رواية سراج السادة الفصل الثامن والثلاثون بقلم غسق ادريس
" شاهيناز "
التفت على صيحة جميلة
انفتحت عيوني بصدمة من الي سمعتة !!!
_جميلة :: قدسسس شفتها بعيوني دفعت فاطمة من الدرج
صارت عيوني على قدس شفتها واكفة على الدرج فاتحة عيونها بصدمة ايديها ترجف
اخذ فقار فاطمة وطلع يركض من البيت والسادة خلفه يركضون
صرخت عاتكة منهارة ب الارض
عيونها على قدس
_عاتكة :: ليشششش قدسسس ليش
صاحت بينة عمتي نسكت عاتكة
ركضت حميدة ومهجان على عاتكة ينقلنها للغرفة
صاحت عاتكة عيونها على قدس
_عاتكة :: اذا اختيي صار بيها شي ماسامحج قدس ماسامحج اذا فاطمة ماتتت قدس تندميننن
دخلو عاتكة للغرفة وام فاطمة عمتي رقية
الكل جان منهار حتى المحسنات عيونهن على نظراتهن كلها ملامة
ب المقابل قابلت قدس رد فعل الكل ب الصمت
دخلت للغرفة وسدت الباب متجاهلة كلام الكل واتهامات جميلة الها
باوعت عمتي لجميلة وصاحت بيها
_جهاد :: جميلة قدس دفعت فاطمة لو هاي جذبة منج !!
صاحت جميلة بعصبية مصرة على كلامها
_جميلة :: بعيوني شفتهااااا تدفعها من الدرج ليش اجذب علوية هاي لو اني دافعتها هم اتحججتي الي ؟
سكتت عمتي صافنة تباوع للكل
صارت عينها على عماد جان كاعد على عتبة الدرج عيونة يبجي عيونة على الدم ب الارض
التفتت على ملاك شفتها كاعدة
عيونها على الارض ايديها ترجف
انخبص الكل بعد الي صار
ماجنت مستوعبة الي شفتة فاطمة الصغيرة جانت طايحة ب الارض بين الحياة والموت
خليت ايدي على وجهي ابجي بحركة يارب ماريد انفجع بيها بعدها صغيرة
جنت اسمع بجي وصياح عاتكة جاي من الغرفة
غمضت عيوني اسمع لبجيها
ماكدر اشوفها بهل حالة
عاتكة هواي متعلّقة بفاطمة اختها
تعتبرها بنتها اكثر من اختها
عمتي والعلوية لباب يرحن ويرجعن التلفون ب ايديهن يحاولن يتصلن على واحد من السادة يعرفون اخبار فاطمة
رفعت راسي اشوف قس ماموجودة اكيد لحكت قدس اختها
بعد مرور الوقت دخل الكل للبيت
كمت من مكاني ادور بعيوني فاطمة
شفتها شفتها بحضن فقار شايلها لصدرة
جانت نايمة راسها ملفوف
وجهه شاحب واصفر واضح التعب عليها
ركضت عمتي رقية وعاتكة على فقار ياخذن فاطمة من حضنة اباوع لفاطمة فتحت عيونها بتعب من شافت امها كامت تبحي متوجعة اخذتها عمتي ودخلت للغرفة تبجي وياها
عرفت بيومها ضربة فاطمة جانت ضربة خارجية والحمدلله مأثرت بيها من الداخل وكدرو يسيطرون على حالتها
ب اليوم الثاني
جنت اني والبنات كاعدات ب الصالة نحاول نقنع قدس انو الي صار مو ذنبها وهذا قضاء وقدر بس لا قدس جانت مصرة تحمل نفسها الذنب
بنص السوالف دخلت جميلة على الخط
وكفت كدام قدس هزت ايديها وحجت
_جميلة:- صدك تحجن كاعدات تقنعها مالها ذنب ليش تردنها تزيد ب افعالها؟
_مهجان:- خيرررر جميلة؟
_جميلة:- خير بوجهج علوية...
دارت جميلة على قدس باوعتلها وحجت بعصبية
_جميلة:- قدس ماصايرة هاي ابتعدي عن الناس لاتأذيهم يعني تشوفيهن لان يحبنج كاعدات يقنعجن انتِ مو مذنبة واني بعيوني شفتج تدفعين الطفلة من الدرج انتِ خطر على غيرج انتِ وجودج شرررر
كمت من مكاني معصبة من كلامها وطريقة استفزازها لقدس
اباوع لقدس مدنكة راسها تباوع لايديها صافنة
توني اريد ارد عليها ودخل جادح للصالة خلفة عمتي جهاد ب ايدها عماد
باوع جادح لجميلة
حجة وياها صاك على سنونة بعصبية
_جادح :: جميلة !!!
باوعت جميلة لجادح بتوتر وخوف
حجت ب ابتسامة
_جميلة :: ها ابو عماد عيوني تفضل
_قس :: نفكست كون عيونج
التفتت جميلة على قس بعصبية خازرتها
التفتت قس على جادح مامهتمة لنظرات جميلة
حجت قس موجهه كلامها لجادح
_قس :: ابو عماد تقبلها جميلة تكره البنات ب اختي؟
_جميلة :: ماكرهت احد. اني بس حذرتها لا تتقرب من احد حتى لا تأذي المقابل
صاحت عمتي بجميلة مسكتتها
_جهاد :: اششش جميلة اشششش بعد كل الي سويتي مصرة تجذبين؟؟؟
باوعت جميلة لعمتي ب استغراب
حجت
_جميلة :: شنو سويت اني؟
ضحكت عمتي تهز ايديها ب استهزاء بسبب اصرار جميلة على الكذب
صفن جادح بوجه جميلة خازرها
على صوت صياح جميلة اجه السيد والسادة الباقين مستغربين صوت الصياح والمشاكل
باوع جادح لسيد وابتسم
حجة بتهلي
_جادح :: اجيت بوقتك سيد
_عبد الرؤف :: شصاير شنو صوت الصريخ هذا؟
_جادح :: ظهر الحق سيد
حجاها وبأوع لجميلة بحقد وغل
الكل صار يباوع لجادح ب استغراب شنو جاي يصير محد فاهم !.
حجة جادح ناهي تسألات الجميع
_جادح :: انا من قبل ماجنت متقبل فكرة رجعة هاي الانسانة لحياتي والسبب اعرف وجودها شر للباقين
_جميلة :: جادح ليش تحجي هيج !!!
حجت عمتي خازرة جميلة
_جهاد :: جنت متوقعة حادث ابنج والي صار راح يصحيج على نفسج وتبيضين سوادج من الداخل
حجة السيد ب انزعاج
_عبد الرؤف :: كافي مانحتاج نفتح صفحات جديدة من المشاكل وانا ما اقبل عليكم تحجون ويا ام عماد بهاي الطريقة
_جادح :: سيد اسمع واحكم
التفت جادح على عماد ابنة اشرلة ب ايدة يجيه
ركض عماد على ابو مدنك راسة خايف
باس جادح عماد براسة
باوع لعماد وحجة بتشجيع
_جادح :: احجي بابا عماد احجي الي شافتة عيونك
اباوع لعماد مدنك راسة يفرك ب ايدية خايف ومتوتر
صاحت جميلة بعصبية وعدم رضا تريد تسحب عماد من ابو
_جميلة :: كافي جادح هاي المشاكل راح تأثر على عماد !!
_جادح :: ليش والي شافه منج ماراح يأثر
_جميلة :: ش... ششنو شاف مني؟
_جادح :: عماد
نطق عماد بكلماته الي جانت سهم لجميلة وصدمة للكل
_عماد :: امي هيا الي دفعت فاطمة من الدرج مو خالة قدس
_جميلة :: عمادددددد !!!!
_جهاد :: حبيبي عماد شنو السبب الي دفع ماما تدفع فاطمة؟
رفع عماد اكتافة بماعرف
وحجة
_عماد :: فاطمة جانت تلعب على الدرج
ماما شافتها وصاحت بيها حتى تنزل بس فاطمة ماسمعت ماما من حجت لهذا ماما دفعت فاطمة
الكل التفت على جميلة جانت نظرات العصبية من الكل
قابلت جميلة صدمة وعصبية الكل
بنظرة عتب وجهتها لابنها عماد
حجة جادح
_جادح :: لهذا السبب جنت رافض ارجعها على ذمتي.... جميلة
دارت جميلة على جادح تباوعلة عيونها مدمعه
فتحت عيوني مصدومة من الكلام الي سمعتة
باوع جادح عليها ب ابتسامة
حجة
_جادح :: انتِ طالق.....
تحت صدمة الكل طاحت جميلة ب الارض عيونها عليه شلون هيج تنازل كدر يتنزل عنها بعد كل الي صار طلقها بدم بارد
طلع جادح من البيت ماخذ عماد ابنه ويا
كل السادة طلعو من البيت منزعجين ومصدومين من الي صار
قابلنا جميلة الي جانت منهارة ب الارض تبجي وتضرب على وجهه
لاول مرة اشوف العلويات ينسحبن من مكانهن بدون محاولة منهن ماجانت بكلوبنا ولا ذرة شفقة لجميل
التفتت قس على جميلة هزت ايدها وحجت
_قس :: جميلة بس ب الاسم وافعالج. فعل ظاهر ب الشكل ملغي من الخلاق
حجتها ودخلت للغرفة هيا وقدس
اليوم الثاني بقى عماد ب البيت بس جادح والسيد اخذو جميلة وشذى مرجعيها لبيت اهلها
جنت كاعدة ب الصالة اباوع لعماد صافنة عليه
معقولة عماد ماراح يتندم بيوم على الي سوا رغم هذا الصح بس هم يجي يوم ويحاسب نفسة
لان هوا السبب بطلاق امه وابو؟
طلعت عاتكة من الغرفة باوعتلي وباوعت لعماد ابتسمت بوجهه واجت كعدت بصفي
باوعتلي وحجت بحزن
_عاتكة :: مخنوكة حيل
_شاهيناز :: ليش؟
_عاتكة :: بسبب كلامي ويا قدس بيوم الحادثة سمعتها كلام جارح وهسة استحي اباوع بوجهه
ابتسمت بوجهه وحجيت
_شاهيناز :: قدس كلبها ابيض ترا لاتخافين هسة تلكيها ناسية الي صار
_عاتكة:: لا هم ماينطيني كلبي
_شاهيناز:: كومي اعتذري
_عاتكة:: استحي
_شاهيناز:: اني وياج كومي
كمت اني وعاتكة
اخذت ايدي ب ايدها اشجعها اعرف عاتكة خجولة حتى ب اعتذارها
مشينا ب اتجاه غرفة قدس
طرقت الباب من سمعت قدس تسمح ب الدخول
دفعت الباب ودخلت
لكيت البنات كاعدات ويا قدس يسولفن من شافتنا ابتسمت بوجهنا
عفت ايد عاتكة مني
تمشيت ب اتجاه قدس
وكفت كدامها تفرك ايديها بتوتر
باوعت عاتكة لقدس مقوسة حلكها بحزن
_عاتكة :: اسفة قدس
_قدس :: ليش تعتذرين؟
_عاتكة :: كلامي بيوم الحادث جان جارح يمكن قهرتج بكلامي
كامت قدس من مكانها تضحك
حضنت عاتكة لصدرها
اباوع لعاتكة انهارت ب البجي وقدس تضحك عليها تحاول تهديها
جنت اني والبنات واكفات نباوع لقدس وعاتكة ب ابتسامة
ب اليوم الثاني طلعت من البيت اربد اتمشة ب البستان
شد انتباهي من شفت السيد ومفرقد وايليا وغضنفر واكفين ب البستان يحجون
حجة مفرقد بحزن
_مفرقد ': سيد حالتها جداً صعبة
التفت الكل على مفرقد مستغربين
حجة السيد مافاهم
_عبد الرؤف :: منو هاي؟
_مفرقد :: مهرة سيد
عكدت حواجبي ب استغراب ماعرف مهرة منو؟
انسحبت من مكاني خايفة لاعمتي تطلع خلفي واحصل رزالة طايرة
" عاتكة "
التفتت من شفت الكل طلع من البيت يتمشة ب البستان
مشو قس وغل على جهه وقدس وغضنفر وملاك وفقار.والباقين اجو ب اتجاهي يتمشون
اتجمعنا اني واخواني غضيمر وايليا والبنات والعلوية وعمتي نلعب محيبس ونسولف
" ملاك "
جانت ايدي ب ايد فقار نمشي ب البستان ثنينة صافنين على عيونة على جمال البستان
باوعت لفقار
حجيت أشر على مرجوحة صغيرة جانت لصغار البيت
_ملاك :: فقار خلينة نصعد ب المرجوحة
باوع للمرجوحة
عكد حواجبة وحجة
_فقار :: صغيرة هاي ملاك لاتنكسر
_ملاك :: شقصدك فقار لاتنكسر قصدك اني لا انكسر
_فقار :: اي ب الضبط هيج قصدي
باوعتلة صفح ماعاجبني
عفت ايده ومشيت بزعل مبتعدة عن المكان
سحبني من ايدي مانعني اكمل طريقي
_فقار :: ها.... هاا وين
_ملاك :: اريد ارجع للبيت تعبت
_فقار:: لا ماكو رجعه قبل شوي جنا ب البيت كلتي اريد اطلع اتنفس مختنكة.. تعاي
سحبني من ايدي ب اتجاهه
مشة عيونة تدور ب المكان
ترك ايدي ومشة مبتعد عن المكان
مشة ب اتجاه غرفة خاصة ب الاغراض الي مانحتاجها واشياء للسيد والباقين
دخل للغرفة يدور واني ادور حول نفسي فرحانة
التفتت على فقار
طلع فقار من الغرفة ب ايدة حبل طويل يسحبون بيه السيارة باوعلي وضحك يهز راسة
مشة ب اتجاه نخلتين قريبات من بعض
صعد على وحدة من النخل شد بيها الحبل ورجع صعد على الثانية شد بيها الجزء الثاني
جنت واكفة عيوني على فقار وشلون مهتم ويشد ب المرجوحة نزل من النخلة
رجع ب اتجاه الغرفة مرة ثانية
كعدت اتأمل المرجوحة بفرح
طلع فقار من الغرفة بيدة مخدة قديمة متروكة
خلة المخدة على المرجوحة
ركب بيها يجرب قوة تحملها هز راسة ب اي باوعلي وصاح
_فقار :: يلا ملاكي تعاي
ركضت ب اتجاهه فرحانة ب المرجوحة
صعدت عليها اضحك بفرح
دفعني فقار من ورا واني رافعة رجلي اضحك بفرح متونسة
جان شعور ولا احلى الهوا بوجهي والمرجوحة تصعدني وتنزلني
حجيت بفرح اضحك الهوا يضرب بوجهي وفقار من خلف يدفعني
_ملاك :: فقااارررر
_فقار :: عيونة
_ملاك :: فقار اني حاملللل
حسيت ب ايدة ابتعدت عن ظهري والمرجوحة بدت تبطئ التفتت ب اتجاهه شفتة يباوعلي بصدمة مامستوعب الي صار ضحكت اباوعلة
رمش بعيونة اكثر من مرة
حجة بعدم استيعاب
_فقار :: ملاك حامل؟
_ملاك :: اي اي
_فقار :-يعني اكو طفل ببطنج
ضحكت اهز راسي ب اي وكفت المرجوحة ونزلت منها
باوعتلة اضحك على رد فعلة بعدة مامستوعب
التفتت ادور بعيوني شفت مثل خن الدجاج بس هذا خاص ب البط
موجود على مسافة من عدنا
ركضت ب اتجاهه فتحت الباب
باوعت للبط ملتم حول بعض
ركضت على بيضة من بيض البط اخذت البيضة وطلعت اركض ب اتجاه فقار
وكفت كدام فقار باوعتلة وحجيت بضحك
_ملاك :: شوف مثل هاي البيضة موجودة ببطني
ابتسم فقار بفرح توا يريد يحجي ويعبر
استوقفه صوت بطة جاي من بعيد التفتت اباوع شفت البطة جاية ب اتجاهنا رافعة ريشها وجاية تركض
اباوعلها تطفر علي
صرخت مبتعدة منها رجعت تركض خلفي
ركضت منها البيضة ب ايدي وهيا خلفي تركض
" قس "
ركضت كدام غل عيوني تتوزع على البستان هذا المكان من البستان اول مرة اشوفة
التفتت على غل شفتة يباوعلي مبتسم
ابتسمت بوجهه خجلانة من نظراتة
اجه ب اتجاه صافن بوجهي
التفتت اضيع نظراته
رفعت ايدي أشرر على مكان بعيد عاكدة حواجبي استغراب
_قس :: هذا شنو؟
باوع للمكان الي أشر علية
حجة
_غل :: اعتقد سيارة السيد هناك... تعاي نشوف
مشينة ب اتجاه المكان جان عبارة عن مكان منعزل حتى خضار مابي مسيج ومفصول عن البستان
باوع غل للمكان حجة يأكدلي كلامة
_غل :: اي سيارة السيد هنا
_قس :: شوف هاي الدراجة غل
التفت غل على الدرجة جانت دراجة صغيرة دوم اشوف الولد صاعديها
جانت مركونة على جهه
باوعت لغل وحجيت بحماس
_قس :: امنيتي اسوقها
رفع غل حواجبة بدهشة من امنيتي
التفت يباوع حولنا محد جان موجود غيرنا اني وغل
مشة ب اتجاه الدراجة باوعلي وغمز
_غل :: تعاي نحقق الامنية
ابتسمت بفرح اهز راسي ب اي
اخذ غل الدراجة يشوفها فتح المقعد مالتها الابتسامة شكت وجهي من شفت مفتاح الدراجة موجود
باوعلي غل وضحك
_غل :: يلا محد يشوف
_قس :: اكيدددد
اخذ غل الدراجة يشعلها واني واكفة بمكاني شوي واطفر من الفرح
اشتعلت الدراجة باوعلي غل وضحك
صفكت بمكاني فرحانة
طلعها غل يسوقها ب البستان
التفت علي
باوعلي وصاح
_غل :: خليني اعلمج عليها
_قس :: لالا اعرف
_غل :: منين تعرفين سايقتها قبل؟
_قس :: يمعود شبيك سهلة مايراد الها شي
نزل غل من الدراجة واني ركضت عليها
جان غل ماسك الدراجة واني كاعدة على مقعدها رجلي ب الارض
باوعلي وحجة
_غل :: لحظة قس لاتتحركين
هزيت راسي ب اي اطمأن
ابتعد غل عن الدراجة يراسل ب التلفون باوعت لدراجة ايدي صارت على السكان مال الدراجة
ماعرف شلون وماتذكر اني حركت السكان ب ايدي الي اتذكرة الدراجة اتحركت وحدها ب اتجاه البستان
واني اسوقها واصرخ بمكاني مامستوعبة الي صار
التفتت على غل شفتة يركض وراي يريد يلحكني واني اصرخ علية
_قس :: غلللللللللللل
_غل :: قسسسسس اوكفييييي
_قس :: يبووووويييييييييي
" قدس "
بس كل الي صار والمصيبة الي سوتها جميلة وحطتها براسي حسيت الدنيا ظلمت بعيوني
هاي الفترة من اصعب الفترات الي مريت بيها
صرت ماثق بروحي وشكو شي اسمعه عني حتى وان كنت مامسويتة اصدك بكلامهم واكول اي اني هيج سويت
باوعت لغضنفر محاوط كتفي ب ايدية راسة على راسي نمشي ب اتجاه حظيرة الحيوانات
باوعت لغضنفر وحجيت
_قدس :: اريد اكعد تعبت من المشي
_غضنفر :: يلا تعاي نكعد
سحبني من ايدي يكعدني
كعدت ايدي ب ايدة خليتة راسي على صدرة عيوني على الخضار ب البستان
حجيت ب ابتسامة
_قدس :: غضنفر تريد بنية لو ولد
_غضنفر :: الي يجي من الله حلو والي يجي من بطنج راضي بيه
ضحكت مبتعدة عن حضنة باوعتلة وحجيت مصرة على سؤالي
_قدس ': لا غضنفر اريد جواب بنية لو ولد
_غضنفر :: لو اجاني ولد افرح ولو اجتني بنية افرح اكثر
_قدس :: يعني بنية؟
_غضنفر :: تدرين شنو؟
هزيت راسي ب اي اسمعة باوعلي وابتسم بفرح
_غضنفر :: اريد بنية اسميها " فاطمة الزهراء "
_قدس :: فاطمة الزهراء هذا اسمين مو اسم
_غضنفر :: محد راح يصيحها فاطمة وزهراء لا راح يصير اسمها " ام ابيها "
ابتسمت بفرح على الاسم ورد فعل غضنفر هزيت راسي وحجيت
_قدس :: مثل فاطمة اخت عاتكة
_غضنفر :: اي بس بنتي تصير عزيزة
_قدس :: واذا ولد؟
_غضنفر :: اذا ولد عود نسمي بوعد الولادة
ضربتة على كتفة وحجيت ب انزعاج
_قدس :: غضنفر شنو هاي التفرقة
_غضنفر :: بعد مشكلتة انا اريد بنية اتفاخر بيها
مسحت على بطني وحجيت خازرة غضنفر
_قدس :: معليك ماما حبيبي لاتزعل اني اسميك
_غضنفر :: متأكدة وواثق الي بطنج بنية
ابتسمت بفرح امسح على بطني وغضنفر يباوعلي مبتسم
كام غضنفر من مكانة ماشي ب اتجاه الحظيرة
كمت من مكاني امشي خلفة
باوعت للحظيرة شفت بقرتين وجاموسة جبيرة وحدة كاعدة وثنين ياكلن باوعت لغضنفر وصحت
_قدس :: غضنفر حباب حباب خلينة ندخل
_غضنفر :: لا قدوسة ماكو دخلة
_قدس :: حباب غضنفر شبيك ؟؟؟؟
باوعلي لثواني
التفت يباوع للحيوانات
رجع باوعلي وحجة
_غضنفر :: لاتتقربين منهن بس متفقين؟
_قدس :: اكيد متفقين
هز راسة ب اي مشة كدامي
فتح باب الحظيرة صارت عيني على وحدة نايمة ماعرف شصار بية وشنو هل احساس الي اجاني
مو ب ايدي ولا ب ارادتي
مشيت ب اتجاهه جانت منطتني جسمها رفعت ايدي وضربتها بقوة من ورا
جنت مصدومة من حركتي والي سويتة التفتت على غضنفر جان فاتح عيونة بصدمة يباوعلي
رفعت ايدي وصحت
_قدس :: اتوحمتتتتت صدكني اتوحمت على ضربتها
التفتت على صيحة البقرة الثانية شفتها اجت تركض ب اتجاهي معصبة
صرخت من مكاني وركضت طالعة من الحظيرة
اباوع لغضنفر اخذ ايدي ب ايدة وطلع من الحظيرة ثنينة نركض والبقرات ورانا يركضن
حطيت ايدي على بطني اصرخ
" مهجان "
رفع غضيمر ايده وصاح
_غضيمر :: اكسرررر جيببببب
_جهاد :: مو اكسر ايدك هسة لاتغش
_لباب :: فقير الولد وين غاش
صاح ايليا
_ايليا :: علوية مو شفتج بعيوني
حجاها ورفع حواجبة
ضحكت على ايليا اهز ايدي
التفتت اني والكل على اثر الصياح الجاي
فتحت عيوني بصدمة من شفت قس راكبة الدراجة وغل يركض خلفها
فتحت عيوني مصدومة اكثر من شفت قدس وغضنفر يركضون وخلفهم بقرتين يركضن
ضربت على خدي من شفت ملاك تركض وخلفها بط
وفقار يركض وراها
والصدمة كلهم جايين ب اتجاهنا
من صدمتي ماعرفت اكوم ولا رجلي عرفن يشيلني
اباوع العلوية لباب كامت من مكانها اخذت نعالها
وصاحت
_لباب :: جابو النا المشاكل واجو يركضون
ركضت العلوية لباب ب اتجاه البيت والبنات خلفها اباوع لعاتكة وكفت بنص البستان تباوع الهم مصدومة
صرخت من مكاني مفزوعة
من شفت قس جاية ب اتجاهي تصرخ
_قس': ابتعدوووو ولكممممم وخرووووو
_شاهيناز :: يمةةة راح تدعمنا
كمت من مكاني اركض مبتعدة عن طريقها
ركض ايليا يوكف دراجة قس
واني صافنة علية منتظرته يوكفها
بس لا الصدمة من شفت ايليا يركض شارد من قس ودراجتها صار ايليا يركض من قس وقس خلفه وغل وراهم
التفتت على قدس وغضنفر شفتهم يركضون من البقرة وغضيمر خلفهم يريد يوكف البقرة
اباوع للبقرة عافت قدس ورجلها
وركضت خلف غضيمر الي رفع دشداشتة وركض يصرخ مرعوب من البقرة
ركضت عاتكة والبنات كدام ملاك خايفات اكثر منها وفقار خلفهن يركض يريد يوكف البطة
صرت فاتحة عيوني مصدومة مامستوعبة الي جاي اشوفة ماعرف ابجي لو اضحك
اباوع لعمتي والعلوية لباب واكفات كدام باب البيت والعلويات البقية خلفهن
من شافن قس جاية ب اتجاهنن ب الدراجة كلهن ركضن للبيت
جان تركيزي كله على قس وقدس
من شفت قدس جاية ب اتجاه قس تركض والبقرة خلفها وقس جاية ب اتجاه قدس هيا والدراجة
خليت ايدي على عيوني ماريد اشوف المنظر الي راح يصير جنت خايفة لا واحد يضرب الثاني
بس من شفت البقرة عافت قدس وغضنفر وركضت خلف قس بدراجتها اطمنت
اباوع الكل ركض خلف قس الي بقت تصرخ خايفة من الدراجة ومن البقرة
وقتها ماكدرت اضحك لان جنت خايفة على الكل بس بعد ما اجة السيد والباقين وكدرو يسيطرون على الوضع ويحلون المشكلة الي صارت
كعدت اني والبنات ب الغرفة منهارت من الضحك كل ماتذكر الي صار عيوني تدمع من الضحك المشكلة حتى بعد ما اجه السيد
قس لافت على السيد ب الدراجة تريد تدعمة
هنا ماتحمل كل ما اتذكر اطيح من طولي منهارة من الضحك
وقتها السيد رزل فقار وغضنفر وغل وحملهم مسؤلية الي صار والي جان راح يصير
رغم قس هيا الي ساقت الدراجة وقدس الي ضربت البقرة وملاك الي عصبت البطة
لاكن السيد اختصر الموضوع كله من كال؟
_عبد الرؤف :: وصيات الرسول مايغلطن الغلط منكم انتو لو صاير شي ب ورداتي ربحي بيمن؟
طلعت من الغرفة اريد اصيح لملاك اشوف وين جنطة الملابس لان باجر الصبح بعد الريوك نطلع من البيت راجعين للبيتونا
شفت السيد كاعد ب الصالة وحدة يسبح
من شافني ابتسم بوجهي
اشرلي اتقرب اله
مشيت ب اتجاه السيد متوترة افرك ب ايدي
كعدت على القنفة بصف السيد
خلة السيد ايدة على راسي
حجة بهدوء
_عبد الرؤف :: شلونها مهجة البيت
_مهجان :: الحمدلله سيد
_عبد الرؤف :: الحمدلله والشكر لله هذا الي اريدة.. اي مهجة بنيتي ماسمعت قرارج ؟
بلعت ريكي وحجيت بتوتر
_مهجان :: يا قرار سيد؟
_عبد الرؤف :: موافقتج او رفضج على خطبة داوود
سكتت بدون مارد جنت اهز رجلي متوترة
ماعرف قراري شنو احساس بداخلي يكول وافقي
واحساس ثاني يفكر ب مشواق
رغم كلشي صار ماكدر اكسر بخاطر مشواق
حجة السيد كاسر الهدوء الي صار
_عبد الرؤف :: القرار قراراج بنيتي مهجة انا ما مستثقل كعدتج عندي لا هذا بيتج. لكن اصراري ب الموضوع. انا اعرف داوود شنو واعرف ماراح يقصر وياج
جان السيد يحجي من سمع صوت عاتكة تحجي ويا ام الحسن توقف يسمع كلامها لثواني
باوعلي وابتسم
_عبد الرؤف :: جنت متوقع داوود قاصد عاتكة وقتها بس من كال العلوية بنت السيد حمزة عرفت المقصودة انتِ. سواء كانت عاتكة او انتِ انا واثق بداوود شنو واعرف شلون راح يخلي حفيدتي بعيونه
سكتت يباوعلي منتظر مني الجواب
باوعت لسيد وحجيت
_مهجان :: موافقة اني سيد
_عبد الرؤف :: متأكدة. اتمنى هاي الموافقة ماناتجة من ضغط بدر مني؟
_مهجان :: لا سيد. اني موافقة من ارداتي واحساس بداخلي مرتاح من ناحية هذا الانسان..
" قس "
طلعت من البيت بخطوات هادئة
اتبع غل بخطواتة
شفته واكف على مسافة يباوع لبعيد صافن وسارح بغير عالم
مشيت بهدوء خلفة
ماجان منتبه لوجودي ضربتة على كتفة الايمين ب ايدي وابتعدت واكفة على جهه كتفة الايسر
التفت ليمنته ب استغراب يشوف منو
ماشاف احد موجود التفت ب اتجاهي باوعتلة وابتسمت
_قس :: شلونك
ابتسم بوجهي محاوطني بكتفهه
باوعت للمكان الي يباوعلة جان مكان بعيد من البستان
هاي المنطقه كلها بساتين منين ماتندار يصير كدام عيونك الخضار
حجيت ب استغراب
_قس :: غل ليش مساع اتهربت من الجواب
_غل :: يا جواب؟
ابتعدت عن كتفة اباوع بوجهه
قوست حلكي ورفعت اكتافي بماعرف
حجيت
_قس :: العلوية لباب من سألتك يمتى مقرر موعد العرس انت سكتت وماجاوبت؟
دنك راسة ساكت
عكدت حواجبي اباوع لوجهه وللحيرة الي سيطرت عليه بسؤالي هذا
_قس :: غل ليش ساكت؟
_غل :: ماعرف
_قس :: ماتعرف شنو؟
_غل :: اريد العرس اليوم قبل باجر بس.....
_قس :: بس شنو؟
زفر نفسة بحيرة ساكت
سكوتة هذا ازعجني وخلاني مصرة اعرف الجواب منة
_قس :: غللل شكو ليش ساكت؟ ليش تتهرب من هذا السؤال
_غل :: قس
_قس :: شنو قسس احجي وياك جاوبني شبيك؟؟؟
بقى مصر على سكوتة
صحت بيه بعصبية
_قس :: احجييي وياككك غل !؟؟
_غل :: خلوددد كافيييي !!.....
فتحت عيوني بصدمة من كلامة
التفت يباوعلي فاتح عيونة بصدمة عكدت حواجبي ب استغراب
حجيت بعصبية مكتومة
_قس :: خلود منو؟
_غل :: احم.. احمم.. شبيج قس منو خلود؟
_قس :: خلود الي حجيت اسمها قبل شوي سيد غل
مسح وجهه بتوتر وحيرة
باوعلي وحجة مصر على تكذبية الي
_غل': مستحيل ماعرف خلود منو وحتى وان كلت اسمها اكيد اجه بلساني بدون قصد
_قس :: بدون قصد موووو... ممممم.... هيا خلود منو نفسها الي شفتها ببيت السيد عبد الرؤف؟
فز من مكانة فاتح عيونة بصدمة
باوعلي وحجة
_غل :: يمتى يا يوم؟؟
_قس :: يعني تعرفها
_غل :: قس حبيبتي ماعرف خلود منو انا جاي اسألج
_قس :: اني اعرف منو يجاوبني على سؤالي
درت عن غل منطيتة ظهري راجعة ب اتجاه البيت
ركض غل خلفي يحاول يبرر موقفة
اتجاهلتة ماشية للبيت
فتحت باب البيت شفت السيد فقار وملاك والعلوية زهراء كاعدين ب الصالة يسولفون
عفتهم ومشيت ب اتجاه الغرفة
فتحت باب الغرفة شفت عمتي جهاد كاعدة على الجرباية بيدها مفاتيح الجنان تقرة
مشيت ب اتجاهه ايدي ترجف من العصبية
وكفت كدامها جانت تقرة ب الكتاب مارفعت راسها الي من حجيت وكلت
_قس :: عمة منو خلود؟
رفعت راسها ب اتجاه تباوعلي عاكدة حواجبها
حجت ب استغراب
_جهاد :: ليش تسألين؟
_قس :: منو هيا وغل منين يعرفها؟
سدت الكتاب من ايدها باوعتلي وحجت بهدوء
_جهاد :: اكو اسألة مو دوم لازم نبحث عن جوابها
_قس :: اني اريد اعرف عمة !!
_جهاد :: خلود جزء قديم بحياة غل
بهتت بمكاني على جواب عمتي جهاد
بلعت ريك وحجيت بصوت مرتجف
_قس :: يعني شنو؟
_جهاد :: يعني شي من الماضي.. بس لاتخافين غل ماعندة وياها شي
_قس :: عمة وضحيلي اكثر الله يخليج
حجت متيقنة بكلامها ومتأكدة من الي راح تحجي
_جهاد :- قس راح تعرفين كلشي بعدين لاتخافين الاجوبة هيا الي راح تجيج
حجتها وسكتت رافضة تكمل وتشرحلي الي صار
جنت بداومة جبيرة حايرة والافكار ماتقبل تغادرني
منو خلود ؟؟؟
جزئها بحياة غل شنو؟
ليش عمتي جهاد متأكدة راح يجي يوم واعرف كلشي بدون تعب !!!.
حاول غل بيومها يحجي وياي جنت رافضة ارد على مكالماته واطلع من الغرفة
حسيت بطعم الخيانة رغم غل ماحجة شي ولاذكر غير اسمها بس هاي جانت ب النسبة الي خيانة جبيرة
رفعت راسي على فتحة باب الغرفة
شفت العلوية لباب واكفة بباب الغرفة باوعتلي وصاحت بية خازرتني
_لباب :: كومي ولج ليش تزاعلين على ابن اخوي؟
_قس :: علوية ابن اخوج يراد اله جرة اذن
_لباب :: يااا ياااا ولج
اجت ب اتجاهي تأشرلي اكوم من مكاني
باوعتلها وحجيت بتعب
_قس :: علوية ماكدر اكوم راسي يأذيني
_لباب :: اي مو تمشين براسج انتِ. كومي يلا غل منتظرج برا
_قس :: ما اطلع
_لباب :: كومي ولج كومي
بس اصرار من العلوية لباب كمت من مكاني مستحية منها لبست ربطتي وجبتي وطلعت من الغرفة
مريت على الصالة شفت قدس وملاك كاعدات ب الصالة يداهرن
_ملاك :: انتِ انتضريني اجيب الي بطني وبعدين جيبي حتى ابني يصير الحفيد الاول
_قدس :: اي لا ولا يهمج شعندي اني وابني نأجل موعدنا علمود حفيد عائلة البيت الابيض
ضربت ملاك قدس على ايدها وقدس رجعتلها الضربة
طلعت من الصالة ب اتجاه البستان
شفت غل واكف ب البتسان منطيني ظهره
التفت على صوت باب البستان
باوعلي وابتسم
اجه ب اتجاهي الابتسامة بوجهه
وكف كدامي اخذ ايدي ب ايدة
جنت كالبة وجهي علية واتحسر ب انزعاج
حجة غل بتأسف
_غل :: اسف قوسة ماجنت قاصد ازعجج ب الي صار
_قس :: مابهمني اعتذارك بكد مايهمني اعرف خلود شنو تعنيلك؟
زفر غل نفس ب حيرة وحزن
باوعلي وحجة
_غل :: تعاي نمشي
اخذ ايدي ب ايدة نمشي ب البستان
حجة صافن على البستان من بعيد
_غل :: اعرف هاي الانسانة
_قس :: نوع معرفتك بيها شنو؟
_غل :: سنة من السنوات ساعدتها هيا وامها
_قس :: اييي وبعد؟
_غل :: ماكو شي بعد مجرد قدمت الها المساعدة بيوم من الايام
باوعتلة وحجيت بشك
_قس :: مجرد مساعدة تخليك تذكر اسمها ب الغلط
_غل :: راح يجي يوم وتفهمين كلشي
_قس :: اتمنى...
حضني غل لصدرة يطبطب على كتفي يحاول يصالحني ويبرر الموقف الي صار
جنت واثقة بغل لدرجة مستحيل افكر بيوم يباوع لغيري واني على ذمتة
اعرف اخلاقة واعرف هوا حفيد منو لهذا ماطولت ب الزعل ورضيت
ثاني يوم رجع الكل لبيته واني غل رجعني لديوانية لاهلي
اتناسيت الي صار ومافكرت بعد ب خلود ولا اجه ابالي ارجع اكرر نفس السؤال
"خلود منو وشنو تعني لغل"
" قدس "
مرت الايام ورجعنا لبيتنا للبغداد بس هل مرة بدون جميلة ومشاكلها جنت مرتاحة بخروجها من العائلة رغم ما اتمنى هذا الشي الي بس الانسان المسموم وجودة يصير مؤذي لغيرة
بعد اختفاء جميلة اختفت نوعاً ما المشاكل وياها
صرت اني وكفاية متكفلات بعماد
وقوت علاقتنة بعد خروج جميلة وشذى من البيت
صح مارجعت حياتي مثل قبل ولا شفت الراحة بكل ايامي بس جنت مصرة اقاوم علمود الي بطني
بيوم من الايام فزيت على حلم بنص اليل
جسمي جان يرجف مرتعب من الحلم والخوف الي صابني
ماعرفت افسر الحلم وشنو الرسالة المقصودة من الحلم
باوعت لغضنفر نايم
باوعت لايدي ترجف
نمت بمكاني حاضنة غضنفر بخوف
خليت ايدي على بطني وحجيت مشجعة نفسي
_قدس :: مستحيل اسمح بيوم شي يصيبك مستحيل
حضنت غضنفر بقوة خايفة الدمعة بعيني
حاولت ارجع انام ماكدر الحلم بعدة يدور براسي
كل ما احاول اغمض عيوني يجي ببالي الحلم
جنت كاعدة على درج البيت
ايدي على بطني
جنت خايفة اسمع لصوت جاي من المطبخ
رفعت راسي شفتها واكفة ب المطبخ منطتني ظهرها
نفسها الي اشوفها كل مرة
واكفة كدلم عتبة باب المطبخ ظهرها ب اتجاهي ووجها كدام
دارت علي مبتسمة اجت تركض بسرعة ب اتجاهي
ماكدرت اكوم من مكاني بطني ثكيلة ماكدر اكوم من مكاني
اباوعلها وكفت كدامي ماتكدر تتقدم بعد جان اكو مثل الحاجز بيني وبينها مانعها تتقدم ب اتجاهي
من شفت الحاجز اطمنت ماتكدر تتقربلي
اباوعلها ابتسمت بوجهي ثواني واختفت من كدامي
بقيت اوزع عيوني على المكان مستغربة وين راحت
ثواني بس وجسمي كله رجف من شفت خيالها جاي من وراي التفتت بسرعة شفتها واكفة فوكي ب ايدها السجينة على دورتي ضربتي ب السجينة
فزيت من الحلم جسمي كلة يرجف والعرك يصب من جبيني
اتحرك غضنفر من مكاني اخذني بحضنة وحط ايدة على بطني بهاي حركتة حسيتة ب أمان مو طبيعي
كدرت انام وقتها ب سلام واني مرتاحة لان غضنفر يمي
بدت الايام تمشي واني منتظرة يوم يوم الشهر الي اكدر اعرف نوع الجنين شنو
واجه هذا اليوم الي صرت ب الشهر الرابع
رحت اني وغضنفر بيومها
جنت فرحانة احس عندي جناحات والدنيا ماسايعتني
طلعت من العيادة فرحانة ايدي ب ايد غضنفر
اباوع لغضنفر فرحان اكثر مني
صعدنا ب السيارة عيوني مدمعة من الفرح باوعلي غضنفر وضحك
_غضنفر :: فاطمة الزهراء راح تنور حياتنا
" صفية "
جانت صدمتي ب اصابة اخوي دلهب مو اقل من صدمة امي الي طلعت من المطبخ تضرب على صدرها
_وفاء :: يمة ابني متصوب !!!
_حازم :: استلم
ضربت امي على خدها تصرخ وتبجي واني وحازم كدامها نحاول نهديها
رفعت ايديها وصاحت
_وفاء :: ولككك يمة يدلهب منين اجيب مثلك يمةةةةة
_حازم': هاي صفية تشبه دلهب بس لا دلهب احلى
ضربت امي على صدرها منهارة
خفت عليها لايصير بيها شي
باوعت لحازم وصحت بية
_صفية :: حازم احجي الصدك دلهب شبي؟؟؟
_حازم :: يابة مابي شي رصاصة صغيرة ب....
_وفاء :: يمةةةةةةة رصاصه ؟؟؟؟؟؟
طاحت امي من طولها منغمي عليها
ركضنا اني وحازم نشيلها من الارض نحاولها نكعدها
باوعتلة وصحت بية ابجي
_صفية :: احجي الصدك دلهب شلونه؟
_حازم :-الله اكبررررر ولكم مابي شي.. هذااا شوفي اتصل
رفع حازم التلفون
فتح خط يحجي
صاحت حازم
_حازم :: هااااا ابو شعر.... يمعود تعال شوف الورطة هنا امي يمكن ماتت..... لا.... لاتتصيح... لاتصيح مابيها شي جذب... يمةةة... يمة كومي هذا قرة عينج دلهب يمةة
حاول حازم يكعد امي واني ويا
بس بدون فايده جانت منتهيه بين ايدينا
فتح حازم سبيكر الاتصال وحجة
_حازم :: اكلك احنا هم نورث من امي؟
_دلهب :: انجب لك... امي وين؟؟؟
_وفاء :: ها يروح امك يدلهب يايمة
عوجت حلكي اني وحازم نباوع لامي قبل شوي مسحونة روحج هسة بس سمعتي صوت دلهب كمتي
حجة دلهب ويا امي يطمنها وهيا تبجي فعلاً جانت منهارة وخايفة على دلهب
_وفاء :: خليني اجي يا يمة اريد اشوفك
_دلهب :: ماكو داعي فوفة هوا كم يوم ويخلص شغلي واجيبج لنجف نرجع بنفر جديد
عكدت امي حواجبها مستغربة كلام دلهب
حجت بتسأل
_وفاء :: نفر جديد شنو؟
_دلهب :: يعني تجين لنجف خطابة لبيت السيد....
" قس "
قفلت التلفون بعد محاولات عديدة من الاتصال ب غل
استسلمت يرد على الاتصال ماعرف وين راح
اليوم كله مختفي ماجاوبني غير مرة وحدة الصبح
خليتة التلفون جوا المخدة
ونمت اكيد الصبح يرد واشوفة وين جان
واذا مارد اتصل على قدس تشوفة
غمضت عيوني رايحة ب نومتي واحلامي
الجو بارد والفراش دافئ
غطيت بنومتي بسرعة
......
فزيت من نومتي على صوت رن التلفون جوا المخدة
فتحت عيوني بثكل مزعوجة من الصوت
اخذت التلفون من جوا راسي شفت المتصل غل
جنت نعسانة لدرجة ماكدر ارد على الاتصال
رفضت الاتصال ورجعت غفيت
رجع الاتصال تكرر مرة ثانية...اخذت التلفون معصبة
شفت الساعة ب 3:45 اكو واحد يتصل هيج وقت
فتحت الخط وحجيت ب انزعاج
_قس :: الووو.... نعم غل؟
اجاني صوت غل
جانت نبرتة غريبة نبرة مملؤة غصة وحزن
جان يحجي بصعوبة صوتة مكتوم
_غل :: قس
_قس ': ها غل... شبيك وين جنت انت؟
_غل :: قس انا واكف كدام باب بيتكم
_قس :: باب منو؟
_غل :: باب بيتكم قس انا كدام بيتكم
رفعت راسي من المخدة مصدومة مامستوعبة شنو جاي يحجي
فركت عيوني وحجيت بصدمة
_قس :: يا باب
_غل :: قس شبيج استوعبي انا واكف برا منتظرج
كمت من مكاني بفزع بعدني مامستوعبة اليي جاي يحجي
ركضت على شباك الغرفة
فتحت الشباك اباوع
شفت غل واكف كدام باب البيت منحني على سيارته التلفون على اذنه
فتحت عيوني بدهشة مامتوقعة جيتة
اجاني صوتة
_غل :: هااا قس ؟؟
_قس :: ليش اجيت غل شنو رايد
_غل :: هاي طردة؟
حجيت بسرعة
_قس :: لاااا لاااا مو هيج قصدي بس مصدومة من شفتك
_غل :: تعبان قس تعبان احتاجج وياي
_قس :: شبيك غل شنو الي متعبك؟
جر حسرة وحجة
_غل :: خليني اشوفج واحجيلج
_قس :: تمام جايتك
قفلت الاتصال من غل اطفر بمكاني
رجعت باوعلتة من الشباك شفتة واكف بمكانة مدنك راسة
مشيت اريد اطلع من الغرفة باوعت لشكلي ب المراية غير قانوني بس مو مشكلتي غل وقتة غلط
طلعت من غرفتي اركض
البيت هدوء واظلم محد كاعد كلها نايمة
ركضت على غرفة نضال عمي
فتحت باب الغرفة بهدوء خايفة لاعمي يكعد
دخلت للغرفة امشي على اطراف اصابيعي
مشيت ب اتجاه نضال شفتها مغمضة عيونها
حكلها ب اذن عمي تشرخ بصوت عالي
جنت مستغربة ليش عمي محمد سمعة ثقيل طلعت نضال السبب
باوعت لنضال هسة هاي شلون اكعدها بلا
ماريد عمي محمد
بهدوء وبدون صوت خليت ايدي على خشم نضال وسديت مجرة التنفس عدها ب ايدي
اباوعلها ماهتمت كامت تتنفس من حلكها
رجعت سديت حلكها ب ايدي
اعرف اذا واحد يشوفني يمكن يفهم السالفة موضوع اختيال
اتحركت نضال من مكانها مزعوجة
فتحت عيونها وصرخت كامزة من مكانها ابتعدت عنها اسكتها
باوعتلي وصاحت تتنفس بسرعة خايفة
_ نضال :: حسبي الله ونعم الوكيل عليج يابت الجلب
_قس :: اششش.... اااششش نضال لاعمي يكعد
_نضال :: شتردين
_قس :: نضال السيد غل موجود برا تعاي وياي
كمزت من مكانها مفزوعة باوعتلي وصاحت
_نضال :: شنووو ولج شيريد ؟
_قس :: يمعودة صوتج... مادري شنو يريد بس تعاي وياي
طلعت من الغرفة واني خلفها اباوع لعمي محمد رايح بسابع نومة
التفتت علي نضال خازرتني
حجت بصياح
_نضال :: ولج الساعه راح تصير ب 4 شيسوي جاي
_قس :: نضال هسة شنو تطردين خطيبي
_نضال :: ماطاردته بس عمج واخوانج من يعرفون يصيرون شرفاء براسج
رجعت دخلت للغرفة
واني واكفة ب الصالة افرك ب ايدي ماعرف شبية احس اكو شي ورا هاي الجية
طلعت نضال من الغرفة ب ايدها شال وعباية لبست الشال والعباية ب ايدها تلبسها ويا تمشي
طلعت تفتح الباب واني خلفها امشي
جنت حاطة نضال ب المقدمة كلشي يصير يمكن هذا مو غل يمكن طنطل متنكر ب هيئة غل على الاقل احشم عمي وخواني من يصير شي بنضال
فتحت نضال باب البيت طلت راسها تباوع لغل جان كاعد ب الارض مدنك راسة
رفع راسة على صوت فتحة الباب
كام من مكانة من شافنا واكفات
دنك راسة يسلم على نضال الي هلت ورحبت بي
اشرتلة نضال على البيت وحجيت
_نضال :: تفضل سيد ليش واكف برا الجو بارد
هز راسة ب اي
دخل للبيت مدنك راسة عيونة ب الارض دخيلك سيد حتى من نضال تغض بصرك
رفع راسة باوعلي وابتسم كرص خدي وحجة
_غل :: شلونج بوية
_قس :: الحمدلله
فتحت نضال باب المجلس اشرت لغل يدخل
دخل غل واني خلفة
كعد على القنفة واني بصفة اباوعله يهز رجلية بتوتر
عيونة حمر كل شوي يجر نفسة ويزفرة بسرعة
طلعت نضال تجيب الضيافة واني كاعدة عيوني على. غل
حجيت ب استغراب وفضول
_قس :: غل وين جنت؟
رفع راسة صارت عيونة بعيوني
شفت الحيرة والحزن ماليات عيونة
حجة
_غل :: موجود
_قس :: اي وين موجود ليش اتصل عليك ماترد؟
صفن بعيوني لثواني
حسيت عندة هواي حجي بس مايعرف منين يبلش
توا يريد يحجي ودخلت نضال ب ايدها كلاص الماي
اخذ الكلاص متشكر منها
كعدت نضال تباوع لغل جان يشرب الماي مانتبه لنظرات نضال
باوعتلي نضال وغمزت مستغربة الوضع
باوعتلها وقوست حلكي بماعرف
اتشكر غل من نضال
كعدت نضال تحجي ويا غل وهوا يرد عليها برحابة صدر
انتبهت علي كل شوي يرفع تلفونة يباوعله ويرجع يقفلة مثل المنتظر رسالة او اتصال من شخص
كامت نضال من مكانها تسمح النا نكعد سوا وناخذ راحتنا
باوعلي غل وابتسم
جانت ابتسامتة مجاملة مو من داخلة لا جانت ابتسامة خارجية مابيها ذرة من المشاعر
باوعتلة وحجيت
_قس :: غل اسمعك اني
عكد حواجبة ب استغراب
حجة
_غل :: شنو؟
_قس :: عندك حجي بداخلك احجي لاتبقى كاتمة اسممعك اني
دنك راسة يفرك ايدية بتوتر
هز راسة بلا نافي الكلام
_غل :: ماعندي شي احجي... انا اجيت هنا اشوف صديق الي وكلت امر اشوفج
سكتت عيوني علي
شفتة رجع فتح التلفون يكلب بية ايدية ترجف ورجله تهتز بسرعة
شمر التلفون من ايدة بعصبية
مثل الجان منتظر رسالة بس ماوصلتة
باوعلي وحجة
_غل :: قس امشي نطلع للبستان
_قس :: للبستان بهل ليل؟ لالا اخاف
_غل :: قس
_قس :: هاا؟
_غل :: مخنوك قس
حجة وعيونة لمعت ب الدموع
فتحت عيوني بصدمة
كمت من مكاني مشيت ب اتجاهه عيوني علية
حجيت بخوف
_قس :: شبيك غل بيك شي؟
_غل :: بيا هواي
_قس :: احجيلي خليني اشاركك بيهن
دنك راسة ايدية ترجف
اخذت ايدي ب ايده... رفع عيونة يباوعلي
حجيت
_قس :: امشي نطلع للبستان
صفن بعيوني لثواني
هز راسة ب اي وكام من مكانة اخذ التلفون ب ايد وايدي ب ايد ثانية
طلعنا من المجلس التفتت على باب المطبخ شفت نضال واكفة اشرت الها راح اطلع
هزتلي راسها ب اي رغم علامات الرفض بس ماكدرت ترفض كدام غل
طلعنا من البيت ماشين ب اتجاه البستان الجو بارد
عيوني على غل جثة وتمشي باله بعيد سارح بغير عالم
التفت على النهر
باوعلي وحجة
_غل :: هنا
اخذني يتمشة ب اتجاه النهر جانت اكو نخلة كدام الشط كعد غل واني بصفة ثنينة ساكتين عيونة على الشط رغم ظلام اليل بس جنت اشوف ماي النهر يمشي بهدوء واصوات الحشرات جاي من المكان برودة الجو تضرب بوجهي
باوعت لغل صافن ورايح بعالم ثاني
خليت ايدي على كتفة
باوعلي واتحسر
حجيت
_قس ': غل شبيك
دنك راسة لثواني
رفع راسة وحجة
_غل :: اريدج تسمعيني
_قس :: اي اسمعك اني
باوعلي وحجة
_غل :: قس ماكدر ابقى كاتم بداخلي
_قس :: احجي ليش تكتم اني خطيبتك وزوجتك ب المستقبل فضفض الي وافتحلي داخلك اسمعك بكل وقت
صفن بعيوني هز راسة ب اي تحرك من مكانة
رفع ايدي من حضني خلة راسة بحضني
خليت ايدي على شعرة امسح علية
حجة غل صوتة يرجف
_غل :: حاولت هواي قس حاولت
_قس :: لشنو؟
_غل :: حاولت انساها ماكدرت
وكفت ايدي صافنة
مامستوعبة الي حجاه شنو
توقعت اني سمعت غلط او مافهمت صح
رجع كمل كلامه بحسرة
_غل :: ماكدر انساها انحفرت بداخلي اسمها انحفر بجوف گلبي
_قس :: غل
_غل :: سنتين.... سنتين حاولت ابتعد عنها ماكدرت
رفع راسة من حضني باوعلي وحجة
_غل :: جنت متوقع اذا بديت حياة جديدة ويا غيرها راح انساها
_قس :: غللل.. !!!!
صاح بصوت عالي
عيونة كلهن دموع
_غل :: قس كلبي مايعرف يحب غيرها
دفعتة من كتفة بسرعة ايدي ترجف مصدومة بكلامة
دنك راسة منهار
اي اي...؟؟
غل جان يبجي... يبجي بحركة وحزن جان يشهك ب الدموع جنت مصدومة... مصدومة برد فعله دموعه حزنة بكائة... اعترافة !!!!...
حاولت ابتعد عنه ماكدرت
ماكدرت اعوفة بهاي حالتة... ايدي صارت على كتفة بدون قصد ايدي اخذتني لكتفة جنت اريد اشاركة حزنة ماردت اعوفة وحدة.. !!
رفع راسة باوعلي
اخذني بحضنة يبجي بصوت عالي
حجة وهوا غارق بوسط دموعه
_غل :: ماردت هيج يصير من البداية جنت رايدها ب الحلال من البداية.... رفضوووو اهلها رفضووو مو انا السبب قس
حجيت ب انكسار الدموع بعيوني
_قس :: خ... خلوددد مو؟
هز راسة ب اصرار اي
حجة
_غل :: ايي اييي خلود ماكو غيرها... حاولت علمودها هواي قس حاولت انا ماردتها تتأذى لهذا سحبت نفسي ماجنت متوقع هيج راح تسوي
_قس :: شنو صار؟
فتح التلفون ب ايدية الي ترجف
جنت ارجف اكثر منه جنت منهارة اكثر منه بس جنت كاتمة كاتمة حزني بداخلي ماجنت متوقعة بيوم راح اسمع هذا الكلام
حط التلفون كدام وجهي
فتحت عيوني بصدمة من الي شفتة
جانت نفس البنية الي شفتها ببيت السيد عبد الرؤف خلود !!.
صدمتي ماجنت بشوفتها لا
صدمتني جانت ب الصورة ووضع الصورة
جانت غاركة بدمها ايديها متفتحة
طايحة وسط الحمام الدم يجري من جواها
مستحيل تكون عايشة مستحيل !!!
جانت الصورة من رقم غريب وجوا الصورة مكتوب
_" انت السببب اختي ماتت بسببك... حسبي الله ونعم الوكيل عليك ياسيد غل تشوفها بصحتك وعافيتك "
باوعتلة وحجيت بصدمة
_قس :: ماتت !!!
هز راسة بلا
حجة
_غل :: نقذوها ب اخر لحظة... اجيت اشوفها رفضو جنت رايد احجي وياها محد وافق
حط راسة على كتفي يبجي
حجة
_غل :: ماكدر اعيش بدونها حاولت انساها خطبتج حتى انساها ماكدرت
_قس :: ههه.. يعني اني جنت وسيلة حتى تنسى خلود بية؟
رفع راسة من كتفي باوعلي وهز راسة بلا
_غل :: لاا لاا نيتي وياج ماجانت هيج جنت مقرر افتح صفحة جديدة وحياة جديدة وياج
باوعت من حولي كلشي هادء وصامت الى داخلي جان فوضى... جنت اتمنى الي سمعتة بهاي الحظة حلم
جنت اتمنى كلشي سمعتة جذب
داخلي جان يبجي وخارجي ساكن دموعي جانت تحجي رغم صمتي
باوعتلة وحجيت الغصة واكفة بنص بلعومي
_قس :: روح اخطبها
_غل :: اهلها رافضين
_قس :: حارب علمودها الي يحب مايبقى واكف هيا نهت حياتها لان ماتحملت بعدك عنها انت حاول تجازيها على تمسكها بيك
باوعلي صافن بعيوني
حجة
_غل :: وانتِ؟
ضحكت بحزن عيوني بعيونة
حجيت صوتي وداخلي كله يرجف
_قس :: طلگني
_غل :: لا قس لا ماكدر
ابتسمت وحجيت
_قس :: لاتكدرطلگتني او لا اني بعد الي سمعتة منك مستحيل اتقبلك ولا اقبل على نفسي اعيش ويا شخص عايش بذكرة غيري ويحاول ينسى غيري بية.....
