رواية سلسلة قضايا الجميع مشتبه بيهم القضية الخامسه HABBE NEW YEAR الفصل الاول 1 بقلم اية السحماوي
" افتتاح السنة الجديدة بتلات جثث!! القاتل كان نادرها ولا إيــه . "
دخلت أنا و رحمـة لسـاحة الكُليـة، لقينا تلات جثث لتلات بنات مرصوصين جنب بعض.. لفيت للعميد و الفريق اللي واقف و انا متعصب:-
" ميـن حرك الجثث من اماكنـهم!! "
" يا حضرة الظابط انا جيت الصبح اخد حاجات من المكتب، لقيت المنظر دا قُدامـي.. محدش حرك حاجه "
كشرت وشي، دا القاتل مطمن قـوي، يقتل و ينقل الجثث في الساحة عشان منعرفش الجريمة حصلت فين و ازاي؟
قـربت من أول جثـة، لبست جلافـز و اخدت الشنطة بتاعتها لقيت اسمها _ سمـا عبدالرحمن السن عشرين _.
فتحت فونها ببصمة صباعها، لقيت الخلفية صورتها و هي مقتولة، شوفت التفاصيل لقيت الساعة.
_ 12:00_ 1 ينايـر _.
فتحت معرض الصـور لقيت صور كتير للبنت و هي مقتولة، مش مـدبوحه ولا حتى اعتداء.. دي مشـنوقة و القاتل طافي النور، مش ظاهر غير شكل البنت و هي مشنوقة و الفلاش متصدر في وشـها.!
انا و رحمـة بصينا لبعض بندهاش، أول مرة يمُـر علينا قاتل من النوع دا؟
روحت للبنت التانيـة، و دي وشها غرقان حبـر ازرق، و مدبـوحة.. فتحت الشنطـة مسكت البطاقة بتاعتها.
_ روان أيـمن السن واحد و عشـرين _
فتحت الفون و لقيت نفس الوضع نايمة على البلاط رقبتها مشقوقة و الساعة و التاريخ _12:01_ 1 ينايـر _.
" القاتل دا اكيد مريض! دا عامل الخلفيات بصور قتلهم! "
كان صوت رحمــة المصـدوم، رديت عليها و انا بحط كل شنطة في الكيس..:-
" في سـر، قتل التلاته بين دي و دي دقيقـة! و هدفـه كبير إن هو يحط الخلفيات بالشكل دا، و محترف في التصوير جداً، لأن هو خافي الزوايا عشان منعرفش الجريمة كانت في أنهي جزء في الكليـة! "
قبل ما اقرب من البنت التالته لقيت رحمة قعدت جنبي بسرعة تكشف عن دارع البنت، ابتسمت بستغراب دا كاتب على دراع روان.
_ Habbe New Year ♔ ☜ _
راسـم تاج و علامـة إشارة على التاج. كشفنا الباقيين ملقناش حاجه، اشمعنـى روان اللي كتب ليها كده!
و اشمعنى رمز التاج؟ يقصد إن هو مّلك!
" احمد بص كده، دا آشـول! كاتب بالشمال! و لو خدت بالك من الصور هتلاقـي كل الصور بنفس الزاوية الشمال، يعني القاتل آشول"
هزيت راسي بهـدوء و أول ما سمعت كملة _ آشـول _
لفيت عنيا تلقائي على عميد الكليـة، كان كل ما يتكلم مش بيشاور غير بإيده الشمال، و ماسك العصاية بالشمال..
أصل برضـه غريية، إيه هيدخل تلات بنات الساعة اتناشـر بليل للكليـة؟ حتى الكاميرات مفصولة ساعة القتل كاملة!
القاتل هيدخل الكلية ازاي؟ مفاتيـح اخدها ازاي!
اخدت نفس بيأس و قلة حيلة، قربت من الجثة التالتة في دم على وشها و رقبتها و الهـدوم، لكن مفيش غير فتحة بسن السكين في العرق النابض..
فتحت الشنطة الأسم _ مُهـرة سامي، السن عشرين _.
خلفيـة الفـون صورتها و هي نايمة على الأرض و القلم مغروز في رقبتـها و الدم طالع شكل النافورة..
و بكـدا المشتبه فيه الأول _ عميد الكليـة عبد العظيم _.
الفريق الطبي بدأ ينقل التلات جثث للمشرحة عشان رحمة تشرح و نعرف هل في اسباب تانية للقتل أو بصمات..
بدأنا نتحرك من المكان، اخدنا ارقام الأهل من الموبيلات و كلفت عسكري يبلغهـم، عشان يتحقق معاهم..
بناتهم بيعملوا إيـه الساعة اتناشـر بليل جوه الكلية!؟
العسكري اخد الارقام و طلع عشان يتكفل بالرن على الأهل. و تم التحفظ على عميد الكليـة عشان في تحقيق مكثف معاه.. لأن كل دول تحت رعايته و مسؤوليته..
رحمة وقفت جنبـي، بدأنا نشوف اخر سجل مكالمات للبنات دي.. و كل فون لواحده فيهم مكالمة على التانية الساعة احداشـر! يعني هُما متفقين أصلاً يتجمعوا هنا..
لكن فون مُهـرة عليه مكالمة لمدة تلات دقايق الساعة 11:55 بإسم _ خطيب الغفلـة _. يعني قبل ما تتقتل بخمس دقايق!
قربنا أنا و رحمـة بسـرعة من الشُنط لما سمعنا منها صوت شكل ما يكون حد بيصفـر بصوت متناغم جداً..
فتحنا أول شنطـة بتاعت مُهرة، لقينا علبة صُغيرة متغلفة بشريط أحمـر، فتحنـاها بهـدوء..
برقنـا احنا الأتنين من الصدمة و القرف..
صــباع مهـــرة مـقطـوع جـواه الـدبـلـة..
ازاي مخدناش بالنا من ايديها؟.
فتحنا الشنطة التانيـة بتاعت روان لقينا نفس العلبة متغلفة بشريط أحمـر، جواهـا نويل بحجم صغير و ماسك ورقـة مرسوم عليها نفس الرموز _ ☜♔ _
و مكتوب الجملة برضـه Habbe New Year.
رحمـة فتحت الشنطة التالته بتاعت سما، فتحت العلبـة لقينا سلسـلة بالجلد الأحمر.. بصيت على الخلفية بتاعت فون سما، لقيت حبل المشنقة لونه أحمـر متعلق فيـه نويل كتير بحجم صغير!
_ قاتل غريب مُريب.. بس مش عليا _
وقفت أنا و رحمـة بنجهـز عشان نخرج، هي تشرح الجثث و أنا احقق مع الأهل و _ خطيـــب الغفلـة _.
لكن وقفنا تانـي عنينا كُلنا حتى الفريق، على الموبيلات اللي ظهـر على شاشـتهم في نفس الوقت شاب لابس لبس نويل و قناع بلاستيك على شكل نويـل.. و الصوت طلع مع بعضــه بنبـرة مختلفة متناغمـة..
" Habbe New Year... Habbe New Year... Habbe New Year... Habbe New Year "
بين الجملة و الجملـة، ضحكـة عاليـة..
دا مجهـز كل دا في نفس التوقيت على موبايل كل واحدة فيـهم..
" هـو يا نادرها، يا متراهـن.. مفيش خّيـار تالت "
_ " لا فيـه.. مختـل عقليّاً.. "
_________________________________
الضحية الخامسه الفصل الثاني من هنا
