رواية شاء القدر الفصل الاربعون
في الطريق لشرم الشيخ ..
يارا: هو حسام هيروح بعربيته؟
احمد: حسام هناك من امبارح
يارا متفاجأه: معقوله!! بس قال انه هيروح معانا
احمد: ههههههههه ما انتى عرفاه
يارا: احمد
احمد: نعم ياحبيبة احمد
يارا بتردد: هو احنا ..هو احنا هنقعد ازاى في اوضه واحده
قبض احمد على يده بضيق شديد : هتتحل يا يارا بس على الأقل لازم نكون زوجين قدام اخوكى ولاعندك راي تانى؟
يارا: لاماعنديش انا عارفه انى بدايقك
بدا احمد يحس بطول الطريق ..وبداؤا مايتكلموش ولا كلمه لحد ماوصلوا الفندق وقبل ماينزلوا من العربيه رن هاتف احمد
احمد: حبيبي
حسام: ايه يابنى انتو فين
احمد: وصلنا خلاص ..قدام الفندق اهو
حسام: طيب تمام نازلك حالا انا حجزتلكو الاوضه بتاعتكو وظبط الدنيا على ماتنزل الشنط هكون عندك
احمد: تمام ياحبيبي سلام
احمد ل يارا: حسام حجزلنا الاوضه ..انزلى على ما اجيب الشنط
يارا: حاضر
بعد خمس دقائق..
حسام ليارا: حبيبتى حمدلله على السلامه
يارا تعانق حسام: الله يسلمك ياحبيبي ..ليه مستنتناش وسافرت معانا النهارده
حسام: كان لازم اسبق علشان اجهز واظبط الدنيا ..
احمد كان واقف عند العربيه بينزل الشنط مكنش قادر يتحرك حس بالم شديد كاد ان يصرخ من شدته
حسام: احمد مالك انت كويس ؟
يارا: احمد ..احمد حاسس بحاجه انت تعبت تانى
احمد: لالا مافيش انا كويس اكيد من السفر بس وطول الطريق
يارا: احمد انا مش مرتاحه للصداع ده قولتلك لازم تروح للدكتور
حسام: هو بقاله فتره بيتعب ولا ايه
يارا : ده تقريبا كل يوم كمان
احمد: ياجماعه ماتقلقوش بس ياله نطلع نرتاح من السفر علشان نعرف نسهر بليل
حسام: طيب خلاص ياله نطلع وهخلى حد يطلع الشنط . . وبعد دقايق دخل احمد ويارا غرفتهم ودخل حسام الغرفه بجوارهم
احمد بتعب: انا هدخل اخد شاور
يارا: ماشي ..تحب تاكل حاجه ولا هنبقي نتعشي سوا مع حسام
احمد: لالا ماليش نفس .. حضريلي الهدوم لحد ما اطلع ممكن
يارا: حاضر
دخل احمد الحمام كان اول مره يشعر بشده الألم دى اسند بزراعيه على حوض الحمام واغمض عينيه وكاد يصرخ من الالم الذى اصبح لايحتمل وتحامل على المه واخد شاور وخرج ليجد يارا مستلقيه على السرير وشعرها مفرود كالملائكه فأقترب منها ليقبل رأسها ثم بدأ يحدث نفسه قائلا
"كان نفسي بعد عمر من الحب والسعاده معاكى اموت في حضنك ..كان نفسي تكونى اقرب حد ليا .. لو تعرفي بحبك اد ايه يا يارا" ..ثم استلقي بجوارها على السرير لتتقلب يارا وتضع يدها على احمد دون ان تشعر ابتسم احمد بسعاده من تلك الحركه اللااراديه تمنى انها تكون بإرادتها لكنه يكفيه ان تكون بجانبه اغمض عينيه وهو في كامل سعادته
بعد مرور عده ساعات استيقظت يارا لتجد احمد بجوارها ..ظلت تنظر له في حنان وضعت يدها على شعره فتقلب احمد فانتشلت يدها مسرعه ونهضت من السرير متوجهه نحو خزانه الملابس ثم دخلت لتغتسل وبعد عده دقائق تخرج مرتديه الروب القصير وتضع على رأسها منشفه ثم جلست على الكرسي تمشط شعرها ..
استيقظ احمد : صباح الخير ولا مساء الخير انا حاسس انى اول مرهانام كتير كده ومرتاح ..
يارا: صباح النور الساعه 10 كنت لسه هصحيك ..شوفت نمنا وماحسناش بنفسنا غير الصبح ينفع كده اكيد حسام سهر لوحده وادايق اننا مكناش معاه
اعتدل احمد ثم نهض من السرير متوجها نحو يارا ..قبل رأسها في حنان وهو يقول : حسام اعقل من كده وبعدين في حد يقوم على الجمال ده كله الصبح كده
ادارت يارا وجهها بخجل وهى تقول : روح خد شاور علشان نكلم حسام وننزل نفطر انا ميته من الجوع
قبل احمد جبينها وهو يقول : ماشي كلميه على ما اخلص اوك
..
امسكت يارا هاتفها
حسام: حبيبه قلبي صباح الخير
يارا: صباح النور حبيبي .. ايه الدوشه الى عندك دى
حسام: انا في طريقي للقاهره وقربت اوصل كمان جالى شغل مستعجل لازم اخلصه فورا
يارا بضيق: نعم ! طيب وليه ماقولتلناش كنا نسافر سوا كلنا
حسام: تسافرو ايه انتو لسه جايين امبارح قضوا شهر عسل حلو كده ..على فكره يا يارا احمد بيحبك وبيحبك اوى كمان متحاوليش تزعليه او تخسريه قربي منه ده جوزك وصعب تلاقي حد في الدنيا يحبك زيه خدى بالك من نفسك ومنه ولو عاوزين اى حاجه كلمونى ....
