رواية هو لا يشبههم الفصل الثالث بقلم تبارك الوائلي
"بيت ابو صالح"
أم صالح: يله فرح كملتن علمود نروح للعرس؟.
فرح: اي يمه كملنه هسه نجي.. يله شهد جمانه يله امشن.
رحنه مشي لان مو بعيده عمتي علينه كم شارع واحنه نمشي.. لكينه ولد شاف امي وسلم عليها
أم صالح: هله عمه هلا حبيبي شلونك عيني صحتك عافيتك امك شلونها؟.
_ هله بيج عمه الحمدلله بخير أنتِ شلونج شخبارج..عمي ابو صالح شلونه..امي زينه الحمدلله بخير.
أم صالح: اني بخير من شفتك يبعد كلبي..الحمدلله عمك ابو صالح نعمة بخير.
هيه تحجي ويه الولد واحنه صافنين عليهم شويه وگالت سلمن على الولد هذه ابن خالجن سامر.. سلمنه عليه وودع امي وراح..جرت حسره امي وحجت...
أم صالح: اووففف يايمه من اشوف اولاد اخوي گلبي لبي ينغزني عليهم.
جُمانه:اكلج يمه اني ماشايفه امه ابد حلوه لا عاد احله من عمتي لو لا؟.
أم صالح: اي حلوه بيضه وشكره حلوه.
جُمانه: لعد وين ساكنين؟.
أم صالح: قريبين وره المنطقه.
جُمانه: ها زين أنتِ ماعندج علاقة بيها؟.
أم صالح: لا يمه اخاف عمتج تزعل ماعندي اي علاقة بيها بس السلام بيناتنه.
جُمانه: لعد ليش تزعل اشو خالي ومات بعد عليمن هل زعل.
سكتت امي ومشينه شويه وصلنه لبيت خالتي
دخلنه وشفنه النسوان كلهاموحوده راحت فرح سلمت على زينه واحنه سلمنه عليها
فرح: طالعه تخبلين زينه الف مبروك حبيبتي.
زينة: تسلمين فرح حبيبتي يوم الالج ان شاءالله.
فرح: حبيبتي فدوةلگلبج.. يله شهد جمانه روحي ساعدو ساره وزعو الكيك والعصير.
شهد: اي عيني رايحين.
«فرح»
راحن البنات يساعدن ساره بتجهيز الكيك والعصاير واني بقيت كاعدة يم امي وخالتي والبنات.. بس اسمع النسوان يتبسبسن بيناتهن وحده منهن سألت علينه وبعدين سألت عمتي.
_اكلج خيه هاي منين البنيه الله يستر عليها؟.
_ ما ادري خيه بس اكيد من كرايبهم.
_اي اني عجبتني بلكي ينطوها الأبني.
_ان شاءالله خيه خلي نسأل ام بسام.
_اي صدك.. اگلج ام بسام عيني هاي البنات الأجن شيعودن الكم؟.
أم بسام: يا خيه ماعرفتيهن..هذني بنات اخويه ابو صالح.
_ها ماشاء الله ربي يحفظكم.
أم بسام: تسلمين حبيبتي.
اجه العريس ودخل الشيخ يعقد عليهم.. وراح وبعدين لبسوا الحلقات وشربها العصير..وهيه خطيه خجلانه حتى مارفعت عينها عليه.. مابقينة هواي شويه وامي گالت خلي نرجع للبيت..
أم صالح: يله يمه فرح تأخرنه خلي نرجع للبيت.
فرح: بس يمه بعد وكت خلينه نبقى شوية.
أم صالح: لا راح يأذن المغرب واني كلت لأبوجن مانتأخر.. يله طلعن كدامي.
فرح: عاد يمه بس خلي انسلم على العالم ونجيج شبيج مستعجله يمه.
أم صالح: يا يمه يله فضني.
سلمنه على العروس وعلى خالتي وعماتي ورجعنه.
جُمانه: اكول بنات الحنه كلش حلوه.. وزينه طالعه تخبل عين الباردة عليها.
فرح: اي والله صدك..تخبل ربي يسعدها.
جُمانه: شفتي ذني النسوان الي كاعدات جانن يباوعن عليه.
فرح: عوفينه منهن ومشي انبدل قبل لا يجي ابويه علمود انحضر العشه.
جُمانه: اني شعليه راح اباوع افلام كارتون.
فرح: هيه هاي أنتِ ماعندج بس الكارتون.. يله روحي باوعي. تعالي شهد وين سندس خلي تجي تسوي زلاطه واني راح اگلي.
شهد: واني راح اطلع الخبز.
«جُمانه»
راحن البنات يسوون عشه وامي راحت تصلي واني بقيت اباوع بالتلفزيون..مرت ساعتين واجه ابويه وصالح..
جُمانه: ها يابه الله يساعدك.
ابو صالح: هلا بابا حبيبتي.. ها عاد اليوم تونستي بالحفلة.
جُمانه: اي والله بابا تونست وزينه طالعة تخبل.
ابو صالح: هههههه عجبتج.
جُمانه: اي والله هههههه.. واكلت كيك وعصير.
شهد: هذه الهامها بنتك يابه.. بس بطنها.
ابو صالح: لعد شعندها غيرها بنيتي هههه بالعافية يابه.
جُمانه:الله يعافيك يروحي.
حطن البنات العشه والتمينه كل احنه والحمدلله خلصنه وكلمن راح على مكانه.. واني مثل كل يوم اباوع بالتلفزيون وانام يم امي وابويه صار الصبح واسمع صوت ابويه يكعدني...
ابو صالح: اكعدي يله جمانه بابا كومي.
جُمانه:اي يابه كايمه.. صباح الخير.
ابو صالح: صباح النور بابا.. شوفي خواتج كعدن خلي يسون ريوك.
جُمانه: صار بابا هسه اشوفهن.
رحت للمطبخ ولگيت البنات مسويات ومجهزات الريوگ..
جُمانه: صباح الخير فرح.
فرح: صباح الخير حبيبتي هذه ريوك كمل گولي لأبويه يجي يتريك.
جُمانه: يله يمه بابا الريوك جهز.
ابو صالح: اي اجيت.
كعدنه نتريك..وامي حجت...
أم صالح: اكلك عيني او صالح اليوم اريد اروح للسوك اني وفروحه.
ابو صالح: شعندج رايحه؟.
أم صالح: اشتريلهن كم شغله من السوك للبنات.
ابو صالح: ماشي يابه بس مو تتأخرن
جُمانه: يوم من ترحين عفيه جيبيلي شي وياج من السوك.
أم صالح: شنو يمه جمانه شنو تريدين اجيبلج من السوك.
جُمانه: بكيفج حبيبتي اي شي جيبيلي وياج عفيه
شهد: ولج أنتِ صغيره شيجيبون الج مثلاً مصاصة.
جُمانه: يوو ياشهد شبيج ويايه، اي واذا خلي يجيبون مصاصة أنتِ ليش ضايجه.
شهد: و لج شوكت تكبرين أنتِ.. لعد ماترحين وياهن للسوك.
جُمانه: مااريد اروح شعندي ما احب الطلعه خليني بالبيت راح يطلع كارتوني اريد اشوفه.
شهد: تدرين يمه ذاك اليوم جارتنه ام لوله شافت جمانه من طلعت ويانه بالعرس وكالت هاي منين كلتلها
هاي اختي الصغيرة، كالت والله اول مره اشوفها ربي يستر عليها كلتلها اي هيه ماتحب تطلع.
فرح: اي اذا هيه متطلع طبعاً محد يعرفها.
أم صالح: يله فرح عوفي السوالف راح نتأخر على السوك اطلعي كدامي.. شهد يمة سدي الباب ورانه وسندس عمه أنتِ طبخي الغدة.
سُندس: اي عمه.
راحت امي وفرح للسوگ وبقبنه احنه نعزل بالبيت ونظف.. كاعد انظف واسمع سندس تحجي على امي...
سُندس: هسه أنتِ وكتج طالعه للسوك واني اكعد هسه اطبخ.
جُمانه: اي واذا طبختي ست سندس شنو راح ينقصين منج شي.. اشو فرح يوميه تطبخ.. وهيه وين رايحة قابل تتونس راحت للسوك.
سُندس: اكلج بله اسكتي اني ماكلت شي لاتسويلج مشكلة.
جُمانه: ها اني اسوي مشكلة.
صالح: سوسن وين ملابسي مو كلتلج طلعيهن.
سُندس: اي اي صالح هسه مو اريد اطبخ امك راحت هيه وفرح للسوك ولازم اني اطبخ اليوم.
صالح: اي وشبيج مخبوصه قابل شراح تطبخين.. دطيني ملابس اريد اطلع للشغل..وعود روحي اطبخي.
سُندس: اي اي رايحه اوفففف.
شهد: هاي شبيها العوبه خابصه روحها اليوم.
جُمانه: اسكتي شهد لتسوين مشكله وامي طالعه اسكتي.. هيه وزوجها أنتِ..احنه ماندخل بيناتهم.
شهد: يله راح اروح اكنس اني البيت وأنتِ روحي كملي شغلج.
جُمانه: اي داده اي ليش لا اكمل شغلي.
ورحنه اني وشهد كنسنه ونضفنه البيت واجتي امي
جبتله ماي وكعدت يمها وسألتها.
جُمانه: ها يوم الله يساعدج شنو جبتيلي وياج.
أم صالح: ولج جمانه خلي ارتاح لا تخبصيني
فرح: تعالي هاج جابتلج بسكت هذه التحبي
جُمانه: ها اي عفيه اي والله احبه.
فرح: دروحي اخذي أنتِ.
أم صالح: ها يمه صالح.
صالح: ها عيني راح اطلع للسوك تردين شي اجيبه وياي؟.
أم صالح: لا يمه سلامتك اريدك سالم وليدي.
صالح: يله ثيمالا.. الباب جاي تندك راح اشوف.
أم صالح: منو بالباب يمه صالح؟.
صالح: يوم هاي نسوان بالباب يردنج
أم صالح: ماعرفتهن منو هنه يمه.
صالح: لا والله يوم مااعرفهن.. بس كالن هذا بيت ابو صالح.. كلتلها اي كالت صيح امك.
أم صالح: يله طالعه..وأنتَ توكل على شغلك يمه.
راح صالح وامي راحت فتحت الباب
أم صالح: منو؟.. يااا هله وكل الهله با ام حسين خيه كل الهله ببنات عمي فوتن داده فوتن هله باام هادي شرفتني.. شلونجن عيني.
أم حسين: والله الحمدلله بخير انتو شلونكم شخباركم
أم صالح: بخير برحمه الله.. فروحه يمه تعالي جيبي الجاي يله شهد جيبي مي يمه.
أم صالح: يله بنياتي قدمن الضيافه الخالاتجن
فرح: اي يمه.. السلام عليكم.
أم حسين:هله كل الهله بالبنات.. هله خاله بيجن يا يستحن خطيه.
أم صالح: روحن يمه.
أم حسين:اكلج خيه منطول السالفه عليج. احنه شفنه بنيتج بعرس زينه وعجبتني حيل واريد ازوج وليدي الوسطاني واريدها اله.. بس ما اريدج تفشليني وتمانعين.
أم صالح: لاخيه كل الهله بيج وين الكه احسن من نسبكم صدك جذب اي ماعندي مانع بس بالأول اشوف رأي ابو صالح شنو.
أم حسين:اي خيه بس هم البنيه احجي وياها وشوفيها تقبل ولتكولين صغيرة والله العظيم احطها بعيوني.
أم صالح: ياا خيه منو الصغيرة.. لا فروحه مو صغيرة عاقلة وفاهمه واكيد تقبل ماتلكه احسن منج.
أم حسين:بس اني ما اقصدج على فرح الجبيره
أم صالح: يااا خيه لعد عليمن تحجين على شهد الوسطانيه الي جابت المي؟.
أم حسين:لا خيه ماشفناها هسه من جينه.. اني ما احجي لا على الي جابت الجاي ولا الي جابت المي.
أم صالح: لعد منو اني عندي بس هذني بعمر زواج وعندي وحده صغيره.
أم حسين:اي خلي تجي انشوفها.
أم صالح: جمانه يمه تعالي حبيبتي شيلي الصينيه.. يله عيني .
جُمانه: هسه شكو اني امي اصيحني تره استحي اروح
فرح: جمانه روحي هيه صاحت عليج ولج يمكن خطابه عليه هذني.
شهد: اي يمكن
فرح: هيج واتزوج اني.
شهد: ان شاءالله حبيبتي تزوجين.
فرح: اخ شهد ان شاءالله الله يسمع منج يارب.. ولج جمانه لسه واكفه أنتِ امشي وسمعي شيكولن بله وكليلي عفيه.
جُمانه: اي اي رايحة.
جُمانه: السلام عليكم.
أم حسين: هله خاله هله حبيبتي شلونج؟.
جُمانه: الحمد الله.
أم صالح: يا سلمي ولج.. يا راحت تستحي هاي جمانه الصغيرة.
أم حسين: اي خيه هاي الي رايديها احنه.
أم صالح: يا خيه هاي ماننطيها بعدها جهاله وابوها ماينطيها اذا تريدين من الكبار ادللي.
أم حسين: لا خيه اني عجبتني الصغيره.. يله خيه ام هادي خلي نروح.. بس هم رجعينه خبر اذا قبلتوا.
أم صالح: اي ادللي..الله وياجن مع السلامة.
فرح: ها يوم راحن؟.
أم صالح: اي راحن.
فرح: ها بشري خطابه عليه.
أم صالح: لا تريد جمانه
جُمانه: يااا اي شفتها بعرس زينه جانن يباوعن عليه شفتهن.. والله بطرانات اني ويني وين الزواج.
فرح: اسكتي جمانه.
ابو صالح: السلام عليكم هاي منو النسوان الي طلعن من البيت؟.
أم صالح: هلا بيك عيوني.. هذني بنات عمي أم حسين وأم هادي عمت زينه.. اجني يخطبن مره لأبنها الوسطاني.. واني عبالي على فرح طلعت شايفه جمانه وتريدها.
ابو صالح: وشنو كلتيلها.. اكيد كلتيلها ماينطيها ابوها هاي بعدها صغيرة؟.
أم صالح: اي والله خويه كلتلها.
ابو صالح: وأنتِ ليش ضايجه شبيج؟.
أم صالح: والله يا ابو صالح اني بالأول فرحت عبالي صدك الفرح ونفرح بيها.
ابو صالح: الي يسمعج يكول فرح عجزت شبيج أنتِ يا بنت الناس.
أم صالح: لا مو عجزت بس لي بعمرها تزوجن هسه وهيه لسه مااجاها نصيب.
ابو صالح: الله كريم يا مره.. فرح بابا وين الغدة.
فرح: اي صبيت يابه تعال.
كاعد نتغدة واندكت الباب.. طلع صالح يشوف منو
اجتنه سوسن بنت عمي ابو حسان
سوسن: السلام عليكم.. شلونك عمي شخبارك.. عمه شلونج.
ابو صالح: هلا يابه هلا بيج.
أم صالح: هلا امي هلا بيج حبيبتي..أنتِ شلونج شخبارج.
سوسن: بخير عمه الحمدلله.
ابو صالح: شبيج بابا سوسن ليش ضايجه طبي بابا أنتِ حامل مايصير توگفين هواي.
سوسن: عمو ماكو شي بس سمعت ابويه شمسوي؟.
ابو صالح: لا خير شكو شبيه ابوج.
سوسن: طارد حسان واسامه من البيت بسبب زوجته شفت عمي اكو واحد يسوي هيج ويطرد ولده.
ابو صالح: لتضوجين بابا هو هذا ابوج من يومه اناني مايفكر بس بنفسه.. تغدي بابا.. أنتِ منو جابج لعد زوجج وين.
سوسن: اكعد ماما اكعد.
أم صالح: على كيفج ويا الولد بنتي.
سوسن: متشوفي يا عمه ميكعد.
أم صالح: ميخالف امي أنتِ بعده طفل مايفتهم .. تعالي جمانه يمه اخذي الطفل لعبيه.
سوسن: شفتي عمه شلون ابويه طرد اخوتي وهسه همه كاعدين عندي.. شلون ينطيه گلبه يطرد ضنى من البيت علمود زوجته.. وفرحان بيها وببنتها..
هاي لو مخلفتله ولد شسوه..جايبه بنيه ومحتار بنته الصغيرة.. وميصدك بكلام اخوتي.
أم صالح: ميخالف عمه جاشنسوي هذا ابوكم من يومه هيج هو يحب المره ويدللها ويبديها حتى على اهله من ايام امج الله يرحمها هيج جان ابوج.
سوسن: تدرين عمه ربج مايكطع طلع تعيين اخوتي الحمدلله بجيش وراح يداومون عگب باجر..
والله فرحت الهم وكلتلهم أأجرلكم بيت واشوف الكم نسوان وازوجكم وان شاءالله يعوضكم خير.
أم صالح: خطيه الف مبروك يستاهلون كل خير والله اني احبهم مثل صالح والله ولو اني كلكم احبك ما افرق بينكم والله.
ابو صالح: عوفي هاي السالفه عليه راح اروح البيت اخويه ابو محمد وراح احجي ويا بسالفه مرة ابوج لازم انشوف حل الها لان بعد ماينسكت عنها ابد.
سوسن: اي والله عمي ياريت.
᯽⊱┈──╌❊╌──┈⊰᯽
«بيت ام بسام»
أم بسام: ها يمه طيبه ليش ضايجه تره كم يوم وتجينه زينه خطار وتزورنة.. شلون لعد قابل اكعدها بالبيت.. اني هسه ارتاحيت من زوجتها وبقت عندي ساره هم لازم ازوجها وارتاح من هم خواتج عاد اصد على اخوج بسام اشوفله مره وزوجه
طيبة: يا يمه تحجين صدك بسام بعده صغير كل عمره 17 وتردين تزوجي.. ليش مستعجله عليه.
أم بسام: لا يمه هوه وحيدي وماعندي غيره اريد ازوجه بهيج عمر علمود اشوف خلفته وافرح بيهم واريده يخلف هواي علمود يكبرون ويا وبعمره يصيرون.. تدرين طيبه ابوج اصغر من بسام من تزوجني عمره 15سنه.
طيبة: يا يمه ليش هيج صغار وتتزوجون
أم بسام: قبل هم بيبيتج (خالتي) الله يرحمها هم فكرت مثلي تشوف بزره وهوه هم وحيدها واخوج وحيد.
طيبة: اي بس اكو فرق يمه ابويه عنده بعد بنيه وولد غيرنه يعني بسام عنده اخ.. صح من غير ام بس يبقه اخ النه.
أم بسام: لا سكتي اني ما احاسب اخوج عنده اخ لا بس هو.. وشعلينه بيهم ذاك اليوم لكيتها هيه ويا بالسوك وسلموا عليه جايبه جكليت ومكيفه انطتني
لان ناجح ابنها ورايح للسادس اعدادي ومكيفه بي.
طيبة: وأنتِ ليش ضايجه لان بسام ماكمل دراسه بطل وهو بالخامس الابتدائي.. يمه صوجج أنتِ ماخليتي يكمل عفتي على راحته وخليتي يشتغل بالسوك.
أم بسام: عوفي رجال احسن من ابنها الي يتلطلط
يشتغل بالسوك..لعد ابنه الفاهي.. اخوج سبع محد يلحكه.. تعالي ساره امشي سوي العشه اشو اخوجن اتأخر.
سارة: يا اتأخر يمه هوه ابنج يوميه هيج وكت يطب للبيت ومن اكله ليش هيج تتأخر اريد انام يحجي عليه ويتجاوز.
أم بسام اسكتي سويره وسدي حلكج اخوج غصباً عنج.
سارة: هسه اني شكلت يمه.
أم بسام: امشي سوي العشه.. اشو عمتج ام صالح
بعد مابينت علينه.
طيبة: هسه تبين عمتي ماتفوت اسبوع ماتجي علينه.
᯽⊱┈──╌❊╌──┈⊰᯽
«بيت ابو هدى»
ابو صالح: ابو هدى الف مبروك خويه الله انطاك وماقصر صارو عندك (3 ولد) بعد صبر اسنين على
(6 بنات) ربي عوضك الحمدلله الف مبروك اخويه.
أبو هدى: تسلم ابو صالح يوم الولد الصالح وتفرح بي هم وحيدك.
ابو صالح: ان شاءالله يارب.
أبو هدى: سمعت خاطبين جمانه؟.
ابو صالح: اي مانطيتها تعرف بعدها صغيره.
أبو هدى: اي اكيد.. ماشافن فرح؟.
ابو صالح: هيه جايه على جمانه.
أبو هدى: ها الله كريم ان شاءالله يجي نصيب زين الفرح وتفرح بيها.
ابو صالح: ان شاءالله يارب.. عرفت حسان واسامه مأجرين بيت لان مستلمين اول رواتب الهم وشفتهم بالسوك يشترون غراض البيتهم.
أبوهدى: اي خطيه يستاهلون.. شكو بيها ابوهم مابي خير عليهم حاير بمرته وبنته الصغيرة.. عبالك اول مره يخلف مادري الاسر مأثر على عقله.
ابو صالح: لا ابو هدى ماأثر الاسر عليه بس هوه لأيم من صغره انتَ ماتعرفه بكدي جنت صغير انت.
هم جان من نطلع نشتغل بالحلال يشلع گلب ابويه وميريد يشتغل.
أبو هدى: الله يهدي منكول غير شي.
ابو صالح: اي والله.
«عند البنات»
فرح: ها هديل كيفت من جابنه ابويه كلنه عليكم.
هديل: اي والله حتى احنه فرحنه بجيتجن.
جُمانه: ولج مروه.
مروه: ها.
جُمانه:شفتي المسلسل البارحة؟.
هديل: اوففف جمانه ومروه همهن بس المسلسلات هنيالجن واحنه حايرات بالطبخ والخبز.
فرح: اي خيه بعدهن اصغار هم يجيهن الدور.
هديل: مروه اخذي جمانه وطبن جوه على التلفزيون.. اكلج فرح سمعت حسان واسامه مأجرين بيت وامثثي صدك؟.
فرح: اي خيه صدك.. شدعوه هل كد حمريتي وأنتِ تحجين على حسان شدعوه تره مبينه من عيونج مفضوحة.
هديل: يا عزه ولج فرح ليسمعج احد.
فرح: شبيج اني شكلت.. قابل كلت هديل تحب حسان ابن عمها.. مابيها شي.
هديل: يا ولج اسكتي ليسمعن خواتي غير يصير كتلي عمل شعبي شيخلصنه من عمج بكلشي ماخلصانه من عصبيته. همه صح كلهم عصبيين بس ابويه فدوه العينه بسرعه ينسه ميشيل بگلبه اكول ابويه عليمن طالع الحمدلله اباهاتنه گلبهم طيب بس عمج ابو حسان اويلي منه كلها تشكي منه
فرح: اي والله وانوب راح يصير ابو رجلج المستقبلي الله يكون بعونج ههههههه.
هديل: ولج فرح أنتِ اليوم ناويه على موتي.
فرح: خيه خلي اكوم اشوف امي احسن.
᯽⊱┈──╌❊╌──┈⊰᯽
«عند بيت حسان واسامة»
حـَسان: اكلك اسامه .
أسُامة: كول.
حـَسان:هسه البيت انكول عليه شبه كمل بس هم عدنه بعد نقص بي وان شاءالله يكمل.
أسُامة: ان شاءالله.
حـَسان: اريدك تحط ايدك بايدي ونكمل البيت سوه وانثثه علمود ما نخلي ابوك وزوجته يشمتون بينه.
أسُامة: خوش ان شاءالله.
حـَسان: ان شاءالله.. بس فدوه اسامه اريدك شويه تعقل وتبطل سوالفك مالت النسوان ولشرب بسكوت مو عبالك اني ما ادري بيك تره معبرهن بمزاجي الك.
أسُامة:ها راح تبلش ويايه وصير تاخذ دور الاب عليه أصلاً اني ماشرب وبطلت من زمان.
حـَسان: اكيد؟.
أسُامة: اي اكيد والله وروح امي بطلت.
حـَسان: زين والنسوان.
أسُامة: ها مو كلهن سوه حسان على كيفك عليه.
حـَسان:ها ولك شنو على كيفي.
أسُامة: اي اصبر عليه مو هيج.. وبعدين خلي اريحك وافرحك هم مدام أنتَ فتحت سالفه النسوان اني اريدك تخطبلي.
حـَسان: ولك شبسرعة هيج كمزت.. اي ومنو سعيدت الحظ الي تاخذك وتخلصني منك.
أسُامة:شبيك حسان جمانه بنت عمي.
حـَسان: تحجي صدك أنتَ ولك هاي مدلله عمي وعزيزته ماينطيها.. وبعدين شلون فكرت بيها أنتَ؟.
أسُامة: والله من الصغر واني حاط عيني عليها واحبها
حـَسان: ولك اسكت عيب هاي عرضك لتكعد تحجي هيج.
أسُامة: واني شكايلك شبيك بنت عمي واليه ومتصير الغيري.
حـَسان: قبل شهر خاطبيها وعمي ماقابل.
أسُامة: اي خلي لا يقبل بس اني اريدها واريدك تحجي ويا عمتي وتكللها اريدها.
حـَسان: الله كريم هسه.
أسُامة: اكلك اني ادري عمي هسه ميزوجها بس كللهم علمود يصير عدهم علم اني اريدها زين.
حـَسان:الله كريم بس اسكت اسامه ولا تتصرف بكيفك وتتهور اعرف بسوالفك اني.
أسُامة:خوش اني منتظرك.. أنتَ تحجي موبايلك يدك.
حـَسان: سوسن هذه اخوج شالع گلبي وهسه طالعلي بسالفه زواج.. عايف كل البنات ورايح يريد جمانه وأنتِ تعرفين باعمي شكد يحبها ومدللها.
سوسن: اي.
حـَسان: ومنو يكول أصلاً عمي ينطيها بعدهي صغيرة.
سوسن: والله ما ادري بعد الله كريم لا تكسر بخاطره تره يحبها من صغره وهو يشيلها ويلعبها واني ادري بي.
حـَسان: أنتِ هم تدرين والله هذه اسامه من صغره مشلوع گلبي من ورا وهسه صايرلي عاشق
سوسن: الله كريم خويه يل اني راح اسد الخط.. خوما محتاج شي.
حـَسان: سلامتج خويه الله وياج مع السلامة.
سوسن: الله وياك.
᯽⊱┈──╌❊╌──┈⊰᯽
« بيت ابو صالح»
سُندس: اكلج عمه امي دكت عليه وكالت جمانه تنطوها امي تريدها لأخويه حسن.. لان هذاك اليوم من اجه عليه شافها هيج بالصدفة خطفت..وانعجب بيها.
أم صالح: لا عمه تدرين ما انطيها.. وليش امج بالذات
رادت جمانه مو هاي فروحه جنها كمر لو امج متشوف زين.
سُندس: لا عمه والله امي مالها دخل ماله.. هو حسن شافها.. وهيه ربي يحفظها جنها لعابه ولا امبين عمرها 16 صاحبه جسم.
أم صالح: لا عيني كلي الأمج عمتي تسلم عليج وتگول اذا تريد تناسبنا هلا بيها بس مو جمانه.
سُندس: اي زين كلي العمي .
أم صالح: اكله اني بس اعرف رده.
ابو صالح: السلام عليكم.. يا رد تردين تعرفي سندس كولي عمي.
سُندس: ها لا ماكو شي بس....
ابو صالح: بس شنو؟.
سُندس: امي دكت عليه تخطب جمانه رادتها الأخويه حسن.
ابو صالح: وليش أنتِ مو تعرفين اني ما انطيها المفروض تگولين أنتِ الأمج گبل.
سُندس: لا مو هيه مو امي بالأول اخويه حسن كلي.
ابو صالح: شنو اخوج؟.. وليش اخوج وين شايف جمانه.
سُندس: ها لا لا عمي والله ماشايفها بس هيج بصدفه خطب.
ابو صالح: هااا.. سدي السالفه احسن بابا...
يله ام صالح عشاج وين.
أم صالح: اي عيني صار.. روحي سندس ساعدي البنات بالعشه...شبيك عيني ليش ضجت ماصار شي حجايه ونحجت كل بنيه بنت اصل تنخطب بس.. اني الي قاهرني خطيه فرح ليش هيج حضها محد يجي يخطبها.
ابو صالح: كافي ماله داعي هل حجي انطيني المصلاية.
جُمانه: جبنه العشه يابه يله نتعشه عفيه جوعانه لتتأخر بالصلاة.
ابو صالح: شلون بيج روحي اكلي من جوعين..
مو كتلج لا تنتظريني.
جُمانه:يا يابه والله ماكدر اكل الكمه بحلكي اله وياك.
ابو صالح: وأنتِ لسه ماماكله هذه حجي بله ام صالح.
أم صالح: شسوي يا عيني والله ريكي نشف منها وماقبلت.. ما تعرفها جديده عليك جمانه ماتاكل اله وياك.. يطبها طوب عنيده متسمع الكلام.
ابو صالح: لا لتحجين هيج عليها هاي حبيبت روحي يله تعالي ناكل اني وياج.. عمي بعد مااتأخر هيج من
وراج.
جُمانه: فدوه اروحلك يروحي أنتَ يله ناكل.
᯽⊱┈──╌❊╌──┈⊰᯽
بعد العشه....
«غرفة ابو صالح »
أم صالح: اليوم اشبيك ضايج وتصفن ابو جمانه؟.
ابو صالح: اليوم حسان لاكاني بالسوك وكلي اسامه يريد جمانه منا لحد ماتكبر.. واني كلتله لا ماانطيها اله لا هسه ولا لمن تكبر.
أم صالح: ياا وهذه اسامه اول خلي يعقل وبعدين يدور زواج.
ابو صالح: اسكتي وسدي السالفه هاي البنيه اظاهر قليله حظ لان كل الي يشوفها يخطبها والكل حاط عينه عليها ابن اختج رادها هم من تكبر.. وابن اخويه هم رادها من تكبر.. واخو جنتنه هم رادها.. ومن غير بنت عمج هم ذاك اليوم اجتي خطبتها.. وين اضمها هاي البنيه عن العيون.
أم صالح: واذا اكلك البارحه جارتي ام زياد كالت اريدها من تكبر بعد كم سنه الزياد وكلتلها الذاك الوكت الله كريم.. بس ماينطيها ابوها والأسبوع الي قبله جارتنه الجديده تعرفت على فرح مرات تسلم من الباب تكول اخويه فايت وشايفها بابكم من مسلمه عليها والولد متخبل كايللها عفيه اخطبيها اليه.
ابو صالح: صدك جذب تحجين شلون تخليها تطلع وتسلم وين شايفها الولد.. اني ادري بجمانه ماتطلع ابد.
أم صالح: لا ذاك اليوم من طلعنه البيت اخوك ابو هدى فايته هيه واخوها وشافتنه وسلمت البنيه ومرت شلون يا رجال قابل احبسها بالبيت.. البنيه كل الي يشوفها يخطبها .. شلون حتى موكفه زواج وخواتها تدري.
ابو صالح: واذا موكفه زواجهن شسوي اني هوه كل شي نصيب.. اني اكول لو تسكتين احسنلج ولتكملين لا اسمعج كلام يزعلج خوش.. هاي طفله وعقلها عقل طفلة بس بجسم شابه لتفكرين حتى بين نفسج تحجيها خوش.
أم صالح: صار من عيوني.. يله عيني نام وارتاح.
جُمانه: ها يابه تريد شي اريد انام.
ابو صالح: تعالي بابا حبيبتي نامي.
جُمانه: اي انطيني ايدك علمود انام.
ابو صالح: شوفيها جنها حمامة ونايمة شوفت عينج بهل عمر وحاطه فراشها بيني وبينج واله تلزم ايدي يلا تنام شلون طاوعج كلبج تردين تنطيها بهل عمر.
أم صالح: والله مو صغيره بس أنتَ السببب مدللها ومتريدها تكبر.
ابو صالح: و ليش مستعجله عليها.
أم صالح: متشوف العالم يوميه احد يريدها.
ابو صالح: وطز بالعالم اكسر بنتي علمود العالم.
أم صالح: لا اني مو على العالم طز بيهم على كولتك بس فرح كامت تنقهر من تشوف الناس تخطب جمانه وماتخطبها اي نصيبها بعده.. بنتج بعدها شابه مو جبيره توها 22 سنه ليش مستعجله عليها بس كليلي.
أم صالح: يله عمي سكتنه.
ابو صالح: اي احسن ونامي.
᯽⊱┈──╌❊╌──┈⊰᯽
«بيت حسان واسامة»
حـَسان: اسامه عمي ميقبل يزوجك جمانه.
أسُامة: ليش بله ميقبل بنت عمي ليش اني اوله من الغريب بيها ليش يريد يكسر گلبي ليش ماكتله مو هسه بعد.. حتى لو سنتين اني هم اكون نفسي وهيه اطب بل 18اني انتظرها.
حـَسان: ميقبل لا هسه ولا قبل لتلح بالسالفه وسد الموضوع.. ولتسويلنه مشكلة ويا عمي. وترجع فضله علينه هيج.
أسُامة:يا فضل أنتَ ها وليش اسكت ليش اني ماخلي غيري ياخذ جمانه خليها بـ بالك.
حـَسان:واني اوكف بوجهك اذا سويت مشاكل زين اسكت هسه.. وبعدين عمي ميزوجها هسه اقل شي سنتين بعد. لان صغيره هيه منا لذاك الوكت صير رجال وخلي عمي يقتنع بيك. ويغير نضرته الك.
أسُامة: اني راح اسكت هسه والله كريم.
حـَسان: يله روح نام الصبح نلتحق للدوام اكلك اخواتك راح يجن على نزلتنه هذا الاسبوع يطبخن النه وينظفن البيت النه.
أسُامة:ان شاءالله هلا بيهن بـ اي وقت.
حـَسان: اي اول ماننزل نسوك.
أسُامة:ان شاء الله.
᯽⊱┈──╌❊╌──┈⊰᯽
« بيت ابو صالح »
جُمانه: اكلج فرح مشطيلي شعري عفيه وارفعي ليفوك اليه.
فرح: تعالي.
جُمانه: صدك سمعت امي تحجي ويا ابويه وتكول اسامه خاطبني.
فرح: اي يخيه خاطبج.
جُمانه: زين شلون اني حاسبته والله مثل اخويه واحنه ربينه سوه عبالك اخوان شلون هيج فكر بيه.
شهد: أنتِ أصلاً احسج ماعندج اي احساس...
عندج الكل حاسبتهم مثل اخوانج ومزعططه نفسج
الهم متردين تكبرين.
جُمانه: ياا يااا شهد اشبيج ويايه ليش هيج تحجين ويايه.
فرح: ولج شهد انزول عليج شبيج وياها كافي حبيبتي اسكتي هيه اشحجت وياج.
شهد:اي متشوفين كل العالم تخطب بيها وهيه مثل الثوله ماتريد تكبر.
فرح: كافي شهد اسكتي احسنلج.
شهد: تعالي حبيبتي والله مو قصدي اتشاقه وياج هسه أنتِ شعليج بي هو الولد حابج ورايدج من صغرج واصلاً منتظر تكبرين.. بس من سمع ناس خاطبتج حجه لان عباله راح تنوخذين منه.
جُمانه: اكلج اني مااحب احجي هيج كافي صوجي سألتكم.
فرح: زين واذا افاجئج بسالفه تنصدمين بيها.
جُمانه: شكو شنو.
فرح: داوود ابن خالتي حاجي الخواته يريدج وفوك كل هذه يحبج ومنتظر دوره للزواج ويزوجج لان خالتي حجت لأمي بس امي ضاجت لان ماخطبتني خالتي الواحد من ولدها.
جُمانه: يا صدك تحجين اكلج شو اني تخربطت عليه السالفه يعني الاخوان اثنينهم معجبين بيه ولد خالتي هم.
