 |
رواية شهد حياتي ( سيف و شهد) الفصل الثاني بقلم جمال المصري
ليلي .. انا سيرة شهد دي بتعصبني
سيف .. وبعدين معاكي الجميل هيفضل مكشر كده
ليلي .. ابتسمت مش عارفه انت بتخلي مودي حلو كده ازاي
سيف .. عشان انا العشق يا لولو
ليلي .. هات تليفونك اعمل مكالمه عشان رصيدى خلص
سيف .. اتفضلي
ليلي .. بتاخد التليفون وتمشي بعيد عنه و بتدخل علي جهات الاتصال و بتاخد رقم شهد و بتسجله عندها وترجع اتفضل يا دكتور
سيف .. انتي اللي اجمل وارق دكتوره في الدنيا
ليلي .. هسيبك عشان عندي المحاضره الاولي اخلص وكلمك
سيف .. اوكيه يا حبيبتي وانا كمان عندي المحاضره الاولي نخلص ونتقابل في الكافتيريا
ليلي .. تمام اتفقنا
داليا .. ليلي مالك مستعجله كده
ليلي .. عندي المحاضره الاولي اخلص مع الطلبه ونتكلم
داليا .. تمام عشان انا عايزه اعرف ايه اخرت قصة روميو وجوليت الي مش هتخلص دي
ليلي .. ما انتي عارفه انها مصلحه ولا حب ولا غيره
داليا .. يا خوفي توقعي
ليلي .. لا ما تقلقيش علي صاحبتك وما تنسيش اني بقيت معيده بسببه هو
داليا .. يبقا خلاص وصلتي لهدفك وسيبك منه
ليلي .. والله مين قال ده ابوه عنده فلوس ملهاش اخر وانا بقا الي هصرفها
داليا .. انتي شيطانه المهم ينوبنا من الحب جانب
ليلي .. اكيد طبعا احنا اخوات
داليا .. هستناكي في الكافتيريا
ليلي .. اوكيه يلا سلام وبتمشي وبتقول في نفسها غوري في داهيه قريب هخلص منك انتي وشوف حياتي بقا
شهد .. منه انا عايزه اخد دروس
منه .. دروس ايه انتي كده كده بتنجحي وربنا يبارك في عمك محمد
شهد .. لا انا هنجح بمجهودي السنه دي ومش بس كده لا وادخل طب
منه .. سبحان مغير الاحول
شهد .. هتساعديني ولا لا
منه .. عيب عليكي انا هظبطلك الدنيا وان شاء الله هندخل طب سوا
شهد .. ان شاء الله يا منه
منه .. بس ايه سبب التغير ده كله
شهد .. سيف بيه بيقول اني انا جاهله وانا هخليه يشوف بعنيه الجاهله دي وتعمل ايه
منه .. انا حاسه انك بتحبيه
شهد .. حب ايه ده انا بس عايزه اثبت له اني مش جاهله
منه .. تمام الايام هتكشف كل حاجه
شهد .. المهم هتروحي معايا ولا لا
منه .. خليها يوم تاني عشان مقولتش لماما لكن لازم تحكي لي كل حاجه دلوقت
شهد .. مش عايزه اتكلم دلوقت يا منه بكره قولي لمامتك وتعالي نقعد سوا وحكي لك كل حاجه
منه .. ماشي يا مطلعه عيني
ليلي .. بتدي المحاضره وبتروح علي الكافتريا وبتلاقي سيف مستنيها
سيف .. اتاخرتي ليه كده
ليلي .. ما انت عارف النهارده كنت بلم فلوس المذكرات
سيف .. مش هتبطلي الحوار ده
ليلي .. ما انت عارف المرتب مش بيكفي حاجه
سيف .. انتي اللي مصاريفك كتيره
ليلي .. علي كده كتيره انت بتحسب لي ولا ايه
سيف .. ولا بحسب لك ولا حاجه
داليا .. منورين الدنيا
سيف .. تسلمي يا داليا اتفضلي
داليا .. شكرآ ايه مش هنفطر يا ليلي
ليلي .. هنفطر انا هموت من الجوع
سيف .. بيطلب فطار
ليلي .. انت مش هتفطر ولا ايه
سيف .. ما انتي عارفه انا فطرت في البيت
ليلي .. نسيت انك بتفطر مع البومه بنت عمك
سيف .. وبعدين معاكي خلاص اقفلي الموضوع ده
ليلي .. اعمل ايه ما انا بغير عليك اووي
سيف .. عارف بس ما فيش داعي للغيره شهد زي اختي وعمرها ما هتكون غير كده
ليلي .. ده بنسبة لك لكن بالنسبة لها هي
سيف .. قاطعها ولا بالنسبه لها احنا اخوات وبس ومش هنبقا غير كده
ليلي .. لما نشوف يا باشا
سيف .. هسيبك انا عشان معايا كام مشوار
ليلي .. وانا هروح لوحدي
سيف .. معلش روحي مع داليا
ليلي .. ماشي
سيف .. بيحاسب وبيمشي
داليا .. بالراحه علي الراجل لحسن يطير منك
ليلي .. ما تقلقيش ده بيموت فيا ومش شايف في الدنيا غيري
داليا .. ماشي يا ليلي بس لو سابك حنفية الفلوس هتتقفل
ليلي .. ما قولتلك ما تقلقيش وبعدين انتي هتفضلي كده مش ناويه تخلصي سنه رابعه
داليا .. لما الاقي حد يزكرلي ويغششني زي سيف ما عمل معاكي
ليلي .. يبقا هتفضلي طول عمرك في رابعه ومش هتخلصيها
داليا .. اكيد صاحبتي حبيبتي هتتصرف
ليلي .. انا اقدر انجحك في مادتي لكن هتعملي ايه في الباقي
داليا .. ما تكلمي سيف الدكاتره كلهم صحابه
ليلي .. انتي ما تعرفيش سيف ده مستحيل يوافق علي كده
داليا .. ما ليش دعوه اتصرفي يا لولو
ليلي .. هشوف يا داليا
شهد .. بتوصل البيت السلام عليكم
محمد .. وعليكم السلام ورحمة الله وبركاته
شهد .. غريبه جاي بدري من الارض يا عمي
محمد .. الجو حر مشيت الرجاله ولسا داخل قدامك من شويه
شهد .. فعلآ الجو نار النهارده هطلع اغير ونص ساعه والغدا يكون جاهز
محمد .. ماشي يا حبيبتي بس ليه جايه لوحدك ما كلمتيش ليه سيف وجيتي معاه
شهد .. انا مش صغيره يا عمي
محمد .. انا ما قولتش كده بس بدل ما جيتي لوحدك كان اخدك هو بالعربيه
شهد .. لا انا جايه مع منه صاحبتي
محمد .. ماشي يا لمضه زي ما تحبي
شهد .. يلا نصايه والاكل هيكون جاهز وبتطلع تغير هدومها وبتنزل تدخل المطبخ وبتجهز الغدا
سيف .. السلام عليكم
محمد .. وعليكم السلام ورحمة الله وبركاته
سيف .. هي شهد جت
محمد .. اه من شويه
سيف .. هي فين
محمد .. في المطبخ
سيف .. بيدخل المطبخ عامله ايه يا زينب
زينب .. الحمد لله يا سيف بيه
سيف .. انتي يا هانم انا ليا ساعه برن عليكي ليه مش بتردي
شهد .. التليفون فوق وبعدين بترن ليه اصلآ
سيف .. انا غلطان كنت عايز اجيبك معايا
شهد .. لا شكرآ انا اعرف اجي لوحدي خدي الاكل يا داده زينب وحطيه علي السفره
زينب .. حاضر يا يا انسه شهد
شهد .. مليون مره اقولك يا داده بلاش انسه دي اسمي شهد ولا انا مش زي بنتك
زينب .. ربنا يعلم انتي غاليه عندي قد ايه
شهد .. يبقا تناديني باسمي
زينب .. بس
سيف .. ما فيش بس دي هي البنت المفعوصه الي كانت مطلعه عينك وعينى وضحك
شهد .. لا خفه وانت بتعمل ايه هنا يلا علي السفره
سيف .. حاضر يا شهد هانم امرك مطاع
شهد .. بطلع باقي الاكل وبيقعده سوا ياكلوا ومحمد عينه عليهم وهما مكشرين وكل واحد مركز في طبقه
محمد .. وحدوه
الكل .. لا إله إلا الله سيدنا محمد رسول الله
محمد .. مالكم ساكتين مش عوايدكم
سيف .. ولا حاجه عادي يا حاج انا شبعت هطلع اوضتي
محمد .. اتفضل
شهد .. وانا كمان الحمد لله بعد اذنك يا عمي
محمد .. اتفضلي يا بنتي
شهد .. بتطلع وبتفتح الاب توب وبتجيب دروس وبتبدأ وكلها عزيمه واصرار وعلي الساعه ١١ بالليل تليفونها بيرن رقم غريب
