رواية الطالبه والضابط الفصل الثامن بقلم توتة
"أصعـب أنواع المقاومة
عندما تقاوم نفسك
عندما يريد قلبـك شيئاً
وعقلك يمنعه
عندما تكون لديك رغبة قوية بالبكاء
ولكنك تبتسم لتحمي كبرياءك،
عندما تشعر برغبة فـي الانفجار
ولكنك تفضّل أن تنفجر بأعمـق أعماقك
حتى لا يشعر بك من حولك"!
*******************
ادنك الباب مال غرفه سحرر.
سحر / تفضل.
دخل حيدر علينه وگال
حيدر / نارين ممكن نحجي .
_ تفضل احجي.
حيدر / سحرر اطلعي براا.
_ ليشش تطلع احجي كدامها سحرر موغريبه اختك هاذي.
حيدر / اعرف اختي بس الموضوع بيني وبينج ولأفضل هيه متسمع شي
سحر / حبيبتي نارين اني شويه ورجع تمام
اشرتلي بعيونها انوو ماخاف ورتاح راح تكون موجوده
طلعت سحر سد الباب حيدر وتقدم نحوي رجعت خطوات ليورا.
حيدر / ماعرف منين ابدي بس صدكيني مكان قصدي احجي عليج هيج اني اسف واعتذر منج
كنت بس اريد اغث اخوي ضرغام ومكان بالي راح تسمعين حديثنه
_ مهما يكون انته حچيت عني واني ممأذيتك بشي مصارلي يوم واحد عدكم شبسرعه قيمتني وطلعتني كلشي ماسوه
حيدر / لا حشه صدكيني كنت بس اريد اغث اخوي لاكثر ولاقل اني وين اعرفج واحجي هيج عليج
_ عادي مصاار شي
حيدر / يعني هاهيه سامحتيني
هزيت راسي بأيي
مد يده الي وگال
حيدر / اصدقاء
ابتسمت وصافحته وهمست
_ اصدقاء
بقه لآزٍمٍ ايدي ويباوعلي بنضرات مستفزه بسرعه سحبت ايدي ورجعت خصلات شعري ورا اذني.
حيدر / يلا اني طالع محتاجه شي اجيبلج وياي
_ لا تسلم ممحتاجه شي
حيدر / براحتج
عافني وطلع اول ماطلع دخلت سحرر بسرعه للغرفه وگالت
سحر / هاا شحجيتوو
_ اعتذر مِڼـّي
سحر / صدككككك
_ ولله شبيج مستغربه وكانوو مسوي انجاز عظيم ترا غصبن عليه كان لآزٍمٍ يعتذر مِڼـّي لان غلط بحقي واني ممسويتله شي
سحر / ولججج موو انجاز بس ماتذكر بحياتي حيدر معتذر م̷ـــِْن شخص حته لْـۆ يغلط مايعتذر ويبقه معاند
_ ايي بس اني غير عنكم
سحر / شلون بلا غير ?
_ يعني غريبه عليكم متعرفوني واكيد ستحه مِڼـّي وعتذر انتو متعود عليكم ومايهتم اذا زعلتو او لا
سحر / ايي صح كلامج منطقي
_ايي
سحر / عوفج م̷ـــِْن هاذه گله تعالي خلينه ننزل نتعشئ العشه جاهز
_ ماشي بس ابدل ملابسي وانزل
سحر / شبيهم ملابس يخبلن عليج هذولي وانتي ماشالله عليج جسم تحفه
_ههه شكراا خجلتيني
سحر / هههه يلا تعالي خلينه ننزل
نزلت وياها تحت كان الكل متجمع ب صاله سهئ ومنار يحضرن ب سفره ولاكل رحت ويه سحرر للمطبخ حته اساعدهم
كانت واكفه منار ويمها سهئ اسمعها تكولها
سهئ / ولله ابدد ممرتاحه لهل بنيه شوفي لبسها شلوون يغري هسه هيه ماتستحي تلبس هيج گدام زلم غريبه
منار / شعلينه بيها كل شخص وطبيعته يمكن هيه متعوده ع هل لبس او ماعدها خجل م̷ـــِْن شخص
نزلت عيوني بقهر. شبيه لبسي والله محتشم بس هوه تراك يعني لآزٍمٍ يكون ضيك شويه
دخلت عليهم للمطبخ همه بسرعه حسو كملن راحت تسويلها شغله
_اساعدكم.
سهئ / لا ميحتاج روحي رتاحي هسه احنه نكمل العشئ
_لا عادي اني ماعندي شي خلوني اساعدكم.
سهئ / تعرفين تگلين كبه
_هاا لا ولله ماعرف بس اعرف اسوي زلاطه
بقو منار وسهئ،وحده تباوع ع ثانيه ومعاجبهم كلامي
سهئ / الزمي هذولي سوي زلاطه
اخذت منهاا الخضروات وبقيت اثرم شويه ودخلت سحررر.
سحر / شدسووين لـيش تشتغلين
سهئ / هيه گالت اريد اساعدكم انطيتها تسوي زلاطه
سحر / انطيني م̷ـــِْن ايدج اني اكملهم
_لا حبيبتي عادي اني احب اثرم الزلاطه
سحر / ماشي.
راحت سحرر تحضر وياهم اني هم كملت الزلاطه وانطيته الهم.
بقيت واكفه يمهم شويه واشرتلي سحرر اجي وراها
طلعت م̷ـــِْن المطبخ ورحت وراها صعدت لغرفتها
سحر / هاذه جهااز ديتصل صاار ساعه اعتقد اتصال م̷ـــِْن ابوج.
اخذته م̷ـــِْن ايدها شفته رقم بابا كلش فرحت بسرعه فتحت خط
الوو بابا
_بنيتي شلونج ياروحي
الحمدلله تمام انته شلوونك مشتاقتلك
_ اني هم مشتاقلج ولله البيت خالي بدونج
ولله زعلانه منك انيي.
_ليش باباتي
شنوو تبعدني عنك هيج
_غير اخاف عليج يابابا انتي اعتبريها سفره غيري حوو وهمه عمامج يعني اعتبريهم بيت جدج وسمعت عدهم بنات تعرفي عليهم وصيرو صديقات
ايي بابا عدهم 2 بنات كلش حبابات ولطيفات وحته مرت ضرغام حبابه
_ولله يابويه لْـۆ ادري بيهم موزينين فلا ادزج يمهم بس اعرفهم خوش ناس ومثقفين وفاهمين وخليتج يمهم هل فترا انشالله مراح اطول عليج
بس كم يوم واجي اخذج م̷ـــِْن الانبار واسفرج لخالتج بتركيا
مااا ولله ماسافر اني هناا ومشتاقتلك تريد تسفرني بعيد عنك وين اشوفك بعد
_مراح اخليج طول العمرر هناك تبقين فترا وترجعين لاحد مايستقر الوضع هناا.
شديصير بابا فهمني منوو ديهددك ويخليك تخاف علي هل كد
باباتي الحذر واجب قبل كم يوم هم واحد م̷ـــِْن جماعتي خطفو بنته وهددو بيها ومارضه يتنازل وقتلوها.
عزاا.
_اني ماكدر سحب ايدي م̷ـــِْن القضيه ولاكدر اضحي بيج. لهاذه راح ابعدج عني هل فترا
ودراستي شلوون ??
_اخليج تكملين ب خارج اذا اطر الامر.
اووووف
_لاتضوجين اميرتي لخاطرج كل هاذه اسوي ولله لاتفكرين بيوم راح ابعدج عني واني فرحان لا ولله ضايج ومخنوك بدونج بس شسوي بابا اخاف يصيرلج شي وانتي القطعه الوحيده لبقت م̷ـــِْن امج لله يرحمها.
الله كريم يروحي اني مبيه شي انته دير بالك ع نفسك وكل ماتكدر اتصل عليه صدوك بابا نسيت اكلك اريد جهاز هاذه العصبي ميشتريلي.
_منو العصبي ??
ههه قصدي ضرغام ميشتريلي جهاز اريد احجي وياك براحتي هسه طلبت جهاز م̷ـــِْن اخته سحر واتصلت عليك
_باجر م̷ـــِْن صبح يجيج احلا جهاز.
اووي فدووه لعمرك
_يلا باباتي لآزٍمٍ اسد عندي شغل مثل ماگتلج تعودي عليهم ولاتضوجين نفسج بس كم يوم واجي اخذج منهم.
اوك منتضرتك لاطول عليه.
سديت م̷ـــِْن عنده اجت سحرر وگالت يلا تعالي منتضريج ع عشئ
خليت جهاز بأيدها ونزلت تحت كان الكل متجمع ع سفره.
خجلت منهم لان ممتعوده اكل ويه ناس. كنت دائما اكل لوحدي ب بيت مرات بابا اذا موجود يتعشه وياي
كعدت قريب م̷ـــِْن سحر. وصار مقابيلي ضرغام وابو ضرغام.
بقينه نتعشئ سويه خلصنه وشلت الصحون ويه البنات للمطبخ
خليتهم علئ السنگ وكنت اريد اطلع حجت سهئ.
سهئ / تعالي نارين اغسلي وياي الصحون.
_هاا اني ??
سهئ / اكوو غيرج نارين هنااا.
رحت يمها وبقيت اغسل وياها ب صحون دخل ضرغام وگال
سهئ تعالي.
سهئ / كملي نارين اني رايحه اشوف زوجي.
ضرغام / شنوو جايب نارين تشتغل الجن وييين البنات.
_لا عادي اني حبيت اساعدها.
ضرغام / عوفي م̷ـــِْن ايدج سهئ تكملهم
باوعت علي سهئ بنضرات غضب معاجبها كلامه.
اني غسلت ايدي وطلعت م̷ـــِْن المطبخ.
صعدت لغرفه سحر.
لگيت سحرر نايمه ومحاسه علئ شي رحت تمددت يمهاا ع سرير واني ضايجه. ممتعوده ع مكان احس نفسي غريبه وسهئ زاعجها وجودي وياهم.
"صباح ثاني يوم "
كعدت تعبانه وراسي دايخ لأن ممتعوده علئ نومت هل مكان جديد علي.
شلت راسي اباوع علئ الساعه 9:00 الصبح.
سحرر مموجوده ب غرفه اعتقد رايحه للدوام كمت لميت شعري واخذت ملابس ورحت سبحت وطلعت
مشطت شعري وخليت عطر ورتبت شكلي
فدوه شهل جمااال يرربي هههه.
كملت ترتيب نفسي طلعت م̷ـــِْن الغرفه ونزلت تحت كان البيت فارغ بس سهئ كاعده ب استقبال وتگلب بجهازها
_صباح الخيرر
باوعتلي بنص عين وگالت
سهئ / صباح النور.
_وين الكل أشو البيت فارغ ..
سهئ / وانتي شعليج بيهم ??
نزلت عيوني بقهرر وحجيت
_ايي صح مالي علاقه بس حبيت أسال لأن ملگيت سحرر. بألغرفه.
سهئ / ولله سحرر راحت لدوامها هيه واخوها حيدر ومنار و حبيبي ضرغام طلع لشغله وعمه وعمي راحو للدكتور. فأدشوفين البيت فارغ بس اني بيه
_امممم ايي زين.
سهئ / ممكن اسألج سؤال بلا زحمه
_اكيد جواب.
سهئ / شدعوه هل كدد تتأنقين ب لبس وعطرج تارس المكان
_ اني متعوده هيج م̷ـــِْن كنت بيتنه. اني كوله اتعطر والبس هيج..
سهئ / امممم بس هناا لآزٍمٍ شوي. تغيرين من أسلوبج.
_ عفواا ? مفتهمت.
سهئ / فتهمتي قصدي زين بس دتحاولين تغشمين نفسج أو تريديني احجي ب خط العريض
_ ترأ كلشي مجاي افهم عليج اذا زاعجج لبسي كولي عادي لاتبقين تشمرين كلام والغاز.
سهئ / ايي حبيبتي لبسج ممقبول احنه عدنه شباب بألبيت
وانتي تعرفين شباب هل وقت بس يشوفون بنيه حلووه وصغيره وبنفس الوقت تلبس هيج لبس اكيد راح يلعب بعقلهم شيطان ويخليهم يسوون تصرفات تضرج وتضر سمعتج.
_ترا لبسي مبيه شي شدعوه هل كدد غاثج
سهئ / ههههه عود صدوك تحجين يول من شنوو انغث بس نبهتج وانتي فكري بعقلج زين لأن اذا صاار شي اكثرر شخص راح يتضرر هوه انتي.
_ لأتخافي علي اني محترمه نفسي ومقتنعه بلبسي واذا شباب هاذه البيت تجاوزو عليه ولو بكلمه ماسكت واطلع م̷ـــِْن هل مكان بكرامتي وماسمح لأيي شخص لْـۆ منوو كان انو يذلني ويسمعني حجايه
سهئ / واوو ولله اهنيج ع هل لسان مبين عليج هادئه وصغيره مجان عبالي يطلع هل كلام منج
_سسسهئ م̷ـــِْن الأخير كوليلي شرايده مِڼـّي ?
سهئ / سلامتج حبيبتي كلشي مرايده منج بـس تبتعدين عن زوجي ضرغام.
_تراااا زودتيها انيي شعلي بضرغام واذا تشوفي يساعدني فهاذه برضاته وبقناعته انييي لاطلبت منه يساعدني ولأكتله يجيبني عليكم.
وغيرر هذا كله اني ماعرفه ولاشايفته بعمري.
سهئ / لا حبيبتي مزودتها انتي شدعوه هل گد انفعلتي من حجيت بسيرت ضرغام اني مرته وألي حق اغارر علي واخاف علي م̷ـــِْن بنات الحرام
_احترمي نفسج واحجي عدل
كامت م̷ـــِْن مكانها وحجت بعصبيه
سهئ / لاااا ولله ليكووون جايه لهنااا تعلميني الأحترام
تقدمت نحوها واشرت بيدي عليها م̷ـــِْن فوگ الي تحت
_اذا أذطر الامرر اعلم هيج شكولات
سهئ / لاااا انتي صدووك وحده متستحي ولله بعدچ بكدد النعال ولسانج اطوول منج.
_اوي سهئ شبيج محتركه هل كدد مِڼـّي شدعوه هل گد غاثتج انيي
سهئ / بسيطه يانارين اذا ماخليتج تتندمين ع هل حچايه اني موو سهئ
عافتني وصعدت لغرفتها كلشش ضجت ونقهرت
هاي شبيها ليش هيج تعاملني شسويت هسه اني اؤف مكان لآزٍمٍ احجي هيج وياها
اعتذر منهااا ??
لا لا شنوو اعتذر منهااا ابقه هيج قويه كدامها واكسر خشمها لكون عبالها هيه تحجي واني ابقه ساكته لا ولله غلطانه موو أني الي اسكت عن حقي.
بعدت هل افكارر عن بالي ورحت ع مطبخ اكل شي ميته جوع فتحت ثلاجه كان اكوو البان وصمون ع كاونتر بعده حارر
اخذت صمونه وخليت بيها قطعات جبن وسويت جاي صبيتلي كلاص ورحت كعدت ع الكرسي الي ب مطبخ وبقيت اكل.
عابت ولأكانو خطار عدها وتسالني اذا اريد ريوك تطرد من بعيد تفففف
خلصت اكل واني أسولف ويه نفسي مره أحجي عليها مره أحجي علئ نفسي.
غسلت ايدي وطلعت كعدت ب استقبال صارت ساعه ب 11 ونص. اندك الباب.
بقيت متردده اروح اني افتح لْـۆ انادي سهئ هسه بس اروح عليها تطلعلي سالفه
رجعت خصلات شعري ورا اذني ورحت فتحت الباب كان ولد اسمراني حلوو شكله كلش ومرتب
نزلت عيوني وصرت ورا الباب.
_تفضل عيني.
سيف / منوو حضرتج ??
_ امممم. ليش تسأل.
سيف / لأن هاذه بيت عمي واني مشايفج م̷ـــِْن قبل
_ اني هم اقرب الهم بس م̷ـــِْن بعيد
سيف / شلون يعني مفتهمت
_ موضروري تفهم كلامي.
رفع تك حاجب معاجبه كلامي سحب نفس بعمق وكال
سيف / شنوو راح تخليني واكف بألباب
_ العفوو. تفضل ادخل البيت بيتك
دخل للاستقبال اني رحت دخلت للمطبخ شويه واجت سهئ گالبه وجهه
سهئ / منووو فتح الباب لسيف
_ اني.
سهئ / وانتي منوو رخصج تروحين تفتحين الباب ودخلينه وانتي تعرفين ماكوو شخص بألبيت
_ هاا شدراني عبالي البنات اجو م̷ـــِْن الدوام
سهئ / م̷ـــِْن شفتي رجال غريب مدخلينه لبيتنه هسه توكع سالفه براسي شيخلصني م̷ـــِْن ضرغام
_ اني احجي وياه واكوله اني دخلته للبيت
سهئ / خليج برا حياتنه رجاء معايزه مشاكل ودوخت راس.
عفتها وطلعت كلش ضوجتني شفت. سيف كاعد ب استقبال ومرخي جسمه ع غنفه مخلي ايد ع غنفه رايد لآزٍمٍ بيها جهازه يطكطك بيه ويتبسم
من طلعت رفع نضره علي عفته وصعدت لغرفه سحرر
ههه يعني هاذه حبيب سحرر ولله وعارفه تختار الولد كلش حلوو ومرتب وشخصيه
اكيد جاي لهناا حته يشوفها.
بقيت كاعده ب غرفه استحي م̷ـــِْن الولد غريب وماعرفه وسهئ تحجي ع لبسي.
شويه ودخلت سحرر للغرفه تلهث
_هاا سحرر رجعتي
سحر / شفتي عدنه
_منو قصدج حبيبج
سحر / ولج اششش لايسمعج شخص ايي هوه جاي علينه شفتي شكدد مرتب وحلوو.
_اي ولله كلش حلوو ربي يحفضكم
سحر / تسلمين حبيبتي يلا اني راح ابدل وانزل اكعد يمهم اريد اشوفه زين
_لحضه لحضه
سحر / شكوو ??
_عندي فستان يجننن راح يطلع عليج فدشي تعالي اخذي ولبسي واطلعي كدام سيف خلي يتخبل ههههه
سحر /هههه ماشي بس اذا قصير ماكدر البسه اخاف م̷ـــِْن اخوي ضرغام يجي ويشوفني لابسته
_ لجج ضرغام يتأخر يلا يرجع بعدين الفستان كلش حلوو ومرتب
سحر / ماشي
رحت طلعت الفستان مالتي م̷ـــِْن الجنطه وانطيته الهاا حته تلبسه اني هيج دائما ياخذني الواهس لغيري.
اخذته مِڼـّي وراحت بدلت وطلعت طلع يخبل عليها هيه يصيرر جسمها مثلي يعني نتلابس اني وياها.
_ ارتبلج مكياج
لا لا راح اخلي شي بسيط حته ميحس شخص علي انتي لْـۆ شايفه سهئ شلوون شايله خشمها عليج لان مدخلته لبيتنه
ولله عبالي انتو اجيتو وفتحت الباب وبعدين البيت موو بيتي حته مادخله عبالي عادي عدكم دخلوو وهو ابن عمكم.
لج بعدچ متعرفين سهئ علئ كلشي دخل خشمها ب نص حته لوو خواني ماعدهم شي ويه سيف هيه تصير تنبش وتخليهم يكرهو وبعد ميدخلوو
تخيلي مرره حجت لضرغام گلتله اشوف سيف يحوس علئ خواتك. ومن يومها ضرغام منبهنه اذا هو مموجود ب بيت ممنوع سيف يدخل
_ وهسه شلوون اذا عرف ??
سحر / مادري ولله نكوله انتي دخلتي وانتي متعرفي اكيد مراح يحجي شي
_اممم ماشي يلا خلينه ننزل.
سحر / مكياجي مرتب شكلي شرأيج.
_ تخبلين ولله "
سحر / فدوه لكلبج.
_ يلا ننزل.
نزلنه اني وسحر تحت كان سيف كاعد ب استقبال ويدخن م̷ـــِْن نزلنه عيونه ركزت بسحرر اكلها اكل بعيونه.
هيه كذالك مركزه بعيونه ومبتسمه ضربتها بطرف ايدي علئ كتفها بخفه حته تخفي هل ابتسامه العريضه
رحنه كعدنه ع طرف الغنفات.
سيف / شلونج سحرر شخبارج
سحر / الحمدلله تمام شعجب جاي علينه عندك شي
سيف /لا ولله ماعندي بس كنت قريب منكم گلت امرر عليكم واسلم علئ عمي اشو ماكوو لاعمي ولاشباب
سحر / ابوي راح هوه وامي للدكتور وضرغام بشغله وكرار ب دوام تعرف
سيف / هاا خيرر انشالله ماعرفتيني علئ الانسه الي يمج "
سحر / ههه هاذي نارين صديقتي.
سيف / اشو ماعرفها اني م̷ـــِْن يمته عندج صديقات هيج ?
رفعت عيوني ملل شبيه ليش يكول عني هيج ليكون معاجبه مضهري
سحر / ليش شبيها نارين
سيف / مابيها شي بس اول مره اشوفها عدكم.
سحر / موو هيه تصير بنت صديق اخوي ضرغام وابوها خطيه متصاوب وراح تبقه يمنه كم يوم
سيف / هاا. الحمدلله ع سَلاّمُتَهُ خويه
ابتسمت ورديت بلطف
_ الله يسلمك عيني
_ اممم. سحر اني كايمه اجيب شي نشربه انتي ابقي ويه ابن عمج
ابتسمت وهزت راسها بمعنئ. ايي.
عفتها ورحت للمطبخ بعدني مداخله المطبخ اسمع سهئ تگول
ايي ولله مثل ماكتلك ونارين هيه الي دخلته وجاي تبني علاقه بين اختك وسيف
