رواية سراج السادة الفصل السابع والثلاثون بقلم غسق ادريس
لا تغرنك يوماً صفَوتُ العمرْ المديدِ فحبالِ الموتَ أدنىَ لكَ
منِ حبلَ الوريدِ ."
- سبحان الله 🩵.
- الحمدلله 🩵.
- لا إله إلا الله 🩵.
- اللهُ أڪـبر 🩵.
_ سبحان الله وبحمده 🩵.
_ سبحان الله العظيم 🩵.
_ لا حول ولا قوة إلا بالله 🩵.
لا إله إلا الله وحده لا شريك له .
له الملك وله الحمد وهو على كل شيء قدير
خلونا ويا السادة..... ♥.
9100 كلمة....
التصويت والتعليق بين الفقرات
♥.
" صفية "
بعدت راسي اصيح بوجع
_صفية :: اخ اخخ مو كتلك على كيفك ؟
رفع حاجبة يباوعلي ب ازعاج
_حازم :: معقولة هذا شارب بنية مو زلمة ؟
خليت ايدي فوك حلكي امسح على منطقة شاربي بهدوء باوعت لحازم خيط البكرة بحلكة يباوعلي ب انزعاج
حجة بصياح
_حازم :: يلاااااااا
_صفية :: اوكفففف
مسحت بهدوء على شاربي عيوني مدمعه من الوجع
اتأفتت ورجعت راسي اخلي يكمل حف شاربي
باوعلي وحجه نافخ حلكه من فوك
_حازم :: نفخيييي حلكج
نفخت حلكي وهوا تقدم يريد يحف شاربي بعدة مارافع الخيط ورجعت
حجيت عيوني مدمعه
_صفية :: حباب على كيفك والله جاي اتوجع
_حازم :: المشكلة بشاربج شعراته طوال. اطول من شعر راسج
_صفية :: ديلا ديلا كمل
سحبت نفس وزفرته مشجعة نفسي
قدمت وجهي لحازم يكمل حف واني عاوجة حلكي
مغمضة عيوني ب وجع
خفت اسحب راسي وتجيني ضربة منه
حصرتني الضحكة من شفته يقدم راسة ويرجعه الخيط بحلكه مركز ويا شاربي
اندفع باب المطبخ ما التفتت اني وحازم
صاحت موجهه كلامها لحازم
_وفاء :: ولكك حازممم ما حجيت ويا اخوانك
_حازم :: امممممم
_وفاء :: كلبي يلوب عليهم يمهه
_حازم :: اممممم
_وفاء :: مايردون على اتصلاتي
_حازم :: امممم
جان حازم مندمج بشاربي باله مو يم امي
طفر من مكانه على اثر نعال طاير
وكف خيط البكرة ب ايدة
_حازم :: ها شصار
_وفاء :: امممم اممممم ولك الخايس احجي وياك بالك مو يمي وانتِ
حجتها والتفتت علي
صاحت بيه بعصبية
_وفاء :: والله وكت بنات مايستحن ولج اني جنت من اشوف اخواني استحي واتراجف منهم وانتِ هنا عينك عينك كاعدة انتِ والدثو هذا يحفلج
_صفية :: غير اخوي
_وفاء :: انعل ابوج انتِ واخوج
اتقدم حازم على امي حاضنها من كتفها وهيا تضرب على صدرة
حجة وياها بهدوء يهديها
_حازم :: ام دلهب الوردة كولي يا الله شبيهم قابل ماتدرين ب شغلهم مثلاً
_وفاء :: ولك يا شغل بالي يمهم
_حازم :: مابيهم شي وداعتج وهسة انا اتصل عليهم
سكتت امي محتارة وخايفة على اخواني راصد ودلهب
عكسي اني وحازم متعودين على اختفائهم هذا
طلعت من المطبخ امسح على اثر شاربي احلى شعور من اشيل شاربي احس ب الانوثة الي جان مخبيها الشارب
نمت على القنفة التلفون ب ايدي شفت وجدان مراسلتني على الوتساب
اتصلت عليها نايمة على بطني
اجاني صوتها تحجي بهدوء
_وجدان :: هاا صوفة
_صفية :: ها دكتورة شلونج
_وجدان :: بخير انتِ شلونج. ارسلج ماكو مختفيه؟
_صفية :: اي حازم جان يشيل شاربي
سمعت صوتها تضحك
الانوثة متجسدة على شكل ضحكة بصوتها
حجت
_وجدان :: يمعودة يمتى تتعليمن تشيلين شعر شاربج ب ايدج
_صفية :: ليش اتعب روحي وعندي اخوان؟
_وجدان :: هااا والعندها اخوان لازم تصخرهم يشيلون شاربها. صدك تذكرت دلهب هم حجة وياكم؟
كلبت على ظهري
رديت عليها بعدم اهتمام
_صفية :: امي قبل شوي تبجي على دلهب وراصد مختفين ومايردون على اتصالاتها
_وجدان :: هااا ليش وين مختفين؟
_صفية :: يمعودة ماتعرفيهم قابل
اتحسرت وحجيت بقهر
_صفية :: اشتاقيت لراصد جان يمشط شعري كل يوم
_وجدان :: وهسة؟
_صفية :: ماشفتي شعري البارحه كل اسبوع امشطه مرتين
_وجدان :: امداج النظيفة
_صفية :: ااخخخ ذكرتيني دلهب جان يشيلني من فراشي ويكتلني حتى اطب للحمام
صاحت وجدان
_وجدان :: عيععع
ضحكت اسولف وياها متذكرة اخواني دلهب وراصد
اشتاقيت الهم حيل
ودعت وجدان وغلقت الاتصال منها
بقيت نايمة على القنفة ب الصالة اگلب بتلفوني
التفتت على نزلة حازم من الدرج
عاكد حواجبة بعصبية وخوف التلفون ب ايدة
كمت على حيلي باوعتله وحجيت ب استغراب
_صفية :: شبيك حازم ؟؟
التفت حازم على باب المطبخ يشوف امي تسمع لو لا
باوعلي وحجة بهمس الخوف والقلق بعيونه
_حازم :: دلهب وراصد ب المستشفى
_صفية :: يمةةةة اخواني شبيهم !!!!!
خلة ايده على حلكة وحجة خازرني
_حازم :: صوتج لا امي تسمع !!!
_صفية :: ماتحجي حازمممم !!!
اتحسر وحجة
_حازم :: دلهب متصوب وناقلي المستشفى....
"
رمق الدفان داوود بنظرة باردة . لاكنها تحمل الكثير... الانتقام... الحقد.... الغضب... " الثار "
داوود.... الذي يقف امام الدفان بكل برود يكتف يداه الى صدرة لم يكن اقل قوة من خصمة (الدفان) داوود... شخصية باردة... كتومة... هادئه... ووو مخادعة
لاكن... هو لا يعرف خصمة جيداً... دلهب... الملقب بدفان النجف.. حتى شجاع القلب
لا يستطيع ان يقف امام هذا الانسان
غامض !!!!
ماكر !!
في جسدة لايسير الدم.. انما سم... !!
" الدفان هذا الذي يدس السم في العسل "
نزل الجكارة من حلكة حرك رقبتة... يمينى... يسرى مغمض العينين
القى نظرة سريعة على داوود
صوته خرج خشناً، مبحوحاً من نارٍ دفينة
_دلهب :: گدها؟
ابتسم داوود. ابتسامة خفيفة تحمل كل الغرور واليقين
رد ببرود كانه يلقي جمرة في وجه الريح
_داوود :: تحب تشوف؟
ابتسم الدفان عيونة على داوود ابتسامة باردة... لم تكن فارغة.
في عمقها كان هناك شيءٌ يتململ انتقام لم يروا . حقد يغلي في العروق، وغضب يتنفس بهدوء مميت.
الهواء بينهما أثقل من الرصاص. وكأن الصمت نفسه يخاف أن يتحرك
داوود... يقف أمامه كتمثال من الجليد. يداه مكتفتان ونظراته تنبش في ملامح خصمه
برود قاتل، وسكون ماكر. لا كلمة زائدة لا حركة ضائعة.
يبدو كمن يراقب ساحة حربٍ داخل عيني رجلٍ واحد.
داوود يعرف جيداً يتحدى من !!
"الدفّان..."
ذاك الذي يبتسم لك وهو يحفر قبرك.
وفي تلك اللحظة...
الهواء نفسه توقّف
كأن النجف كلّها حبست أنفاسها في انتظار الشرارة الأولى..... !!!
تحرك دلهب ب اتجاه داوود بسرعة. ب المقابل قابله داوود ب ابتسامة باردة
دفع دلهب داوود من كتفة بقوة. رجع داوود الي جان مستسلم لخصمة الدفان
سحب دلهب داوود من ملابسة يباوع بعيونة
نظراتة تتوزع على وجه داوود بعصبية
يلهث النفس بسرعة
حجة بصوت هامس صاك على سنونه
_دلهب :: ليش تحط راسك براسي ...!!!!
ابتسم داوود وحجة مقابل نظراته دلهب بهدوء
_داوود :: كتلك انا اعقل من انو احط راسي براس واحد مخبل
بحركة سريعة غير متوقعة
رفع الدفان داوود على اكتافة وشمره بقوة على الارض
غمض داوود عيونة متأذي
حرك دلهب رگبتة وحجة
_دلهب :: هسة تشوف المخبل زين
ركض دلهب على داوود الي جان مستسلم ب الارض
مادافع عن نفسة ماحاول يبعد الدفان عنه
وهذا الفعل الي استفز الدفان اكثر
نام دلهب على داوود ينهش عظامة ب الضرب
ماجان يشوف شي عيونة ماتشوف... عيون الدفان ماتشوف غير الماضي
الثارر فقط...
واخيراً. قرر داوود يدافع عن نفسه ويقاوم الدفان حتى ينقذ حياته من شياطين هذا الميت الي يدفن الموته بس الفرق هوا عايش بس.. ميت الاحساس والضمير
دفع داوود دلهب محاولة منه حتى يبعد الدفان عن صدرة.
دلهب جان اقوة من داوود
جان صعب على داوود يبعد الدفان عنه
كور ايدة وشد على قبضته ضرب الدفان على وجهه بقوة
ابتعد الدفان دايخ من الضربة الي اجته على وجهه دفع داوود دلهب عن صدرة
وكف داوود على رجلية يغمض عيونه ايدة على صدرة متأذي من الضرب الي اجاه
التفت على الدفان شافه واكف يباوعلة
لسانه يدور بحلقة
رفع حاجبة مبتسم... داوود جان حافظ هاي الابتسامة
صك داوود على سنونه بعصبية
التفتو ثنينهم على صوت سيارة قريبة صارت عيونهم على نزلة السادة احفاد السيد عبد الروؤف
صارت عيون الدفان على داوود
ركض دلهب ب اتجاه داوود الكل جان متوقع ركضة دلهب هاي حتى يضرب داوود بس ...!!!..
انتبه داوود لنظراته دلهب ماجنت عليه لا جان يباوع للخلف
حس داوود بشعور غريب
كأنو الشارع يحبس نفسه
التفت داوود بفضول يريد يعرف نظرات الدفان لمنو !!!!
اجاه صوت محرك سيارة يكسر الهدوء… سيارة سوداء تدخل الزقاق
تعرف هدفها بالضبط
السيارة بدت تبطىء السرعة. جامة السيارة تنزل شوي شوي
ظهر من خلف الجامة شخص ملثم ب ايدة سلاح
موجهة على داوود مباشرة
داوود انصدم. ما تحرك ولا حتى غمض عينه
بس دلهب… دلهب جان اسرع منه
بلا تفكير، بلا تردد، صرخ صرخة هزت المكان
_دلهب :: دااااووود !
وبخطوة واحدة ركض على داوود ودفعه بقوة
طاح داوود على الأرض قبل ما تنفتح النار
وكفو السادة بمكانهم مصدومين عيونهم على اصدقائهم الي جانو هدف لسلاح مجهول
صاح فقار بصوت عالي
_فقار:: دلهب لااااااااا
لحظات قليلة..... دقائق.... ثواني..... بدء العد التنازلي
1... 2.... 3.... نزل الكل ب الارض مفزوعين من صوت الرمي الي صار
اهتز جسم دلهب غمض عيونه مختل توازنه
طاح على رگبة. بعدين عالأرض.
مشت السيارة بسرعة ماينسمع غير صدى محركها
داوود زحف ب اتجاه دلهب
حجة بصدمة صوته محتقن
_داوود :: دلهب !!!... لا !!!!!
حجة دلهب بصعوبة
_دلهب :: موتك تصير على ايدي محد يكتلك غيري
ركض جادح... بقلب منتزع كل ذرة من الخوف
خوفة الحقيقي جان على اصدقائه خوفة جان من الي سمعة !!
صاح ايليا بصدمة
_ايليا :: ماتتت... !!!!!
" شاهيناز "
بعد حادثة دلهب والي صار وياه الكل انصدم مامستوعب شلون هيج صار؟؟
ومنو جان السبب
اتوجهو سادتنا اصدقاء دلهب كلها للمستشفى واكفين ويا دلهب خوف وحب على صديقهم الدفان
صادف بهذا اليوم وصلنة خبر مرض اخت زوجة عمي رقية خالة عاتكة الجبيرة
مشت عاتكة والمحسنات والعلوية زهراء ويا العلوية رقية يشوفون خالة عاتكة ويطمنون عليها
فتحت باب غرفتي
شفت تلفوني على الجرباية اخذت التلفون اتصل على عاتكة
اجاني صوت رنة التلفون خليت التلفون على اذني من سمعت صوت عاتكة
_عاتكة :: الو.. ها شاهيناز
_شاهيناز :: ها عاتكة شلونج خالتج شلون صارت؟
_عاتكة :: الحمدلله بخير احسن
_شاهيناز :: عتوكة ولو الوقت مو مناسب بس. تذكرين الكتاب عمتي انطته الج البارحه؟
حجت عاتكة
_عاتكة :: اي اتذكر موجود بغرفتي. ليش؟
_شاهيناز :: محتاجتة حالياً والبيت محد موجود بي فارغ
_عاتكة :: اي عادي شكو بيها. شوفي موجود بغرفتي بين رفوف الكتب. وهااا ترا قدس موجودة ب البيت
عكدت حواجبي ب استغراب
_شاهيناز :: قدس. يمتى ؟
_عاتكة :: اي غضنفر قبل نص ساعه اتصل على العلوية زهراء كال اجيت انا وقدس بس غضنفر طلع للمستشفى علمود دلهب بقت قدس ب البيت وحدها نايمة جنت احجي وياها تكول تعبانة
ودعت عاتكة وقفلت الخط بعد ما عرفت قدس ب البيت
لبست العباية والنقاب وطلعت من البيت بعد ما انطيت علم الامي
رحت لبيت السيد جانت نيتي ب البداية اخذ الكتاب وارجع للبيت بس من عرفت قدس موجودة ب البيت غيرت رأي وكلت ابقى ب البيت ويا قدس
فتحت باب البيت
تمشيت بداخل البيت. الجو هدوء محد موجود حتى عمتي والعلوية لباب وحفيداتها ماجانن موجودات
فتحت ب الصالة باوعت لصالة فارغة محد موجود
فتحت عباتي اصيح ب اسم قدس
_شاهيناز :: قدس... قدوسة وينج
نزعت العباية وشمرتها على القنفة عيوني ادور ب المكان تمشيت ب اتجاه المصلى
فتحت باب المصلى اخذتلي نظرة سريعة ماموجودة قدس
سديت باب المصلى وطلعت عيوني تفتر حول البيت
بقيت افتر ب البيت واصيح ب اسم قدس استغربت من شفتها ماموجودة وين راحت لعد ؟
اجيت اتصل على عاتكة اسألها على قدس بس اتذكرت تلفوني مو وياي بقى بغرفتي
ماكدرت اطلع من البيت مرة ثانية
اتوقعت غضنفر رجع اخذها
صعدت لغرفة عاتكة
فتحت باب الغرفة وطبيت للغرفة
كعدت ادور ب الرفوف على الكتاب الي اجيت علمودة
اخذت الكتاب من الرف
ومشيت اكعد. جان بيدي قلم ودفتر والكتاب كدامي
بقيت كاعدة بمكاني ما اعرف شكد مر من الوقت
على طول كعدتي محد اجة ولا سمعت صوت شخص دخل للبيت
نزعت ربطتي خليتها على الجرباية
باوعت للساعه مابقى شي لاذان المغرب
رجعت اكمل العندي حتى ارجع للبيت
مرت دقائق قبل لا اقرر اطلع من البيت
رفعت راسي مستغربة الصوت الي جاي اسمعه
صوت حاد شي ينفتح وينسد بقوة
خطوات شخص جاية من الخارج ماعرف صاحب هاي الخطوات منو
عفت القلم من ايدي على الكتاب
كمت من مكاني سحبت الربطة من على الجرباية خليتها على راسي. وكفت كدام المراية البس الربطة
التفتت اباوع لباب الغرفة. منوو هذا الي رجع للبيت الي عرفته كلهم طلعو من البيت مايرجعون هسة؟
مشيت ب اتجاه الباب صار ب مسمعي صوت خطوات قريبة من الباب صفنت مستغربة شنو جاي يصير
فتحت باب الغرفة وطلعت اباوع
ظلام يسيطر على المكان ضوة خفيف جاي من انارة الجوا
مشيت ب اتجاه الدرج عيوني ادور ب المكان واذني تتسابق تريد تلقط صوت من الي سمعتة
نزلت الدرج البيت هدوء محد موجود غيري ب البيت
احساس غريب بداخلي
احس نفسي مراقبة. اكو شخص موجود وياي ب البيت بس منو !!!
نزلت الدرج بس صوت خطواتي تنسمع
وكفت بنص الصالة عيوني تدور ب المكان محد موجود زين هاي الاصوات الي جنت اسمعها كلها منين جاي مصدرها !!.
حسيت بخوف يحتلني رجعت بخطواتي اريد اصعد للغرفة قررت ارجع لبيتنا
وكفت بمكاني مستغربة الصوت الي اجاني ابتعدت عن الدرج اباوع لباب المطبخ اكو صوت جاي جاي من المطبخ !
جنت مترددة اروح اشوف مصدر الصوت
عصرت على ايدي
شجعت نفسي ومشيت ب اتجاه باب المطبخ
فتحو باب المطبخ هدوء والمكان فارغ
باوعت بتمعن مركزة على باب الحديقة
الباب مفتوح !.
مشيت ب اتجاه الباب عيوني تسبق خطواتي
امشي ببطىء شعور غريب صابني
وكفت قريبة على الباب اخذت نفس وزفرته بهدوء
سميت ب اسم الله
وفتحت الباب بهدوء
باوعت شبه مسيطر على المكان الدنيا غروب اضوية الحديقة مطفية
توني رفعت رجلي حتى اتقدم
واجاني نفس الصوت !!!.
شجعت نفسي وتقدمت بخطواتي
الجهه الامامية جانت فارغه بس الصوت من الخلف
التفت بتوتر وخوف اريد اشوف منو هنا.....
شفتها..... اي شفتها....
قدس هاي
ابتسمت بفرح ممزوج بخوف ورهبة
حجيت عيوني عليها
_شاهيناز :: قدسس خوفتيني.. هااي شسوين هنا.. وشنو هذا ب ايدج ؟.
جانت عيوني عليها
شفتها كاعدة بوسط الحديقة منطتني ظهرها بس جنت اكدر اشوفها جانت مدنكة راسها تباوع لمقص الاشجار الي ب ايدها " ملقط الاشجار "
جان مقص جبير السيد يستخدمة يرتب اشجار الحديقة والزرع
جانت تفتح وتسد ب المقص جان صوته عالي ومزعج
استغربت رد فعلها ليش متجاهلتني ليش ماردت علية؟
عكدت حواجبي وحجيت ب استغراب
_شاهيناز :: قدس انتِ وين جنتي ؟.
_قدس :: جنت هنا
_شاهيناز :: ليش كاعدة هنا ؟
_قدس :: منتظرة
حجتها وابتسمت
حجيت ما فاهمة قصدها
_شاهيناز :: تنتظرين منو ؟
ابتسمت والتفتت ب اتجاهي الابتسامة شاكه حلكها
حنت راسها وحجت
_قدس :: منتظرتج
حجتها وكامت من مكانها تمشي ب اتجاهي ببطىء
جنت واكفة بمكاني ماعندي رد فعل مافاهمة شنو جاي يصير ولا الي حجته
جانت تتقدم ب اتجاهي المقص ب ايدها تفتحه وتسدة بقوة. رجعت بخطواتي للخلف عيوني على المقص ب ايدها جانت غريبة بتصرفاتها وابتسامتها
عيونها حمر وشعرها مفتوح تحرك راسها يمنى يسرى وعيونها بعيوني
رفعت ايدي وحجيت ب انزعاج مصحوب بخوف وتوتر
_شاهيناز :: قدس كافي بديت اخاف ترا !!!!
وكفت على مسافة قصيرة تفصل بينا
رفعت راسها وضحكت بصوت عالي
بعدني مامستوعبة شي
ركضت ب اتجاهي سريع موجهه لمقص ب اتجاه بطني
صرخت من مكاني مفزوعة
رجعت بخطواتي للخلف خايفة
توني التفت منطيتها ظهري
عثرت بخطواتي طايحة على وجهي
التفتت عليها شفتها بظهري رافعة المقص ب اتجاهي تريد تطعني بظهري
من خوفي وحيرتي ماعرفت شسوي
رفعت رجلي موجهتها على بطنها
ضربتها ببطنها بقوة مرجعتها للخلف
طاحت على ظهرها مامسيطرة على وكفتها
كمت من مكاني رفعت ملابسي وطلعت اركض من الحديقة
قبل لا اطلع من الحديقة شفتها كامت
طلعت من المطبخ من خوفي وحيرتي الي جنت بيها خفت اتشجع اقفل باب الحديقة خفت ما الحك وتجي قبل لا اسد الباب
طلعت من المطبخ اركض اجيت اطلع من الصالة للشارع
شفت باب الصالة مقفول
ركضت على الدرج توني اصعد الباية الثالثة وشفتها طلعت من المطبخ تركض
رجلي يرجفن من الخوف ماعرف شلون شجعت نفسي اكمل ركض وما اوكف
ركضت على الدرج بسرعة وقدس خلفي
صوت ركضها وخطواتها السريعة خلفي
جنت اسرع منها
صارت كدامي غرفة ايليا فتحت باب الغرفة وطبيت بسرعة خليت ايدي على قفل الباب المفتاح جان ب الباب قفلت الباب بسرعة ايدي ترجف ماعرف شلون كدرت اقفل الباب !!!
ابتعدت عن الباب ابجي مرعوبة
صرخت من سمعت صوت الباب ينضرب بقوة وقدس من خارج الغرفة تصرخ
_قدس :: شاهيناززززز.. فتحي الباب
سمعت صوت ضحكها رجعت حجت بس هل مره جانت تحجي بهدوء
_قدس :: لاتخافين مأذيج اننييي... بس اريد....
سكتت لاحظات ورجعت حجت
_قدس :: اريد اشوف المقص يخترق امعائج
خليت ايدي على حلكي ابجي بصدمة وخوف اني شجاني هنا شلون اجيت
رجعت قدس تحجي وياي بصوت هادء وقريب مني
_قدس :: جاي اشوفج ترااا
دنكت راسي اباوع
جانت تباوع من جوا الباب... !!!!!
دمعت عيوني بخوف مافاهمة الي جاي يصير شنو الي تغير ليش قدس هيج تغيرت !!!.
سمعت صوت خطواتها جانت تبتعد عن الباب
اختفى صوتها وماصرت اسمعها
تقدمت ب اتجاه الباب اذني على باب الغرفة اريد اسمع صوتها معقولة راحت !!!.
للحظات اطمنت اتوقعت هاي هية راحت او يمكن صحت خفت افتح الباب واطلع وخفت ابقى كاعده ب الغرفة وحدي اريد اطلع من البيت شلون
مسحت على وجهي مطمنة هاي هية اختفت قدس راحت يعني خليت ايدي على صدري اتنفس براحة
التفتت ب اتجاه الباب سمعت صوت ضحكها جاي من الخارج رجعت عن الباب خايفة
سمعتها تحجي بضحك
_قدس :: شاهيناز نسيتتت هههههههههههه جنت ناسية شلون راح افتح بطنج واني ماعندي
سكتت واني مصدومة اسمع الها
كمزت من مكاني اصرخ على اثر ضربة قوية ب الباب حجت قدس
_قدس :: ماعندي سجينة اخرزها بنص بطنج
صرخت من مكاني عيوني على باب الغرفة
جان تغرز مقص الحشيش بباب الغرفة بقوة وتصرخ ب اسمي
كعدت ب الارض منهارة
شنو راح يصير معقولة راح اموت على ايد قدس !!!.
كمت من مكاني مفزوعة برعب
جان مقص الحشيش يقتحم باب الغرفة وهيا تصرخ وتضحك
_قدس :: جيتتت اني جيت انتظريني شاهيناز
درت بعيوني حول الغرفة ماكو شي اكدر ادافع بي عن نفسي
التفتت على شباك الغرفة ركضت ب اتجاه الشباك فتحته جان الشباك عالي والارض بعيدة عني
اتنفست بصعوبة عيوني على الارض
فزعت من مكاني خايفة من صوت الضرب الي صار ب الباب
حسيت الباب راح ينخلع من مكانه
فتحت شباك الغرفة ابجي بخوف وفزع ما اعرف شسوي ماعرف عيوني على الارض مستحيل اعيش اذا شمرت نفسي من هل مسافة
رجعت باوعت لباب الغرفة وصوت الضرب كذالك ماراح اعيش اذا انفتح هذا الباب اكيد راح اموت !!!!.
رفعت عيوني على فتحة باب الحوش
شفتة شفت جادح يدخل للبيت يركض عيونة ب اتجاهي مصدوم
باوعلته وبجيت بقوة
_شاهيناز :: جادحححح راحححح اموتتت... جادححح
_جادح :: رجعععييي من الشباك علوية شاهيناز
توني احجي واندفع باب الغرفة
صارت عيوني عليها مصدومة عيوني على الي ب ايدها
هاي هية راح اموت يعني !!!
باوعتلي مبتسمة
رفعت حواجبها وحجت
_قدس :: اني جيتتتت
_شاهيناز :: قد.... ق.. قدسسس لا حبابة اني ماسويتلج شي ليش هيج
_قدس :: لا تبجين شاهيناز ماراح تحسين بشي بسرعة نكمل
حجتها وابتسمت
رجعت على شباك الغرفة عيوني على قدس باوعت للارض ورجعت باوعت لقدس
جنت مستعدة اشمر نفسي من الشباك ولا اطيح ب ايد قدس
تقدمت ب اتجاهي ببطىء تفتح المقص وتسدة تباوعلي ب ابتسامة
جادح وينك لاتعوفني وحدي هنا... !!
هاي هية اني متت خلص ماكو امل ابقى عايشة بعد
غمضت عيوني مستسلمة
خطوات فقط... ثواني تفصلني عن قدس وموتي الي جان راح ينكتب ب ايدها بهذا اليوم
فتحت عيوني بسرعة على صوت جادح
_جادح :: شاهيناز !!!!
باوعتلة وصرخت ب اسمه ابجي
_شاهيناز :: جادحححح
ركض جادح على قدس وهيا ركضت ب اتجاهي
بقيت واكفة بمكاني عيوني على قدس والي بيدها
جان جادح اسرع من قدس سبقها بخطواته واكف كدامي منطيني ظهره
فتحت المقص موجته لبطن جادح
ما اعرف شنو صار وشلون وقتها دفنت نفسي بظهر جادح احمي نفسي بي
ابتعد جادح عن المقص يحاول ياخذة من ايد قدس
وهيا تقدمة ب اتجاهنا
سحب جادح المقص من ايد قدس وشمره من الشباك
صاحت قدس بقوة رافعة السجينة الي ب ايدها
موجهتها على جادح
صاح جادح بيه
_جادح :: طلعيييي شاهيناز طلعي من الغرفة
_شاهيناز :: ماعوفكككك ماعوفكك
حجيتها بدموع وصريخ
رفعت قدس السجينة وركضت على جادح
بحركة سريعة من جادح سحبني من ظهره ودفعني
مبعدني عنه وعن قدس
صرخت ايدي على حلكي مصدومة من منظر الدم
قدس ب ايدها السجينة وجادح واكف كدامها السجينة ب بكف ايدها قدس تحركها يمنى... يسرى... وتسحبها منه وهوا الدم ينزل من ايديه بغزارة
كمت من مكاني مشجعة نفسي
ركضت على قدس التفتت ب اتجاه
سحبت السجينة بقوة من ايد جادح ورفعتها ب اتجاهي
دفعتها من كتفها بقوة
رجعت للخلف مضروبة بميز المراية
الضربة على راسها
فتحت عيونها وصاحت بوجع
رجعت غمضت عيونها غايبة عن الوعي
باوعت لجادح ابجي جسمي كله يرجف
باوعلي مصدوم جانت نظراته خوف يباوعلي خاف متأذية
حجة بوجع مصحوب بخوف
_جادح :: شاهيناز..
_شاهيناز :: جادحح
ركضت علية بلحظة ماجنت مستوعبة ولا واعية على نفسي وعلى الي صار جنت خايفة الخطر جان يحاوطني والخوف من كل مكان
فجأة شفت جادح احتميت بحضنه ابجي واصرخ من الرعب الي حسيت بي وقتها
جان منقذي الله دزه الي حتى ينقذني !
رفع ايديه مصدوم من رد فعلي وخوفي عليه وخوفي من الي صار
بعدت عنه ابجي عيوني على ايدية والدم
_شاهيناز :: جادح جنت راح اموت
_جادح :: ماتموتين وانا موجود
باوع بعيوني مركز بيهن وهاي جانت اول مرة نكون قريبين من بعض بهذا الشكل
حجة بخوف وقلق
_جادح :: شاهيناز انتِ بخير؟
هزيت راسي ب اي وحجيت
_شاهيناز :: بخير
التفتت على قدس شفتها مغمضة عيونها تعبانة
تذكرت قدس حامل !!
ركضت عليها اصحي بيها ايدي ترجف
باوعت لجادح وصحت
_شاهيناز :: جادحححح قدس حامملل بس لا مات الي ببطنها
فتح عيونة مصدوم وكأنو استوعب الي صار
باوع الايدية كلهن دم جرحهن عميق
باوعلي وصاح
_جادح :: ناخذها مستشفى سريعععع
هزيت راسي ب اي ركضت برا الغرفة دخلت لغرفة عاتكة سحبت عباتي وعباية من عبي عاتكة
طلعت من الغرفة اركض متوجهه لغرفة ايليا
شفت جادح
سحب الحاف من جرباية ايليا وركض على قدس ركضت عليها غطيتها ب العباية وهوا شالها ب الحاف يستغفر
طلع من الغرفة واني خلفة نركض
نزل الدرج بحذر باوعت لباب الصالة مقفول لعد جادح شلون كدر يدخل للبيت معقولة من الحديقة !!
ركضت كدام جادح فتحت باب الصالة
طلع من الصالة يركض واني اركض ورا
فتحت باب الحوش صار كدامي عمتي والعلوية لباب وملاك وغضيمر خلفهن يقفل باب السيارة
صارت عيونهم علينا مصدومين
صاح جادح ب غضيمر
_جادح :: غضيمرررر باب السيارة بسرعة
فتح غضيمر باب السيارة عيونة علينا مصدوم
صعد جادح السيارة عمتي والعلوية لباب مايعرفن شصاير رغم هذا ركضنا ورا جادح
يصعدن السيارة
صعدو كلهم السيارة وانطلقو بيها للمستشفى
بقيت اني وملاك واكفات بباب الحوش
سحبتي ملاك من ايدها لداخل البيت تباوعلي مصدومة
صاحت بخوف
_ملاك :: شبيج شاهيناز شصار قدس شبيها !!!
طحت على رجلي ابجي
متذكرة كلشي صار وياي والخوف الي حسيت بي وقتها
حجت ملاك بخوف عيونها مدمعة
_ملاك :: احجي شاهيناز لاتخوفيني
باوعتلها جسمي يرجف من الخوف
بديت احجي الها كل الي صار والي عشتها قبل دقائق قليله بس... !!
جانت ملاك مصدومة عيونها تريد تطلع من مكانها بكل مرة تسمع شي تشهك بصدمة مامستوعبة
صارت عيونها على المقص الي مشمور ب الحوش
رفعت راسها تباوع لشباك غرفة ايليا مفتوح
حطت ملاك ايدها على راسها مصدومة
حجت بخوف
_ملاك :: تخيلي لو جادح ماموجود !!
_شاهيناز :: جنتو رجعتو شفتوني جثة
حضنتي ملاك بخوف عيونها مدمعة تحاول تهديني
جانت خايفة وترجف... بمجرد سماعها للحادث خافت زين اني الي عشت الشعور والموقف شنو متوقعين رد فعلي !!
صارت عيوني على المقص فعلاً لو جادح ماجان موجود شنو جان راح يصير بيه وقتها !!.
" قدس "
فتحت عيوني ببطىء
حسيت بوجع اجاني ببطني خليت ايدي على بطني متوجعة
صارت عيوني على الغرفة الي كاعدة بيها
هاي مو غرفتي اني وين
رفعت راسي عيوني ادور ب المكان اني ب المستشفى
صفنت احاول اتذكر شنو الي صار وشلون اجيت هنا
ماجاي اتذكر شي
حاولت احرح نفسي صحت متوجعة ايدي على ظهري
شبية معقولة صار شي ب الي بطني ! معقولة خسرت طفلي
رجعت اتفحص بطني بخوف
ماجاي اعرف شي اكو طفل ببطني او للا !!!
صحت من مكاني عيوني مدمعة ابجي
_قدس :: منووووو هنااا حبابين تعالووو شوفوني ابني وينن... انييي شلون اجيت هنا
انفتح باب الغرفة بسرعة شفت عمتي جهاد تدخل للغرفة خلفها العلوية لباب
اجن يركضن ب اتجاهي خايفات
حجت عمتي جهاد
_جهاد ': قدسس بنيتي شبيج متأذية من شي ؟؟
_قدس :: عمة بطني شبيها اني ليش هنا
باوعت العلوية لباب على عمتي ثنينهن ساكتات
باوعتلي عمتي جهاد وابتسمت
_جهاد :: مابيج شي بنيتي انتِ بس تعبتي وعادي كل الحوامل هيج
_قدس :: يعني طفلي مابي شي موجود ببطني ؟
_جهاد :: اكيد ببطنج لعد وين يروح
_قدس :: عمة حبابة متأكدة !!
ابتسمت عمتي اطمني
حجت بهدوء
_جهاد :: متأكدة
هزيت راسي ب اي ساكتة رجعت ايدي على بطني مطمنة يعني الي بطني مابي شي
باوعت لعمتي جهاد وحجيت
_قدس :: غضنفر وين ليش ماموجود؟
_جهاد :: موجود برا منتظريج تكعدين حتى نرجع للبيت
_قدس :: لعد اني مابية شي خلينا نرجع
هزت عمتي راسها ب اي
طلعت العلوية لباب واني كعدت البس العباية والشال عدل
طلعت من الغرفة اني والعلوية جهاد
شفت غضنفر واكف برا الغرفة جادح وفقار بقربة
صارت عيوني على ايدين جادح ملفوفة بضماد ابيض
اتقدم غضنفر ب اتجاهي خايف
اخذ ايدي ب ايدة يباوعلي بخوف
حجة
_غضنفر :: قدوسة بابا انتِ بخير.؟
_قدس :: اي بخير بس. شنو صار ماجاي اتذكر
رفع غضنفر راسة يباوع للعلوية لباب
باوعلي وحجة
_غضنفر :: الحمل مأثر عليج واتخربطتي بس هسة صرتي زينة الدكتورة كالت تكدرون تطلعون
هزيت راسي ب اي ساكتة اخذ غضنفر ايدي ومشة نطلع من المستشفى
التفت على جادح وحجيت ب استغراب
_قدس :: ابو عماد شبيك ليش ايدك ملفوفة
اتحمحم جادح يباوع لغضنفر
حك حاجبة وحجة
_جادح :: لا مابية شي خوية ايدي انشخطت ب السجينة
_قدس :: الحمدلله على سلامتك
هز راسة ب اي ساكت
طلعنا من المستشفى متوجهين لسيارة غضنفر
مشت العلوية العلوية جهاد وجادح وغضيمر وفقار بسيارة واني والعلوية لباب وغضنفر بسيارة
صعدت ورا والعلوية لباب كدام
خليت راسي على الجامة احس بدوخة ولعبان نفس موو طبيعي
رفعت عيوني على غضنفر شفتة يباوعلي من جامة المراية نظراته كلها خوف وقلق
ابتسمت بوجهه اطمنة
مشينة راجعين لبيت السيد
طول الطريق عيوني على الدرب كلشي صار وياي جاي يرجع يدور بعقلي
تذكرت الاشخاص الي جاي اشوفهم ب احلامي مو بس ب احلامي .!!!
لا حتى ب الواقع صرت اشوفهم
الخوف صار يحتل جسمي
احس نفسي مو بأمان على طول الوقت خايفة
خليت ايدي على بطني
مستحيل اسمح لشي يصيب ابني مستحيل !!!
رجعنا للبيت
نزل غضنفر فتحت باب السيارة باوعت لسيارة الثانية ورانا
نزل الكل من السيارة
مشينة متوجهين للبيت
فتح فقار باب البيت اشر النا ندخل
غضنفر والعلوية لباب سانديني
دخلنا للبيت تحت نظرات الكل
عيوني جانت تدور حول الكل نضراتهم ماجنت طبيعية رد فعلهم ماجانت خوف علي لا جانت خوف مني !!
اتحمدو الي على السلامة عيوني على شاهيناز تباوعلي وتفرك ايديها بخوف وقلق
صعدت للغرفة حتى ارتاح
جان غضنفر نايم بصفي التلفون ب ايدة يكلب بية
رفعت راسي من المخدة باوعتلة وحجيت
_قدس :: راح انزل اجيب ماي
_غضنفر :: ابقي بمكانج انا اجيب
_قدس :: لالا اني اريد اجيب.. اريد اكعد جوا اتنفس شوي اختنكت من كعدة الغرفة
_غضنفر :: تمام لعد انزل وياج
_قدس :: لا غضنفر شنو صغيرة اني ابقى انت ادري بيك تعبان اني وشوي واجي ما اتأخر
هز راسة ب اي ساكت
طلعت من الغرفة
نزلت الدرج الصالة فارغه محد موجود
سمعت صوت العلوية جهاد جاي من غرفتها جانت تحجي اتصال
تمشيت للمطبخ فتحت باب المطبخ
كعدت على الكرسي محد جان موجود التلفون ب ايدي
صفنت ب الفراغ احس بتعب فضيع ينهش جسمي
كسر صفنتي صوت رن التلفون
رفعت التلفون مستغربة منو المتصل
جان مكتوب " جميلة "
عكدت حواجبي مستغربة جميلة ليش متصلة علي؟
فتحت الاتصال
اجاني صوت جميلة
_جميلة :: هلا قدس شلونج شخبارج؟
_قدس :: هلا جميلة. بخير اني انتِ شلونج
_جميلة :: الحمدلله جنت بخير بس هسة اني مو بخير
_قدس :: ليش سلامات؟
حجت جميلة ب انزعاج وعصبية
_جميلة :: ليش يعني ماتعرفين شنو صار بجادح؟
_قدس :: اي اعرف خطية مايستاهل
_جميلة :: هه. ماحسيتي ب الندم؟
_قدس :: حسيت ب الندم ليش؟
_جميلة :: ليش مو انتِ السبب ب اذيتة هاي؟
عكدت حواجبي مافاهمة كلامها
حجيت ب استغرب
_قدس :: شنو قصدج جميلة؟
_جميلة :: قدس شنو قصدي شنو.؟؟؟ انتِ تهجمتي على زوجي ب السجينة لااا وجنتي راح تقتلين شاهيناز بلا هاي اني متهمني بس جادح ماخفتي ربج زلمة مزوج وعندة طفل شنو تردين انتِ تيتيمن ابنه وترملين زوجتة !!!.
صرت اتنفس بسرعة مافاهمة كلامها وشنو الي جاي تحجي
حجيت بصوت محتقن الدمعة بعيني
_قدس :: ااني.. ماعرف شنو قصدج صدكيني
حجت جميلة كلشي
كل الي حاولو يخبو عني جميلة حجته
جنت اسمع لجميلة تحجي كلشي واني صافنة التلفون ب ايدي مامستوعبة كلامها معقولة اني هيج سويت !!!.
غلقت الاتصال منها وطلعت من المطبخ اركض لغرفة العلوية جهاد فتحت باب الغرفة بدون ماطرق الباب
التفتت علي العلوية جهاد تباوعلي ب استغراب
_جهاد :: ها قدوسة
_قدس :: عمة صدك اني الي ضربت جادح وحاولت اقتل شاهيناز؟
وكفت بمكانها تباوعلي
_جهاد :: منو حجة هيج؟
_قدس :: عمةة اييي لو لا !!!!.
هزت عمتي جهاد راسها ب اي وحجت
_جهاد :: اي بس ماجنتي واعية يعني مالج ذنب
صفنت عليها صاكة على سنوني بعصبية
التفتت اطلع من الغرفة
اجت عمتي جهاد خلفي تحاول تحجي وياي
صعدت للغرفة اركض
فتحت باب الغرفة شفت غضنفر كاعد على الجرباية التلفون ب ايدة
باوعتلة وحجيت بعصبية
_قدس :: رجعني لبيتنا
_غضنفر :: شبيج قدوسة بنيتي؟
_قدس :: مابية شي بس اريد ارجع للبيت. يلاااا غضنفر
باوعلي غضنفر صفن لثواني وهز راسة ب اي طلع الغرفة واني ركضت على كنتور الملابس اطلع ملابسي
جنت ابجي بحركة وقهر مامتوقعة الي صار
خجلت من نفسي... اييي خجلت هواي شلون كدرت هيج اسوي
شاهيناز... جنت اريد اقتلها ب ايدي !!
جادح !!!
رفعت راسي صارت عيوني على المراية كمزت من مكاني خايفة شفتها.... شفتها واكفة خلفي جانت وراي
التفت ادور بعيوني وحدي ب الغرفة
مسحت على وجهي احاول اشجع نفسي
شنو تردين منييي شنووو !!!!!!؟
انفتح باب الغرفة دخل غضنفر للغرفة باوعلي وحجة
_غضنفر :: ليش مانبقى بعد حتى تغيرين جو ويا العلويات احسن من كعدة البيت؟
_قدس :: رجعنيييي لللببييت كلت.... !!!
سكت غضنفر للحظات
باوعلي وهز راسة ب اي
كمت بدلت ملابسي كل شوي امسح دمعتي الي تطيح من عيني ما اريد غضنفر يشوفني ابجي
كملت تجهيز ملابسي اني وغضنفر
طلعت من الغرفة اني وغضنفر الكل جان نايم والبيت هدوءء... محد يعرف بطلعتنا
نزلنا الدرج غضنفر يمشي كدامي
باوعت للصالة شفت السيد عبد الرؤف والعلوية جهاد كاعدين على القنفة يحجون من نزلنا سكتو عيونهم علينا
كام السيد من مكانة يحجي وياي يحاول يقنعني او يحاول يبرر الي الموقف الي صار
نفس الموقف الي جنت اني موجودة بية واني السبب بيه جان يبرر الي افعالي !!!.
رفضت اسمع واكتفيت ب السكوت
طلعت من البيت اني وغضنفر
عمتي والسيد خلفنا ودعتهم ببرود وصعدت لسيارة عيوني على ايدي افرك بيهن بتوتر ماكدر احط عيني بعين واحد بعد كلشي
صعد غضنفر ب السيارة ومشة طالع بينة للبغداد
حاول يحجي وياي
جنت رافضة اسمع لاحد عيوني على الطريق
شلون راح اكدر اجتاز هاي المواقف الصعبة يمتى راح اتشافة بشكل كافي يمتى !!!
الطريق كلة جان عبارة عن تأنيت ضمير
تذكرت نظرات شاهيناز الي وخوفها مني
ضغطت على ايدي بقوة مقهورة
وصلنا لبيتنا ببغداد دخلت للبيت وغضنفر خلفي بيدة الجنط الكل جان نايم محد يعرف برجعتنا
صعدت لغرفتنا اركض
فتحت باب الغرفة
نمت على الجرباية هاربة من كلشي ما اريد اشوف احد صرت اخاف أذي غيري بدون وعي
مرت 9 ايام على الحادثة الي صارت ببيت السيد عبد الرؤف جنت كاعدة بغرفتي صافنة على السقف
صفنت متذكرة الي صار بليل
سحبت نفس بحزن مقهورة الى متى راح اعيش هيج صرت اخاف من كلشي حتى من خيالي
ماصرت اشوف غيرهم جانو محاوطيني بكل مكان
المرة نفسها الي جانت تلحكني
صرت اشوفها ب احلامي وب الواقع كدام عيوني
حسيت بخنكة تحتل صدري
صارن الدمعة بعيني
اتحسرت و سحبت التلفون من على الميز
فتحت التلفون اتصل على قس
احتاج احجي احتاج شخص يسمعني !!!.
رجعت نمت على الجرباية عيوني كلها ادموع
اجاني صوت قس تحجي
_قس :: ها قدسس
_قدس :: قس
حجيتها وشهكت ب الدموع حجت قس بخوف
_قس :: شبيج قدس ليش تبجين؟؟
بديت اسولف الها كلشي كل الي صار الدموع بعيوني احجي وامسح بدموعي مقهورة وقس تسمع الي.....
" قس"
نزلت التلفون من اذني غالقة الاتصال من قدس
بعد ما سمعت الي صار بيها والي جاي تمر بيه حسيت بخنكة وقهر يحتلن داخلي
توقعت قدس بعد حملها راح تتغير حياتها ماجنت متوقعة راح تصير اسوء
فتحت التلفون صارت كدامي رقم غل
اتصلت علية طلع عندي غل ب مكالمة ثانية
توقعته يحجي ويا واحد من السادة او اصدقائه
ضجت مو لان غل ب اتصال ثاني بس جنت محتاجه احجي ويا
حطيت راسي على المخدة فتحت التلفون
طبيت على برنامج الفيس بوك اتصفح بيه
ما اعرف شلون اجه سيد معراج براسي
تذكرت صفحته كبل بحثت على حسابه اشوفه شناشر
شفت ناشر فيديو موجود هوا بي كاعدة ب السيارة يسوق ومشغل باسم الكربلائي يقرة ويا
ضليت صافنة على كلمات القراية وصوت معراج
_معراج :: "ماغفت عيني"
"اسأل بدر وليلي شمس مصباحي"
_"عقبك ياحبيب الروح"
"طاوعت السهر والنوح"
_"ماغفت عيني وجفني لاجلك صاحي"
_"رحت وبروحتك ذبلت رياحيني"
"على روحي المناية تحوم وحق عينك"
" حبيبي ماغفت عيني" "من يوم الرحت لليوم"
_"كل ما اغفى جف الهم يصحيني"
".. يفززني حلم ميشوم"
_"حلمت جن الشمس ب النعش تلفيني"
"وتحمل هاللجنازة نجوم".....
جنت صافنة على صوتة ومندمجة كل شوي اعيد القصة " استوري " اسمع لصوته واركز بكلمات القصيدة
كمزت من مكاني بعد ماجنت صافنة على اتصال من غل طلعت من الفيس رديت على الاتصال اجاني صوت غل
_غل :: السلام عليكم قوسة
_قس :: عليكم السلام هلا غل
_غل :: صرت زين من سمعت صوتج. عذريني قبل شوي جان عندي اتصال مهم اتأخرت عليج
_قس :: لا لا عادي ماكو مشكلة براحتك
حجة غل
_غل :: اي حبيبة شنو اخبارج
_قس :: زينة بس هم مو زينة
_غل :: ها.. ها ليش مو زينة؟
زفرت النفس وحجيت بقهر
_قس :: مقهورة غل مقهورة على اختي والي جاي يصير بيها ما اتحمل اسمع اذيتها
_غل :: كلنا مقهورين عليها
اتحسرت مقهورة على قدس
حجة غل وحاول يعدل مزاجي بس لا بداخلي جان اكو خوف وقهر على اختي قدس
ما تستاهل تعيش كل هذا
غلقت الاتصال من غل بعد وقت طويل من السوالف
ثاني يوم كعدت على اتصال غل
فتحت الاتصال
حجيت بتعب نعسانة
_قس :: الووو
_غل :: الوو. ها قوسة صباح الخير
_قس :: صباح النور هلا غل
_غل :: نايمة مو؟
_قس :: امممم كعدت على اتصالك
_غل :: تمام كومي جهزي نفسج العصر اجي اخذج
فتحت عيوني بصدمة
كمت من مكاني صاحية من النعس والتعب
حجيت ب استغراب
_قس': هااا وين تجي؟
_غل :: العصر اجيج
_قس :: وين؟
_غل :: هذا الامر من السيد مو مني. السيد قرر يجمعنا ب الحلة حتى قدس تتغير نفسيتها وتطلع من الفترة الي جاي تمر بيها
هوا يحجي واني ارمش مامستوعبة شي
حجيت
_قس :: زين اني ليش اجي؟
_غل :: انتِ اختها وهيا تحتاجج
_قس :: وعمي محمد واخواني؟
_غل :: شبيهم؟
_قس :: ما اعتقد يوافقون على طلعتي؟
_غل :: انتِ جهزي نفسج انا اتصل عليهن وانطيهم علم
غلقت الاتصال من غل بعد ما استوعبت الي جان يحجي يعني اليوم عندي سفرة للحلة. !!!.
" شاهيناز "
بيوم الي حجة ويانا السيد على قرارة وسفرتنا للحلة
صفنت مافاهمة قرار السيد وليش مصر نسافر للحلة
طلعت من المصلى اني والبنات متجمعات حول العلوية لباب
باوعتلها وحجيت بفضول
_شاهيناز :: علوية زين ليش نسافر للحلة؟
_لباب :: قدس جاي تمر بفترة صعبة تحتاجنا كلنا وياها لهذا عبد الروؤف قرر نسافر كلنا للحلة نغير الها جو وحالياً الجو شتاء وبارد وهناك الحلة اجوائها حلوة ويا البستان كلنا نرتاح ووتعدل نفسيتنا
عرفنا وقتها قرار السيد جان لصالح قدس ونفسيتها والفترة الي جاي تمر بيها وحملها
جانت تحتاج الكل والسيد قرر يجيب الها الكل
صادف ب اليوم الثاني
جنت كاعدة ب الحديقة عيوني على نفس المكان الي قدس جانت كاعدة بي
متذكرة كلشي صار بهذاك اليوم
سمعت صوت باب البيت ينطرق
بقيت كاعدة بمكاني اهز رجلي كل شوي امسح على وجهي متوترة
اجه ابالي موقف جادح وشنو صار بيومها
عصرت عيوني اعض على ايدي بقوة
شاهيناز عقلج وين جان شلون تحضنين جادح... بس اني ماجنت واعية وقتها وجنت خايفة !!!
اففف اتحسرت بقوة مزعوجة ومقهورة من الي صار فعلاً ماجنت مستوعبة وقتها ولا واعية وحركتي صارت بغير قصد
اني شفت الأمان ب جادح وقتها لهذا ركضت عليه !!
كمت من مكاني اطلع من الحديقة
وكفت بنص الحديقة اسمع صوت همسات جاي من الجهه الخلفية للحديقة
تمشيت اشوف شنو جاي يصير
باوعت لجهه الي تربط الحوش ب الحديقة
شفت عمتي جهاد واكفة بوسط الحوش كدامها بنية شابة تبجي
صاحت عمتي بيها بعصبية خازرتها
_جهاد :: امشيييي طلعييي برااااا
_خلود:: ما اطلع. علوية سمعيني الله يخليج
_جهاد:: تعانديني خلود !!!
خلت خلود ايدها على وجهه تبجي بحزن وعمتي كدامها تباوعلها بعصبية
التفتت عمتي تباوع للمكان تشوف اذا احد موجود ويسمع لو لا ماجانت تعرف بية موجودة
حجت عمتي
_جهاد:: خلود جيتج هاي ووكفتج هنا ماتجي منها غير المشاكل
_خلود:: هاي اخر مرة تشوفيني بيها علوية
باوعت خلود لعمتي وحجت بقهر
_خلود :: علوية اتوسل الججج بس هل مرة
_جهاد:: لااا. وكومي طلعي يلاااااا
_خلود:: ما اطلع اذا ما اكمل الي اجيت علمودة
خزرت عمتي خلود عيونها تريد تطلع من مكانها دنكت خلود راسها بخوف
حجت عيونها ب الارض تفرك ب ايديها
_خلود :: اخر مرة علوية
_جهاد :: استحي على نفسج خلود ماعندج ضمير تردين تخربين بين اثنين؟
رفعت خلود راسها تباوع لعمتي والدموع مالية عيونها
_خلود :: انيييي ماريد هذا الشي
_جهاد :: اذن شنو تفسرين جيتج لهنا؟
_خلود :: بس احجي ويا شوي وبعد اقسم الج راح اختفي وماراح تشوفيني بعد
زفرت عمتي النفس بعصبية وحجت
_جهاد :: ما موجود
_خلود :: علوية اتوسل الجج
_جهاد :: تتوسلين الي لشنوو خلود فعلاً غل ماموجود راح يجيب خطيبتة من بيتهم
سكتت خلود عيونها ب الارض تبجي ب انهيار وعمتي كدامها تباوع الها ما عرفت افسر نظرات عمتي شفقة.. خوف... عصبية.
باوعت لخلود مستغربة حسيت نفسي سامعة هذا الاسم قبل بس وين
سحبت عمتي خلود من ايدها تهمس ب اذنها حاولت اسمع وافهم شنو الي حجته الها ماكدرت
هزت خلود راسها ب اي
عيونها غركانة دوم وشايفها يرجفن
مشت عمتي ب اتجاه باب البيت فتحت الباب واشرت لخلود
_جهاد :: يلا... !!!
مشت خلود ب اتجاه باب البيت حتى تطلع باوعت لعمتي وحجت
_خلود :: اذا راح تسمعين عني خبر ب المستقبل ب هوا خبر موتي علوية
سكتت عمتي عيونها بعيون خلود
طلعت خلود من البيت وعمتي سدت الباب وراها صافنة ب الارض اتحسرت عمتي
وحجت
_جهاد :: شاهيناز المرة الثانية عيونج الي شافت واذنج الي سمعت اندمج على الساعه الفكرتي تجسسين بيهن
انصدمت واكفة بمكاني عيوني على عمتي حتى بدون ماتباوعلي ولا تحسسني هيا تعرف بوكفتي
مشت تدخل للبيت تحت صدمتي شلون شافتي !!!.
اتناسيت الموقف الي صار وقتها وما اهتميت لموضوع خلود بكد ماهتميت وخفت من عمتي وشلون عرفت بوكفتي
بنفس اليوم اجت قدس وغضنفر وجميلة وجادح وشذى وعماد ابنهم
تمشيت ب اتجاه قدس احضنها واسلم عليها
رغم كل الي صار والي مريت بي وقتها رغم هذا كله ما اكدر احقد واخاف منها
ما اكدر ابتعد عن قدس لان الي صار مو ب ارادتها
اخذتها بحضني اسلم عليها
ردتلي السلام بس بخجل. جانت خجلانة مني وخجلانة من الي صار جانت محملة نفسها ذنب الي صار. رغم هيا مو السبب ولا الي صار ب ايدها
كعدنا كلنا نسولف نحاول نطلعها من الي بي. بس هيا ماجانت ويانا بالها جان بعيد وصفنتها ماتفارقها
كل دقيقة تمر اشوفها تمسح بدموعها الي تطيح من عيونها تحاول تخبي حزنها بس شكد ماحاولت جان واضح بعيونها
سمعت صوت قس جاي من الخارج طلعنا اني والبنات من الغرفة شفت قس واكفة ب الصالة تسلم على العلويات
ركضت قدس ب اتجاه قس حاضنتها
تبادلن الحضن بشوق ولهفة
قدس جانت محتاجة هذا الحضن محتاجة اختها توكف بجانبها
سلمنة اني والبنات على قس وحضناها فرحانين بيها
جانت فرحتها مو اقل منا ويمكن فرحتها بشوفة اختها اكبر من اي شي
مر الوقت وكعدنا نحظر نفسنا لطلعة
جنا متوزعين على السيارت كل مجموعة ب سيارة
حجت ملاك ب انزعاج
_ملاك :: هاي ليش انتن بسيارة واني بسيارة؟
_عاتكة ::انتِ وفقار بسيارة اني والبنات بسيارة
_قس :: اني ما موافقة ليش احنا المتزوجات ما مشمولات وياجن ب السيارة
_شاهيناز :: لان كل وحدة بيجن راح تركب ويا زوجها
انزعجن البنات وقتها لان كل وحدة راح تصعد بسيارة شكل ويا شخص شكل الي تصعد بسيارة اخوها والي تصعد بسيارة زوجها
سمعنا السيد نتعارك ب الصالة على كعدة السيارة
ابتسم وطلع من البيت
ضربت ملاك على رجلها وحجت
_ملاك :: وحدة تجي وياي بسيارة فقارررر مابقى وحدي اريد اسولف؟؟؟
_مهجان :: شوفي عاتكة
_عاتكة :: لا اني ويا غضيمر وايليا
كلبن وجهن مزعوجات من عدنا شلون راح نتجمع بسيارة وحدة وهنا للا
وقت موعد الطلعة
كلنا طلعنا من البيت نركب ب السيارة الي توزعنا عليها
انصدمنا من شفنا السيد واكف كدام سيارة " كوستر " وجادح صاعد ب السيارة يضحك
التفت علينة السيد مبتسم
اشر النا على السيارة وحجة
_عبد الروؤف :: الي يردنه ورداتي يصير
_جهاد :: هاي شنو سيد؟
_عبد الروؤف :: الكل يصعد ب السيارة بس السادة لا
بقينا واكفات عيونة على السيد والسيارة مصدومات معقولة السيد بس سمعنا نحجي قرر يجمعنة كلنا بسيارة وحدة !!
صعدنا كلنا ب السيارة فرحانات وحفيدات العلوية لباب ويانا جميلة وعمتي والعلويات الكبار كلنا بهاي السيارة
والسادة بسيارة فقار وغضنفر
باوعت لجادح يمسح على مراية السيارة يعني هوا الي راح يسوق
صعد السيد ب السيارة
باوعلنا وابتسم
_عبد الروؤف :: اكدر اشارك ورداتي هاي الكعدة؟
صحنا كلنا من مكانا اي فرحانات بجية السيد
ابتسم السيد وكعد
جان كرسي السيد على جامة اليسارة بقرب الباب
مشة جادح وفقار وغضنفر بسيارتهم خلفنا السادة وياهم
حجة السيد
_عبد الرؤف :: باقة الوردة من نشتريها تجي باقة وحدة جامعة الوردات كلهن لهذا انا ماقبلت اشوفجن كلجن بسيارة وحدة
ابتسمت بفرح لكلام السيد
التفت علينة السيد مبتسم
حجة
_عبد الرؤف :: انا مشتاق لكعدة ورداتي. قدوسة بنيتي شلونج
_قدس :: بخير سيد شكرا لسؤالك
ابتسمت السيد ودار يباوع من الجامة
التفت على بنات نسولف فرحانات بموقف السيد وشلون فكر بينا وكدر يفرحنا بهذا الموقف
حجت شذى كاسرة الهدوء الي صار
_شذى :: سيد اني احب اهتمامك لحفيداتك
هز السيد راسة وحجة بدون مايلتفت
_عبد الرؤف :: الي يحب كلشي يسوي
_عاتكة :: مثل علاقتنا ب الله سبحانة وتعالى لان نحبة نسوي كلشي يحبه الله
التفت علينة السيد مبتسم
هز راسة وحجة
_عبد الرؤف :: اكيد المحب اذا احب يبحرُ في بحر حبيبه. هاي قاعدة ثابتة الحبيب يسوي كلشي حتى يرضي حبيبه
كمل السيد كلامه
_عبد الرؤف :: هاي مو بس علاقتنا ب المقابل احنا علاقتنة ويا الله وعلاقة الله ويانا كذالك نفس الشي
_شذى :: شلون سيد يعني الله يسوي كلشي علمودنا لان يحبنا؟
هز السيد راسة ب اي وحجة
_عبد الرؤف :: بنتي شذى انا احب احفادي ومستعد اضحي علمودهم ب اغلى ما املك.رغم احفادي ببعض الاوقات يخطأون لاكن انا ماشوف اغلاطهم لا حبي الهم يعمي على اغلاطهم
كمل السيد كلامة
_عبد الرؤف :: قاعدة المحب مثل حب الله النا
احنا شكد مانغلط وننجرف للغلط رغم هذا الشي حرام والله امرنا نبتعد عن هذا الغلط. لاكن الله مايشوفنا ب اغلاطنة يشوفنا بنظرة هذا عبدي وحبيبي. الله سبحانه وتعالى مايحقد على عبدة شكد مانغلط مرات الله يسامحنه وينطينه فرصة لتوبة وفرصة لتصحيح الغلط. وحتى واذا ماتبنة الله سبحانه وتعالى مايوكف حياتنا على غلط احنا افتعلناه ب ايدينا. لا يسامحنا وينطينا نشوف هسة شكد ماغلطنة الله ينطي النا ومايعوفنا يطلعنا من المصائب ويسحبنا عن الفضيحة
كمل السيد كلامة
_عبد الرؤف :: مثال
اليوم عاتكة غلطت بحقي غلط جبير وذنبت ذنب جبير وفعلت فعل انا محذرها انو ترتكبه. انا عبد الرؤف راح ابتعد عن عاتكة وراح ابني بيني وبينها حواجز وحدود راح اهجرها من الكلام وراح ابتعد عنها هذا انا جاي احجيلكم عن نفسي
_عبد الرؤف :: لاكن الله سبحانة وتعالى مو مثلي لا احسن مني لان عاتكة شكد ماغلطت واذنبت الله ما ابتعد عنها بقى وياها واكف وياها ساندها
علاقتنة ويا الله هيا العلاقة الوحيدة رغم اغلاطنا مانتحساب عليها
اليوم علاقة البشر ببعضة صار الها حدود تعبر هذا الحد تنتهي علاقتي وياك شكد ماجانت علاقتي وياك قوية شكد ما انا احبك واهتم بيك وانت تحبني بس اكو حواجز
_عبد الرؤف :: الله سبحانه وتعالى شكد مانغلط مسامح غفور صح راح نتحاسب على اغلاطنة بعدين بس هم اكو امل الله يسامحنا عن الغلاط والذنوب الي فعلناها ب ايدينا متى؟ من يشوف التوبة من عدنا
_عبد الرؤف :: لهذا يا ورداتي اتمنى تصلحون علاقتكم ب الله لان بس هاي العلاقة الي تحصل بدون مقابل الله ينطني بدون مقابل ويسامحك رغم اغلاطك ويحبك بعيوبك ويغفر الك شكد ماغلطت
كمل السيد كلامة وابتسم
دار منطينة ضهره عيونة على الطريق
باوعت من جامة السيارة صافنة على الطريق كلام السيد يدور براسي فعلاً احلى علاقة يعيشها الانسان هيا علاقتة ب الله
مر الوقت ووصلنا لبيت السيد عبد المقتدر جان السيد واحفادة منتظرينا برا نزلنا من السياره
تقدمو ب اتجاهنا يرحبون بينة
وهيج مرت الايام ب الحلة عند السيد مقتدر ايام حلوة وهادئة ويا ناس نحبهم ونعتز بيهم
" عاتكة "
بيوم جنا كاعدين ب البستان اني والبنات
فارشات ب الارض وملتمات عيونة على اجواء البستان وجمال الجو
رفعت عيوني اباوع للسما مبتسمة
التفتت على البنات وحجيت
_عاتكة :: راح تمطر
رفعت ملاك راسها تباوع للسما هزت راسها وحجت
_ملاك :: اي السما مغيمة
جريت نفس نسمة برودة تضرب بوجهي
باوعت للبنات كل وحدة بعالم خاص
مهجان صافنة عيونها ب الارض
وقدس نايمة بحضن قس ثنينهن صافنات
ملاك تباوع للسما
التفتنا كلنا على صوت عمتي من الخلف
باوعت لعمتي جانت تحجي ويا العلوية لباب بيدها طوبة
باوعلتنا وضحكت
_جهاد :: يلا يلا رياضة
استغربنا كلنا مافاهمات
وكفت عمتي كدامنا خازرتنا
_جهاد :: يلا ولجننننننن
وكفنا كلنا نباوع لعمتي
العلوية لباب وراها تصيح على العلويات البقية
طلعن العلويات الكبار من البيت جايات ب اتجاه البستان يضحكن
عمتي تباوعلهن مبتسمة
حجت العلوية شريفة وهيا تعدل ربطتها
_شريفة :: يلا يمة اني ولباب وزهراء بفريق
_جهاد :: علوية فدوة اروحلج وين تكدرون تلعبين انتِ كعدي شجعي انتِ وامي وعمتي
التفتت العلوية لباب على عمتي وصاحت
_لباب :: ولج جهيدة ليش تخليني انزع الي برجلي
همست قس تسمعنا
_قس :: هسة عرفت العلوية جهاد عليمن طالعة
حجت عمتي
_جهاد :: عمةةة. وين تكدرن تركضن
_زهراء :: نكدر نكدر يلا ولجن
صفنت عمتي على العلويات الكبار
هزت راسها ماراضية والعلويات الكبار متحمسات يعدلن بملابسهن
طلعن حفيدات العلوية لباب من البيت جايات ب اتجاهنا وخلفهن جميلة وشذى
تجمع الكل حول عمتي جهاد نسمع الها
_جهاد :: " منة الله " كريمة " مبين " خدلجة " عطاء " وديان " جميلة " عمتي لباب "علوية شريفة فريق
_جهاد :: " عاتكة " شاهيناز " مهجان " قس "حميدة " حوراء " ملاك " شذى " واني بفريق
صاحت قدس بزعل
_قدس :: واني؟؟؟؟
_جهاد :: انتِ والباقين تشجعونا
_قدس :: لاا عمة اريددد العب
_جهاد :: تلعبين وانتِ حامللل ؟؟؟
حجت قدس ب ابتسامة
_قدس :: اي نلعب اني والي ببطني
_جهاد :: اشششش لااا ماكو لعب
_قدس :: عمةةةة حبابة !!!!.
حجت عطاء بضحك
_عطاء :: ليش ماتبقى واكفة الي يجيب هدف تباركله
_قدس :: عطاء؟
_جهاد :: كافي سكتن. وعطاء ترا انتِ الحارس
صفنت عطاء على عمتي وقدس تضحك
حجت عطاء ب اعتراض
_عطاء :: لاعمة اريدد العب
_جهاد :: لااااا. وحميدة انتِ حارسنا
_قس :: مايصير هما عدهم حارسين واحنا واحد
#سراج_الساده
#غسق_الادريسي
#تكملة_بارت٣٧
______________________
التفتت عطاء على قس يتناكرن
كملت عمتي كلامها
_جهاد :: امي الحكم
_زهراء :: اي امها الحكم. متونسة امها الحكم
_جهاد :: يمة؟؟
_زهراء:: اييي شنووو يمة شريفة ولباب يلعبن واني هنا اركض وراجن اصفرلجن
حجت العلوية شريفة ايدها على خصرها
_شريفة :: هاي بدايتها هيج
_جهاد :: يمةة انتِ مريضة رجلج ماتكدرين تركضين
دارت العلوية زهراء وجهه ضايجة والعلوية لباب وشريفة يضحكن عليها
حجت وياها عمتي تقنعها واني والبنات ركضنا كل فريق بجهه منتظرين العبة تبلش
وكفنا كلنا بمكانا والعلوية لباب كدامنا ترفع ب ايدها وتنزلها تصيح
_لباب :: احماءءء يمه احماء
_خدلجة :: يمة اذا ماجبتي علينه هدف مايطلع اسمي خدلجة
_لباب :: اسكتي ولج ماتعرفيني ب العب زين
ضحكنا كلنا وعمتي اجت ايدها ب ايد العلوية زهراء
وكفت العلوية زهراء بوسطنا الطوبة ب ايدها رفعتها وصاحت
_زهراء :: هاي شريفة لاتطيح وتنكسر عليمن تلعب
_جهاد :: يمةةةة
_شريفة :: تسمعيها جهادد
_زهراء :: يلاااا 1.2.3....
عافت العلوية زهراء الطوبة واحنا ركضنا عليها
ركضت قس قبلنه اخذت الطوبة وركضت ب اتجاه مرمى الفريق الثاني ركضت عليها جميلة شايلة ملابسها من الارض
اني وشاهيناز ورا قس نركض وعمتي ورانا
اخذت شاهيناز الطوبة من قس وركضت اجت العلوية لباب تمشي ب اتجاه شاهيناز
صاحت
_لباب :: ولج يمة شاهيناز انطيني الطوبة
_شاهيناز :: علوية وين صايرة هاي بدايتها غش
اخذت قس الطوبة من شاهيناز وشمرتها ب اتجاه مرماهم عطاء ما جانت منتبهه اجت الطوبة ب مرماهم
طفرت من مكاني فرحانة ب الهدف الاول اني والبنات
التفتت العلوية لباب على عطاء ترزل بيها
_لباب :: شطولج ماعرفتي تبعديها
_عطاء :: يمةةة وين شفتها
_قس :: هدددفففففففففف
فرحنا كلنا ب الهدف الاول نطفر بنص البستان
رجعنا بلشنا لعب وهل مرة الطوبة صارت عند عمتي ركضت عمتي ب اتجاه عطاء تريد تكول
سحبت العلوية لباب عمتي من ملابسها رجعت عمتي ورا مصدومة من السحبة الي اجتها
اخذت العلوية لباب الطوبة وركضت بيها ب اتجاه عطاء
بقينا كلنا واكفين نباوع للعلوية وهيا تسدد بمرماهم
عطاء واكفة بمكانها صافنة على العلوية لباب والعلوية زهراء عاوجة حلكها الصفارة ب ايدها
سددت العلوية لباب على فريقها هدف رجعت علينة فرحانة متوقعة جابت هدف
صفنت عليها عمتي مستغربة منها
لطمت خدلجة على وجهه
_خدلجة :: يمةةة جبتي هدف علينةةةة
_لباب :: شنوو ولج
_عطاء :: ماتوقعت انغدر منج
_كريمة :: متونسة يمه متونسه
بقت العلوية لباب صافنه علينة واحنا نبادلها الصفنة
هزت عمتي ايدها وصاحت
_جهاد :: هدفين النا
_لباب :: لااااااا ماينحسب
_زهراء :: لا ينحسبب
_شريفة :: هااايييي يلباب ارتاحيتي هسة
حاولت العلوية لباب وحفيداتها ويا عمتي والعلوية زهراء بس لا العلوية زهراء جانت متونسة على الهدف كل شوي تصيح
_زهراء :: ماتعرفننننن تلعبببنننن
صارت عيوني على قس شفتها تكبر ب مرمى (كول) فريق العلوية لباب مستغلة انشغال عطاء والباقيات جانت المرمى عبارة عن صخرات ثنين كبار
اجت قس تركض مبتعدة عن المرمى
ركضت عليها مصدومة منها
سحبتها من ايدها وحجيت
_عاتكة :: ولج قس حرام نغششش
_قس :' هذااا مو غش هذا ضمان الفوز
بقيت صافنة عليها ما اعرف شحجي
رجعنا نلعب مرة ثانية وهل مرة العلوية لباب شادة حيلها علينا
صارت الطوبة عند ملاك ركضت شذى تريد تاخذها من ملاك سحبتها ملاك رافضة تنطيها الطوبة
دفعت شذى ملاك من كتفها بقوة
الفتت ملاك على شذى مصدومة
ما انحس غير ملاك ساحبة شذى يتعاركن
ركضنا كلنا عليهن والعلوية زهراء نزعت نعالها رافعتة
صاحت بيهن
_زهراء :: بطاقةةة صفرةةة
سحبت ملاك شذى ب الارض تضربها
رجعت العلوية زهراء صاحت
_زهراء :: ولجننن بطاقة حمرةةة مطرودات. ياااا يااااا ولجججن
التمينا كلنا نحاول نفاكك بيهن وهنا مو يمنا ملتهيات ب العرك صاحت العلوية زهراء
_زهراء :: اجتجن ببطاقة نعالية
حجتها وطاحت عليهن ضرب ب النعال صرنا نريد نبعد العلوية زهراء عن ملاك وشذى هل مرة
ما اعرف شلون اخذتني عيوني على مرمى فريق العلوية لباب
فتحت حلكي مصدومة من شفت قس راجعة تكبر بمرماهم وتبعد الصخرات
ركضت جميلة تريد تفزع لشذى صارت شاهيناز كدامها مانعتها تتقدم
بعدت عمتي والعلوية لباب ملاك عن شذى يرزلن بيهن
رفعت راسي للسما بدت تمطر
الكل رفع راسة يباوع للمطر ينزل على الارض
حجت العلويه شريفة
_شريفة :: مطرت شلون نلعب
_جهاد :: عادي نكمل
رجعنا نلعب جوا المطر
هل مرة الاجواء تغيرت وصارت ممتعه اكثر
صرنا نلعب والمطر ينزل علينة
واحنا نضحك فرحانات
جان يوم مميز وجميل انحفرت ذكرة هذا اليوم بعقلي مستحيل تنسي رغم كل الي صار بس كدرنا نضحك ونفرح
حسيته يوم
غير الجو بارد
المطر ينزل من الغيم
قطرات المطر تلامس خدي
شمرت الربطة على كتفي وركضت
المطر ينزل فوگ راسي وبرودة الجو
بس الفرح الفرح جان دافي
كل خطوة أخطيها ماي المطر يضرب ب اقدامي البنات يركضن شالاتهن تهتز وحركاتهن تملي المكان حياة
الطوبة طارت يمي صاحت شاهيناز تشجعني
–شاهيناز:: شوتيها عاتكة جيبييي الهدف
رفعت رجلي وشتتها
انطلقت الطوبة بسرعة متوجهه للمرمى
صرخت اني والبنات ب الهدف الي جبته فرحانات
باوعت لقدس تطفر بمكانها وتصفگ
ركضنا نضحك ب اتجان قدس
قبل لانوصل لقدس عثرت شاهيناز وطاحت على وجهه بنص الطين والماي
التفتنا عليها توقعت تأذت
انصدمت من انفجرت ضحك نضحكنا وياها
المطر صار يزيد وصوته فوك ورق الأشجار صار مثل التصفيق
حسيت الدنيا كلها تشجعنا
حاوطنا كلنا قدس نضحك ونطفر المطر ينزل علينة والهوا يعبر من بين الشجر حول البستان
شفت لمعة البنات جوا المطر وفرحتهن
لمعة من نوع خاص
كلنا جنا فرحانات حتى جميلة وشذى ويانا كلنا نضحك بفرح
باوعت لعمتي مكتفة ايديها تباوع النا مبتسمة بفرح
باوعتلنا العلوية لباب وصاحت
_لباب :: ولجننن يلا جوا لاتتمرضن
ركضن العلويات الكبار ب اتجاه البيت
عكسنا اني والبنات بقينا واكفات بمكانة عمتي ويانا تباوع للبستان
ما اعرف شلون اوصف الي جنت احسه واشوفة بعيوني
البستان جبيررر ومتروس خضار
نخل.... اشجار... الحشيش يملي الارض
والمطر ينزل بغزارة
وكفنا نلهث من الركض
التفتنا على عمتي مشت ب اتجاه نخلتين ب نص البستان
كعدت ب الارض ضهرها على جذع النخلة
ركضنا اني والبنات ب اتجاه عمتي
كعدنا جوا النخلة محاوطات عمتي
باوعت للبنات شالاتهن ملتفة على أكتافهن
وكل وحدة عيونها تلمع من المطر
وسط كل هالفرح… حسيت نفسي جزء من المطر جزء من الأرض جزء من ضحك وفرحة البنات لحظة ما تنعاد لحظة تخلي الروح تصير أطيف أخف وأصدق
حجت عمتي بهدوء
_جهاد :: الفرح والشعور الي نحس بي حالياً مايحتاج شمس... يكفي مطر وگلوب دافية
" مهجان "
طلعت من الحمام مشيت ب اتجاه الغرفة فتحت باب الغرفة
باوعت للبنات اضحك
شفتهن كاعدات يتراجفن وحدة محاوطة الثانية وعاتكة بنصهن ترجف
حجت قس تنفخ على ايديها
_قس :: لو سامعات حجي العلوية لباب وطابات للبيت
_شاهيناز :: ب.. ببب... باردة
_عاتكة :: بلاعيمي تأذيني
ضحكت عليهن
فعلاً الدنيا باردة والجو صار ثلج
واحنا دخلنا للبيت بعد السيد شافنا كاعدات بنص البستان والمطر فوك روسنا
سحبت البطانية اغطي روحي رجلي قالب من الثلج
رفعت راسي باوعت للبنات حجيت
_ مهجان :: بنات تلفوني وين
_عاتكة :: على الشحن بغرفة العلوية شريفة
كمت من مكاني الربطة فوك راسي
فتحت باب الغرفة وطلعت من الغرفة متوجهه لغرفة العلوية شريفة
وكفت بباب الغرفة طرقت الباب مكتفة ايدي لصدري ادفي جسمي
اجاني صوت العلوية شريفة
_شريفة :: منو
_مهجان :: اني مهجان علوية
_شريفة :: تعاي مهجة يمه تعاي
فتحت باب الغرفة باوعت للعلوية شريفة كاعدة ب الارض القرأن بحضنها
باوعتلها وحجيت
_مهجان :: ها علوية قاطعتج
_شريفة :: لا يمة ماعندي شي توني كملت جنت اقرة سورة الرعد. امريني مهوجة يمه رايدة شي؟
_مهجان :: ما يأمر عليج ظالم علوية. تلفوني هنا؟
هزت راسها واشرتلي على الميز
_شريفة :: اي بنيتي على الميز موجود ملاك جابنه يشحن
تمشيت للتلفون اخذته من الميز هوا والشاحنة
التفتت للعلوية شريفة تشكرتها وطلعت من الغرفة
تمشيت اريد ارجع للغرفة
سمعت صوت برق قوي جاي من الخارج
صار عندي فضول اطلع اشوف الجو
تمشيت ب اتجاه باب البستان
فتحت الباب وطلعت من البيت مطر خفيف هل مرة بس الرعد قوي
بقيت واكفة بباب البستان عيوني على السما مبتسمة
التفت على صوت حمحمة جاي من وراي
باوعت وراي شفت مشواق واكف بعيد عيونة ب الارض
حجة مدنك راسة
_مشواق :: بلا زحمة عليج علوية اريد اطلع للبستاز
هزيت راسي ب اي بدون ماحجي شي
ابتعدت عن باب البستان سامحتله يطلع من البستان
اتمشه يطلع من البستان
التفت اطلع من المطبخ استوقفني صوت مشواق من خلفي.
_مشواق :: علوية
وكفت بمكاني اسمع اله
درت راسي شفته واكف بباب البستان عيونة ب الارض
حجة
_مشواق :: علوية مو كافي؟
عكدت احواجبي ب استغراب
_مهجان :: شنو ال كافي؟
_مشواق :: كافي حقد وجفاء علوية
هزيت راسي مافاهمه شي من كلامه
كمل كلامه
_مشواق :: علوية انا غلطت وانا معترف بغلطي اعتذرت الج وكتلح الي صار جان بدون قصد
_مهجان :: سيد مشواق اني ماجاي افهم قصدك اذا تقصد الي صار قبل ف اني مسامحتك الموقف قديم ومر عليه سنوات. واذا قصدك على تأنيت الضمير ف لاتهتم اني ناسية كلشي
هز معراج راسة وحجة نافي كلامي
_مشواق :: لا انتِ بعدج حاقدة علية من الي صار
_مهجان :: ماكو هيج شي سيد !
_مشواق :: لا اكو
_مهجان :: شلون استنتجنت هذا الكلام؟
_مشواق :: سبب رفضج الي
سكتت افرك ايدي بتوتر
كمل كلامه
_مشواق :: انا اعتذرت هواي ومستعد اخلص عمري اعتذر منج
_مهجان :: سبب رفضي موو الي صار
_مشواق :: لااا بسبب الي صار
_مهجان :: ماكو هيج شي !!!
_مشواق :: انا متأكد من كلامي انتِ حاقدة علية !!
_مهجان :: اني ماحاقدة بس اني ماريدك
سكتت وهوا سكت
على طول حديثنا عيونة جانت ب الارض
كملت كلامي
_مهجان :: اني ماحاقدة عليك سيد اني بس ماريدك
_مشواق :: ليش علوية بيه غلط انا !
_مهجان :: لا سيد مابيك غلط بس اني موافقة على داوود
بمجرد حجيت هيج
رفع عيونة مصدوم عكد حواجبة وحجة ب استغراب
_مشواق :: داوود....بس داوود خطب العلويةعاتكة ؟
_مهجان :: لا... بس هوا جان معتقد اني اخت فقار
انصدم مشواق عيونة تدور ب المكان
كملت كلامي
_مهجان :: سيد اني ماحاقدة عليك ونسيت كلشي صار
_مشواق :: ليش داوود؟
_مهجان :: شنو؟
قبل لا يكمل كلامة سمعنا صريخ جاي من الصالة التفتنا اني ومشواق ركض مشواق سابقني ركضت خلفه
طلعنا من الصالة صارت عيونة على...... !!!!
" ملاك "
باوعت لفقار محاوطني ب ايدية راسي على صدرة نمشي بهدوء ب البستان متوجهين لغرفة السيد الكبير
وكفنا كدام باب الغرفة فتحت فقار الغرفة باوعلي وحجة
_فقار :: يلا ملوكة
دخلت للغرفة عيوني تدور بالمكان
اتنفس براحة من اجاني عطر بخور جاي من المدفئة
جانت المدفئة وسط الغرفة وفراشين بزاوية الغرفة
الارضية مفروشة
ركضت على الفراش بردانة وفقار خلفي يسد الباب
غطيت ب الفراش ادفي نفسي التفت فقار يباوعلي
اتمشه ب اتجاهي يضحك
_فقار': بردانا ملوكة؟
_ملاك :: اي اي باردة
باوعتلة نزع السترة واجه ب اتجاهي
حط السترة على اكتافي وكعد بصفي حاضني
خليت راسي على كتفة وحجيت
_ملاك :: لاتبرد
_فقار': وجودج يدفيني
ابتسمت ساكتة
ابتعد عني باوعتله اخذ قوري الجاي من فوك المدفئة طلع الكلاصات يصب بيهن جاي
باوعلي وحجة
_ فقار :: اجواء شتائية
اخذت كلاص الجاي من ايدة
رجع كعد بصفي غطة رجلينه ب الحاف خليت رجلي على رجليه
رجعت راسي على كتفة اسمع صوت الرعيد من الخارج
حجيت
_ملاك :: اخاف من البرق
_فقار :: يمج انا وتخافين؟
_ملاك :: من عرفتك نسيت الخوف
رفع راسة يضحك
باوعلي وحجة
_ فقار :: ملوكةةة
_فقار :: ذو الفقار
حضني من كتفي كلاص الجاي ب ايدة
سكتنا ثنينه نسمع لصوت المطر والبرق
حجة فقار كاسر الهدوء
_فقار :: ملاك يمتى تحملين؟
_ملاك :: شنو !
_فقار :: اريد طفل
_ملاك :: على كيفك سيد فقار بعد وكت
_فقار :: بكيفج بعد بس انا اريد طفل
_ملاك :: لا ما اريد حالياً خلينة نعيش حياتنا وبعدين نجيب طفل
بعد عني
باوعلي وحجة
_فقار :: وليش الطفل يوكف حياتج !
_ملاك :: ليش انت راح تشيلة ببطنك لو بطني؟
_فقار :: ببطنج بس انا راح اعتني بي
_ملاك :: فقار شبيك؟
سكت يباوعلي
هز راسة بلا سحبني لصدرة يمسح على راسي
رجعنا نسولف بمواضيع عشوائية وفقار يمسح على ايدي
سكت فقار للاحظات
كام من مكانة ركض على باب الغرفة
باوعتلة مستغربة مافاهمة رد فعله
فتح باب الغرفة طلع من الغرفة وواكف ب الباب يتسمع
سمعت صوت صريخ جاي من البيت
ركض فقار واني كمت من مكاني اركض خلفه
طلعت من الغرفة اركض ب اتجاه البيت اسمع صريخ عاتكة والبنات جاي من البيت
المطر ينزل فوكنا اني وفقار
فتح فقار باب البستان الي مربوط ب المطبخ
طب واني خلفة
ركضنا ب اتجاه الصالة
صارت عيوني على قدس شفتها واكفة على الدرج عيونها ب الارض
باوعت للمكان الي تباوعلة مصدومة
فاطمة اخت فقار الصغيرة ام ابيها طايحة ب الارض فاتحة عيونها وحلكها وجهها شاحب دمها مالي المكان
ضربت عاتكة على وجهه تصرخ
_عاتكة :: ماتتتتتت فاطمةةة راحتتتتت
خليت ايدي على حلكي مصدومة
جسمي كله يرجف منظرها وهيا فاتحة عيونها تباوع للسقف خلاني اطيح ب الارض ماكدر اوكف على رجلي
ركض فقار على فاطمه اخته يرجف واخوانها محاوطيها
شال فقار فاطمة وطلع بيها يركض من البيت جوا المطر والكل خلفة يركضون
التفت على صيحة جميلة
انفتحت عيوني بصدمة من الي سمعتة !!!
_جميلة :: قدسسس شفتها بعيوني دفعت فاطمة من الدرج.. !!!!
