رواية صدفه غريبه الفصل الرابع بقلم جمانه السعيدي
زيد... البنيه الي صورته مشتغلين عليه السحر
شابه جميله جدا
الله اعلم هي هسه عايشه لو ماتت من السحر
بس كون اكدر الحك عليه واساعدها
بعدين بديت اربط الاحداث
هاي البزونه الي اشوفه كل ليله هاي الحارس
الي مسخرينه للسحر
من صارت الجنطه عندي انتقل حارس السحر وياها
وجاي اتهاجمني كل ليله بسبب السحر
الله يلعن كل وحده سحاره وتاذي العالم
عفت التليفون على الشحن ورجعت نمت
كعدت الساعه بلعشره
كعدت متأخر لان تقريبا اني بليل مانمت بسبب هاي البزونه
لكيت امي كاعده ماحبيت احجيله على شغلة السحر
والبزونه
احتمال تخاف اذا حجيتله
جبت التليفون من الشحن وطلعت الرقم الي مكتوب علي اختي
واتصلت بنفس التليفون
رن رنه كامله ومحد جاوب
رجعت رنيت مره ثانيه محد جاوب عليه
رنيت المره الثالثه
رد عليه واحد
....الوووو
زيد...السلام عليكم
...عليكم السلام
زيد...اسف اذا ازعجتك بس اني لكيت جنطه بيه فلوس
وبيها هذا التليفون
واتصلت على هذا الرقم لان مكتوب اختي
....اي فعلا هذا تليفون المرحومه احلام
زيد...شنو مرحومه صاحبت التليفون ماتت
صار اربع ايام اني من لكيت الجنطه بس ما انتبهت اكو تليفون داخلها
يمكن لو منتبه جان كدرت اساعدها
...تساعد منو المرحومه ماتت بحادث قبل أربع ايام
زيد كلت بكلبي . اني توقعت صاحبت الصوره هي الي ماتت من السحر
سكتت شويه
....اخي صاحبت الجنطه ماتت بسبب حادث سياره
جانت صاعده بلخط ومن نزلت رادت تعبر الشارع
ما انتبهت للطريق دعمته سياره وماتت بنفس اللحظه
زيد...البقيه بحياتكم
...حياتك الباقيه المرحومه تصير اخت زوجتي
بس انت وين لكيت جنطته
زيد....بلخط لكيت الجنطه واريد تنطيني عنوانكم
حتى اجي اعزيكم وانطيك الامانه ابو منو حضرتك
ابو فاطمه...اني ابو فاطمه مااريد اسوي عليك زحمه اني ادزلك احد ياخذ الجنطه
جمانه السعيدي
زيد...كل زحمه ماكووو اني اريد اجي اعزيكم
ابو فاطمه...اهلا وسهلا تشرفونا
زيد...رحمله والديك العصر انشاء الله اجي واجيب الامانه
ابو فاطمه...اهلا وسهلا
سديت التليفون
اذا صاحبت الجنطه ماتت مدعومه لعد هاي الصوره الي عليه سحر صورة منو
اني لازم احجي الابو فاطمه من اسلمه الامانه
عن الصوره وعن السحر
يجوز يعرف صاحبت الصوره
واخيرا راح اخلص من هاي الجنطه وهذا الكابوس
واخلص من هاي البزونه والأحلام المزعجه
طلعت من غرفتي لكيت امي كاعده بلمطبخ
زيد....امي لكيت أصحاب الجنطه
امي...اي بيه الخير ولله يايمه الامانه ثكيله والبشر مايتحمل يشيل الامانه
زيد...بس مع الاسف صاحبت الجنطه ماتت
امي.......يااا ماتت خطيه شلون ماتت بس لا من القهر على فلوسها
زيد...لا الضاهر جانت صاعده بلخط ومن نزلت نست الجنطه
بلخط عبرت الشارع وندعمت وماتت
امي...الله يرحمه ويغفر اله
زيد كلت بكلبي اذا هي الي مسويه السحر اشك رب العالمين يغفر اله درب السحر درب الشيطان
امي...يمته يجون ياخذونها
زيد...اني راح ادزها الهم العصر واعزيهم زحمه عدهم فاتحه واكلهم تعالو
امي...اي ولله حجيك صدك
جمانه السعيدي
زيد العصر بدلت ورحت على هذا العنوان
وصلت بيت جبير كلش الطابق الاول مجمع مواد غذائيه
وحلويات
والطريق الثاني بيوت ثنيين نفس البناء
بنائهن نفس نضام الشقق
متقابلات واحد مقابل الثاني واكو ممر بينهن
وصلت كدام البيت واتصلت على ابو فاطمه
زيد....السلام عليكم ابو فاطمه اني زيد
ابو فاطمه....اهلا وسهلا وصلت
زيد.......اي اني واكف برا
ابو فاطمه..... اجيتك
نزل ابو فاطمه وصمم اصعد وياا البيتهم
ابو فاطمه...اله تتفضل وياي تشرب جاي انت انسان
محترم قله هذا الوكت الي يلكه امانه ويرجعها
وخاصة إذا كانت فلوس
زيد....رحمله والديك هذا حقكم البقيه بحياتكم
ابو فاطمه....حياتك الباقيه
صعدنا فوك ودخلنا البيتهم
كعدنا
ابو فاطمه....تعرف زوجتي من شافت رقم اختها يرن عليه
خافت وكامت تبجي
لان احنا ابد ماا نتبهنا جنطة احلام وموبايله ماكووو
انشغلنا بلحادث
زيد...اني نزلت كذا اعلان بلفيس حتى اعرف صاحبت الجنطه صار اربع ايام الجنطه عندي بس مافتشت داخله
البارحه بلصدفه فتحته ولكيت الموبايل
ابو فاطمه..الف رحمه على اهلك نعم الاخلاق ونعم التربيه
شويه واجت ام فاطمه جابت جاي
ام فاطمه...السلام عليكم
زيد...رديت السلام واني مدنك اهلا وسهلا
البقيه بحياتج
ام فاطمه...حياتك الباقيه
ابو فاطمه.. هاي جنطة احلام اخذيه
راسا كامت تبجي حضنت الجنطه وكامت تبجي
زيد...اريد افتح وياا موضوع الصوره بس مو كدام ام فاطمه
خاف الشغله بيها احراج
ابو فاطمه افتهم كعدتي ونضراتي اله غلط
اني اريده يشوف الصوره بلكت يعرف صاحبته
وهو متوقع اريد فلوس لان وصلت الامانه
طلع مبلغ مالي وكال هاي هديتك
زيد...راسا كمت لا ولله ازعل عليك ابد لا تعيد هاي الحجايه
ابو فاطمه بس هذا حقك
زيد...لا مو حقي اني حقي ارجع الامانه الاهلها
وأعتقد وصلت وهاي الجنطه مثل مالكيته
وهسه اترخص
ابو فاطمة...بعد وقت
زيد...لا اريد ارجع للبيت
ابو فاطمه اهلا وسهلا كل الهله بيك اريد رقم تليفونك
لان ارتاحيتلك
يمكن احتاجك بيوم من الايام
زيد...اي حاضر رديتله الرقم
طلع وراي للباب وأم فاطمه دخلت جوا
كان لازم اكله على شغلة الصوره والسحر يمكن يعرف هاي البنيه ويكدر يساعدها قبل لا يفوت الاوان
جمانه السعيدي
طلعت باب بيتهم وهو طلع وراي
التفتت علي
زيد...اريدك تعرف شي
ابو فاطمه ...كول شنو
زيد...اني لكيت صورة بنيه شابه داخل الجنطه والصوره معمول عليه سحر
اريدك تشوف الصوره يمكن انت تعرف هاي البنيه
وتكدر تساعدها اذا بعدها عايشه
ابو فاطمه...بنيه ووين الصوره
زيد...طلعت السحر والصوره وانطيتهن اله
هو شاف الصوره وهو تخبل انجن كام مايندل دربه
راسا عافني ودخل للبيت وهو يصيح على زوجته
تعاي ام فاطمه تعاي
بس شنو يصيح بصوت عالي وعصبيه صوته رج الببت رج
ابو فاطمه...تعاي شوفي المصيبه شوفي اختج
شمسويه
بتنا الي وصلت للموت وماخليت مكان مااخذته
اختج مسويتله سحر
تعاي شوفي مسويه نفسه حنينه وكل يوم جايه رايحه
وهي الي تريد تموته
ولج الله واكبر اختج شيطان مو بشر
تعاي شوفي الصوره شوفي مكتوب مرض وموت
ليش ليش اني شسويت الها ليش تريد تموت بنتي الوحيده
ام فاطمه لزمت الصوره وكامت تبجي بصوت عالي
وتصيح لا مااصدك معقوله احلام سبب هاي المشاكل كله
تريد تموت بنيتي ليش اني شسويت الها
انت وين لكيت هاي الصوره ومنو كالك احلام هي الي سوت السحر
ابو فاطمه...ولج هذا السحر لكا زيد هو والصوره داخل الجنطه
زيد اجا يحذرني وهو مايعرف هاي بنتي
الله لا يرحمها الله لايغفر الها
الله يلعنها بكبرها
بنيه مثل الورد ليش تريد تموتها ليش تريد تخلص منها
هو يصيح بصوت عالي وأم فاطمه تبجي
وماعدها اي رد علي
زيد...اني بقيت مذهول مااعرف اتصرف اروح
واعوفهم لو ابقى واكف
