رواية هو لا يشبههم الفصل الرابع بقلم تبارك الوائلي
فرح: شلون يعني مافهمت جمانه شنو الاخوان معجبين بيج؟
جُمانه: اسمعن اني من اروح ويا امي البيت خالتي عادل يباوع عليه وين ماتحركت ويبتسم اليه ومره كلي أنتِ ليش هيج تهتمين بنفسج وترتبيها من دون خواتج... كتله شنو اني احب النظافة والترتيب شكو بيها؟.. وعفته.. وكال اوكفي شبيج بس عفته ورحت ويا سرور وماخليت ابالي هذا الشي.. ومره اجيت من المدرسه لكيته واكف براس الشارع مالتنه حتى تفاجأت من شفته فتت وكلت وسلمت عليه وكتله شنو اليوم جايه خالتي عدنه.. كال لا اني وحميد اجينه هنا.. سألتة كلتله شو واكف هنا لعد حميد وين؟..
كال والله واكف منتظرج من تجين علمود اشوفج كتله ها اي اي رايحه للبيت كدامك ورحت للبيت بسرعة
لان نظرته ورايه وترتني حيل.
شهد:ياا ياا ولج جمانه وليش ماحجيتي النه يلعوبة
فرح: شهد اسكتي وخلي تكمل اريد افهم شنو بعد صار.
شهد: يله سكتنه احجي ست جمانه.
جُمانه: بس اخر روحه من رحنه للعزيمة مالت بيبيتنا شفت داوود يباوع عليه نظره عبالك اول مره شايفني وبنفس الوقت جان خجلان حيل مني وهذه بس الي عرفته يعني معقوله ثنينهم منعجبين بيه؟.. بس مره من رحنه اني وامي تتذكرن من رجعنه المغرب ومابتنه بعد ماباوع عليه يجوز عرف اخو رايدني بعد غير نظرته اليه وماباوع عليه ابد.. بس هنا النظره اختلفت صار داوود يباوع عليه.
فرح: يعني يا جمانه هيج أنتِ محضوضة وانعجبوا بيج ثنينهن ولد خالتنه.
شهد: اي ليش لا شكو بيها جمانه جنها فلقت گمر حقهم ينعجبون بيج.
جُمانه: بس اني ياشهد.. اني ما جان ابالي هيج والله حتى سلام ماسلمت عليهم والله اخجل اني من هيج حجي.
شهد: مو اكلج أنتِ وحده غبية وماتنتبهين.
جُمانه: سمعتي فرح سكتي اختج تره اتجاوزت عليه هواي.
فرح: شلون بيجن كافي.. زين وهسه اني الي عرفته من امي مامقتنعه تنطي الخالتي لان خالتي ماخطبتني اكيد اني اعرف تفكير امي وهم حقها امي.
شهد: ليش حقها فرح تره الزواج قسمه ونصيب يجوز والده همه الي اختارو مو خالتي
جُمانه: كافي شهد واسكتي اني هسه عرفت ماعندي حظ اني.. زين اسامه اني احبه والله مثل صالح شلون هيج يفكر بيه.
شهد: أنتِ هيج تحسين بس هوه كلمن وگلبة.
جُمانه: ان شاءالله يلكه بنت الحلال الي تحبه احسن مني.. يا يمكن نام ابويه خلي اروح انام يله باي.
شهد: باي حبيبتي
᯽⊱┈──╌❊╌──┈⊰᯽
«
جمانه »
عفتهن ورحت انام بس تذكرت شغله ورجعت وسمعتهن يحجن..
فرح: اكلج شهد اريد اكلج شغله.
شهد:كولي؟.
فرح: بس بيناتنه..مو تطلع من عندج كلمة.
شهد: اي صار ما احجي لأي شخص زين.. بس احجي
فرح: شلون اذا بقوا العرسان يجون بس الجمانه احنه شلون بينه؟
غافلتهن ودخلت عليهن.. هنه ارتبكن من شافني.. بس سويت نفسي اني ما سامعة اي شي واحجي وياهن طبيعي.
جُمانه: اكلج فرح.
جُمانه: ها حبيبتي شنو نسيتي شي؟.
جُمانه: لا بس باجر كعديني من وكت لان عندي ختمت قرآن اريد اكملها.
فرح: ان شاءالله حبيبتي ادللي اكعدج.
جُمانه: يوم الألج وتقرين قرآن وتختمي.
فرح: ان شاءالله.
شهد: اني لتباعين عليه لأن ما اعرف أقره.
جُمانه: أنتِ معذوره متقرين بس فرح تعرف بس هيه متقره.
فرح: ولي جمانه.
جُمانه: يله رايحة.
فرح: اكلج شهد خاف سمعت جمانه شحجينه؟.
شهد: لا يمعوده هاي ثوله ماتنتبه.
............................
ابو صالح: ها بابا.
جُمانه:ها اجيت انام نعست.
ابو صالح: نامي بابا.
نمت واني افكر بالي سمعته معقوله فرح هيجي تفكر.. صدك شايله هم الزواج.. بس اني شنو ذنبي.. اذا هيه قسمتها بعدها ما اجت.. ضليت افكر لحد ما نعست ونمت وعفتها على الله وين ماتصفه خليها الله كريم.
وقت الصبح..
« بيت ابو صالح »
ابو صالح: صبيلي جاي ام صالح هذه برد.
أم صالح: اي عيني صار.
سُندس: اكلج عمه اليوم اريد اروح احلل يمكن اني حامل.
أم صالح: يا ياريت عمه ان شاءالله تطلعين حامل وتبشريني.. يلا كومي لبسي جبتج وحجابج.. حتى نروح.
سُندس: أي عمه كايمة.
أم صالح: يا يمه الباب تندك ابو صالح عيني شوف منو.
ابو صالح: اي طالع طالع.. هلا بلي جاي علينه هلا ابو علي كل الهلا ام صالح اجه ابن عمج.
أم صالح: هلا ابو علي شلونك شخبارك اخويه.
أبو علي: الحمدلله بخير أنتِ شلونج شخبارج.. كلت اجي اشوف بنت عمي.
أم صالح: كل الهلا.. بيك ام علي شلونها الاولاد.
أبو علي: بخير كلهم بخير الحمدلله.
ابو صالح: يله ام صالح حظري غداج يُبه.
أبوعلي: لتحيرون بيه اني مو خطار.
ابو صالح: لا حيره ولا شي نورتنه.. البيت بيتك.
أم صالح: يلا خويه اترخص منك.
ابو صالح: اي خويه شلونهم الاهل.
أبو علي: بخير ياخويه.
جُمانه: اجتنه امي مخبوصة كالت اجه ابن عمها ابو علي.
أم صالح: فرح يله سندس كملن الغده والخبز.
سُندس: ياا عمه مو تدرين اريد اروح للمختبر..على مود احلل.
أم صالح: متشوفين اجانه خطار.. خليها العصر نروح.
سُندس: يله خوش راح انتظر.
أم صالح: روحي كملي الغده ويا فرح ساعديها خطيه فرح توها كملت خبز.
سُندس: اي عمه رايحه بس هيه كملت تره طبخ.
أم صالح: ميخالف شوفيها اذا تحتاج شي.
سُندس: اي.
جُمانه: ها يوم شذكره عمو ابو علي هل مره اتأخر
من زمان ما جاي علينه.
أم صالح: يجوز شغل العالم تلاهي يابنتي.. خلف الله عليه من يجي ويذكرني..هم انعم الله ابن عم ابويه هم زين بس هو واخو يجوني كل وين وين.. بيهم من ريحت اهلي.
« جمانه»
جنه دنحجي اني وامي وسمعنه ابويه يصيح..
ابو صالح: تعالي ام صالح.
أم صالح: اجيت عيني.
راح اجيب طرشي واجي..و ابو علي بيته هذا مو غريب علينه مااتأخر عليك.
ابو علي: براحتك ابو صالح.
«جمانه»
راح بابا يجيب طرشي.. وبقت امي كاعده يم ابو علي.. وسمعتهم يحجون.
أم صالح: ها عيني شلونكم العيال.. علي شلونه.
ابو علي: الحمدلله بخير.. سمعت ذاك اليوم جايه عليج بنت عمنه ام حسن تريد تخطب بنتج؟.
أم صالح: اي خويه سمعت وماقبل ابوها تعرف بعدهي اصغر خواتها..و ماينطيها هسه.
أبو علي: اي اني كلت ام حسن خوش عدها ولد وطيبين.. زين اني اذا خطبتها الأبني الصغير تنطوها؟.
أم صالح: يااا اكله مجلب ابوها مايقبل وداعة علي.
أبوعلي: هم اني هم مايقبل عليه.
والله لا تفشل نفسك ويا اني ادري بي ماينطيها.
أبو علي: يله مامقسومة النه الله كريم.
أم صالح: ان شاءالله يعوضك احسن منها.
أبو علي: تسلمين.
«جمانه»
شويه واجه ابويه وجايب ويا الحوايج.
ابو صالح: هايابه خو ماتأخرت عليكم.
جُمانه: لا يابه السوك قريب علينه.
ابو صالح: اي والله الحمدلله من قريب علينه.
«جمانه» بهل أثناء واحنه دنحجي دخل علينه صالح
اجه من الشغل.
صالح: السلام عليكم.
ابو صالح: وعليكم السلام.
صالح:منو يمنه؟.
ابو صالح: عمك ابو علي اجه اليوم علينه.
صالح: ها هله بي خلي اروح اسلم عليه.
«جمانه» راح صالح يسلم على الرجال وابويه راح ورا.. وشويه وصبينه الغدة وتغدوا.. و عمي ابو علي ماضل شويه وراح لبيتهم.. واحنه كلمن راح على مكانة.
ص
الح: ها بشري رحتي حللتي.
سُندس: لا وين مو اجه الرجال العصر كالت عمتي نروح.
صالح: ان شاءالله.
«جمانه» صار العصر وابوي طلع وامي راحت تشوف سندس اذا جهزت حتى تروح وياها للمختبر على مود الحمل.
أم صالح: يله عمه سندس لبسي خلي نروح للمختبر انحلل.. وفرح بنيتي كملي عشاج من وكت تدرين بابوج بس يكعد يريد العشه.. وخبزج أخبزي قبل جيت ابوج خطيه يحب الخبز الحار.
فرح: اي يوم صار.. خلي اشوف اذا تزوجت هم تبقه چنتج تخبز كل وكت خبز حار الأبويه.
أم صالح: ياا يمه مندري بعد العلم يم الله بس ماكو منج أنتِ لو شما تسوي الچنه متصير مثل البنية.. يله رايحه اني.
فرح: روحي ان شاءالله تجين وتبشرينه بخير.
أم صالح: ان شاءلله يمه.
جُمانه: اكلج فرح اني اكو سالفة ابالي لسه.. بس اريد اعرف امي ليش ماقبلت بـ بنت عمتي وره ماكعدتها
من الطفوله وكالو الاء الصالح ليش امي كل هاي السنين.. غيرت رأيها وزعلت عمتي منها.
فرح: اسكتي جمانه لتحجين كدام امي هيج لو سندس لان امي اضوج.
جُمانه: تدرين فرح اخوج كل يوم نفتر بي يدور عروس حلوه واخر شي اختار سندس.. والله مو ذاك الجمال عادية بس قبل بيها.. خبصنه صالح يدور جمال.
فرح: ولج جمانه القسمة اتسد الحلوك وهيه نصيبها.
جُمانه: والله مادري شكول.. بس ليش مو جنه نروح البيت عمتي على طول هسه زعلت من وره زواج صالح.
فرح: يله ان شاءالله تجي الآلاء قسمه احسن منه.
شهد: ها عيني شذكرجن هسه بسالفه الاء.. شيلي هم سندس خانم اذا طلعت حامل بعد شيفضها يمكن حتى الطاسه متشيلها.. هيه بدون كل شي كوه تشتغل.
فرح: ولج شهد انزول عليج احنه وين نحجي وأنتِ همج يم سندس كلمن عدوه گبال عينه.
شهد: لا ولج والله ما اكرها بس هيه هيج طبعها شنسوي.
فرح: حبيبتي شهوده الخاطر اخونه صالح نتحملها.
جُمانه: يابه اني هم اساعدكم بشغل البيت شتردن بعد.
شهد: اهووو جمانه هانم شساعدينه أنتِ يادوبج بس تكنسين وتمسحين.
جُمانه: اي وماعاجبج هذه كله الشغل.
فرح: يا ولجن راح اتأخرت خلي اروح اشوف العجين خاف مختمر .. الباب تندك شوفي منو جمانه.
جُمانه: اي اي ها خاله ام ميس اي هسه..
فرح هاي جارتنة ام ميس تكول خالتكم دكت على الارضي تريد تحجي ويانه.
فرح: ياا شهد انطيني عباتي خاف كواكب هاي.
جُمانه: فدوه فرح خلي اجي وياج اريد اجيب بنتها ميس اريد العب وياها.
فرح: يله تعالي جمانه واكفتلج بلباب.. ها عيني ام ميس شلونج.
أم ميس: هله فروحه هلا بيج.
فرح: والله متعبينج ويانه باتصالاتنه.
أم ميس: لا يمعوده شسالفه قحط.
فرح: هلو حبيبتي كواكب شلونج شخبارج خالتي شلونها.
جُمانه: خاله راح اخذ ميس يمنه العب اني وياه.
أم ميس: اي عيني اخذيها.
فرح: ان شاءالله صار من تجي اكللها.. الله يسلمج أنتِ هم سلميلي مع السلامة الله وياج حبيبتي.
فرح: تسلمين عيني ام ميس.
أم ميس: الله وياج حبيبتي.
«جمانه» خلصنه اتصال ورجعنه للبيت.. وجبنه ميس ويانه.. بس اشو هاي ضلت تبجي تريد امها متريد تبقى.
جُمانه: فرح
فرح: ها
جُمانه: اكلج هاي ميس ضلت تبجي تريد امها متقبل تبقه.
شهد: وديها لامها.. و اوكفيلها بالباب وهيه اطب لبيتهم.
جُمانه: يلا ميس روحي دكي الباب.
أم ميس: ها خالة شو رجعتي.
جُمانه: متقبل والله ضلت تبجي تريدج.
أم ميس: يله تعالي خلي انطب.
«جمانه» عفتها ورجعت للبيت واجه اخو ام ميس.. واسمعه يحجي وياها عليه.
أم ميس هلا ابو علي شلونك اخويه فوت عيني.
أبو علي: اكلج هاي چنت بيت ابو صالح والله حلوه.
أم ميس: لا استغفر الله هاي بنتهم الصغيرة.
أبو علي: ها مو اگول ماشايفها اني ابد.
أم ميس: اي متطلع هاي رادت ميس تلعب وياها وميس اليوم ضايجة ورجعت.. هيه متعلمه تروح عليهم كل النهار.
«جمانه» دخلت للبيت ولگيت فرح تخبز وشهد تحظر بالعشه.. وشوية ودخلت امي تهلهل وفرحانة ودخلت وراها سندس...
أم صالح: الف مبروك يستاهل صالح.
سُندس: اي والله عمه تسلمين.
أم صالح: سمعتي الدكتورة شكالت عمه مو.
سُندس: اي عمه سمعت كالت لازم راحه وماكو تعب.
أم صالح: اي وشعدنه يمه.. روحي عمه ارتاحي ومددي.
سُندس: اي عمه رايحه.
شهد: ها شحجينه هاي من اولها هيج.
فرح: شهد شلون بيج عوفيها شعلينه بيها احنه 3 وما محتاجين شغلها.
شهد:اي اي خيه سكتت اي.
جُمانه: يوم شوكت تجيب سندس؟.
أم صالح: بعد يمه وين وين.
جُمانه: ان شاءالله تجيب باسلامه.
جُمانه: ان شاءالله يارب.
جُمانه:والعب ويا وبعد ما احتاج اجيب ميس.
أم صالح: يااا ان شاءالله حبيبتي.. وينملي البيت علينه جهال.
«جمانه» بهل أثناء دخل صالح علينه وتلگته امي..
أم صالح: بالمبارك بالمبارك يمه راح تصير أب.
صالح: ها سندس طلعت حامل.
أم صالح: الحمدلله يارب الف مبروك يمه.
صالح: ربي يبارك بيج يوم .
فرح: يمه ماكلتلج..قبل ساعة دكت كواكب بنت خالتي وتسأل علينه.
أم صالح: اي وخالتج شلونها اشو ماكو متبين.
فرح: والله تكول الحمدلله بخير.. وتكول اريد اجيها على مود نروح نزور ابن خالنه طلع من السجن
تكول اجيها يوم الجمعة.. كلتلها خلي تجي واكللها.
أم صالح: اي يمه شلون ما اروح عيب من ام هدى زوجة عمج.. هذا اخوها يصير لازم نروح ونبارك الهم.. روحي باجر فروحه ودكي من ام لميس على خالتج وكليلها.. اي تعالي الجمعة ونروح.
فرح: خوش يمه صار.
ابو صالح: السلام عليكم.
أم صالح: هلا و كل الهلا عيني صرت جد.. الف مبروك.
ابو صالح: ها الحمدلله الحمدلله ماشاء الله وينها سندس.
شهد: هسه اصيحه الك يابه.
فرح: اوفف منج شهد متجوزين.
شهد: اي غير عمها صاحها اني شعليه والله حلوه هاي.
شهد: سندس ابويه يريدج.
سُندس: اي جايه.
ابو صالح: انطيني هاي الخبزه المكسبه.
أم صالح: اي عيني هاك.
سُندس: ها عمو.
ابو صالح: الف مبروك عمو ان شاءالله تكومين بالسلامة.. اكعدي تعشي ويانه.
سُندس: اي عمو.
ابو صالح: من اليوم ماكو شغل بعد وترتاحين تره منتظرة على نار حفيدي.
سُندس: ادلل عمو صار بعيني ماكوم ابد.
شهد: هيه هاي جانت عايزه التمت.. ماعولت الاخت تطلع حامل.
فرح: يا شهد اسكتي ليسمعوج.
جُمانه: اي يابه ويجي ابن صالح والعب ويا بس مو تحير بي وتعوفني.
ابو صالح: ها ها بدينه من هسه الغيره اني مابدلج بكنوز الدنيا ههههههههه.
صالح: اي جمانه من يجي ابني اريدج تهتمين بي.
جُمانه: اي واشتريله والعب ويا.
صالح: اي عفيه غير عماته انتن.
جُمانه: اي عيني طبعاً يدلل هو وابو.
ابو صالح: يا الله دايمة.. الحمدلله والشكر نعمة فضيلة يابه شهد جيبيلي الجاي.
شهد: اي يابه صار.
سُندس: عمه راح اروح ارتاح اني بغرفتي.
أم صالح: اي عمه روحي.
جُمانه: اي يابه سويت على شغله عمي وزوجتة؟.
ابو صالح: اتفقنه على الجمعة نكعد نحجي ونتفاهم.
جُمانه: الله كريم.. وتتصور عمي يطلكها.
ابو صالح: اي طبعاً.
جُمانه: والله يابه ما اتصور يطلكها عمي.
ابو صالح: غصباً عنه يطلكها مو بكيفه يريد يضحك العالم علينه من تالي.
جُمانه: الله يهدي.
ابو صالح: رايح انام اني.. تصبحون على خير.. يله ام صالح تجين تنامين.
أم صالح: اي عينه اجيت.
شهد:ها شحجيت مو كتلج سندس كيفت.
فرح: شهد شجلبتي عليها عوفينه منها يمعوده.
شهد: سمعتي شكال ابويه.
فرح: اي خيه سمعت.
شهد: خلي انام احسن هيه هم احظوظ الجايفات.
فرح: يله نامي واسكتي.
«الظهيرة»
أم صالح: يله فرح يمه كملتي طبخ روحي دكي على خالتج من ام ميس كليله اي اروح خلي تجيني الجمعة.
فرح: اي يوم هسه رايحه.
فرح: شلونج عيني خالة ام ميس اريد اخابر على خالتي بلا زحمه عليج.
أم ميس: اي عيني ادللي البيت بيتج.
فرح: تسلمين خاله...
الو السلام عليكم شلونج سرور الحمدلله بخير وين كواكب.. هلو عيني شلونج اخباركم امي تكول اي اروح تنتظر خالتي الجمعة.. خوش عيني مع السلامة...
اعذرينه حالة احنه متعبينج باتصالاتنه.
أم ميس: لا خاله حبيبتي..احنه جيران واهل..اكلج فروحة البارحة سمعت هلاهل بـ بيتكم خير ان شاءالله.. انخطبتي؟.
فرح: لا والله بس سندس زوجة صالح طلعت حامل.
أم ميس: ها الف مبروك عليكم ذكرتيني بصالح البارحه اخويه ابو علي شاف جمانه طلعت ميس بالباب وعباله چنتكم يكول حلوه چنة بيت ابو صالح كتله يمعود هاي بنتهم الصغيرة.. كتله متطلع ابد.
فرح: اي صح متحب تطلع جمانه.
أم ميس: اي خطيه الله يستر عليها وعليجن.
فرح: الله يسلمج خاله.. يبو على حضي عبالها انخطبت هو شوكت اني انخطب من وره جمانه عامه علينه.
أم صالح: ها يمه حجيتي ويا خالتج شلونها زينه.
فرح: زينه.
أم صالح: يمه شبيج ضايجه.
فرح: لا مابيه بس ام ميس سامعه هلاهل عبالها اني مخطوبه.. كلتله سندس حامل.
أم صالح: وليش حجيتيلها هسه ننحسد.
فرح: عليمن عيني ننحسد.
أم صالح: ولج هيه متخلف وميس بنت اخوها مربيتها
فرح: اي واذا يايمه اخوها ابو ميس البارحه شايف جمانه وعباله جنتنه.
أم صالح: يااا.
فرح: اي والله هاي بنتج يمه راح توكف زواجي شوكت اني اتزوج من وراها بله.
أم صالح: اسكتي كلشي قسمة و نصيب روحي خبزي ابوج على جيه.
جُمانه: اكلج يمه اذا رحتي أنتِ وخالتي الجمعة خلي اروح وياج عفيه .
صالح: وين ترحين جمانه تره كبرتي أنتِ مو صغيرة وين متروح امي ترحين وياها.
أم صالح: يا يمه صالح شبيك.
صالح: مشوفيها كبرت وشكلها مو مال صغيرة الي يشوفها يكول مره.. لا بعد متروحين ويا امي.
جُمانه: يا مره صالح شبيك اتكبرون بيه اني
من صغري متعلمه اروح ويا امي.
ابو صالح: السلام عليكم.. صوتك واصل للشارع صالح شكو؟.
صالح: ماكو شي يابه بس جنت احجي ويا جمانه.
ابو صالح: واني موجود بعدني مامتت بعد لتحجي هيجي وياها لا أنتَ ولا غيرك فاهم لو لا.
أم صالح: يا ابو صالح شبيك يا عيني على كيفك ماحجه وياها شي.
ابو صالح: لا كم مره كايل محد يحجي وياها او يحاسبها اني بعدني موجود.
أم صالح: اي اي ياعيني هذه هو محد يحجي وياها.
صالح: يابه تره اني اخوها وماكلت شي وياها.
ابو صالح: اسكت احسن لك زين تره اسمعك كلام كدام زوجتك مايرضيك.
أم صالح: يا يا صلو على النبي يا عيني اسكت صالح يا هسه ليش تبجين أنتِ منو يمج.
جُمانه: متشوفين ابويه وصالح من ورايه تعاركوا
لا حبيبتي لتبجين أنتِ شعليج.. هوه صالح هم ما ادري شلونه كبر السالفه.
ابو صالح: تعالي جمانه ليش تبجين بابا.. اسكتي ماقبل شلون دموع بعيونج من اموت اني يلا تبجين محد يستاهل تبجين عليه غيري.
جُمانه: لا اسم الله عليك بابا ليش هيج تحجي.
ابو صالح: لعد اسكتي وتعالي اكعدي خلي احجي وياج اني اعرفج أنتِ ذكيه ومطيعه.
جُمانه: اي بابا كول.
ابو صالح: أنتِ هسه من دخلتي بل 16 يعني طبيتي بمرحلة جديدة بحياتج وصرتي شابه يعني كبرتي مو ذيج جمانه الي تلعب بالشارع وتطلع ويا امها وين ماراحت لان عيب كبرتي والعالم راح تحجي من تشوفج.
جُمانه: اي بابا فهمت.
ابو صالح: اي هسه احنه بزمنه هذا يزوجون البنات
وهنه بعمر 12سنه.. وأنتِ سمعتي بزواج المبكر الي يطلع بالتلفزيون الي اكو هواي ناس هسه مأيده عليه يعني هسه أنتِ كدام الناس شابه وبالغه لازم تغيرين كل تصرفاتج لان كبرتي.
جُمانه: اي بابا فهمت.
ابو صالح: يله ماريد بعد بجي ابد خوش.
جُمانه:اي
ابو صالح: يله روحي الفرح خلي اتصب الغده علمود نتغده اني وياج.
جُمانه: اي والله جعت.
ابو صالح: ها شحجينه قبل شويه مو كلنه تتصرفين مثل الكبار.
جُمانه: ياا نسيت.
.......................
أم صالح: اي هسه ليش ضجت يا وليدي ومتقبل تتغده أنتَ متعرف ابوك.
صالح: يمه اني مو صغير كبرت وراح اصير اب شلون يفشلني كدام زوجتي.. هذا كله على علمود الست جمانه.
أم صالح: ميخالف ابني أنتَ تعرف ابوك كلش زين.. ميقبل على جمانه مو تعرفه مدللها شنسوي نتعارك ويا بس كلي مو عيب زعلان ومرجع الغده بيد اختك . تعالي شهوده جهزي الغده لأخوج.
شهد: اي يوم هسه دقايق واجهزه.
«جمانه» كملنه غده والحمدلله.. بس صالح متغده ويانه.. لان زعلان عليه.. بهل أثناء اندكت الباب ورحت فتحته.
جُمانه: هلا بحمودي ولك مشتاقتلك حيل يابذات ليش ماتجي صارلنه هواي ماشايفينك.
مـحمد: والله ملتهي بالبيت ويا ابويه ويدزوني مسواك وكل طلبات البيت عليه شسوي.
جُمانه: تعال ادخل هلا بيك.
ابو صالح: هلا هلا اليوم البيت منور بحمودي.
مـحمد: هلا بيك بابا شلونك.
ابو صالح: والله بنعمة وخير من شفتك شلونك وشلونها وياك زوجه ابوك.
مـحمد: والله ماكو يا بابا اني اكل وانام واباوع بالتلفزيون ويدزوني للسوك وطلبات البيت ما ادري اي شي عنها.
ابو صالح: ها زين مشغلتك وملهيتك.
مـحمد: ها يمه اشلونج.
أم صالح: بخير وليدي الحمدلله.. يمه هم تشوف اخوانك.
مـحمد: اي كل ماينزلون تجيني سوسن من الباب تاخذني وروح عليهم.. وخطيه سوسن و شيرين يطبخن الهم وينظفن البيت ومرات ابقه ابات يمهم.
ابو صالح: اي عفيه بوليدي لتعوف اخوتك ابد.
مـحمد: لا بابا شلون.. لا ما اعوفهم ابد... يله راح اروح اني.
ابو صالح: وين ابقه نتعشه سوه وصالح يوصلك للبيت.
مـحمد: لا وين دزوني للسوك واني اجيت عليكم.
ابو صالح: ها روح وليدي الله وياك دير بالك على روحك.
مـحمد: صار.. يله بابا مع السلامة.
جُمانه: الله وياك حمودي لا تتأخر عليه.
مـحمد: جنونه ما اتأخرت عليج.. اجيج ان شاءالله.
جُمانه: الله وياك.
ابو صالح: ها شبيج مدمعه.
جُمانه: ليش هيج لو باقي ويانه حمودي عايش عمي اجه وخرب الدنيا علينه.
ابو صالح: هاي سنه الحياة ومحمد ابن عمج لازم يروح يعيش يم ابوه.
جُمانه: بس اني احسبه اخويه وماقبل احسبه ابن عمي.
ابو صالح: يله براحتج اخوج اخوج.
أم صالح: عيني ابو صالح باجر ان شاءالله تجي اختي ام حميد ونروح نزور ابن خالنه.
ابو صالح: ان شاءالله روحي.
أم صالح: اي عيني لازم اروح.
«جمانه» كعدت الصبح وتريكت ويا ابويه حبيبي وراح للشغل هو واخويه صالح.. وست سندس كل معتاد تتختل علمود متشتغل.. بس شهد حاطه كورها بكور سندس عبالك تترقب كل حركاتها والله ياشهد صدك اضحك .. فرح كملت الغده وبلشت بالخبز لان ابويه متعلم كل وجبه خبز حار.. واني كنست ومسحت البيت اجتي خالتي وفرحنه بجيتها..
أم صالح: هله خيه شلونج.
أم حميد: الحمدلله خيه انتو شلونكم شخباركم ها حبايبي شلونجن.
فرح: الحمدلله خاله بخير.
أم صالح: ليش مكلفه نفسج خيه.
أم حميد: هاي كواكب سوت كيكه وكالت وديها البيت خالتي تعرف ماعدكم طباخ ابو الفرن والبنات هم ميعرفن بلكيك...وكواكب بعد خبيره بالطبخ.
فرح: اي والله صدك معدله كواكب بالطبخ.
أم حميد: اي يخاله سبع صنايع والبخت ضايع لسه مااجاها نصيب بيه حظ.
أم صالح: يا لعد شسوين خيه ان شاءالله يجيها ابن حلال الي يريح بالها.
أم حميد: ان شاءالله يارب.. اكلج داده فروحهو شهوده محد اجه عليهن خطبهن.
أم صالح: لا والله خيه ابد كل الي يجي يشوفون جمانه ويردنها.. وابوه مينطيها تدرين.
أم حميد: وعليمن عيني ماينطيها والله كبرت جمانه انطيها اقلها يجي نصيب لخواتها ليش هيج موكفه نصيبهن.
أم صالح: والله خيه ما ادري بكيف ابوها مو بكيفي..
يله راح نتأخر خلي نروح.
«جمانه» راحت امي هيه وخالتي واجن وره المغرب..واجه ابويه هو وصالح من بيت عمي...
ابو صالح: ها بابا اجتي امج لا.
جُمانه:اي بابا اجتي.
ابو صالح: ها عيني شلونهم الجماعة.
أم صالح: الحمدلله يسلمون عليك.
ابو صالح: الله يسلمهم.
جُمانه: يابه اجه عمي ابو هدى.
ابو صالح: هله خويه ابو هدى.
أبو هدى:هلا بيك خويه ها بشرني اليوم شسويتوا
ابو صالح: انجمعنه وهو اجه وكعد وحطينه كل اعيوب زوجته كدامه وهو انصدم بيهن كلهن.
أبو هدى: وشلون صدك بيكم.
ابو صالح: لا طلع سعد هم شايفها بعينه وحلف بالقرآن بلي حجى الهم والكل صدك الا هو.. بالأول ماصدك وصار عصبي وكام سعد الحقير ودفره برجله.. كله أنتَ ليش مصدك..واني كمت حطيت سعد وكتلته.. مهما يكون يبقه عمه ومو من حقه يمد ايده عليه.
أبو هدى: افااا ياخويه هاي هيج واصله بينكم المشاكل.
ابو صالح: بس الحمدلله نحلت وافق يطلك وراح يروح باجر يوديها لأهلها ويطلكها.
أبو هدى: وهاي الطفله شنو ذنبها.
ابو صالح: ماعليها شي تبقه يم ابوها شكو عليها.
أبوهدى: والله ما ادري شكلك زين أهلها شلون راح يتقبلون السالفه الله يعينهم.. يعني هسه ابو حسان راح يبقه كاعد وحده هو وحمودي وهاي الطفله.
ابو صالح: لا الطفلة راح يوديها يم أم بسام.
أبو هدى: ها خطيه.
᯽⊱┈──╌❊╌──┈⊰᯽
«الصباح»
«جمانه» جنه انظف البيت واندكت الباب طلعن عماتي جايات.
جُمانه:يمه اجني عماتي ام بسام وام يسر.
أم صالح: هلا هلا بيهن زارتنا البركة.. هله بـ بنات خالتي اليوم منورات البيت.
أم يسر: تسلمين ام صالح منور بأهله.
أم يسر: شلونج عيني فروحة.
فرح: الحمدلله بخير هله عمه.
أم بسام: هلا بحبايبي شلونج عمه.
فرح: الحمدلله عمه بخير.
أم صالح: روحي فروحه سوينه جاي.
.................
فرح: اي يمه صار... ها شو كعدتي هنا.
جُمانه: لعد وين اروح دا اكتب.
فرح: شتكتبين؟
جُمانه: اكتب قصص عراقية احب اكتب.
فرح: سلمتي على عماتي؟.
جُمانه: اي سلمت شنو ماشفتيني.
فرح: يله خلي اسوي جاي.
..................
أم يسر: خيه ام صالح اليوم جايينج بطلب.
أم صالح: كولن خياتي.
أم يسر: ام بسام اجتي تخطب جمانه الأبنها بسام
وهو بعد ابن اخوج وابن اخت ابو صالح مو غريب عليها..هم ابن خالها وهم هيه بنت عمتة بنفس الوقت وهو بعمرها اكبر منها بسنه و تعرفين ام بسام هو وحيدها وتريد تفرح بي وتشوف بزره.
أم صالح: يا خيه مو تدرين جمانه ماينطيها ابوها بعدها صغيرة.
أم يسر: ياام صالح يا صغيرة صايره شابه وهسه كل الناس تزوج بهيج عمر لا خيه.. 16 مو صغيرة.
أم صالح: والله ما ادري شكول خلي يج اخوجن واني ارجع الكم خبر.
أم يسر: الله كريم.
«جمانه» راحن خالاتي واجه ابوية وجبتلة الجاي
وامي كالتلي روحي يم خواتج مدري ليش بس اظاهر عدها موضوع ويه ابوية.
أم صالح: ها يمه جيبي الجاي لأبوج.
جُمانه: اي يمه.
أم صالح: جمانه بنيتي روحي جوه يم خواتج بالغرفة اريد احجي ويا ابوج بشغلة بيناتنة.
جُمانه: اي يمه صار.
ابو صالح: خير ام صالح..اكو شي.
أم صالح: ماكو غير الخير عيني.
ابو صالح: اي اسمعج كولي.
أم صالح: اليوم اجني خواتك ام يسر وام بسام علينه.
ابو صالح: ها ثنينهن سوه اشعجب وشلونهم.
أم صالح: بخير..بس اجو يخطبون جمانه الـ بسام ابن اختك.
ابو صالح: ها صدك.
أم صالح: اي والله يا عيني وهوه هم ابن اخويه.. شتكول أنتَ.
ابو صالح: شكول يعني أنتِ تحجين صدك عود.. هذوله اثنينهم جهال هيه 16 وهو 17 مقتنعه بالي تحجينة أنتِ.
أم صالح: ليش لا ياعيني شكو بيها نسيت على ايامنه شكد.. جان عمر البنات ويتزوجن.. وبعدين اخويه الله يرحمه من اتزوج اختك ام بسام مو جان عمره 15 يا عيني ليش تصعبها علينه.
ابو صالح: اي وأنتِ تجيبين ذاك الوكت على هذا وكتنه.. تره هسه احنه بـ 2003 يعني مو زمنا اني وياج والوكت اختلف.
أم صالح: اكلك شو حتى الدوله سوت زواج المبكر وكله هسه تتزواج بهيج عمر.
ابو صالح: شلون يعني.
أم صالح: دشوف البنيه يوميه واحد جاي خاطبها خلي ننطيها مانلكة احسن من ابن خالها وابن عمتها وهو هل واحد الأمة راسها وراسة وطيبة المعوقة المسكينة.. وساره هم تجي قسمتها..وزينه وصار شهر من زفوها وماعدها احد.. وبيت ملك طابقين تلعب الخيل بي.. وكله الها.. وعمتها راتب تستلم شهيد ومحلها يشتغل بعد شتريد.
ابو صالح: اي وهومدلل امه شيشتغل.
أم صالح: مرات شغل حر ومرات يوكف ويا امه بالمحل والله مانلكه احسن منه.
ابو صالح: لا ما انطيها وسدي السالفه احسن ماسوي مشكلة.
أم صالح: ياا اشون يعني تضل موكفه نصيب خواتها يمعود انطيها مجلب بيها.. بس أنتَ مخلف شلون.
ابو صالح: هيه شلها علاقة.. نصيب خواتها بعده ما اجه لهسه وكافي بعد ولا تلحين.
أم صالح: لا والله كل الي يشوفها يخطبها وهيه عين. الله عليها.
ابو صالح:.........
