رواية لماذا انا الفصل الثاني 2 بقلم عبير السراي

 حسيت كلشي ساكن كانما فقدت حاسة السمع  ضلت عيني على السقف لحظات  حسيت جسمي  مشلول ميتحرك 

  ابتعد عني . بعد ما انتهك جسمي ..وسلبني برائتي

 ثواني  حسيت نفسي صحيت من الجنت بي .

كمت اصحى  شوي شوي  وكمت ابجي واصرخ  بعلو صوتي

 معقولة الي صار بيه ..

حاولت استر نفسي بايي شي .. 

رجعت اصرخ عسى ولعل احد يسمعني . كمت الطم وادك

 على راسي .. 

الله لا يوفقك .. حسبي الله عليك ... ياحيوااان ..انتبه عليه .. رجع اتهجم عليه ..

كتله .. الله يخليك كااافي .. وابعده باديه وهو ولا كآنو

 انسان  بمشاعر تحركه غريزته وبس 

دفع اديه وبدة يتوددلي مرة ثانية واني اصرخ .. حسيت بالباب ديتركع .. هنا اني تهسترت .. اصرخ باعلى صوتي .. 

الحكووووني .. الحكوووني .

انكسر الباب .. ودخلت مرة  جبيرة ورجال .

الرجال لزم ..( علي) رفعه ضربه بوكس طرحه بالكاع بعد ماكام ..

 اجت المرى تركض غطتني بعباتهة وتبجي ..

ام عمار :حسبي الله عليك 

اني بس ابجي ... الله يخليج خلصيني ..

ام عمار :-لا تخافين يمه ..اني يمج  .

حظنتني وضلت اتطبطب عليه بس اني كلي  ارجف ..

 والولد  اخذ علي وطلعوا .. وماادري شصار بي بعدها 

المهم ورى تقريبا ربع ساعه رجع  ..

عمار :  يله كومي يمه..

. 

اني كلت راح يعوفوني ويرحون ..

اية :(واني ابجي) خالة الله يخليج لا تعوفيني ..

ام عمار : لا خالة وين اعوفج امشي وياي ...

 التفتت على عمار .يمه وين وديته..؟؟ 

، عمار:  بستين داهية  .. كومي انتي وكوميها 

كامت ام عمار وتحجي ويه عمار ..

ام عمار : يمه جيب مي خلي اغسل للبنية خوما تروح

 هيج مدماية .. وحالتهة حالة ... 

جاب مي وغسلت رجليه واني ابجي ..

يربي ليش هيج صار بيه شكول لعمتي .. شكول لعمي

 .. الله ياخذني ان شاء الله .. ولا انحط بهيج موقف ..

. 

لبست صدريتي بس جانت مشكوكه بس ولا اضل هيج

 لفتني المرى بعباتها وصعدتني بالسيارة 

 .. .وهي كعدت بالصدر تمددت بالسيارة ومحسيت بروحي بعد فتحت . عيوني اني نايمة بغرفه... 

وين اني رفعت راسي ولكيت نفس المرة كاعدة يمي

 ويمها بنية تقريبا عمرهة بال30بس البنيه شكلهة جانت تبجي.

.. كتلهم وين اني  .. ردت البنيه .

مها (زوجه عمار) : حمد الله على سلامتج...

.اية : وين اني ..  فدوة اريد اروح لبيتنه ..

ام عمار: يمه لا تخافين .. انتي بالحفظ والصون .. 

اية: ليش جبتوني هنا .. 

ام عمار .: انتي نمتي ومحسيتي بروحج حتى من نزلناج محسيتي بروحج كلنه خليهة على راحتهة .. .

اية :اريد اروح لاهلي .. وكمت ابجي .. 

ام عمار ..: انتي شسمج يحلوة اهلج وين .. 

.اية: اسمي اية .. وعنوانه كذا.....

مها :،حافظه رقم امج نخابر عليهة.. 

اية: ايي حافظته ... انطيتهم الرقم .. ودكت عليه ..

ام عمار :  الو ... مرحبا.. 

دلال (عمة اية ) : تفضلي عيوني .. 

ام عمار: انتي ام اية .. 

دلال : ايي كولي .. اية بيه شي 

ام عمار : لا عيوني مبيهة شي بس كون احد يمج

 ... مااريد تبيني لاحد شصاير .

دلال: عيوني احجي محد يمي مو هبطتيني اية بيها 

شي الله يخليج احجي .

ام عمار : لا خية. لا تخافين. مبيهةشي ان شاء الله بس تعرضت لحادث.. وجبناه يمنه ترتاح ياريت تجين بس

 انتي حتى نتفاهم ..

دلال.: يمه بنيتي ... خوما بيهة شي ... وعلى شنو نتفاهم ...

ام عمار : راح انطيج  العنوان وتعالي..

 اية:اني هنا  خفت شراح يسوون بينه وليش كالت ندعمت  وليش متريد احد يدري ..

 فوك خوفي وقهري خوف ماادري شيردون يسوون بينه ....   فكرت اهرب منهم بس شلون 

بعد شوية اسمع صياح .. وبنات يصرخن .. 

اني تهسترت .. الام راحت تركض.. هي والبنيةواني مااعرف شسوي... اسمع الام تصرخ  .. كلت خلي اشوف شكو.... 

كمت اباوع .. وجان الكه الولد الي اعتدئ عليه دينضرب 

ومنو ديضربه نفس الولد النقذني وديحاولون يفرقوهم ..

 اني تفاجأت يربي وين اروح يعني هذا الحيوان ابنهم ...

 وين انطي وجهي ..

بعدين انتبهت خابرت عمتي وكلتلهة لاتكولين لاحد يعني

 راح يكتلوني اني وعمتي  ... شسوي يربي ... وين اولي وجان تدخل عليه البنية ...

مها.: لا تخافين ..دخلت وسدت الباب ... 

اية: الله يخليج والله مااكول لاحد بس خلوني اروح ... وضليت ابوس بايدهة ... وابجي .

مها : لا تخافين احنه وياج .. منخلي يوصلج ...

. لعد شجابه هنا .

مها: مو هو اخو زوجي... . الي اجاكم وجابكم لهنا 

.هو زوجي يكون  اخوه الجبير .. لا تخافين ترجعين لاهلج معززة مكرمة بس منريد فضيحه ونسترهة بيناتنه 

 حضنتني وكامت تبجي.. .. انتي تعرفينه..

اية : الله وكيلج مااعرفه وعمري مشايفته .. مدري شجابه عليه ليش اني من دون البنات.. 

مها.: يله الله كريم الله يحلهة بستر ان شاء الله

دقائق وهدأ البيت. ظلت مها يمي معافتني وهي تحاول تهديني لكن خوفي كان ماله مثيل .

كانت لحظات خوف وارتباك كنت مرعوبة بكل معنى الكلمه وخصوصا من شفت نفس الشخص الي انتهك عذريتي 

.. بكل قسوة وجردني من شرفي وبعثر كرامتي .. بنفس البيت وبيني وبينه امتار مجرد تفكير انو راح يهجم عليه

 مرة ثانية خلاني مااسيطر على نفسي بدة جسمي يرجف حسيت درجة حرارتي دتنخفض جسمي بارد مثل الثلج غمضت عيني .ومحسيت بشي بعده .. 

صحيت على صوت عمتي بدون ماافتح عيني ..حسيت بالأمان كلت معقوله الفات كوله كابوس وصحيت منه  ....

فتحت عيني .. ولكيت عمتي تطبطب  بوجهي تحاول تصحيني... 

دلال(عمة اية): يمه اية اصحي يابعد عمري  ... هاي اني

 يمج لا تخافين . .

اية: يمه اني وين .. لا تعوفيني وحدي

 (كمت ابجي من شفت نفس الغرفه الجنت بيها .. 

يعني هذا مو حلم .... اووف ربي  )

دلال: خية ام عمار  فهميني شصاير .وضعية اية مو مال حادث شصاير الله يخليج ..

عرفت المرة اسمهة ام عمار وهي نفسهة ام ذاك القذر .

. وبدت تحجي لعمتي الصار ... واني ابجي زيادة كلما

                اتذكر  الي صار .. 

عمتي كامت تدك على راسهة  من سمعت الي صار ..

دلال: فضحتينه الله لا يوفقج .. هااي نهاية المدارس ومصايب المدارس ..

كامت تضرب بيه .. وج انتي السبب..منين تعرفينه .؟؟  شجابج عليه .. الا انتي موهستله . وشعندج رايحه وياه ... الله اكبر على راسج جبتيلنه العار .كون. الله ماخذج . ولا هالعار  هجمت عليه وكامت تضربني .. 

اية : والله مااعرفه  (اني انهاريت اكثر .. لان جنت

 متصورتها راح توكف وياي وتحسسني بالامان مو هي

 تتهمني اني السبب)  .

تدخلت ام عمار هي ومها وبعدنها  عني ..اول مرة اشوفهة هيج وبهالحالة انقهرت على نفسي وانقهرت عليها لان 

شفتها ضاعت بتفكيرها  والمسؤولية صارت عليها ... 

حجت وياهة ام عمار ..

ام عمار : شوفي خية الغلط بأبنا من راسه لساسه .واحنه احسن شي نسد السالفه من أساسها  ومحد يدري بيها

.. يعقد عليهة ونزوجهم كدام الله وخلقه ولا فضايح ولا شي لا انتم تردون فضيحه ولا احنه .. 

 لكن عمتي اكتفت بالصمت .. بعدهة كالت وعمها شنكولة  .. 

ام عمار مثل ما كلنالج وجبناج .. نكله حادث وابني دعمهة واخذناهة للمستشفى ومبيها شي بس رضوض واسبوع 

يعدي ونجيكم خطابه كدام الناس كلها واحنه النتشرف

 بيكم والتردونه يصير ... 

دلال: والله ياخية عقلي وكف ومااعرف شنو اسوي.

ام عمار: . خيه مثل مكتلج .. نمشيها بستر وانتي بكيفج بعد ...

.... مدام انتي شايفتها  هيج شورج وهدايت الله 

.  بس كون الله يكملهة بالستر ..  

اني ضليت بس استمع .. يعني شنو ..راح يزوجوني من هذا الحيوان القذر لا مستحيل 

اخاف احجي عمتي تكتلني لان هي اساسا محملتني المسؤؤلية .. 

ضليت اردد بيني وبين نفسي مستحيل اقبل لا مستحيل انجمع اني وهذا الانسان  بمكان واحد ....

ام عمار  بصوت خافت حزين : والله ابني مو هيج . ابني عاقل ورزن ومثقف  مدري شجاه الله لا يوفقه السبب .... 

 مها بهالاثناء اخذت صدريتي حتى تخيط الشك البيهة وجابتهة لبستهة ... 

صار الظهر عمتي ..كالت لازم نروح بعد مبيهة مجال .

ام عمار : اي خلي اشوف واحد من الولد يرجعكم .. 

دلال: لا عيني احنه نروح .. لا اتعبون نفسكم .. 

ام عمار : يمعودة ليش هالحجي ان شاء الله صرنة اهل 

وكتلج مشي السالفة بالستر .. الله يخليج ..

عمتي باوعتلي وخزرتلي بغضب ...هذا الحصلنا من

 البنات وخلفة البنات .. ..

اني ساكته بس احس عيوني راح يطكن من البجي .

.عبالي عمة تطبطب عليه وتهديني .. مو هي تلومني .

وتحسسني بالذنب .. 

اني جنت امشي بطريقي مثل كل يوم هو الي اقتحم حياتي وهدم كل شي حلو بيهة ... 

رجعنه للبيت طبعا عمتي مباوعتلي الطريق كله .. طبينه وكولهة تلكتني .. بنات عمي ومرت عمي ..

 خيرج سلامات ايوو .. شنو الصار .. اكتفيت بالسكوت .. عمتي جاوبت مكاني .. انو تعرضت لحادث وكذا... 

بس الحمد لله عمي مجان موجود والا انهاريت كدامه ... 

عمتي كالت اخذنها للغرفة ترتاح ... 

طبينه للغرفة ..وبنات عمي استلمني تحقيق شصار وياج 

وين جنتي ؟؟ مجاوبت ... 

 كتلهن اريد انام .. تمددت على جربايتي ..  وبنت عمي رهف  غطتني حاولت تحجي وياي غطيت راسي وكمت ابجي ... لحد ما غفيت ..صحيت على صوت عمي ..

العم .:  ايوو.. باباتي ... 

اية : باوعت .. حسيت نفسي اول مرة اشوفة لعمي .

.طفرت عليه وحضنته وكمت ابجي .. 

العم.: سلامتج بنيتي .. شصار وياج .. 

اية .: ردت احجيله كولشي .. كلت ..

عمو واحد....

ودخلت عمتي : هاا خوية تطمنت عليه مبيهة شي ان

 شاء الله بس من الهبطة والخوف .. 

اباوع على عمتي تخزرني وتعض بشفتهة بمعنى

 لا تحجين ... سكتت ..

عمي سالني بنتي شنو الي صار ..احجي لا تخافين ... 

عمتي قاطعتنه ابو حسن خويه .. روح اكعد باالاستقبال وهسة دقايق تغسل وتبدل وتجيك .. سكتت عمو 

.وطلع ..

 استلمتني عمتي ..

 وج تردين تفضحينه شتردين تكولين العمج ..هاا .. 

كولتلهة : احجيله الصدك حتى ياخذ حقي .. 

عمتي :وج منين ياخذ حقج الرجال شايل عيبه انتي البالواجهة وج لا تخزينه وتسوينه علج بحلوك الناس ..

 باااعي تطلعين لعمج وتكلليله جنت امشي ودعمتني سيارة بيهة الولد وامه واخذوني للمستشفى كالوا بس رضوض وبعدين عمتي اجتني وجابتني لهنا وخلللص حجاية زايدة انتي التنضرين اول وحدة وج يمه استرينه عمج اذا درة يموت بمكانه ترضيهة لعمج  ...

اني كمت ابجي .. لا كولشي ولا عمي .. اوافق وأمري للله .. .

رحت لعمي وكتله مثل مرادت عمتي وهو اقتنع وكال باجر اخذج للطبيب حتى اتاكد .. كتله ميحتاج عمو بس تعبانه

 اريد ارتاح .. ..

عمي: بس شكلج يبنيتي مو مال بس تعبانه .

اية: لا عمو ماكو شي بس الخوفة بعدهة بيه 

.عمي: لا تخافين وانه ابوج اجيبلج حقج  ..... 

دخلت لغرفتي ورجعت على نومتي .. 

حسيت نفسي هلكانة اريد انام اريد اشرد من هالواقع الي بي . غفيت .. لحد ماكعدتني رهف ... وج ايوو الحكي ..... اهل الولد الدعمج اجوي وكاعدين يم ابويه .....