رواية زواج ست أشهر الفصل الرابع بقلم جمانه السعيدي
اصيل ست اشهر نتحملها شلون مجان
خل تفض هاي الشغله لان اني تعبت حيل
سمر اني حتى مااكدر اكول اي او لا لان رائي لايقدم ولا ياخر اصلا محد راح يسمعني نهائيا
اني بلنسبه الابوي مجرد بضاعه يشوف منو يدفع اكثر ويقدمه اله
من هاي المكالمه بعد مااتصل عليه اصيل
وإجراءات العرس ماشيه بين اهلي واهله
واجا يوم المهر اني ماردت اسوي اي شي بس اتفاجئت
خاله حنان حاجزه بلصالون
وجايبه بدلة المهر على ذوقه
اني حتى فلوس المهر ماستلمتهن
هي راحت اشترت ذهب وملابس و بدله للمهر
رحت للصالون بس شني ماده البوز شبر كدام
ام صالون شنو تردين المكياج أوربي سموكن ترابي
ويه البدله
سمر اي شي بس شي بسيط كلش
لبست البدله ومكيجتني عافت شعري مفتوح وبرمته
وخلت هيج مثل السنبلة فضيه صفح
طبعا اني كاعده وماعلقت اي تعليق مبينه ماراضيه
وباقي العرايس بلصالون ضحك وسوالف وكل شويه متصلات بلعرسان
يفتحن كامرا ويبقن يسولفن
كملت ورجعنا للبيت طلع بابا مسوي حفله فخمه وعازم كل جماعته عود شوفوني ناسبت ابو اصيل
اجو اهل اصيل واقاربه
امه باستني يااا حلووه ماشاء الله
واخته واقاربه الي اني مااعرفهم
عقدلي الشيخ وبعدين عقد الاصيل
دخل علينا وهو ماد البوز شبر ومنزل حواجبه
امه وخواته كلهن باركله وباركلي
ام اصيل بارك العروستك بمه
التفت عليه وكال مبروك
ام اصيل لبسه الذهب
قرب لبسني الحلقه والسوار وكال الامه انتي كملي
وطلع من المكان
امه قربت تلبسني كتله ماله داعي
عبالك كاعده على اعصابي اريد الحفله تخلص
كلش ضجت
كملت الحفله وثاني يوم اجا اصيل هو وابو اخذوني عقدنا بلمحكمه
لبنى اصيل شلون راح تزوج غيري
اصيل انتي مو تعرفين ضروفي مو كلشي صار كدام عبنج
اني سويت المستحيل حتى تخرب هاي الزواجه
بس ماببدي شي
لبنى بس اني احبك
اصيل واني احبج اتحملي بس ست اشهر وراح نرجع اني وياج سوا بس اتخرج ارجعلج
لبنى لاتقرب عليه ابد ولا تنام وياها بنفس الغرفه
اصيل ابد بعمري مراح أقرب عليه ولا المسه ابد
لبنى اتصل عليه كل شويه
اصيل اكيد
سمر عمي اثث بيتنا اثاث كامل لان راح نسكن وحدنا
همزين وحدنا حتى اخذ راحتي
اذا وياهم راح يضغطون علينا نكون ويه بعض
اذا وحدنا راح ناخذ حريتنا
قرب يوم العرس جمعت ملابسي وحاجاتي واجو اخذوهن الببتنا كبل
يوم العرس جابولي بدله فخمه ورحنا للصالون وعمي حاجز النا ستوديو علمود التصوير
كملنا الزفه الناس فرحانه واني وياا عبالك رايحين ندفن عزيز علينا
رحنا البيتنا اني وياي حنان
وهو ويااا امه واخته
وصلونا للبيت وباركولنا وطلعووو
شويه واجانا عشى جاهز عمي موصي علي من المطعم
دخلنا جوه البيت حلووو كلش مرتب حتى الاثاث حلو
سمر اني راح ابدل
اصيل براحتج خل اخذ تراكي اني هم اريد ابدل
اخذ التراك من الغرفه وطلع
واني دخلت وقفلت الباب
اجيت افتح البدله مااكدر موسحابه من ورا بلبدله حباسيات
والبدله ضيكه حتى مااكدر اتنفس
اني جسمي مليات والبدله ضابه عليه شكد حاولت مااكدر
حتى حاولت افتحه بكل شي يمي
هي بيه ردن تول ضيكه كلش وصدر تول والضهر مفتوح بلبدايه وبعدين حباسيات لازمات البدله
لزمت المشط وحاولت افتحهن بي ماكووو
لكيت مكص وحاولت افتح بي وماكووو
كعدت على الجربايه لان تعبت
اصيل دكيت الباب ليش ما تجين تتعشين الاكل راح يبرد
سمر مااشتهي اكل انت اني راح انام تعبانه
اصيل براحتج
سمر شكد حاولت افتح البدله وماكدرت تعبت كلش
ويئست استحي اكله افتح البدله
اصيل تعشيت واتصلت ب لبنى وبقينا نحجي للساعه
ثنتين وبعدين صعدت جبت فراش وبطانيه من الغرفه
الفوك احنا خالين بيه الفراشات
ونمت بلصاله
سمر تعبت ونمت بلبدله مااكدر افتحه نمت واني منتجيه لان مااكدر اتمدد بلبدله
اصيل نايم وسمعت الباب اندكت كوه فتحت عيني
الساعه عشره ونص الصبح
كمت فتحت الباب امي جايبه ريوك وجايه
امي صباح الخير مبروك الف مبروك
اصيل الله يبارك بيج
هذا الريوك وابوك يكول خل بجون يتغدون عدنا
اصيل ادخلي جوه
امي لا مااريد ازعجكم من الصبح ننتظركم على الغده
اصيل تمام
اصيل رحت غسلت وجهي
ودكيت الباب سمر سمر اكعدي امي جابت الريوك
سمر كوه فتحت عيوني البدله حيل مضايقتني اليل كله اتفزز مانمت براحتي ابد
اصيل سمر كعدتي يله ترا عازمينا على الغده
سمر شلون ياربي شلون ورطه هاي
اصيل يله منتضرج برا
سمر لازم افتح الباب واصيل يساعدني افتح البدله لان اختنكت
فتحت الباب صباح الخير
اصيل اتفاجئت بعدها بدلة العرس
صباح الخيررر ليش لسه بلبدله
سمر دنكت لان مااكدر افتحه البارحه شكد حاولت وماكدرت افتحه
اصيل وشلون نمتي بيه شلون اتحملتيه
سمر ولا نمت كلما شويه افز
اصيل خل اساعدج
سمر اتحسرت ورجعت ليوره ياربي شكد استحي منه
اصيل هااا اساعدج لو تكملين اليوم وانتي لابسته
سمر انطيته ضهري وسحبت شعري ليكدام
اصيل اتقدمت فتحت اول وحده
سمر لزمت البدله من صدري واني اتمنى الكاع تنشك وتبلعني ولله عيب
اصيل افتح وحده ورا وحده بس كلش قويات وضابات
على جسمه
سمر اريد كلشي يخلص بسرعه متت من المستحه
اصيل كملت وكتله خلاص بعد تحتاجين مساعده
سمر لا شكرا ممكن تطلع حتى اغير ملابسي
اصيل اي ممكن
سمر طلع اصيل نزلت البدله يمه كمت اتنفس متت
جنت مختنكه كلش
لبست التراك وطلعت للحمام اريد اسبح
فتحت الماي الدافي وكعدت جوه الدوش
جسمي مطبع طبعات احمر من البدله
الماي الدافي منعش الله ارتاحيت
لبست تراك وروب لان بارده وطلعت
اصيل يله اني سويت جاي تعاي نتريك انتي البارحه نمتي بدون عشى
سمر بس امشط شعري واجي
راسا دك تليفون اصيل
اصيل هلو حبيبتي
لبنى مشتاقه
.. اني المشتاق اسمع صوتك الحلو
لبنى شكاعد تسوي
اصيل توني كعدت واريد اتريك
لبنى ماتجي نتغدا برا
اصيل مو اليوم اهلي عازمينا خليه غير يوم
سمر هزيت ايدي هذا من كل عقله يحب هاي الببغاء
دخلت اجفف شعري اخاف اتمرض
واريد اتريك لان كلش جوعانه
