رواية زواج ست أشهر الفصل السابع بقلم جمانه السعيدي
اصيل هاي شبيج تخبلتي داخله تهوسين علينا
لبنى شلون مااتخبل وانتم ماخذين راحتكم جنتو اسبحون مووو مو بعيد بعد شهر تطلع حامل
كاعدين اتضحكون عليه وتخدرون باعصابي وانتم لاعبين لعب
اصيل سحبته من ايدها واخذته للصاله انتي ليش تعلين صوتج شنو تخوفيني
اذا اريد اسوي شي انتي ماتمنعيني احترمي نفسج وعيب هذا الحجي
لبنى كلامي عيب لو لعبكم من وراي العيب
جمانه السعيدي
اصيل لا انتي مايفيد وياج الكلام جاي اكلج كلشي ماصاربينا تردين تصدقين تردين ماتصدكين براحتج
سمر اني دخلت غرفتي ومارحت وراهم بس صوتهم كلش عالي
لبنى اسفه حبيبي اني كلما اتخيل انت وياها سوا
بلبيت وحدكم اتخبل لا تشوفه هيج ناعمه
ترا هاي حيه تكرص وضم راسه
اصيل انتي الي دخلتي علينا مثل الزلزال مجاي تنطين مجال افهمج انتي تدرين اني احبج
واخذتج قبل لا ازوج وعرفته عليج وكتله هاي حبيبتي
وعلاقتنا اني وياج مستمره
بس انتي جاي تخلقين مشاكل بينا
خليتيني أكره هاي العلاقه وابتعد عنج
لبنى اهي اهي يعني شنو راح تعوفني علموده
اصيل لا مااعوفج على موده اعوفج بسبب افعالج
انتي جاي تخنكيني
شجاك انتي ماجنتي هيج ليش اتغيرتي
جمانه السعيدي
لبنى كلما اتخيل كاعدين سوا وتنسد عليكم باب وحده
اتخيل اشياء تخوفني
زين تقبل اني اكون ويه واحد غيرك بمكان واحد وتنسد علينا باب وحده
اصيل اني عندي ثقه بيج ومستحيل اتخيل تخونيني ابد
لازم انتي هم تكون عندج ثقه بيه اكثر
بهذا اسلوبج راح تخليني ابتعد عنج واكرهج
الحب مو هيج قيود وتحكم الحب حريه
لبنى انت الي بديت تتغير عليه
بيا وقت احنا زعلانين يومين وماتحجي وياي ولا تصالحني
اصيل اذا غلطان اصالحج بس اني مو غلطان
انتي تردين تتحكمين حتى بلنفس مايصير هيج
لبنى يله بدل وتعال نطلع اشتاقيتلك
اصيل شويه ابدل واجي
سمر سمعت كلشي رجعو اتصالحوو
بدل وكشخ اصيل واجاني للغرفه يحجي بصوت ناصي
...الخطه نجحت مثل مانتي كلتي عفته وهي اجت تصالحني وحدها شكرا للنصيحه
جمانه السعيدي
طلع واني غميت روحي
امداني اي ولله امداني رجعو اتصالحو بسببي
اني اكبر غبيه على وجه الكره الارضيه
بقيت انتضره للمغرب ومارجع
دزلي رساله اني راح اتعشى برا اني ولبنى اجيبلج عشى وياي
سمر شكرا
يار بي هسه هذا شلون أفهمه اني احبه وهاي الببغاء لازكتله
بعد المغرب الدنيا كامت ترعد والهوا صار عالي
طفت الكهرباء والدنيا كامت تنكط
اتصلت على اصيل
سمر اصيل فدوه ارجع الكهرباء طفت وأبو المولد مامشغل
واخاف وحدي
اصيل اي هسه اجي
...خل اوصلج البيتكم سمر وحدها وتخاف
لبنى اي عبرت عليك هاي العياره تخاف
اصيل رجعنا لهذا الموال مو كلنا واحد يثق بلثاني
لبنى يله مشينا
اصيل وصلته ورجعت للببت بيتنا اضلم
...سمر وينج سمر
راسا رعدت الدنيا
...اني عطت بصوت عالي يمه هنا اصيل بغرفتي
اجاني فاتح لايت التليفون
لكاني كاعده على الجربايه ومتغطيه بلبطانبه من الخوف
اصيل لانخافين قرب كعد بصفي
راسا رعدت الدنيا حيل
اني كمشت ايده حيل وصحت يمه
اصيل هاي شبيج ماعرفتج خوافه ابد
راسا كامت تمطر حيل
بقه كاعد يمي ويسولف وياي حتى اهدء
سمر اني جوعانه اذا اسوي اكل تاكل وياي
اصيل ولو اني تعشيت بس ميخالف
سمر شنو رائيك اسوي معكرونه بللحم والجبن
اصيل تمام
كمت وهو طلع وياي
جمانه السعيدي
دخلنا المطبخ رجعت الكهرباء طفت شغل الايت
وكاعد يسولف عليه منا لمن كملت وكعدنا نتعشى سوا
اصيل عاشت ايدج كلش طيبه
خلصت العطله مد وجزر اني ولبنى كلما اقربه مني ترجع هي تبعده عني
بس هو تصرفاته وياي كلش حلوه
حنون وطيب وكريم ولهذا السبب اني كمت احبه اكثر من قبل
رجعنا للدوام ياخذني ويااا للكليه
ومن اخلص دوام يرجع برجعني للبيت
نتغدا ونام وبليل انضف البيت واقرا
طبعا هو كل الشغلات الي خاصه بي هو يسويه يكول انتي مشغوله
يغسل ملابسه ويكويهن واذا يربد جاي يخدر النفسه
ومرات يغسل المواعين بمكاني حتى اكدر اقرا واحضر
ولبنى ابد ماعايفتنا بحالنا كامت تجي للبيت وتكعد هي وياا بلصاله وحدهم
واني عبالك كاعده على نار
الحد ماانتشر خبر فايروس كارونه
تحديدا بهذا الوقت انتشر والناس كانت حيل خايفه
وخاصه من يطلعون بلتلفزيون الدول الاوربيه الناس ميته بلشوارع
وكالو اكو واحد بلنجف طلع مصاب
بدا حضر التجوال وتحولت المدارس والكليات إلى الدراسه الالكترونيه
كانت الاعداد المصابه الي ينشرون عنه مخيفه
والعدد كل يوم يزيد اكثر
كعدنا بلبيت اني واصيل بعد ماكو دوام
الدراسه الكترونيه
وعمي يدزلنا مسواك ومصرف واني كل النهار كاعده انضف واعقم بلقاصر والديتول
اهلي اتصلو عليه واحد من جوارينهم مات بسبب هذا الوباء
اصيل يطلع يجيب الاشياء الضروريه ويرجع
صار اكثر الوقت اني واصيل سوا
وعلاقتنا قوت اني ويااا
بس الي اني ماجنت حاسبه حسابه اصيل انصاب بهذا الفايروس
بلبدايه جنا شاكين بعدين راح سوا تحليل وتاكد عندا هذا الفايروس
كل الأطباء نصحونا يتعالج بلببت لان المستشفى مابيه العنايه الكافيه
والناس تدخل مرضى وتطلع ميته
عمي كاله اني اجيبلك كل العلاج الازم واكعد بلبيت
خطيه مصخن وفاقد طعم الاكل ويتقيى
#جمانه السعيدي
اول مااتاكد هو مصاب
اصيل ابتعدي عني لا تنتقل العدوه الج واذا ترحين بيت اهلج افضل
لان يكولون هذا الوباء معدي
سمر انت تحجي صدك اعوفك وحدك واروح الاهلي
شنو روحي اعز من روحك
ياا نعيش سوا ياا نموت سوا
اصيل اخاف عليج هذا المرض مابي لعب اكثر الي انصاب ماتو
سمر اي نموت سوا انت ماتعرف شكد عزبز عليه
مستحيل اعوفك وحدك
عمي تكفل بكل العلاج وحتى بطل اوكسجين جاب للبيت
بس محد يوصلنا لا اهلي ولا اهله
كلهم يخافون من العدوه
حتى ام اصيل وأبو يطمنون علي بلموبايل
بدا الجو شويه يدفا ودخلنا على الربيع
كل يوم اغير ملابسه واغير فراشه والاكل كله شوربه وفواكه وعصير طبيعي
ا
نومته بغرفتي وانام يمه خاف يحتاج شي
انام واني لازمه ايده
اكثر الأوقات يكعد بليل مختنك اطفر قبله
واخليله الاوكسجين
بلنهار احاول اطلعه برا حتى يتعرض للشمس
اما لبنى بس سمعت بي مصاب اختفت وحتى اتصال ماتتصل
هو دزله رساله مشتاقلج
لبنى لا عيوني هذا الفيروس ماكو ويااا لعب هذا موت احمر لا تحاول تشوفني ولا اشوفك اني اخاف على نفسي
اصيل تخافين على نفسج مني شلون تكولين احبك
هاي سمر حاضنتني ونايمه
توكلني وتشربني بيده وماتكول اخاف على نفسي
بس انتي خايفه وشارده
لبنى لاعيوني هذا موت ثنيين من اقاربنا ماتو بهذا الفايروس عود من تصير زين نلتقي
اذا بقيت عايش لان كل المصابين ماتو
اصيل اذا بقيت عايش اعتبري كلشي بينا انتهى
لان الحب ينعرف من المواقف بالاوقات الصعبه
