2013 بوقتها جان عمري 17 سنه
دخلو علينا الدواعش واهلي كاعدين ويا الخطار
اني جنت بالغرفه دارتب نفسي حتى انزل على الخطار اسلم
سمعت أطلاق نار وصراخ
اني فتحت باب الغرفه باوعت من المحجر لگيت شخص من اقاربنا قاتلي واخويه متمدد يمه وعباره عن دم مكانهم
اني بس شفت هذا المنظر روحي طلعت لأن مااكدر اصرخ ولا ابجي انصدمت صدمه قويه رجعت الغرفتي وختلت بالكنتور
سمعت أصوات اقدام اقتربت للغرفه حبست أنفاسي بصعوبه
ورا دقايق انفتح باب الكنتور شفت شخص كدامي شكله مرعب لحيه وشعر طويل شكله مقرف يعني بس لون عيونه صار بعيني ردت اصرخ بس هوه حط اصبعه على حلگه معنى اششش وسد باب الكنتور
اجه واحد يمه گله ماكو احد هنا امشو نفتش بالغرفه الثانيه
اني بقيت بالكنتور وجانت اكو حسره بكلبي اريد ابجي واصرخ
ورا نص ساعه حسيت صار هدوء وماكو صوت بالبيت
طلعت من الكنتور ونزلت على أطراف اصابعي وشفت شي اتمنيت الأرض تنشك وتبلعني .....
