رواية مزيونة الشيخ الفصل الواحد والثلاثون بقلم شهناز العلالي
_ليش ماكالولك متزوجه قبل؟
_لا ...كحلاء طالبه الها سنتين وحتى حلقة متلبس
_اي موطلقتها وهسه جاي اردها ..
_بس همه ماخبروني
_اشبع بيها ....عن اذنك اروح عندي درس
_تعال هسه اني شدوس دازيني اسئل عنك ....وبعدين شنو هيج تتعامل ويه ضيوفك عاد انت زلمه ومثقف...
_كول مانريد بطلت اني ماخذ وحده مطلقه
_ها هالكلمه ثكيله على البنت الاصيله ونسوانه غاليات ودولاب الدنيا يفوت على كل واحد يا استاذ شسسسمك؟ها عباس.. .
_وهسه؟انِآ ماتصورت كحلاء ترتبط بواحد مثل مستواك ...
هنا تخبلت اني ؟
_هذا الي كدامك ارجل منك....وهذا الي كدامك أعلى منك واغنى منك وابن عشاير واذا ماتعرف اني شيخ عشيرة بالعمارة ومعروف وآتشرفِّت بكحلاء اخليها تاج على راسي...وخلي ببالك هسه اكدر امطلك بالكاع واطيح حضك واكعدك بفصل اخليك تفر ب اذنك كلمتك كبيرة ومره لخ اوزن كلامك ...اروح اني ...
طلعت من المدرسه خابرت احمد كتله جايك للدائرة ...حركت سيارتي وطلعت للدائرة وصلت سلمت على الموظفين الي جانو وياي وكعدت اشرب جاي وي احمد ....واسولف اله عن سبب جيتي البغداد وحجيتله عن عباس ....احمد كام يضحك "
_هههه
_شبيك
_هذا عباس يصير صاحب اخوي فد واحد يكعد بالكهوه وتالي الليل يرجع وينصبون على البنات يعني واحد يحلل على بنات الوادم ويحرم على اهله ...مره خطب وفصخ الخطوبه طولت خطوبتها اشهر دامك تحب البنيه اطلبها من جديد زين هي تحبك
_هي وحده لسانها طويل مزاجيه ....ماتعترف بحبها الي بس ادري بيها تحبني ...
_كوم روح عوض الي فاتك...باوع صدك انفتح فرع ثاني من الدائرة بالعمارة ليش ماتداوم هناك ....
_الله كريم ....
صكر/طلعت لبيت كحلاء ....ابوها فتح الباب دخلت كعدت كتله"
_اني لو عندي بنيه ماانطي اله....
حجيتله كل الكلام الي دار بيناتنا ....وابو كحيلة تفاجئ ...كحلاء صافنه
كتله"
_عمي اريد اطلب كحلاء منك ترضى؟
_والله اني مالكه احسن من عندك بس الرأي رأيها...
صكر باوع ل كحلاء كال"
_عمي كحلاء موافقه ....
كحلاء نطت كالت"
_لالا اريد افكر ...
صكر رفع تك حاجب "
_عمي شوكت اكدر اجيب النسوان ؟
_ياهلا وسهلا بالليعجبك كبع واخذ....
_لاعمي كحلاء يوزنونها ذهب ....
كحلاء/رحت للمطبخ ييييمه ضليت اكمز مثل المخبله ..اييييييييه .....
اجه صكر كال "
_اريد ماي
_هذا البراد واشرب....
_ماعندك ايد
_اكسر ايدج تره ..
كحلاء وكفت متخصرة"
_ومنو كالك اقبل بيك ؟
صكر استند على الكونتر وتخصر كال"
_غير انتي ميته عليه وكلبج ديكول لاتتاخر اريدك ..
كحلاء "
_ها هيج ...اروح اكمل شغلي ..
_تدرين شي ..
_لا
_موصوجج .....يله اني اتوكل العماره....
طلع صكر للعمارة هاليومين صعبه جانت عليه جان شايل هم كبير....دخل للبيت لكه نورس كباله نورس جاي تدك املس حسبالها ياخذ اختها ....صكر ك يم ابوه وامه "
_الله بالخير يمه ..ساعدك الله ابوي
_هلا وليدي حمدلله على السلامه....
.
_الله يسلمكم...يمه يابه اريد احجي وياكم بموضوع...
_اي وليدي اتفضل...
_نويت ازوج
_كلللوش يمه الف صلوت على النبي ومنو المحظوظة الي رايدها
_كحلاء ...
_كحلاء نفسه ؟
_اي يمه واريدك تجون تخطبها الي
_اي شكو بيها البنيه كلش تستاهلك بنت اصل ...
نورس نبت"
_شني خلصن النسوان .....لو هالمفلوكه ساحرتلك...
_مازن ضب مريتك ....لا اكوم اكص لسانها....
الاب"
_شوكت ناوي تتوكل ؟
_الله يسلمكم...يمه يابه اريد احجي وياكم بموضوع...
_اي وليدي اتفضل...
_نويت ازوج
_كلللوش يمه الف صلوت على النبي ومنو المحظوظة الي رايدها
_كحلاء ...
_كحلاء نفسه ؟
_اي يمه واريدك تجون تخطبها الي
_اي شكو بيها البنيه كلش تستاهلك بنت اصل ...
نورس نبت"
_شني خلصن النسوان .....لو هالمفلوكه ساحرتلك...
_مازن ضب مريتك ....
الاب"خلص عكب بأجر نروح نتزكل....
_ان شاء الله ...
ومن جانب ثاني كحلاء.../جنت كلش فرحانه ...ماتتصورون احلى ايام بحياتي جاي تمر وجنت انتظر صكر يجي لحظه لحظه الحب الي ابد ماكتله احبك...بيوم حب عبارة مكافش من الراس يارب تتم هالفرحه عليه بس....
قبلها بيوم اجه ياسر كعد كال"
_اصدقائي جاي يطلعون التركيا ومناك تهريب ل أوروبا بحرا واني اريد اشوف مستقبلي ...
ابويه"
_اوليدي انت مستقبلك مضمون والحمدلله ليش جاي تتبطر على نعمه الله ابقى هنا هاي لكمه وهذا سكف وهذا شغل انت ليش تطلع ماتعرف شيصير ...
_ليش بابا مو ابن اخوك طلع....واستقر
_وليدي شنو غير عندة ظهر يسنده احنه على كد حالنا.....
_لا يابه اني قررت ...
اختك راح تتزوج واني منو الي ...اني عبالي تتزوج واشوف بزرك هنا...
_اعذرني بويه
_شااعذرك وانت علمود مره جاي تهد الأول والتالي ...
_يمك كحلاء وكوثر يتناوبون عليك ....
_الك راح تهد حيلي ياوليدي..
ماكو فايده من الكلام ...ثاني يوم اجه صكر جايب امه وابوه ....
ابو صكر التقى مجددا ب ابو طجلاء والمره ايد ب ايد ...
حسناء جانت جايه وياهم لان تحب كحلاء ...
اتفقوا على مهر محدد واتفقو انه صكر يجي يسكن بغداد ويرجع لوظيفه....وكحلاء تكمل كليتها او الاصح تبلش تداوم كليه...
كحلاء مانطت خبر ولا اهتمت هي وابوها بخصوص ياسر اعتبروه جذاب او من ضوجته يحجي هيج....
اجه الشيخ للبيت ...
وبدت مراسم عقد القران .....طبعا بسيت النوم وخلت رجلها بنص الهيل ...قرأن ب ايده فتحته...صينيه٧بياضات....اختها كوثر وخالتها وكفو الها وراها راحت لبست فستان قصير تركوازي علطول اغينه يحليوه هلج وين يحليوه جانت طاشه بهذاك الوقت ههههه....ضلت كحلاء تركص كدام صكر وتتغنج...وهو يشتعل نار .......
خلصت الحفله ....راحو المعازيم ضلو بس أهل صكر وضيوفه الزلم وحد والنسوان وحد ...
_اريد بوسه...
_ههه هيج بسرعه تريد تبوس ....
_لج المفروض انتي حامل مني بطفل ثاني بس انتي مخبله ...
_والله اها وانت موكتلي انتي احسن الج ترجعين بيت اهلج وضربتني جلاق...
_جلاق شنو لج ماخذلي يونس محمود صيري أنثى....
_اروح اكل كيك ...
_تعالي...
حضني حضنه سريعه بالبوكه.....فلتت منه بتدلل ...
رد"
_واني اريد جلي ابو التوت ..
_اجيبلك....
_شفايفج يمي ...
_شوف كلبي ميتحمل هيج حجايات ...ههههه
صكر جاي يبوسني دخلت طفله كالت شديسويلج؟
ضحكت "
كتلها "دايشوف اسناني......هههههههههه
بعد ماخلصت الحفله بابا كللهم يبقون يمنا بس ابو صكر ماقبل وفصلو يرحون بيت خالهم ....
واني وكوثر وبنات خالاتي ضلينا نصنف على صكر واهله والبدله والاكل والصور _________
