رواية زواج ست أشهر الفصل الثاني بقلم جمانه السعيدي
سمر بعد ما بابا فتح هذا الموضوع وياي
عشت بقلق اريد طريقه اخلص بيه من هذا الزواج
بعد ماحجه وياي بابا وعافني حايره بزماني
سكت وبعد مافتح الموضوع ابد
ولا جاب طاري الخطوبه
مر اسبوعين وكلشي ماكوووو
اني فرحت توقعت الزواجه تفلكشت
لان صار اسبوعين واي حس ماكوووو يالله بلكت خربت وارتاح
هسه نجي نتعرف على العريس
اني أصيل مرحله اخيره كلية هندسه مدنيه
اني ادرس بكلية اهليه وبابا متكفل بكل مصاريفي
عندي بعد اخ واخت حازم ونورس
مواصفاتي حنطاوي طولي ١٨٠ جسمي تارس شكلي مقبول
كل اصدقائي يكولون تشبه محمود الترك حتى عيوني زغار مثل عيونه عندي لحية وشوارب شعري اسود اجعد
عاشق للرياضه وخصوصا كرة القدم
بابا عندا شركة مقاولات وشركة استيراد وتصدير
امورنا الماديه ممتازه
بابا الله يحفظه مشتري الكل واحد بينا بيت
يعني اني عندي بيت وحازم عنده بيت ونورس عدها بيت
بس احنا هسه عايشين بيت العائله
بابا تعرف على ابو سمر لان ثنيينهم يملكون شركة استيراد وتصدير وثنيينهم حابين يكبرون شغلهم سوووا
اكو ارض عرضته الدوله للاستثمار ودخلو ثنيينهم بلمناقصه
دخلو ثنيينهم بنفس العرض
ابو سمر حصل على المناقصه
وبابا حيل ضاج شلون ابو سمر يحصل المناقصه واني لا
عرض علي يدخل ويااا شريك
كان العرض بلنسبه الابو سمر مغري يعني راح يكبرون المشروع ويستفادو اكثر واكثر
ابو سمر صحيح حصل على المناقصه بس ماعندا امكانيه ينهض بالمشروع بشكل جبير
لذالك وافق على عرض بابا يدخل ويااا شريك
بابا فكر هذا المشروع راح يكبر اذا كان اكو ترابط عائلي بين العائلتين
فقرر يخطبلي سمر بدون ماياخذ رائي
ابو اصيل ان شاء الله راح نكبر هذا المشروع اكثر واكثر
ابو سمر ان شاء الله
ابو اصيل اني ابني يدرس هندسه وان شاء الله بس السنه وبخلص وراح اخلي بلزم هذا المشروع ويطوره
ابو سمر اني هم بنتي تدرس كلية تربيه قسم انكليزي
ومقرر بس تخلص اخليه تلزم العلاقات العامه بلشركه
ابو اصيل ماشاء الله ايجوز نصير نسايب
ونخليهم يلزمون الشركه ثنيينهم
ابو سمر ليش لا خوش فكره
ابو اصيل اذا نخطب سمر توافق على الخطبه
ابو سمر ليش لا اتشرف ببكم عزيزي
ابو اصيل خلاص اعتبر هذا الكلام خطبه انرتب امورنا ونجيكم
هنا ابو سمر وافق لان يعرف سمر مستحيل ترفض أوامر ابوها
اما اصيل رفض وبشده
اصيل مستحيل ومن سابع المستحيلات ماازوج غير الانسانه الي اني اختاره
....شنو هو بكيفك اني اختاريت وانت راح تنفذ اوامري بدون كلام زايد
اصيل اني احب بنيه وياي بلكليه ومتفقين على الزواج
وماازوج غيره
....خلاص اذا تريد تزوج حبيبتك وتكسر كلامي
اني مامسول عن قسط الكليه ولا مسول عن مصاريف زواجك والبيت الي اشتريته الك راح ارجعه باسمي
اربد اشوف شلون راح تكمل دراستك
وشلون راح تعيش انت والمحروسه مالتك
ولك اني الي تعبت عليك ووصلتك الهاي المكانه وهسه جاي تعصي اوامري بكل سهوله
يعني اني شراح اكول للرجال الي طلبت ايد بنته
اسف ابني مايقبل
ابني مايسمع كلامي اعذرني ماعرفت اربي
باوع اصيل ولي خلقك اذا ماتسمع كلامي تطلع بطرك القميص الي عليك
وعود خل اشوف شلون راح نكمل دراستك وتحقق احلامك
اصيل ترا مو هيج الكلام احنا هسه بنهاية ٢٠١٩
وين اكو ولد ينجبر على الزواج
البنات محد يجبرهن على الزواج بهذا الوقت
وانت جاي تفرض عليه وحده لاشايفه ولا اعرفه
ترا اني مو زغير تقنعني بكلمتين
اني جبير بس هاي السنه واكون مهندس
ولد شاب مهندس وليه كياني وانت جاي تزوجني غصبا عليه
ولله هاي السالفه اذا احجيه الاي احد راح يضحك عليه
ابو اصيل هذا الي عندي توافق ادفعلك قسط الجامعه
وانت مو جنت طالب مني تغير السياره
اغيرك سيارتك
واذا رفضت دبر حالك بنفسك
لان عيب على واحد تاجر معروف مثلي والناس تحسبنه الف حساب ابنه مايسمع كلامه
اصيل ياربي هاي شلون ورطه والبنيه الي احبه ومتفقين على الزواج بعد التخرح
قصص وروايات عراقية
كرار صلاح
شراح اكلله ابوي جبرني ازوج غيرج
شنو اني بنيه حتى البنات كامت تزوج بكيفه
وابوي شلون اذا مادفع قسط الجامعه راح اضيع علي هاي السنه وفوكاها اخر سنه
ماكو غير اشوف البنيه واكله اني عندي حبيبه ومااكدر ازوجج
على الاقل الرفض راح يكون منه
وابوي يحل عني بعد مايكدر يحجي اي حجايه
البنيه ماتريدني قابل ازوجه بلغصب
بقيت زعلان اسبوعين ومااحجي ويه ابوي بلكت يحس
ويكول بطلت
صار يومين يطالبونه بقسط الجامعه
شلون راح افاتح ابوي بلموضوع هسه بس اطلب القسط
يكول توافق على الزواج انطيك القسط
ماتوافق ماكو قسط
رحت الابوي
اصيل السلام عليكم
...مارد عليه السلام
اصيل ليش ماترد يابه
...الولد الي يكسر كلامي ويفشلني كدام الناس مااريده ابد
اصيل اريد اتعرف على هاي البنيه اشوفه لو ازوج على عمه عيوني
بابا اي تمام هسه اتصل بابوها واجيب رقم تليفونه من حقك تتعرف علبه
اصيل بقيت واكف واني اكول بنفسي اصبرلي اله اخليه تشرد وماتقبل بهذا الزواج ابد
ابو اصيل السلام عليكم
ابو سمر عليكم السلام
ابو اصيل شلونك حبيبي
...اهلا وسهلا
...بخصوص موضوع الخطبه الي اتفقنا علي اعذرني صار فتره مشغول ومارديت عليك
...لا ماصار شي اعتبره بنتك
...اريد رقم تليفونه بلا زحمه اصيل يريد بتعرف عليه
...اي حقه هذا زواج مو لعب
اصيل واكف واكول اصبري اله اشرده هي وابوها
اخذت رقم التليفون
اتصلت بيه بلبدايه ماردت كلت اي تبيع ثكل عليه
وهي وابوها تريد العرس اليوم قبل باجر
ابو سمر بابا راح يتصل بيج اصيل الولد الي حجيتلج عنه يريد بتعرف عليج
سمر كلت اهوووو واني اتوقعت عاف الغكره مااعرف شلون واحد يزوج وحده مايعرف عنه أي شي
دك التليفون ماردت ارد
بابا ردي بابا لازم تتعرفون على بعض
دك مره ثانيه رفعته وكلت
سمر نعم تفضل
اصيل زاد فضلح اني اصيل
سمر اي تفضل اعرف انت اصيل
اصيل وشبيج تحجين من ورا خشمج ماجاي اكدي منج
سمر وبعدين
اصيل هنا كلمتين اريد احجي وياج
سمر وشنو مانعك ماتحجي
اصيل اريد اشوفج بمكان ونحجي
سمر ليش ماتحجي هسه
اصيل ترا مراح اكلج هنه خمس دقايق وكلشي يرجع المكانه
العصر اختار مكان ونكعد نتفاهم
سمر مااكدر اطلع العصر باجر بلكليه نلتقي الساعه عشره ماعندي محاضره تعال ونحجي سوا
اصيل تمام الساعه عشره بكافي الجامعه
سمر شلون راح اعرفك
اصيل من اوصل اتصل برقمج وراح تعرفيني
انشاء الله تكول اول واخر مره نشوف بعض
سمر صدك هاي امنيتي تكون هاي المره الأولى والاخيره
الي نلتقي بيه
