رواية هو لا يشبههم الفصل الخامس بقلم تبارك الوائلي
«بيت ابو حسان»
مـحمد: ها يابه شو صافن؟!.
ابو حسان: اي والله يا محمد ومحتار بلي سويته باخوانك من وره نوره.. والي سوته بيه اني هم ماعندي حظ بالـدنيا شوفت عينك انفقدت 12سنه ورجعت جدتك ماشفتها من ماتت.. ولا امك ولا شفتك من اجيت للدنيا وفوك كل هل تزوجت وطلعت مو خوش بنية ومو اصيلة وقليلة تربية وخانتني.
مـحمد: احجيلك شي لو اتضوج يابه؟.
ابو حسان: لا وليدي احجي.. بقيت بس أنتَ على
گلبي.
مـحمد: يابه أنتَ المفروض متتزوج وحده صغيره حيل حتى أصغر من سوسن اختي.. لان مو نفس عمرك.
ابو حسان: لا وليدي ماله علاقه العمر هيه قليلة تربية واصل.
مـحمد: الله كريم زين ليش ماتتراضى ويا اخوتي مو احسن.
ابو حسان: اني طردتهم بسبب نوره وهم بعد يرجعون!!.
مـحمد: اي ليش لا يابه.
ابو حسان: مااتصور وليدي سد السالفه وعوفني.
مـحمد: هسه شخسران أنتَ يابه دجرب وروح عليهم.
ابو حسان: لا.
مـحمد: زين اني راح اروح عليهم.
ابو حسان: بكيفك أنتَ.. راح انام غطيني شو مالي خلك علمود العصر اروح العمتك ام بسام اشوف اختك هل مسكينه صفت بدون ام.
مـحمد: ماعليها شي يابه تتربى وتكبر.. احنه مو ربينا لا اب ولا ام خلف الله على عمي ابو صالح رباني وماحسسني يوم هو مو ابويه.. يله راح اروح لخوتي.
ابو حسان: روح وليدي.
᯽⊱┈──╌❊╌──┈⊰᯽
«عند بيت حسان واسامة»
أسُامة: حسان العصر تجي سوسن وشيرين ينظفن البيت انه...
حـَسان: الباب تندك اطلع اسامه.
أسُامة: اي اي جاي شدعوه هيج مستعجل.
مـحمد: ها اي والله مستعجل لان مشتاق لخوتي.
أسُامة: هلو حمودي شلونك شخبارك فوت حبيبي.
حـَسان: هلا حمودي شلونك شخبارك واخبار ابوك.
مـحمد: والله حالتة تعبانة كلش .
حـَسان: ليش شبيه.
مـحمد: مقهور من الي صار والبارحك طلك نوره وتنازلت عن كل شي وحتى حضانه بنتها انطتها الأبوية.
أسُامة اييييييي واخيراً ابوكم صار رجال وطلك بنت الشوارع.
حـَسان: عيب اسامه كلش عيب ولتتجاوز بكلامك مهما كان يبقى ابونه.
أسُامة: ابونه هاي اقنع نفسك بيها..مو هو نفسه الي فضل بنت الشارع علينه لو اني غلطان؟.
حـَسان: ولك والله العظيم مو بنت شوارع واخوتها خوش ناس بس اكو نسوان هيه الي توطي سمعه اهلها.. والحمد لله..هل خلصنه منها على خير وسلامة ولازم نروح على ابويه وانجيبه هو ومحمد يعيشون يمنه بالبيت ما لازم نعوفهم وحدهم.
أسُامة: حسان أنتَ صدك تحجي عود؟.. شوف دكلك اذا يطب ابوك بالبيت اني اطلع منه خوش ماابقى بي ومو ابويه هو.. ولك شنسه منه ومن سوالفه تصوبت بالجيش جنت انضف وضربت رجلي طلقة بالغلط رحت عليه طردتني مرتة وهو واكف ماحجه
ولا فك حلگة.. واني اعرج من رجلي.. وتدري بيه رحت على بيت عمي ابو صالح بقيت يمهم..و البنات خطيه يغسلنها ويداونها اليه وطبت وهسه تريد كل هذه ننسا وتجيبه بـ بيتنه لا والله مااقبل.
حـَسان: لتصيح سمعت ولاتعلي صوتك.. وهذه مو بيتك وحدك زين واجيبه غصباً عنك قبلت او لا تمام.
حـَسان:اني طالع وعايفلك البيت الك ولأبوك العار.
حـَسان: اساممممممه لك حقير اوكف اني الك أنتَ الظاهر مامتربي .
مـحمد: على كيفك حسان أنتَ متعرف اسلوب اسامه عوفه هو بعدين يقتنع.. وتعال يله روح على ابويه تدري شكد فرحت راح نرجع نعيش سوه.
ان شاءالله حبيبي يله اطلع خلي اقفل الباب شكد غثني النذل اخوك.
مـحمد: ميخالف خويه على كيفك.
᯽⊱┈──╌❊╌──┈⊰᯽
«بيت ابو صالح»
أم صالح: ها عيني ريوكك جاهز.
ابو صالح: اي يله.
أم صالح: يمه كملن ريوگجن وطلعلي فراش البوفيه اريد اشره على الشمس اهوي وارجع اصفطه.
فرح: اي يمه صار.
أم صالح: يله جمانه روحي ساعدي خواتج.
جُمانه: اي يوم رايحة.
ابو صالح: ها عيني راح تتوكل لشغلك.
ابو صالح: اي.. انطيني اشماغي خلي لبسه
أم صالح: اي عيني.. اكلك عيني اليوم اختك تريد رد شكللها؟.. مارجعتلي خبر.
ابو صالح: أنتِ مقتنعه بكلامج هذا من الصبح تغثين الواحد كتلج ماانطيها هسه الا يزوجن خواته الاكبر وهي اخرهن ازوجه ليش مستعجله على هل البنيه بس كليلي.
أم صالح: اني شعليه يا ابن الناس هي العالم تخطبها شلون يعني وانوب موكفه نصيب خواتها خطيه فرح اشوف الزعل بعيونها من محد يخطبها.
ابو صالح: يا بنت الناس جوزي من جمانه وعوفيها بحالها خلي اطلع احسن الي واعوفلج البيت.
أم صالح: ياا يا شبيك متكلي اوفففف شلون اقنعه بله هل رجال حيرني.
فرح: ها يمه شبيج.
أم صالح: البارحة عمتجن خطبت جمانة لبسام..واني وافقت..ابن اخوية وين الگة احسن منه..انطيها واني مرتاحها.. اشو بيت طابقين سياح نياح.. وبس هيه وعمتها وطيبة.. ويبقى البيت بس الها.
فرح: والله يمه صدك بيت خالي وهم بيت عمتي..واشو عمتي كل النهاره بالمحل تبيع يعني البيت كله يبقه الجمانه واحسن الها وهو بعمرها.
جُمانه: يا شبيجن ماعولتن تخلصن مني اني مااريد
اتزوج مو بكيفج.
فرح: وليش عيني شمنتظره ماتتزوجين.. اني واكف نصيبي من وراج هم من حقي اتزوج مثل البنات.
جُمانه: والله اني مالازمه الي يجي يخطبج فرح ماله داعي هل حجي واني ما اقبل يعني مااقبل.. سدن السالفه.
أم صالح: يا ولج جمانه ماتلكين احسن من هيج نصيب يا حبيبتي اقبلي وخلي يجي نصيب خواتج ليش هيج واكفه بنصيبهن اني هم من حقي افرح بيجن شعندي غيرجن يا بنتي.
جُمانه: يمه شبيج أنتِ مااريد ازوج عفيه ليش هل ملحه عليه والله بعدني صغيره ليش هيج تسوين بيه ليش.
أم صالح: هسه شلون ام دميعه محد يكدر يحجي وياج بس كليلي ليش يمه.
جُمانه: مااريد اعوفكم مااريد كافي.
أم صالح: حبيبتي أنتِ خطوتين عنه.. ومو بعيده علينه والله منلگة احسن منه الج اقبلي الخاطري اني.. زين هسه فكري وبعدين يصير خير خلي اشوف ابوج ولتحجن كدامه هل حجي عيب تره هيج حجي اني ويا بس ماشي.
فرح: اي يمة اي.. ان شاءﷲ اتصير القسمه وتتزوج جمانه ونفرح بيها.. اني شايله هم شلون راح تطلع بالفستان جمانه گمر والله گمر.
جُمانه: هو هذا الهامج فرح الفستان؟
فرح: اي ليش لا.. يوم الـ ألي والبس اني الفستان واصير عروسة.
أم صالح: اي يمة ان شاءﷲتصيرين احلى عروس وتلبسي.
أم صالح: ها وين رايحة؟.
جُمانه: اريد اروح اصلي اذان الظهر.
أم صالح: اي روحي حبيبتي الله يهديج.
فرح: اوكفي انصلي وياج.. يلا شهد امشي انصلي سوه.. ليش ساكته ماسمعنه صوتج.
شهد: والله ماادري.. بس مو بعدها جمانه صغيره على الزواج.
فرح: خاب متسكتين شهد احسنلج وتكرمينه بسكوتج.. يلا توضي خلي نصلي ابويه على جيه .
«جمانه» رحت توضيت وصليت واني ضايجة من هاي السالفة.. اني شنو ذنبي كلها تكلي موكفه نصيب خواتج.. اذا هو نصيبهن بعده ما اجه اوفف ياربي ساعدني اصلي وادعلي واني ابجي.
ياربي أنتَ وكيلي أن مسني الضر وانتَ أرحم الراحمين.. مااريد اتزوج مااريد ابعد عن اهلي ولا افاركهم يارب ساعدني يارب.
فرح: شكو جمانه.. شبيج كالبتها مناحه هسه امي تشوفج وتضوج.
شهد: ليش هيج تسوين بيها وتقهريها يابه شنو جلبتن بالسالفه تكول مااريد اتزوج.. عوفنها.
فرح: اي ماتريد..الله ينطي الجوز للماعنده سنون كافي بله تمضيك. تره كبرتي مو صغيره أنتِ.
ابو صالح: السلام عليكم.
أم صالح: هلا عيني كل الهلا بيك اصبلك الغده.
ابو صالح: اي والله جوعان حييللل.. شويتي السمج.
أم صالح: اي عيني يخبل سويته الك.
ابو صالح: ها بابا شبيج.
جُمانه: مابيه شي.
ابو صالح: شبيها عيونج.
جُمانه: لا مابيهن شي.
ابو صالح: اليوم مسوين السمج الي تحبي يلا جيبي الطرشي من الثلاجه يلا بنيتي.
جُمانه: اي يابه.
ابو صالح: سفرة دايمة يارب.. عاشت ايدج.
أم صالح: بالعافية عيني.
أم صالح: جمانه يمه صبي چاي لأبوج.
جُمانه: اي.
ابو صالح: راح انام شويه.. والعصر كعديني اريد اروح للفاتحة.
أم صالح: اي عيني صار بس ماكتلي فكرت بسالفه لا.
ابو صالح: هم عدتي نفس السالفه أنتِ شنو متملين بس كليلي زايده لكمتها عليج هل البنيه شبيج.
أم صالح: ياعيني عيب ام بسام كالت العصر اجيج باجر اريد جواب منج شكللها.
ابو صالح: كليلها مو هسه.. اني ما امانع بس بعد فد سنتين هيج وتدللل خلي يكبرون ليش مستعجله.
أم صالح: اييي عيني فدوه فرحت گلبي.. اهم شي تحجزه الأبنها وتسما مخطوبة .
ابو صالح: بنتج سألتيها قابله بي لا.
أم صالح: اي عيني ليش لا ماتلكه احسن من ابن خالها وابن عمتها والله.
ابو صالح: الله كريم خليني انام.
أم صالح: نام نوم العوافي.
........................
فرح: شبيج يمه شو اشوفج فرحانه.
أم صالح: اي والله فرحانة.. لأن ابوج قبل ينطي جمانه الـ بسام وگال بعد سنتين نزوجهم..بس
هسه خلي تحجزها اله.
فرح: اي همزين خلي نفرح.
جُمانه: واني يمه.. شنو تقررين بمكاني.
أم صالح: لا حبيبتي مو هسه يخطبج وره سنتين تكبرون وتتعودون ويصير زواج حالج حال اي بنيه.
جُمانه:بس اني مااعرفه كل سنه نشوفه مره.
أم صالح: الله كريم تتعودين عليه والله .
فرح: يمه ام ميس تكول خالتي ام حميد على الخط دكت عليج.
أم صالح: اي خلي اروح اني وهم ابشرها بخطوبة جمانه راح تفرح.
᯽⊱┈──╌❊╌──┈⊰᯽
« عند بيت ام حميد»
أم حميد: ها خيتي شلونج شخبارج الحمدلله كلنه بخير ولولد يسلمون عليج كلهم.... ها منو جمانه أنخطبت؟...منو خطبها...يا بسام ابن اخونة
بس خيه اني قبل مو كتلج اريدها الـ داوود وأنتِ كلتيلي بعدها صغيرة...... اي بس كلتلج مو هسه من ازوج حميد وبعدين ازوج داوود.. يعني هم على ماتكبر البنية... لعد ليش قبلتوا.. يعني ابو صالح بنطي الأخته ام بسام ومايقبل ينطينة.. لالا داده هاي مامرجية منج..ليش ابني شنو ناقصة.. صدك زعلتيني.. مع السلامة.
كواكب:شكو يمه ليش ضايجه منو خطب؟.
أم حميد:خطبوا جمانة لأبن خالجن بسام.
كواكب: ياا سرور تعالي سمعي بسام خطب جمانه.
سرور: ياا عالخير والبركة مهناية ان شاءالله.
داوود: يمه أنتِ مو كايلة الخالتي أم صالح أنُ اني
اريدها.
أم حميد: اي والله كلتلها.
داوود: لعد ليش خالتي تنطيها لبسام واني رايدها.
أم حميد: على كيفك وليدي كلشي قسمة ونصيب.
داوود: يا نصيب يمه اني كتلج اريدها وأنتِ كلتيلي حجيت ويا خالتك وقبلت.. لعد ليش هسه راح تنطيها لـ بسام.. ليش خالتي تفرق بينه.. اني ابن اختها وبسام ابن اخوها... ليش أنطتة واني لا.. هاا يمه احجي ليش ساكته... شو كواكب بله دكي على خالتي خلي احجي وياها.
كواكب: على كيفك داوود اهداء شوي.. اني هسه راح اخابر خالتي وافتهم السالفة منها.
داوود: اي يلا دكي هسه لان ماعندي صبر بسرعة يلا.
كواكب: اي اي عيني بس لتصيح..هاي دكيت....
شلونج عيني ام ميس.. اعذرينه تعبناج كل شوية ومخابرينج.
أم ميس: لا حبيبتي عادي ماصار شي وام صالح جارتي وعزيزتي.
كواكب: فدوه لعينج.. اريد احجي ويه خالتي.
أم ميس: صار ابقي على الخط راح ادز ميوسه تصيحها وتجي ادللي.
داوود: ها منو رد عليج خالتي لو فرح احجي.
كواكب: على كيفك ياعيني محد اجه لسه اصبر شوية شبيك مستعجل.
داوود: يله صبرنة خلي نشوف وين توصل ويا خالتي.
أم حميد: اصبر يمه يمكن انكطعت الحراره خلي ادك مره ثانية.
᯽⊱┈──╌❊╌──┈⊰᯽
« عند بيت ابو صالح»
فرح: ها يمه شبيج ضايجه.
أم صالح: خالتج دكت علية... ومن كلتلها راح نخطبج جمانة لبسام زعلت واخذت بخاطرها مني.. تگول هذاك اليوم من خطبتها منج كلتيلي ابوها ماينطيها... لان بعدها صغيرة.. وكتلج مو هسه ازوجها من وره ما ازوج حميد وبعدين هو.. منا لذاك الوكت لبنية جبيرة.. كلتلها هو ابوها وافق ينطيها لابن اخته.. بس زعلت وسدت الخط.
فرح: ميخالف يمة.. هيه شكم يوم وترضا.. خالتي ماتشيل زعل عليج.
جُمانه: يمة هاي خالتي خابرت مرة ثانية.. تريدج.
فرح: اكعدي يمه راح اروح اني افتهم منها السالفة ولتضوجين أنتِ.
أم صالح: ماشي يمه بس لتتأخرين.
فرح: اي يمه صار.
«جمانه» راحت فرح تخابر خالتي واني بقيت كاعدة يم امي خطية انقهرت لان خالتي زعلت عليها...
«عند بيت أم ميس»
فرح: هلا كواكب حبيبتي.. شنو صاير.. اي صحيح كالت تريدها لداوود.. اي بس اسمعي كواكب السالفة هذاك اليوم من اجت خالتي كالت لامي اريدها لداوود.. وامي كالت بعدها صغيرة وابوها ماينطيها.. وبعدين امج كالت من تكبر و يجون عليها الخطابة انطيها.. لا تخلينها.. وامي عبالها.. خالتي بعد متريد جمانة.. لان هيه جانت رايدة بس تكبر شوية.. وتنطيها اله.. بس استحت تكول لامج.. انو تخطب جمانة.. وقبلت تنطيها لـ بسام.. وعلى هل اساس امي قبلت بـ بسام... اي اي كواكب روحي واحجي ويا امج وكليلها هل حجي اي يله مع السلامة.. عود أنتظرج تخابريني.
«جمانه» رجعت فرح.. وكالت شنو حجت ويه كواكب وفهمتها السالفة.. وراحت امي تبشر عمتي أم بسام.
.....................
«بيت ام ميس»
أم بسام: الوو ها خيه شلونج اي بشريني.
أم صالح: اي خيه ماعنده مانع اخوج قبل.
أم بسام: اي الف الحمدلله والشكر.
أم صالح: بس يكول مو هسه بعد سنتين.
أم بسام: ياا شدعوه يخيه اريد افرح بابني اني.
أم صالح: اي هسه اصبري والله كريم المهم قبل وانطاج كلمة.
أم بسام: اي الحمدلله خوش لعد اجيج الجمعة انجيب الذهب.
أم صالح: ماشي داده الله كريم ان شاءالله هله بيج.
أم بسام: سلميلي على جمانه.. يلا خيه خلي اروح ابشر بسام وافرحة.
أم صالح: ماشي خيه مع السلامة الله وياج حبيبه.
«جمانه» اجت امي من بيت أم ميس وهيه طايرة من الفرح وتلاگت ويه صالح...
صالح: السلام عليكم.
أم صالح: وعليكم السلام.. هاي وليدي جنا احجي ويه عمتك ام بسام.. على مود اختك جمانه.. رجعتلها خبر وفرحت خطيه.
صالح: والله يمه أنتِ اشوفج مسرعة على جمانه.
أم صالح: لا اسكت ماعولت ابوك يقبل.. وبعدين مو هسه تتزوج.. بعد سنتين.. ابن خالك وعمتك مالكه احسن منهم بلكي من تنخطب تنفتح جبسه خواتك ويزوجن وراه.
صالح: والله ماادري شلون تفكرين أنتِ يمه ههههه.
أم صالح: هم دكت عليه خالتك ام حميد.. على مود جمانة.. انطيها لداوود.. بس ماصارت.
صالح: والله يمه تردين الصدك.. لو تنطيها لداوود احسن من بسام.. داوود جبير وفاهم وعنده صنعه وفاتح محل.. احسن من ابن اخوج.
أم صالح: شبيك صالح تريد تضحك العالم عليه..
اول مايشمتن بيه عماتك هسه يكولن . بالأول انطتها لابن اخوها وبعدين بطلت وانطتها لابن اختها.. كفيلك الله اول ماتشمت بيه عمتك ام الآء.. راح تكول.. ام صالح كعدت الاء سنيين وماخلتها تتزوج لان حاجزتها لصالح.. وبعدين عافتها وزوجته غيرها.. وهسه راح تنطي جمانه لبسام وترجع تبطل.. وراح تنطيها لاختها.. لا عيني لا لحد يتدخل بجمانه
بس اني وابوكم.
سُندس: لعد عمه من رادها اخويه كلتوا بعدها صغيرة.
أم صالح: وهسه وبعد صغيرة.. بعد سنتين انزوجها
هسه بس خطوبه.
سُندس: ها اي شكو بيها.. ان شاءالله خير.. بس والله امي اتمنتها...
أم صالح: يوووو يووو سندس كافي حتى البنيه انفست كلها تريدها.. قابل ماكو بنات بس جمانه بس اهلج مادري مغمضين.
سُندس: على كيفج عمه هسه شكلنه.
جُمانه: كافي سندس وسدي السالفه.
سُندس: اي كايمه بغرفتي احسن.
جُمانه: اي والله احسن... اكلج فرح اني ماكدرت احجي كدام امي تره سرور بنت خالتي جانت تحب بسام واني ادري بيها وهيه حجتلي عليه..شلون اني اقبل اتزوجه وهيه تحبه..سرور بنت خالتي وصديقتي..احس ما اكدر.
فرح: سرور قبل اسبوع حاجين بيها ناس وقابله لو صدك تريد بسام جان رفضت ماكو هيج حجي.. اسكتي لا تتحججين أنتِ.. وتره بعد سنتين على الخطوبه خلينه نفرح بيج.
جُمانه: زين فرح فدوه خلي روح اني وياج نخابر خالتي واحجي ويا سرور فدوه ماكدر اقبل خلي احجي وياها.
فرح: اي ميخالف العصر اخذج واحجي وياها.
«جمانه» ماگدرت اصبر شيجيب العصر واروح احجي وي سرور خطيه هيه تحب بسام واخاف اكسر گلبها من اتزوجه.. لازم احجي وياها.. صار العصر ورحت اني وفرح.. وفر تحججت انو تريد تعرف شنو سالفة خالتي واني كلتلها اريد العب ويه ميس.. وامي قبلت.
....................
فرح: الو هلا حبيبتي كواكب شلونج گلبي صدك بخصوص خالتي شنو كالت....ياا هيه هيج حجت والله اني ما ادري بـاهلحجي كله.. يلا الله كريم.. اكلج كواكب سرور يمج جمانة تريد تحجي وياها.. تمام.
جُمانه: الو هلو سرور حبيبتي شلونج.
سرور: الحمدلله الله يسلمج.. الف مبروك.
جُمانه:يامبروك بعدنه بس حجي..اكلج صدك سمعت جايينج خطابة..أنتِ موافقة؟.
سرور:اي... وافقت.
جُمانه: لعد وبسام.
سرور: بسام كلي امي ماتقبل نتزوج.. وخلينه نسد سالفتنة.. جمانه مابيها شي اقبلي تتزوجين بسام والف مبروك والله يسعدكم.. واني راح اتزوج الولد.
جُمانه: الف مبروك حبيبتي.. يله هسه باي.
سرور: الله وياج حبيبتي.
فرح: ها شكالت؟.
جُمانه: كالت اقبلي اني ويا انتهت علاقتنة.. واني قبلت بالعريس وراح اتزوج.
فرح: ها الف عافية عليها.. ربي يسعدها وهسه ارتاحيتي أنتِ.. بعد ماعندج عذر.
جُمانه: اي والله ارتاحيت جان هم على گلبي وانزاح.
أم صالح: ها يمه شكالت خالتج والله حتى ضغطي صعد.
فرح: والله يمه هاي كواكب تكول خالتي اني مو قصدي هيج من حجيت لان هيه كالت خطابه تجي على جمانه بس مو قصدي هيج.. هيه بعدها اريد جمانة.
أم صالح: شنو مو هيج قابل تضحك عليه ام حميد.. لا هذا هو بعد انطيت حجايه الأم بسام .. هسه شتكول العالم عليه عافت ابن اخوها وانطت الأبن اختها لا عيني كل شي قسمة ونصيب وسدن السالفه.. وجمانه حضري روحج أنتِ وفرح..
الجمعة يجيبولج الذهب.
جُمانه: ليش هيج مستعجلين.
فرح: شبيج ضايجه يحضي دروحي والبسي الذهب شبيج ميعجبج العجب وتتبطرين.
جُمانه: فرح شنو هل حجي.. اوففف اوففف شسوي ياربي والله ما اريد اتزوج مااكدر اعوف اهلي.
سُندس: الف مبروك حبيبتي جمانه ولو تمنيتج لأخويه خطيه من فات وشايفج صدفه.. بس شنسوي بعد اهلج ميقبلون.
جُمانه: ان شاءالله يلكه احسن مني.
سُندس: تسلمين حبيبتي جمانه.. خلي اروح امدد ظهري يوجعني حيل.
جُمانه:روحي عيني ارتاحي.
᯽⊱┈──╌❊╌──┈⊰᯽
« بيت أم بسام»
ام بسام: ها طيبه منو على الخط.
زينة:الو هلو يمه شلونج شخبارج.
أم بسام: الحمدلله حبيبتي فدوه الكلبج.. اي خطبنه جمانه. الجمعة ان شاءالله نجيب الذهب.. وهم كولي الـ ساره أنتِ.. ان شاءالله اسوي لأخوجن حفلة خطوبة وتجن تفرحن لأخوجن.. ان شاءالله حبيبتي اي والله وين يلكه احسن من جمانه جمال وادب واخلاق والكل يتمناها ان شاءالله تصير من نصيبه واعقد سيد.. وأأمن انو صارت صدك خطيبتة
.. اي والله بلكي يكعد ويعقل ويبطل سوالفه العوج ان شاءالله يارب بس خلي اجيب الذهب والعالم كلها تعرف انخطبت.. اني هم راح اكللهم نسوي حفله تلبيس الحلقات.. وبعدين لهناك واكللهم خلينه نسوي عرس ما اخليها سنتين هسه انزفا شبيج.. دخلي بس يوافقون على الحفله اول وبعدين الله كريم خلي ازوجة وارتاح.. حتى ارجع من المحل الكه لكمه اكل شي.. اي يمه ادري بيها كلشي متعرف.. اني قابله ان شاءالله اني اعلمها على كل شي بس خلي تجي يمي والله كريم.
᯽⊱┈──╌❊╌──┈⊰᯽
«بيت أم حميد»
أم حميد: داوود سد السالفه كافي جمانه مو من نصيبك كافي يشهد ربي اني احبها وتمنيتها الك والله مو قصدي هيج من حجيت ويا خالتك وتكدر هسه خالتك تغير رايها لان هسه حاجين بس حجي.. بس هيه مقتنعه متنطي اليه.
داوود: صدك تحجين يمه اني اريدها ليش خالتي اتفرق.
أم حميد: داوود على كيفك انت مو تريد تسافر على مود شغل سد السالفه.. وحتى اذا انطوها الك متعرف شيصير هناك.. بله بقيت ومارجعت.. شفت غيرها تبقه رابط البنيه بيك سنتين لا انساها وتوكل وسافر انت سفرك بعد اسبوع.
داوود: الله كريم اني طالع.
أم حميد: شفتي سوده عليه شلون مقهور.
كواكب: شبيدنه عليه يمه وأنتِ هم ما ادري شلون تحجين.
أم حميد: والله العظيم ماقصدت هيج اني حجيت على نيتي مامقسومة النه يمه هذا هو.
حميد: السلام عليكم.
أم حميد: وعليكم السلام هله يمه حميد.
حميد: الجماعة مستعجلين يكولوه هل الأسبوع ويزفون سرور.
أم حميد: ان شاءالله يمه.. الله يتمم الها على خير.
حميد: ان شاءالله يارب.
᯽⊱┈──╌❊╌──┈⊰᯽
«بيتابو حسان»
ابو حسان: محمد بابا الباب يندك.
مـحمد: اي يابه رايح.. هله حسان هله بيك... يابه اجه حسان.
حـَسان: شلونك يابه.
ابو حسان: هله هله يابه.. هله وليدي اجيت عليه..
اخ ياوليدي واني طردتكم من البيت وانتَ جايني.
حـَسان: لا يابه ميخالف أنتَ تبقه ابونا.
ابو حسان: اي والله والنعم من تربيتك.. عرف ابو صالح شلون يربيكم.
حـَسان: الحمدلله تعلمنه على الحنية وطيبة الگلب.. يابه اريدك تجي تعيش بـ بيتنه وهذه البيت تعوفه بعد يومين يستحق ايجارو راح اجيب سياره واخذ غراضك يمنه تعيش أنتَ ومحمد.
ابو حسان: اي بويه بكيفكم اني بلي يعجبكم اسوي
هسه الم الغراض.
حـَسان: لا مو هسه عوفهن اني اجيب احد من اصدقائي ونجمع الغراض كلهن بسياره وافرغ البيت وانطي المفتاح الراعيه ونعيش سوه كافي بُعد وغربة .
ابو حسان: واسامه مااجه وياك اكيد ماقابل على جيتي يمكم.
حـَسان: أنتَ تعرف اسامه مخبل ومتسرع بس گلبه ابيض ينسه بسرعة عوفة براحتة.. يله كوم نروح.
ابو حسان: يله وليدي يله.
مـحمد: ها وخيراً راح نعيش سوه مثل كل الناس.
حـَسان:ههههه اي حمودي ان شاءالله.
᯽⊱┈──╌❊╌──┈⊰᯽
«بيت ابو هدى»
أم هدى: ابو هدى يله تعالو اتغدو.. اكلك عيني سمعت اختك ام بسام خطبت جمانه لأبنها.
أبو هدى: صدك تحجين وقبلوا؟.
أم هدى: اي قبلو.
أبو هدى: بس ليش هيج قبلوا بسام من صغره وكح وحرك وتعبني اركض ورا وامه مدللته ليش هيج سوه ابو جمانه ليش.. اني باجر اروح عليه واحجي ويا.
أم هدى: شعليك ياعيني لتوكف نصيب الناس شعلينه.
أبوهدى:شلون شعلينه.. جمانه هاي حبيبتي وغاليتي اعز من خواتها عندي فقيرة ومؤدبة حيل هذا ماتتوالم ويا.
أم هدى: الله كريم الي بي خير ربك يقدمه ان شاءالله.
᯽⊱┈──╌❊╌──┈⊰᯽
«بيت ابو صالح»
أم صالح: يله ماما راح نتأخر علمود نروح عمتجن تنتظرنه.. سندس شهد احنه منتأخر ان شاءالله ديرن بالج على البيت وما اريد حجي زايد ورايه.
شهد: اي يمه ان شاءالله.. جمانه اختاري ذهب حلو.
جُمانه: اسكتي عني شهد.
شهد: أيييي مبوزه ست جمانه يله عيني.
«جمانه» طلعنه ورحنه لبيت عمتي ام بسام نجيب الذهب...
أم بسام: هلا حبيبتي شلونج شخبارج.
جُمانه: هلو عمه.. شلونج هلو طيبه..
بسام: هلو جمانه شلونج.
جُمانه: هلا بيك بسام الحمدلله بخير.
أم بسام: يله عيني نتوكل بس خلي اكلج شغله راح اجيب تراجي وحلقة وساعة ويبقه بس المحبس لان فلوسي متكفي من اخذ الراتب عود اجيب المحبس.
أم صالح: عادي خيه مابينه شي وشكو بيها عود من تاخذين الراتب جيبيلها.
أم بسام: السلام عليكم اريد حلقه وتراجي اي خلي تشوف جمانه براحتها.. ها حلوه التراجي
جُمانه: اي حلوات.
أم بسام: بالعافية حبيبتي.. اي اي هاي الحلقه ياا اصابيعها ارفاع ياربي هاي شكبرها الحلقه.
أم صالح: اي اصابعه رفيعه.
أم بسام: اي فدوه جنهن جكاير اصابعها اي هاي صغيرة.
جُمانه: اي على كدي.
أم بسام: هذا هو.. بالعافية يله حبيبتي نروح.
أم صالح: لا خيه نروح لبيتنه احنه مااكدر بعد ارجع وياج.. هسه يجي اخوج..بس الساعة شلون.
أم بسام: عود بسام يشتريها ويجيبها من صديقة ابو الساعات.
أم صالح: يله خوش.. ها جمانه شبيج.
جُمانه: يمه ليش ماجابت محبس.
أم صالح: ماعدها هسه خطيه عمتج عود تجيب لج ماطايره الدنيا امشي واسكتي.
جُمانه: يله سكتنه.
شهد:ها يمه جبتا شو بله خلي اشوف.. ها حيل يخبلن حلوات بالعافية حبيبتي.
سُندس: شو شهد خلي اشوف.. اي والله صدك حلوات والتراجي اكبار والمحبس وين يا ماجبتوا؟.
أم صالح: لا ما جبنه.
شهد: سندس شبيج متفاجاءة مو هسه على الشهر الجاي من تستلم عمتي راتبها.
أم صالح: هيه هسه اشترت هذني علمود تحجز جمانه وتلبس الحلقات.
سُندس: ها راح اسووون حفله.
أم صالح: اي خلي نفرح.
لا منسوي ولا اريد اسوي.. خلي اطب اتوضه علمود اصلي...«يارب شلون بيه ما اريد كل هذا.. يارب خلصني منهم يااارررببب».
فرح: يله طلعي جمانه اريد اطب.
جُمانه: اي طلعت.
شهد: يله اجه ابويه علمود نتعشه.
ابو صالح: ها بابا شبيج؟.
جُمانه: مابيه شي.
ابو صالح: تعالي نتعشه اكلج ام صالح شبيها جُمانه شو ضايجه وساكته.
أم صالح: لا مابيها شي بس مو تدري بيها مامتعلمه تطلع وتعبت.
ابو صالح: لا خوفي اكو شي.
أم صالح: لا عيني ماكو شي ابد.
ابو صالح: اكيد؟.. خاف ماقابله على هل شي.
أم صالح: لا عيني هيه برضاتها كلها والذهب هيه اختارته بنفسها.
ابو صالح: ها خوش الحمدلله.
أم صالح: اختك تريد تسوي حفلهةخطوبة وتلبسها حلقة علمود تبعد عنها الكل وتنحجز بااسم ابنها.
ابو صالح: براحتكم تردون سووو.
أم صالح: اي ان شاءالله.
فرح: يمه ام ميس اجتي تكول كواكب بنت خالتي على التيلفون تريدني خير ياستار.. شعجب خابرت باليل.. روحي يمه بسرعة شوفيهم خاف بيهم.
فرح: شي لا ان شاءالله ماكو شي.. ها عيني شلونج ام ميس الله يسلمج.. ها كواكب خير.. ها الف مبروك ان شاءالله اكول الامي.. اي بس والله خفت عبالي اكو شي يله مع سلامة........
