رواية عيون المها الفصل الواحد والعشرون بقلم ظل الياسمين
اذ اذن الله في حاجه اتتك على مراكب المستحيل.......
طلع ولد ام صلاح من السجن والحكومه فسحت المجال لزياره قبر السيد
والكل كام يقره قصايد بحقه ويلطم من هداء الوضع كامو يلكطون بشباب ويعتقلون بلمصليين وصار الوضع يخوف
الكل خايفه والبيت الصار بيه لطم وره بيتنه فلشوه وعدمو ولدهم 😭
تاثرنه عليهم ومحد يكدر يتنفس
حمودي استحق مدرسه وعمو مشغول
_بويه مها اخذي حمودي سجليه بلمدرسه وذني مستمسكاته صوريهن واشتريله ملابس
ثاني يوم رحت خليت ام صلاح بجهال ورحت اخذته سجلته ومريت بسوك واشوف عمو ابو حازم
سلمت عليه ورحب بيه
_مها وينج بنيتي ليش ما تسالين عليه بالي يمج مرتين اجيت كالو راحت للبصره
_الله يسلمك عمو الحمدلله مريت بضروف صعبه وتعدت
_هذا منو البطل
_ابن عمو سالم سجلته بلمدرسه وجاي اشتريله ملابس
_مها عمو مر عليه صاحبي ذاك اليوم الوياج بدوام وكال خل تجي اداوم اجه كتابه ما عدهه تزوير
_والله يا عمو شكلك حياتي صارت عباره عن مربيه لذول الايتام
_عمو رجعي لدوامج مطول الله سهلج وتعديتي الصعبات
رجعت واني الافكار اجيبني وتاخذني ساعه اكول اداوم ساعه اكول ما ناقصني شي اشو امي ادزلي فلوس وعمو سالم ما مقصر على شنو مبهذله روحي
صعدت بكيا وكعدو اثنين واسمعهم يسولفون بجامعه واحد منهم كال
_تدري فتحو السنه مسائي وقبلو جميع الطلاب الفايتهم العمر
اني صار عدي فضول سالته
_بلا زحمه يا كليه قبلو بيه مسائي
كام يعدد واني سرحت بخيالي ورجعت للحلم الما حققته ايام العوز والقهر
_اي ليش لا اخلي عمو يقدملي وارجع ادرس وهسه ما محتاجه عدي ملابس والصبح بجهال والضهر اخليهم يم ابوهم
واحقق حلمي تشجعت وحجيت لعمو
_عمو اليوم سمعت اثنين يحجون بلكيا عن الدراسه مفتوحه كليه مسائي
واريد اسجل اي كليه تقبلني وتقبل معدلي
_ههه صدك مها تحجين والج خلك ادرسين
_عمو والله حلم واتمنه احققه
_صار باجر اسال صاحبي السيد يمي اسمه احسان هو عده واهس بدراسه بس مثلج ما مكمل فاتحله محل تصليح ادوات منزليه
تدرين انتي سباعبه اذ صدك درستي ونجحتي
_فرحت وخابرت امي وكتلهه يمه راح اكمل دراسه ادعيلي بتوفيق
_يا بعد عيني الله يوفقج وينجحج
راح ادزلج عمج اسماعيل يشوفج وادزلج ملابس بيده
_يمه تره هواي صارن عدي
_مهاوي تستاهلين ماي العين
ثاني يوم رحنه اني وعمو والجهال جبنه الوثيقه ورحنه بتكسي لجامعه وانقبلت اداره واقتصاد حسب معدلي
رجعنه هلكانين لكينه حمودي بطارمه اول ما شافنه بجه
_وين جنتو عفتوني ورحتو
_يا بعد عمري ليش تبجي انته زلمه ما يصير تبجي
بوسته وشبكته وكعدت سويتلهم اكل وكعدت اقريه
ثاني يوم ساعه 2الضهر اجه عمو واني حضرت روحي وداومت
احس بنشاط الشي الي جنت اتمناه معقولة يتحقق فرحانه ومتفائله اخذونه محاضرات للمغرب طلعنه
رجعت كبل لبيت عمو الجهال نايمين ولكيت عمو عده خطار
سرفنت وسويت عشه كليت بتيته وبذنجان وطمامه وحميت الخبز كلت خل اسوي محلبي وشعريه كملت كلشي ودكيت الباب على عمو
_عاشت ايدج خوش صينيه هذا صاحبي السيد يمي اجه يشوف الثلاجه لبسي عباتج
دخل السيد يشوف الثلاجه واني لافه نفسي رفعت راسي ولد اسمر لا طويل ولا كصير عده جلحه بشعره صاحب لحيه وجهه بيه نور مبين مؤدب
طلع الولد كعدو الجهال عشيتهم وبقيت ادرس كمت غسلت الماعين وردت اروح للبيت ما قبل عمو كال باجر يطلع من وكت عده شغل
نمت حاضنه زيودي ونرجوسه بس حمودي يم ابوه
مرت الايام واني كلش فرحانه بلكليه ودرجاتي فول
مره اجه عمو فرحان كال مها اريد اعزم السيد وعائلته تبيضين وجهي لو اجيب اكل من بره
_كل الهله بيهم الاكدر عليه خليه الجمعه يجون
_هو هم هيج والتسهيل من الله
نضفت البيت كله وسبحت الجهال وطبخت تمن برياني ودجاج والسفره صارت تخبل
اجه السيد وعده اثنين خوات وامه
رحبت بيهم واشوف عمو فرحان بيهم
دخلو الزلم بلبراني واحنه بلهول
صبيت الاكل وجبت الجاي
كامن يسالن سالم شنو يصير منج
_عمو سالم اخو بيبي
_ها بيبيتج ميته امج وين
حسيت من اسالتهن اكو فضول منهن ضجت بس ما بينت وجاوبت على كل اسالتهن اخر شي وحده منهن كالت /
اشعجب ادرسين مسائي
_الضروف حكمت عليه ما اكمل من تخرجت من الاعداديه
اشو كامت تستهزاء كالت
_هم مسائي وهم اداره واقتصاد دروحي تربيه علوم
_غير معدلي هيج يقبل اني قانعه بلكليه
كمت سويت جاي وهنه مستمرات بلاسئله
استغفرت وضجت كلش
طلعو واجه عمو كال مها تعالي وراي
_شنو رائيج بعلويه امل
_عمو اني ما اعرف اسمائهن واكو وحده بيهن هواي تسال بيضه وضعيفه
_اي هيه يعني عجبتج
_تحجي صدك من اي ناحيه عجبتني اشو حاشره خشمهه حتى بلكليه لداخلته
سولفتله الي دار بينه
_هههه لا تاخذين ابالج تره هنه العلويات فقيرات ومتدينات يجوز لان اول مره يشوفنج
مرت الايام واني الصبح اداري الجهال والضهر اروح للكليه وارجع المغرب امي ورجلهه كلما يرحون لزياره يمرون عليه وياخذوني وياهم وامي تنطيني فلوس وتشتري ملابس
بلمرحله الاولى واني بس ابنيه وحده مصادقته اسمه انتصار
اجت امتحانات نهايه السنه وامتحنه ويه الصباحي اني لابسه جبه وعبايه من اوصل للكليه انزع العبايه لان تبهذلني
اجيت للكلبه ولكيت جيرانه ماجد يشتغل بلكافتريا
حسيت بنذاله منه اجه وكف على راسي
_اشلونج مها
بس شفته وكفت هله بيك خويه
_مها اكدر احجي وياج
_تفضل
اشو صاحبه جاب ببسي ورشه على ملابسي نزيت وكمت انكث بملابسي
_اكلج مها هذا كرايبج بلامن من تهجم علية وسحلني انتي كايلتله
_انته ما مؤدب وصاحبك هذا الا اشتكي عليه طلع اركض للعماده تلاكيت ويه انتصار ورحت لمكتب العميد وحجيت الصار واني ابجي اجت وياي السكرتيره
كالت راح اندز عليهم وهذا الطالب الي رش عليج الببسي ينفصل
طلعنه من الامتحان وبوجهي للعماده لكيتهم واكفين بلباب صاح علينه الاستاذ ودخلنه وصار يرزل بيهم
رجعت للبيت واني كلش مقهوره
سولفت لعمو كال اخذ السيد واروح لبيت اهل ماجد وحجه وي ابوه
كام ابوه يتعذر
اني كل همي دراستي ومالي علاقه باي احد اشكد حاولو يحجون وياي ويتعرفون
مرت سنه على وفاة مرت عمو سالم
كال عمو اريد اروح لنجف نزور ونروح للمقبره
لبست الجهال وطلعنه الفجر اشو جاي وياه السيد صاحبه
_عمو مها راح نروح كبل للمقبره مناك نرجع للامام السيد متواعد ويه العلويات هناك
استغربت من اهتمامه بسيد والعلويات
بطريق نزولهم لغرض التفتيش وحجزو السيد ما عده هويه
ظلينه بسيطره منتظرين اخر شي كوه هدوه ورحنه ونسحل بجهال اشوف السيد كل شويه صافن عليه
استغفرت وضليت مدنكه لحد ما وصلنه زرنه المقابر ورحت القبر بيبي وكمت اقره قران
رجعنه للامام ولكينه العلويات مسويات ثواب وجايباته وهلمره جايبات اختهن المزوجه هيه وجهالهه
حمودي راد يروح للمغاسل كلت العمو اشو السيد طفر كال اني اوديه
انحرجت منه
_سيد بس دليني اني اوديه
_اكعدي اني رايح اتوضه وهو جبير يكدر يغسل
كعدت بس على اعصابي وعمو ماخذ راحته يسولف ويه امهم
رجع السيد وصبو الاكل اني كوه اكلت لكمتين احس السيد عينه ما شاله مني
والبنات يبسبسن
ضليت محتاره بجهال انوم هذا واغسل لهذا
رجعنه تعبانين وعمو كال
_مها عمو اريد احجي وياج
_كول
_ذول الساده خوش ناس واني اريد اخطب منهم تدرين الرجال بدون مره يتبهذل شنو رائيج
_اي عمو بيه الخير بس كون تطلع بت اوادم واداري الجهال
بس ردت اسالك عن السيد ليش نزوله بسيطره واخرونه
_هههه السيد فراري وما عده هويه مال عسكريه
_يا مكرود اشلون يخلص عمره هارب من العسكريه
_تدرين مها رغم عمره بعمري بس شايل هموم الدنيه فوك راسه اخوه معدوم وخواته وامه بركبته وبيتهم ايجار وحسره عليه الفلس
كل هذا والحكومه مطاردته لعد اشكد فكر
