رواية سر تحت الجلباب ( كاملة جميع الفصول ) بقلم سلوي عوض

في جبل يسمي جبل السلام حيث يقطن زاهر الشهاوي ورجاله، كان زاهر جالسا متكاءا علي وسادته.

زاهر: الوكل فين يا غبار

غبار: حالا يا زعيم

زاهر: زود ف اللحم زمان الرجاله جايين

غبار: غيار دبحت عجل بحاله وطبخته مش هيكفينا

زاهر: طاب روح ونادملي علي عساف غيار

عساف: واجف برا مع محيي

غيار: باجي الرجاله بيراجبو الطريج

زاهر: طريج ايه اللي يراجبوه، اتجنيت ف مخك انته، هو في مخلوق خلجه ربنا يجدر يجرب نواحينا، مالك ياك خرفت، روح يا راجل روح

غبار: أوامر يا زعيم

ليتركه غبار ويذهب الي خارج المغاره حيث يقف عساف.

غبار: كلم الزعيم عاوزك

عساف: حاضر

ليدخل عساف الي المغاره.

عساف: اؤمرني يا زعيم

زاهر: اول ما نظمي والرجاله ياجو عاوزك تعد الغنايم وتشيل الربع بتاع العمده علي جنب

عساف: لمؤاخذه يعني يا زعيم هو ليه العمده بيجسم معانا، هو يعني كان تعب ولا حتي طلع مع الرجاله

زاهر: عشان العمده هو اللي بيسهلنا كل حاجه يا فالح، ومتنساش أن لولا العمده كان زمانا كلنا وجعنا تحت يد الحكومة

عساف: مش فاهم

زاهر: عشان غبي، عشان يوم ما يحصل ف الأمور أمور العمده اللي هيروح فيها، يعني الربع اللي بياخده مياجيش حاجه من اللي هيجراله لو وجع

عساف: الله اكبر عليك الزعيم، زعيم يا اولاد

زاهر: طاب روح جابل الرجاله

عساف: مش لما ياجو

زاهر: ماهم جم يا غبي

عساف: الله، وعرفت كيف

زاهر: مسامعش صوت الخيول، جبر يلمك، عمرك ما هتتعلم حاجه ابدا

عساف: البركه فيك يا زعيم

زاهر: بطل لت زي الحريم وروح، مرار ايه ده

ليتركه عساف ليستقبل الرجاله، وهنا يدخل نظمي علي زاهر.

نظمي: تمام يا زعيم

زاهر: في حد عصلج معاكم ولا حاجه

نظمي: وهو في حد يجدر

زاهر: الغنايم كد ايه

نظمي: تلاتين بهيمه وسبع صناديج دهب وميت شوال جمح غير الدجيج

زاهر: ايوه كده، رجالتي الاسود

اما في منزل بطلتنا ناعسه، كانت ناعسه تجلس مع اولادها نورا وتيم.

تيم: ايه يا امي مالك علي شارده، حتي اللجمه بتاكليها بالعافيه

نورا: اصل ابوك الله يرحمه وحشها جوي

ناعسه: انتي بتجوللي فيها يابتي، ابوكو فعلا وحشني جوي

تيم: ده أمر ربنا يا اما، وبعدين احنا جايين نجعدو معاكي ف الاجازه، تجومي تنكدي علي روحك وعلينا

لتمسح ناعسه دموعها.

ناعسه: له يا حبيبي خلاص، ياله ناكلو، انا عملت لكم كل الوكل اللي بتحبوه

نورا: منين بس يا اما، والمطاريد منفضين النجع من اللي فيه، اول باءول

ناعسه: له متخافوش، هما مبياجوش ناحيتي

تيم: اه عشان بتخدمي ف بيت العمده الخسيس اللي ساكت علي كل اللي بيجري ف البلد

ناعسه: اعمل معروف يا ولدي خليك ف حالك انته واختك جضو اليومين بتوع الاجازه، ومعاوزاش رجلكم تهوب برا الباب لغيت مترجعو مصر وتجعدو ف الشجه بتاعتكم

تيم: طاب ايه جولك

تيم: يا اما تهملي البلد الفجريه ديه وتاجي تعيشي معانا ف الشجه بتاعتنا، والحمد لله الشجه تمليك يعني مافيش ولا ايجار ولا حاجه، والجرشين اللي فاتهم المرحوم ابوي ربنا أكرمنا وعملنا بيهم مشروع وشغال حلاوه ماشاءالله

تيم: وكمان شغال معانا كريم خطيب اختي، وكام واحد من زمايلنا، والحمدلله مكفينا كلنا

ناعسه: ربنا يوسع عليكم يا ولادي يارب وينجحكم ويفرحني بيكم، لكن انا مش هعمل النجع غير وانا طالعه علي ضهري، وكمان تدفنوني جار المرحوم ابوكم

نورا: بعد الشر عليكي يا اما

تيم: كده بردك يا اما عاوزه تزعلينا، ربنا يخليكي لينا

نورا: الا جوليلي صح يا اما، هما ناسنا فين يعني، احنا ولا لينا عم ولا لينا خال ولا حتي جده او جده

ناعسه: ما انا جولتلكم جبل سابج أن المرحوم ابوكم كان عليه تار، جومنا هجينا من بلدنا وجينا جعدنا هنا ف النجع

نورا: طاب سؤال تاني

ناعسه: جوللي

نورا: شكلهم لما تعاودي من الاجازه هيمتحنوكي فيا

لتضحك نورا.

نورا: اخر سؤال، انتي ليه يا اما شغاله حدا العمده

ناعسه: عشان ف النجع هنا الحمايه عند العمده أو المطاريد، فجولت اشتغل عند العمده عشان يحمينا من المطاريد، واديكم شايفبنهم بيعملو ايه ف أهل البلد

تيم: مش عارف انا ليه وجع الجلب ده كله، ما انا جولتلك نهملو البلد

ناعسه: لو بتحبني يا ولدي بلاش تتكلم ف الموضوع ده تاني مره

لنتركهم وننتقل الي منزل العمده، حيث نجد جليله ابنته تقف أمام المرآة.

جليله: ايه الحلاوه ديه يابت يا جليله، اجمل واحده ف النجع الهم ده ياسلام، وكمان ايه الدهب ديتي كله ملكي

جليله: واهل البلد كلهم خدامين عندي، اءمر وانهي فيهم براحتي

لتدخل عليها والدتها وهيبه.

وهيبه: بتعملي ايه يا جليله

جليله: واجفه جدام المرايا، بذمتك يا اما البلد ديه كلها في واحده ف جمال وحلاوه بتك

وهيبه: ولا البلد ولا الدنيا كلها فيها واحده حتي ف نص حلاوتك

جليله: له في واحده بس واحلي مني كمان بكتير

وهيبه: بت مركوب جديم، مين ديه

جليله: له يا اما متجوليش كده

وهيبه: مين يابت

جليله: انتي يا اما

لتضحك وهيبه.

وهيبه: ما انا عارفه يابت بطني، ياله تعالي ابوكي وخيك تحت عشان ناكلو لجمه مع بعض

جليله: هسرح شعري واجي وراكي

وهيبه: الله اكبر علي جمالك وجمال شعرك وطوله، حوريه يا بت بطني، محميه ومحسبه

جليله: يخليكي ليا يا اما

لنتركهم ونذهب مجددا الي الجبل، هاهو اذان العشاء.

كان نظمي يبدل ملابسه ليرتدي جلبابا من الجوخ الثقيل، ويضع عباءته فوق جلبابه.

زاهر: علي فين بالجيامه ديه

نظمي: رايح حدا الغجر، اتفرج علي وناسه حبيبتي وهيا بترجص، وكمان عشان احميها لو اي حد فكر يضايجها، انته عارف اني عاشجها

زاهر: جولتلك كتير يا صاحبي، الحريم ملهمش امان

نظمي: كل الحريم كوم ووناسه وحدها كوم تاني يا زعيم، وبعدين انته عارف صاحبك شديد ومحدش يجدر يضحك عليه

اما ناعسه فها هيا تذهب الي النوم، وبعد أن مرت عليها ساعه وهيا ناءمه، تستيقظ علي كابوس.

لتجري ابنتها عليها.

نورا: مالك يا اما فيكي ايه

ناعسه: كابوس، كابوس عايش معايا بجاله ٢٢ سنه

نورا: ايه يا اما، الكابوس متعرفيني

ناعسه: خيك فينه

نورا: نايم يا اما، كت خايفه صحي علي صوتك

ناعسه: انتو معادش لكم جعاد ف البلد، من بكره ترجعو مصر

نورا: يا امي احنا لسه جايين، وكمان اجازتنا سبوعين

ناعسه: روجو اجعدو ف شجتكم واشتغلو ف مشروعكم

نورا: طاب فهميني عاوزانا نسافرو ليه، ما احنا جاعدين معاكي وبننفذ أوامرك

ناعسه: متتعبيش جلبي، جولت سافرو يعني سافرو

نورا: امرك يا امي، يصحي بس تيم

ناعسه: خشي صحيه عشان تلحجو الجطر

نورا: يا اما الصباح رباح

ناعسه: الكلام، وجومي صحي خيك

بتاءفف نورا.

ونتركهم ونذهب الي خيم الغجر.

كانت وناسه في خيمتها تستعد لتؤدي رقصتها.

وناسه: بت يا نجاوه اطلعي برا وبصي شوفي نظمي جاه ولا لسه

نقاوه: جاه يا اختي، ولابس اللي علي الحبل كله

وناسه: الله اكبر ف عينيكي، هتحسدي الراجل، غوري عيونك حاميه

نقاوه: انا كده طاب، والله لاروح اجعد ف خيمه امي وخليكي جاعده وحدك

وناسه: له خلاص، انا بضحك معاكي، ما انتي عارفه اني بخاف انام وحدي، وانتي بت خالتي حبيبتي

نقاوه: ما كت لسه حساده وعيوني تفلج الحجر

وناسه: جلبك ابيض بجا

نقاوه: خلاص ياله عشان الناس معبيين الشادر

وناسه: وانا ميهمنيش من كل الناس اللي ف الدنيا بحالها غير نظمي، ضي عيني

نقاوه: طيب يا خيتي ربنا يهني سعيد بسعيده

لتخرج وناسه لتؤدي رقصتها، ونظمي يجلس في عالم اخر، فكل ما يشغله هيا العيون التي تنظر إلي محبوبته.

ليتحدث مع نفسه:

هو ينفع بردك أهمل وناسه كده، نرجص وعيون الرجاله هتاكلها، وكل عين تدب فيها الف رصاصه، طاب بس انا بيدي ايه، ماهو لو جولتلها اجعدي مترجصيش يبجا لازم اجوم بناسها كلهم، بس كيف وانا وعدت زاهر اني مصرفش عليها مليم واحد وانا مجدرش ارجع ف كلامي وعهدي مع صاحب عمري اعمل ايه بس، وكمان زاهر هو الامان والحماية ليا، وهو اللي علمني اسرج الكحل من العين، وكمان مافيش مخلوج ف النجع كله يعرف شكلي وبمشي وسط الناس براحتي، وبعدين انا كت ايه لما اتعرفت علي زاهر انا مكتش لاجي اللجمه الحاف بعد مرت ابوي ما طردتني من البيت، حتي جوز امي كمان مستحملنيش، وزاهر اللي خدني ووكلني وشربني سد جوعي وحماني من برد الايام والليالي، بس بردك لما اعاود ليه هتكلم معاه اني ادي وناسه جرشين، انا مجادرش اشوف العيون اللي بتطلع ليها وانا جاعد معارفش اعمل لها أي حاجه

وبعد أن أنهت وناسه رقصتها ذهبت الي خيمتها.

وناسه: شفته يا نجاوه جاعد كيف السبع

نقاوه: سبع اه، سبع شحات يادوبك بيدفع تمن الفرجه، اللي عمره مدس يده ف جيبه ونجطك

وناسه: وانا معوزاش نجوط منيه، كفايه عليا اطل ف عيونه

نقاوه: طاب خلي عيونه تنفعك، مش عارفه انا يكون عاملك عمل انتي مشيفاش، عرفه واد العمده هيموت عليكي كيف ده، واد عنده البلد كلها غير النجوط كل يوم بالاءلف والالفين

وناسه: طاب روحي اعمليلي كوبايه شاي صدعتيني

نقاوه: اديني غايره

وهنا يدخل نظمي الخيمه علي وناسه.

وناسه: ضي عيني تعالي

نظمي: اتوحشتك جوي جوي يا جلب

وناسه: عجبك رجصي

نظمي: كيه العصفوره يا جلب

وناسه: يخليك ليا يا ضي عيني، برده معاوزش تجوللي انته مين ولا مين ناسك ولا حتي بتشتغل ايه

نظمي (بغضب): انتي عاوزاني ما اجيش هنا تاني

وناسه: مجدرش

نظمي: يبجا خلاص متساءليش علي حاجه تاني

وناسه: خلاص سكت اهو، طاب جوللي منين الجلابيه والعبايه الحلوين دول

نظمي: جولنا ايه

وناسه: طاب خلاص خلاص، طاب تشرب معاي شاي

نظمي: اشرب

وناسه: هنادم علي البت نجاوه تعملك كوبايه معاي

نظمي: وماله

وناسه: انته هتجعد معايا كد ايه

نظمي: ساعتين كده ولا حاجه

وناسه: يا سعدي يا هنايا

لنتركهم ونذهب الي الجبل، لنجد زاهر يقسم الغنائم.

زاهر: خدو يا رجاله حجكم اهو

الرجاله: كتر خيرك يا زعيم، منتحرموش منك ولا من كرمك

زاهر: طبعا، نظمي لساه مجاش، معارفش انا آخره ومواله مع الغجريه ايه

غبار: خليه يهيصله يومين يا زعيم

زاهر: طيب يا اخوي، ولع المنجد واعملي شاي تجيل

غبار: عيوني يا ابو الزعامة، بس بعد اذنك عاوز أندلي البلد اطمن علي عيالي

زاهر: وماله، روح اجعد حداهم يومين وبعدين تعالي، بس زي ما انته فاهم، انته بتشتغل ف ارض راجل غني بعيد عن النجع

غبار: عارف يا زعيم، وبعدين مرتي بطلت تساءلني من وجت ما حلفت عليها يمين طلاج، جالت خلاص كل اللي يهمني سلامتك، ما انته عارف انها عاجر مبتخلفش، وبيني وبينك احسن انا كمان مبحبش العيال الصغيره

زاهر: طيب استني غيار هعملك الشاي، استني ابجا فوت علي العمده وجوله الزعيم عاوزك

غبار: خير في حاجه

زاهر: له، بس رايد اتحددت معاه علي جوازي من بته

غبار: يا الف بركه، دول بيجولو بته اجمل بنات النجع

زاهر: طاب غور اعمل الشاي وابجا فوت عليه

غبار: طاب وليه متتصلش انته بيه من محمولك

زاهر: له، عاوزه ياجيني، عشان لو كلمته ف التلافون ممكن يتهرب مني، لكن لما يكون جدامي مش هيجدر يفتح خشمه، فهمت

غبار: والله زعيم كبير

لنتركهم ونذهب الي منزل العمده.

هاهو عرفه قد عاد إلى منزله بعد أن قضي سهرته في شادر الغجر، ليجد جليله أخته تجلس في مندره المنزل.

عرفه: انتي جاعده كده ليه

جليله: مافيش زهجانه ومجاليش نوم

عرفه: يا بت ده الساعه ٧ الصبح

جليله: ما انا اللي بنام فيه بصبح فيه، زهجت من التلفزيون والتليفون ومش عارفه اعمل ايه، ياريتني كت راجل زيك اطلع واخش براحتي ومحدش يجوللي رايحه فين وجايه منين

عرفه: طاب ايه جولك، انا بكره ها اخدك افسحك فسحه عجب

جليله: بجد

عرفه: اه بجد والله

جليله: يخليكي ليا يا اخوي

عرفه: اطلعي بجا نامي وريحي عشان هسهرك ف الليل

جليله: كده اطلع انام وارتاح، طاب وانته مطالعش تنام

عرفه: له هنام هنا، مجادرش اطلع

جليله: طاب عاوز حاجه مني جبل ما اطلع

عرفه: له يا خيتي، اطلعي نوم العوافي

وبعد أن صعدت جليله الي غرفتها، يسمع عرفه صوت أحد ينادي علي العمده.

عرفه: مين اللي بينادم علي ابوي علي الصبح كده

ليعلو صوت المنادي.

عرفه: يخربيتك، الغفر نايمين وانا مشايفش جدامي

ليعلو الصوت مره اخري.

عرفه: الغفر نايمين زي الجتله، امري لله اجوم اشوف مين

ليذهب عرفه نحو البوابه الكبيره ليجد غبار.

عرفه: مين انته وبتنادم علي ابوي ليه

غبار: اطلع صحي العمده وخليه ينزل، الزعيم عاوزه ضروري

عرفه: طيب حاضر، تعالي هفتحلك البوابه وخش اجعد ف المندره علي ما اصحيه

غبار: معنديش وجت خلص

عرفه: حاضر

ليتركه عرفه ويذهب الي غرفه أبيه، ليطرق الباب.

العمده: مين

عرفه: انا يا أبا افتح

العمده: فيه ايه

عرفه: الزعيم مشيعلك راجل من رجالته وعاوزك ضروري

العمده: علي الصبح كده، استر يارب

وهيبه: في ايه ياراجل

عبدالغني: انته عاوزه انام

عبدالغني: جومي حضريلي غيار، الزعيم باعت عاوزني

وهيبه: الزعيم، طيب حاضر هجوم اهو

لنتركهم ونذهب الي ناعسه.

فكانت ناعسه مستلقيه علي سريرها، تتحدث مع نفسها.

ناعسه (تحدث نفسها):

سامحوني يا ولادي، انا معوزاكمش تجعدو ف نجع الفجر ديتي ولا دجيجه، اعمل ايه بس ياربي، اروح اعيش ف مصر مع عيالي واهمل تاري، لكن كيف أهمله، اللي حصل فيا مش جليل ده كسر نفسي وخلاني ف اللي انا فيه دلوك، الله يرحمك يا صابر كت مهون عليا كتير جوي، بس العيال بيساءلو كتير وكل شويه احكيلنا ليه بياجيكي كابوس، اجولهم ايه بس