رواية تحت ظل السعف الفصل السادس بقلم ميار
چا شرد اكلك بعد
واندهلك بيا صِفة
وأنتَ اقرب من النفس
ومن شفتك انه
الحزن
مِن كل حياتي اختفه .
__♕_____
ريام
هل يومين التهينه بخطوبة حسين يبووي طاير
من الفرح وامه خطيه كل ما تشوفه تهلهل باجر خطوبته
حظرت فستاني وحجابي توه اتمدد دخلت رباب وياها علي
رباب:: ما ادري شيريد بس افتهم وسام عليه يريدج
-دك گلبي عرفت جهاد دزه بس شلون رباب بقت واكفه
هو من شافها ما راحت خزرها وهي ضحكت وطلعت
اووف ارتاحيت جيه ذب روحه بحضني وعينه على الباب
رغم طفل عمره يلا5 سنوات بس ماشاء الله حيل ذكي
وحذر ويفتهم حطت ايده بجيبه وطلع الورقه وباسني وطلع
خفت اقراها گبل حطيتها بالمخبئ السري مدري اخاف لا
انساها لا احد يشوفها عايشه بقلق حتى من يجيبون طاري
جهاد افز عبالك راح يكولون شفناج ويا دخلن البنات يسولفن على باجر ما ركزت وياهن وهنه هم لان تعبانات
نامن من وكت كمت طلعت من الغرفه ورحت للحمام سديته وطلعت الرساله يمه گلبي يدك يدك ابتسمت
وفتحته واني مدري ليش خجلانه ليش متوتره وفرحانه
مكتوب
السلام عليكم ريوم بويا اذا تكدرين تجين انتظرج
يم النخله بس اتمنى الفجر لان الولد ملتمين اليوم
تعالي ريم راح ابقى انتظرج لازم نحجي وانتبهي خوش لا احد يشوفج واذا ما كدرتي لا تجازفين
جهاد
يمه گلبي ادحك على اديه يرجفن ليش ما اعرف بس
قررت اروح رجعت الرساله وغسلت وجهي وطلعت
تمددت بمكاني غير لو بقت نومه هيج مفتحه عشره
على عشره وعيني بالساعه كمت اعد الدقايق ساعه
العب بشعري ساعه انتف بخيوط البطانيه كمت لبست
حجابي من صارت ساعه 4 يابه اطول ليل مر عليه اخذت
شماغي والعبايه وطلعت مثل الحرامي وفتحت الباب
وركضت هلمره وصلت النخله واني احس گلبي طلع
من مكانه التفتت ادوره من ما لكيته احس نفسي اختنكت
-هلا بريمي هلا بالمغامره الشجاعه
-التفتت بفرحه جنت متلثمه ادحك الجو بعده اظلم
بس من بلوجكتر المضيف اشوف شي بسيط من وجهه
جهاد:: گلبي كال تجين
ريام:: همم اي كتلك كل شي يخص ابوي اجي ليش
دزت عليه صار شي جهاد لو تحتاج مني شي هاا جهاد
جهاد:: لا ماكو شي اكعدي افهمج وهاي اول مهمه
النه وضروري تنتبهين لا احد يشوفج اريدج نبهه وحذره
ريام: خوش خوش شنو اسوي
- باجر راح كلها تلتم اريد منج شغله اذا كدرتي تفوتين
لغرفة جاسم البارحه جيه عليه ولد شاب انطاه اوراق
هو ما دخله المضيف وكفو على صفحه بس اريدج تقرين
شنو مكتوب اوراق شنو بس انتبهي ممنوع تاخذين منهن
بس شوفيهن وافهمي مالت شنو تمام وانتبهي الكي عذر
باجر هي خبصه بس اريدج حذره واذا شفتي ما تكدرين ابد
لا تجازفين هاي مرته تره حيه وراح تبقي عينها عليج
ريام:: تمام احاول وان شاءالله اكدر بس تحسهن يخصن
احد يعني ابوي لو حارث وشنو تتوقع مالت شنو وهنه لحمدان يعن...
جهاد:: على كيفج يابه جم سؤال هذن اي اريد نتأكد
هو يفتر يدور على املاك خالي خالد ما خله طريقه
ما سواها فـ لهذا السبب اريد اتاكد ما اوصيج انوب
ريام:: لا يابه لا ولا يهمك بعدين هاي جديتك بجذبتين
قنعتها ولا احتاجيت امثل زايد خليتها تشبك وتبوس
-هههههه اي لا تتحمسين هي ابرع منج بالجذب والتمثيل
-صدك؟
جهاد:: اي كتلج تنطي للشيطان درس انتبهي بس ابقي
مثلي الحفيده الزينه الي ادور رضاها بين ما نتاكد حمدان
وين وله ما مريحني وحتى ابنه غسان ما جاي يدخل عقلي
ريام:: شبيك جهاد غسان ربيت ويا والله انسان محترم
ويحب يساعد وتره لو ما هو جان من زمان كتلوني من
وره الاملاك الي ما افتهمت ابوي شيملك وهيج صاير
بيهم عمي حمدان جان تجي ايام ما ينام شكد ما ينقهر
جهاد:: طبعاً ينقهر شايفه هاي الكيعان كله لابوج حتى
كيعان بيوتهم جدي گبل لا يتوفه بسنين مسجل املاكه
كلها لخالي خالد وهو ما قصر ويا احد بلعكس وسع الهم
الشغل وفتح معمل مي ومعمل ثلج ومحلات گصابه
صدك همه لهسه بيدهم بس ساعة الساعه اذا طلع
المشتري الي ماخذهن من ابوج يصفون على الحديده
ريام: هاا اي مدري المهم ان شاء الله ما يلكونه ويتهنون
سكتنا واثنينه اندحك على المضيف وبگلبنه جمره تحرك
رواحتنا رغم ما شفت من طلع من المضيف مقهور بس ابوي
من رجع مكسور عيونه حمر من كميت الاذى ومنظرهم
ما يروح من بالي كتلوهم جدامي درت وجهي امسح دموعي
جهاد:: وعد يا ريام يجي يوم نوكف هاي الوكفه جدام
هذا المضيف واحنه اندحك عليه وهو محترك ويا صاحبه ما يروح حگهم وحك راية ابو الحسنين
بس انتي اريدج تبقين حذره ما اريد اشوفج متأذيه
ريام:: لا تخاف والله انتبه لا تشيل همي اني تحملت
كل شي اسنين واني انتظر اعرف منو كتل ابوي وليش
جهاد:: الله كريم لابد يجي اليوم وتبين الحقيقة
ريام: ان شاء الله يلا جهاد اروح اني وراي حفلة
ولازم اروح انام شويه نتشاوف ان شاء الله تمام
جهاد:: خوش الله وياج ومثل ما وصيتج وهاي
سوالف ركص ومكياج انتبهي ممنوع تحطين
ريام: رفعتله حاجبي وانت عود شنو تتحكم بيه
لا ياخذك الواهس تره البينه ثارنه لا اخوي ولا ابوي
جهاد:: ولج وراية بدر الهواشم اذا اكفخج امحي
ملامح وجهج خوش تجيني الاخبار ونتشاوف عود
- اي انشوف باي هسه اروح حتى الحك گبل لا يكعدون
عفته وركضت للبيت بس دخلت ذبيت روحي بالفراش
♡♕♡
تبارك::
كعدتنا امي من الصبح ما مصدكه عرس بيت
اهلها ولو رحوبه تستاهل وحسين هم زين كملنه شغل
وركضنه نبدل الغده بيت خالي محمد وره الغده نروح
لبيت خالي الغثيث يا ناس ما احبه ولا اطيق مرته بس
اولادهم زينين لبست فستان ماروني وتحجيت وادحك
على المكياج واتحسر بس نعرف نفسنه بس المتزوجه
يقبلون تحط البنات هم كملن فاطمة بالشافعات رضت
تجي ما تريد تشوف بيت عيالها وهي هم حطت شي خفيف
ابتسام:: يلا ولجن اخوجن ينتظرنا
فاطمة: يلا يمه جينه
تبارك:: اخخ اكون هسه اطكي حواجبي خيط واتمكيج
والله اطلع لعابه اخلي النسوان ينصعقن من جمالي
جهاد:: يا هاي الي تريد تتمكيج وتصعق الاوادم
تبارك: مروى هاي مو كتلك صايره ما ينكدرله
مروى: والله جذابه هي تريد تحط والله جهاد مو اني
جهاد:: ديلا فضنها عاد مو هسه كلها تلتم يم الباب
فاطمة:: يلا خلصنه والله يلا امشن
تبارك:: طلعنا طبعاً الوالده ما صبرت شردت كبلنه
لبسنه عبينه وطلعنه ورانه ادحك على جهاد يمه فدوة
والله رزاتنه بالوصف لابس الشماغ والعكال تكول هو العريس
وصلنا للبيت توه نفوت وصار بوجهنه وسام گبل ندك
وسوالنه مجال وبس فاطمة سلمت عليه وطبينه البيت
مخبوص البنات واكفات بالمطبخ يسون زلاطه سلمنه
ودخلنا حجيت بداخلي اليوم العكارب كلها ملتمه سترك
يارب بس ذبينه العبي وكفنا نساعد هم زين بس نثرد ونحط
الزلاطه والولد يصبون الغده وكفت اثرد ويا ريام خرب والله
طالعه تخبل ادحك عليها العيون تشل الخشم تكول قلم
الشفايف منفوخه بترتيب والله اني زلمه فلا اخلي احد
ياخذها غير جاي اتأمل بيها وما احس غير كفخه جتني
ريتاج:: اكلتيها ولج ما شايفه ابنيه حلوه
-وسم يمشي بدم عدوج ولج شعليييج
ريتاج:: المهم بنات حبيبات منو ما مسلمه حتى نفوت
انسلم على العقارب ولجن كلها ملتمه والله هسه حلكي
يبس من التبوس وتعال حبحب بالعجايز والصغار اوفف
مروى:: كلنا بعدنه يلا كملنا كومن ندخل سوه ريام تجين
ريام:: ما ادري بس يلا اجي علمود عمه امنه عيب من اهلها
فاطمه:: بله عيب يلا كومن هم يلا گبل لا يصيحونه علمود
الغده هسه يديرون وعاد يخبصونه خبص يلا بنات امشن
تبارك:: كمنا كلنه فاطمه جدامنه ولازمه بيد ريام وتجر بيها
دخلنا وبده الجذب ادحك اكو بيهن يسلمن على ريام كوه
وكل ما وحده تسلم تسأل منو هاي وعمه امنه تجاوبها
امنه:: هاي بنت الغالي بنت خالد تعالي يمه سلمي
- سلمت ريام واحنه وراها وصلت يم جديتي فرحه ام ابوي
نزلت عليها تحبه وجديتي جرت شبكتها واطبطب على ظهرها وخرت منها وجديتي استقبلتها بالكلام الطيب
فرحه:: هلا يمه هلا بنت الغالي هلا بريحة وليدنه
هلا بيج يجده شلونج وشلون بيت عمج وياج بس
كوليلي اذا واحد بيهم يغثج يبعد روحي يا يمه
ريام:: تسلمين جده بالعكس والله بيت عمي ماكو احسن منهم حسبوني بنتهم وما مقصرين وياي
-كامت تكمل سلام الغرفه متروسه وصلت الامي ما
توقعت تتصرف هيج وشكد غثتنا لا كامت عليها وتوها
تريد تنزل عليها حتى تسلم وجان امي تحط ايدها تمنعها
خطيه شكد انهضمت فشلتها امي كوه كملت سلام وطلعت ركض واحنه بس سلمنه ولحكناها لكيناها بالمطبخ تمسح دموعها وكفت فاطمه وسحبتها لحضنها
فاطمه:: ريام لا تزعلين من امي ما تقصد بس هي....
ريام:: هاي امج؟
مروى:: اي امي لا تزعلين يعمري امي والله گلبها طيب
بس هاي لان بقت زعلانه على خالي وما تقصد اني اعتذر
بمكانها. فدوه ريام لا تزعلين امي مدري شنو يجيها
ريام:: عادي يلا بنات خلي انكمل هسه تجي عمه ترزلنه
♡♕♡
مروى
: شكد انقهرت من تصرف امي جرحت البنيه عليش
ادحك عليها تشتغل وكوه مسيطره على دموعها طلعن البنات بقينا بس اني وفاطمه ويا ريام دكو باب المطبخ
ريام:: هذا يجوز لو حامد لو وسام خلي اشوف
-فتحت الباب وصار جهاد بوجهه ادحك عليهم اثنينهم ارتبكو درت على فاطمة هي هم ادحك على رد فعلهم
ريام بقت واكفه وجهاد صافن بوجهه مثل المصعوق
تكول شايف جني ارتبكت ونزل راسه وكوه حجه
جهاد:: احمم بس الصياني مالت الثريد جيبنهن
- وخرت ريام على صفحه وهو بقى منطينه ظهره كمت
شلت قسم من الصياني ومديتهن اله ما انتبه الا صحت عليه دار عليه اخذهن وراح شويه وجيه وسام وزياد اخذو
البقيه دارو الغده واني وفاطمه اثنينه ما شلنه عيونه من
ريام وهي مدري خجلانه لو مصدومه لان شافها جهاد
ريام:: ما توقعت اشوفه هيج اول مره نصير وجه لوجه
بدون الثام شفت صدمته اني شايفته بس هو اول مره
يشوف وجهي بدون الثامي ما عرف يحجي واني ارتبكت
اخذ الصياني وراح حتى هضيمتي من امه نسيتها كعدنه
ناكل على السريع حتى نروح نغسل المواعين ونرجع
نبدل وكفت اني وفاطمه واثنين من بنات عمامها نغسل
بالحوش جاي نجلف ودخلو وسام وراه فرات وجهاد خرب
اليوم كلهم ملتمين فاتو بدون ما يحطون عيونهم علينه
رفعت عيني على بنت عمهم اسمها صابرين عافت الموص
وكفت ادحك عليهم او على جهاد رفعت حاجبي هاي شبيها
شاخطه ادحك وتضحك من وحدها مدري ضجت منها
ضربت الصياني ناس بناس وجفلت وهمه كلهم دحكو عليه
جهاد:: خير شصار؟
-رفعت حاجبي ونزلت راسي اجلف واحجي ويا بدون ما ادحك عليه ماكو شي سلامتك بس صفن ابو صابر ورجعنا
لوعيه محتاجين شي خويا وسام كول اذا تحتاج شي انساعد
وسام:: هههههههه والله وكفوو من اخيتي اي والله
جينه ناخذ العصاير وكارتونات الكيك نحط بمطبخ
المضيف وبعدين وين البنات ليش وحدجن تشتغلن
فاطمه:: ميخالف خويا راحن يكملن شغل داخل البيت
ويتجهزن كومي ريام شوفي وين حاطات الكيك احنه نكمل
فرات:: وخرن هسه انخلي الولد يكملون شني كاعدات
بالحوش انتن والزلم ترست الساحه بالله انفتح الباب
ريام:: اي خويا هسه تفطنتو وره ما انكسر ظهرنا وكملنا
رحم الله والديك كملنا هسه انكوم وانت وسام روح اخذ
الكاراتين تلكيهن بالمخزن وانطونه مجال انكمل شغلنا
جهاد:: استغفرالله شو دكومن لا والله اليوم اسويها
عزا على روسجن كوومن روح وسام صيح زياد وعماد
يكملوهن وشوف منو وياهم يلا يلا كومن وضبن لسنتجن
-ردت احجي وخزرني وفاطمه مفعله وجه الجينكو تنطشت
الكل وعافت المواعين بس غسلت اديها وسحبتني وعبرنه
من يمهم ودخلنه للبيت وادحك عليها وجهه عباره عن عصبيه عافتني ودخلت للحمام ما افتهمت شبيها لكيت
البنات امبدلات ركضت للغرفه بدلت وكفت ادحك على
نفسي بالمرايه وجدامي حمره وكحله وعلبة مكياج ظلال
لعب الشيطان براسي وشفت رباب وريتاج وفاطمه مكيجات
حطيت شويه ظلال خفيف ذهبي فوك عيوني وجريت الكحله
وحمره حطيت شي خفيف من هاي السحريه صارت تخبل
لفيت حجابي واخذت عبايتي وطلعت بس وكفت يمهن
ادحك عليهن مصدومات شبيهن لو ما نصهن مكيجات
رباب:: يمه صلاوات على محمد وآل محمد شنو هذا
ولج ريام طالعه تخبلين والله هسه يتيهون منو العروس
ريتاج:: هو كل وحده وجت حطت مكياج لو هيج الجمال
لو ماينراد ولج شو افتري افتري العببب اليوم الخطابه
ما نلحك عليها ولكمم لا تحسدوني على هيج اختت
ريام:: شكراً حبيباتي بس مو لهلدرجه يعني
تبارك:: اشش ولج ورايتهم غير تسبين سبي
فاطمه:: هههههههه كافي ولجن لا تحسدنها يلا بنات
عماتي ينتظرنا حتى نطلع من باب الخلفي لان جدام
البيت كلها زلم يلا امشن وخطن وجوهجن يمعودات
ريام:: جريت طرف شالي حتى اتثلم ونطلع وكفت
انتظر البنات نطلع تلثمت وكفت يم الباب وجيه
علاوي يركض ويأشر انزل عليه دنكت وهو فات
بنص عبايتي عرفته اكو شي نزعت ايدي وهو من
جوه العبايه حط ورقه بيدي وطلع يركض راح للباب
فاطمه:: ههههه شبي علاوي شيريد منج امبين يحبج
رباب:: اي ملوح يحب الحلوات هههه كل يومين يجيها
ريام:: شبيجن على الاقل اكو واحد منهم يحبني بهاي القريه
ماكو غيرجن وعلاوي وياجن تحبوني لا تحسدني ههههههه
فرحه:: يلا يمه امشن وراي وانتبهن ما اريد اتظلن
تتلفتن وضمن وجوهجن يمعودات لا يسونها عززا
-طلعنا وره جده فرحه وبقيت عاصره الورقه بيدي جوه
العبايه عبرنه من بين الزرع ودخلنا من باب خلفي للبيت
جان متروس نصهن جانن بيت عمي محمد ونصهن ما شفتهن سلمنه وذبينه العبي وريتاج شغلت الأغاني وكفت
تهلهل هي ورباب ويركصن والبنات وكفن وياهن طلعت
رحاب وكعدنها يم جديتي والستلمنها تبوس شفطن اخدودها شفت الكل ملتهي على كيفي وطلعت شفت
باب دخلت لكيته الحمام طبيت وقفلته متوتره فتحت الورقه وبعدني ما قاريتها اندك الباب جفلت وصحت منووو
مهى:: هاا هاي انتي ريام اهناي بس ردت اغسل ايدي يلا
-جاي اعدل ملابسي هسه اطلع عيوني خمس دقايق
مهى:: لا على راحتج راح اغسل على السنك كملي انتي
ريام:: راحت وزفرت نفس براحه وبديت اقره الرساله
ريام انتبهي زين لا من بداية الحفله وعينج على الكل
واذا ما كدرتي لا تجازفين خليج حذره وانتظرج ب12
واذا كدرتي ضروري تعرفين شنو الأوراق والاسماء هم احفظيهن يجوز يفيدنا راح يظل بالي مشغول انتبهي زين واذا ما كدرتي دزيلي رساله بيد علاوي
- قريتها وحطيتها بملابسي متوتره بس لازم احاول هاي
أول خطوه النه ضروري احصل شي وهم احصل ثقة جهاد
طلعت من الحمام وكفت يم فاطمه انصفك ندستني فاطمه
فاطمه:: ريام جديتج اتشرلج روحي عليها
- دحكت عليها اشرت تعالي رحت كعدت يمها سوتلي مكان
الفتت عليها جان اكو عجايز اثنين بسدها يدحكن بتعجب
الجده:: هاي وحيدة خالد ابنيته ام صفيه
-هلا بيج خاله صلاوات على محمد گمر ما تنطينها
حسنه لابن ابني جاي ادورله على مره لو هم ما تنطون
الجده:: بعدين نحجي ام صفيه مو وكتها كومي جده
روحي يم البنيات واتونسي همست بس لا تركصين
ريام:: لا جده بس اصفك كمت من يمها شويه وكالو عقدو
وصارا الهوسه بفلس الهلاهل والجكليت يطاشر واني استغلت انشغالهن وطلعت على كيفي وصلت غرفة عمي
وعيني لا احد يشوفني دخلت مرتبكه وخايفه بنفس الوقت
ركضت فتحت الكنتور وادور بدون ما اخرب شي فتحت الباب الاول بس ملابس دورت ماكو شي والثاني والثالث
شفت اكو اوراق بفايل ازرق واكو فايل احمر بالرف الفوك
سريع سحبتهن وكعدت بالكاع اقره والخوف كاتلني عيني
على الباب فتحت اقره ركض ركض مكتوب عقد زواج؟
شفت اسم ابوي الورقه وقديمه عفتها وفتحت الفايل
الثاني اقره بي من ضمن الاوراق ورقه شهادة وفاة ابوي
وخرتها اقره مكتوب عقد ما انتبهت لشنو بس انتبهت
اسم معمل ماء قريت اسمه...... واسم البايع خالد واسم
المشتري صفاء ال.... رجعت للفايل الاول اتأكد من تاريخ العقد مكتوب االتاريخ وره ولادتي وشلت الاوراق
ورجعتهن للكنتور جان اكو ورقه وحدها اخذتها وقريتها
نفس مكتوب عقد قطع اراضي رزاعيه بس قريت اسمه
المشتري ورجعتهن سديت الباب وما احس غير اندك الباب ارتبكت خفت اطلع صوت وصوت مرت عمي تصيح
- درت وجهي على الغرفه شفت كلاص بس شربت ركضت
اخذته وكبيته على ملابسي شويه ورجعت للباب فتحته
نسرين:: شسوين هينه ومنو كالج تفوت الغرفه
ريام:: اسفه عمه مو بعدني ما اندل الغرف وانكب على ملابسي شربت ورحت لاحمام مقفول هاي غرفتكم؟
نسرين:: اي ويلا اطلعي ممنوع اطبينها بعد يلا
ريام:: عفتها وطلعت ركض عفت الكلاص على الميز
ورحت للحمام غسلت وجهي ونظفت ملابسي ودخت
افكر بالاوراق كل شي ما فهمت واردد التواريخ حتى لا انسى
♡♕♡
وسام
- فرحتنا بحسين جبيره ادري بي من زمان يريدها
واكفين هو وزياد وعماد مشغلين الأغاني ويهزون
عماد ولا عبالك اخته همه هل ثلاثي صداقتهم حلوه
ما يتفاركون بس وكت الدوام ادحك جهاد واكف ما
دخل المضيف بيده الجكاره وجهه ما مرتاح ومخنزر
ورحت يمه
-شبيك جهاد صار شي احسك ضايج اكو شي
جهاد:: لا بس تعرف ما افوت مضيف عمك اني جاي
لخاطركم وخاطر فرات ولا ما طايق هاي الوجوه اولهم
عمك جاسم واليوم خزعل هم متصدر وحاكم بيهم فد
قاذفه اطشر لششهم وتالي اعزم الجلاب على لحمهم
-يمعود على كيفك هههههههه
جهاد: اسكت اسكت ما اريد نحجي جدام فرات
-سكتنا من جيه فرات فر عقلي هو متثلم واكف
والثامه من وفاة اخو لهسه وهذا الشي ما مخلينه
مرتاحين ويا ويلنه اذا طلع شك جهاد بمكانه شلون
راح يكون وضع فرات واخوته بس نرجع نهونها على
انو ماكو اخ يكتل اخو وابن اخته ما معقوله ومن وره
املاك وفلوس يكتل اخو جاي يسولفون وطلع بسام
ابن عم جهاد ونسيبه كملت الليله هسه تعلك بينهم
فرات ورث الجكاره ويحدك على بسام بستهزاء
بسام:: السلام عليكم
بسام:: جهاد اريد احاجيك
زياد:: خير يا طير اتشوف وكتها هسه
جهاد: سولف ماكو غريب
حسين:: يمعودين خطوبتي مو وكتها هسه
جهاد:: زياد اخذو حسين وادخلو جوه يلا وانت سولف
بسام:: شوف احنه ولد عم ما تسوه تصير بينه مشاكل
معاذ هان اختي ويريد يطلكها وهي وراها طفلين بس
احنه تفاهمنه وهي تريد تطلك هي تتحمل ذنبها بس
جهاد:: سولف بسام لا تظل تلوث بحجيك الزبده وينن
-اني صار 5سنوات متزوج اختك واني شاب من حگي
اريد اشوف خلفنتي ردت منها تبقى يم اهلي واتزوج
وكتلها اعدل بينهن بس اختك راسها يابس فوك ما صابر عليها عاجر ما تخل......
وسام:: بعد ما مكمل وهجم عليه جهاد جره من ياخته ونومه بالكاع وين ما يوجعه وكف فرات عبالي
يفازع بينهم شو هذا يدفر بي على ظهره ويسوي نفسه
يفرغ جهاد منه على حسهم طلعو الكل وجيه عمي جاسم يلف بعبايته عود يهدي بالوضع جرو جهاد من بسام وهو نازل بعمامه دوسه ونص امبين محمل
احمد:: جهاااددد
جهاد:: وراية ابو الحسنين انعلل والديك ابن الجلبب
شوف شوف زين وخروو دحك انهيك ورايتهم انهيكك
خزعل:: الحلف بغير الله ش....
جهاد:: انت ولا كلمه لا احطك ويا ابن اخوك وانعلل..
احمد:: كافي كافي خزيتونه من العالم امشي جهاد
امشي للبيت وانت حميد اخذ ابنك والنه حجي وياك
-اخذ عمي احمد جهاد ويدفع بي ويرزل درت على فرات واكف يضحك من جوه ليجوه ويغلط عليهم
ها استاذ فرات كيفت جت وجابها الله تكتل بسام
فرات:: وانعل خيره ابن.. اخ لو ما طالعين اكضي بي التوبه واطلع ضيم گلبي ابن.... ما عاجبته يروحلها فدوه
بسام:: حبيبي فرات اليوم ما شفت الوجه يدحكلك
ولك غير لو شالتك من كاعك والله علستك علسه
-انجبب انجب
-هههههههه ضحكت على رد فعله دلغم وراح واني
رحت للمضيف كعدت وصافن بعمي وهو عمت عين الدنيا الي خلتك انت وخالد جوه التراب حسااافه
♡♕♡
مهى
فرحانه لرحاب صارت حفلتهم تخبل وبس ما خلو يدخل
للمغرب كلها راحت واني انكسر ظهري وكفن بنات
عمي احمد وريام يساعدني نظفنا وعشه بقى عندي
لان طبخت الغده وما درناه لان بيت عمي محمد دزولنه كملنا والبنات لبسن العبي وطلعن شكد ردت
من ريام تبقى ما رضت وعدتني تجي غير يوم دخلت
ابدل ورحاب واكفه يم الشباك والضحكه شاكه الحلك
وادحك على الحلقه جيت يمها حضتها الف مبروك ياگلبي
رحباب:: عمري مهى يوم افرح بيج مهى اسفه
وشكراً على مواقفج ما زعلانه عليه تره جان مو قصدي بس انتـ...
-سديت حلكه بيدي رحاب اني اعرف لا تحجين امي هي
الي رادت تكسر فرحتنه ما عليج اهم شي صرتو لبعض
رحاب:؛ اي بس مو هسه نتزوج ابوي ما يقبل وحتى اشوفه
مهى:؛ ميخالف اصبري هسه عمي ما يطولها انتي هم حتى تكملين دراسه هاي السنه يلا يلمخطوبه حتى نبدل وننزل
هسه يردون العشا ما نريد تنرزل اخذت ملابسي وبدلت
وكفت اسجي المركه ودخل فرات وراه عمر وعماد ضايجين عافوني ودخلو دخل علاوي بيده جكليت يعلس
بيه وخفت وضع اخوتي مو مريح صاحت امي من مكانها
نسرين:: ولججج مهىى العشاا
-يلا يمه يلا خلصت ركض ركض كملت وجت رحاب مبدله
نگلنه الصياني وكعدنا ناكل وعيني عليهم وابوي هو جديتي
ياكلون بسكوت عماد كوه ياكل وفرات يخوزر بي كملت وكمت
حضرت الستكاين ووكفت انتظر يخدر الجاي عبرو من يمي
راحو يغسلون وكف فرات باب الطبخ ودحك عليه وكال
فرات:: وديلهم السم وجيبيلنه اهناك ابيتي خوشش
-هزيت راسي وهو راح ولحكو اخوتي وركض رحت اخذت
الجاي الهم ورجعت لامطبخ صبيت ثلث استكاين ودحكت
على رحاب صافنه ما تعرف شكو رحاب اوديهم واجي اساعدج اخذت عباية جديتي دائما تعلكها بالباب شلت
الصينيه وطلعت وصلت الباب جان مفتوح وكفت
متفاجئه من شفت صار بوجهي معاذ وهو فتح عيونه ايدحك عليه جاي اريد ارجع صاح باسمي درت وجهي وجان
-معاذذذ
الى هنا نلتقي في بارت قادم
