رواية الطالبه والضابط الفصل التاسع 9 بقلم توتة

    

‏"قد لا أكون قريب بمثابة قُرب الآخرين منك قد لا أحادثك كثيرًا ولا أشاركك تفاصيل يومك ولكن    

بالرغم من هذا تأكد أنني هنا أصارع زحام المشاعر التي أكنها لك"    

((اتمنئ لكم مشاهده ممتعه" ❤️))      

******************    

ايي ولله مثل ماكتلك ونارين هيه الي دخلته وجاي تبني علاقه بين اختك وسيف    

فتحت عيوني بصدمه.      

دخلت عليها هيه بسرعه سدت الخط    

_ ويييه منوو تحجي هيج عليه وليشش تجذبين وتتهميني بهيج موضوع شسويتلج انيييي.     

سهئ / ولله يانارين انتي ورطتي نفسج ويه الشخص الغلط گتلج لاتلعبين وياي ماسمعتي مِڼـّي تحملي شر افعالج    

_ شسووويت فهميني انتي ليش حاقده عليه هيج "     

سهئ / كتلج ابتعدي عن زوجي مابتعدتي فتحملي الي راح يصير بيج ويخليج طلعين م̷ـــِْن حياتنه    

_ لهل درجه الغيره ولشك عامي علئ عيونج هاذه موو حب هاذه مررض إنتـي وحده مررريضه ولله    

سهئ / اي مريضه اني احب زوجي وغاار علي زوجي حلوو وشخصيته حلوه كل البنات مخليه عيونها علي    

_ موو كل اصابيعج سووه اني موو م̷ـــِْن ضمن هل بنات عمرري مافكرت احب رجال متزوج وعنده مرره شنوو قلت علي الزلم    

سهئ / ايي ولله. الي مثلج تقل عليها الزلم وتبقه تحوس علئ الزلم المتزوجه.    

_ هههه تفكيرج همجي.    

ابتسمت وعافتني وطلعت م̷ـــِْن المطبخ احس دخان طلع م̷ـــِْن راسي يالله لمنوو حجت هيچ شراح يصير بيه.    

بهل اثناء واني افكرر اندك الباب بقوه فزيت وخليت ايدي ع گلبي م̷ـــِْن الدكه القويه    

طلعت برا دافتح الباب ترددت افتحه او لا رجعت دخلت.    

اني شعليه وافتحه لايصير شي ويوكع براسي اكوو غيري يفتح    

شويه ودخل ضرغام وجهه مايكصه السيف وعيونه صايره بكصته دخل بسرعه ع صاله رحت وكفت بركن الباب مال الطبخ وبقيت اباوع    

راح بسررعه علئ سيف ولزمه م̷ـــِْن قميصه    

ضرغام / لككككك حيووووان مأمن بيك ومخليك تدخل بيتي تجي تسوووي علاقه ويه اختي ولله ليووووم ادفنك هناا.    

                                  

              

                    

دفعه سيف وگال    

سيف / ضرغام شبيك تخبلت شهل كلام    

ضرغام / لا ولله مسوي نفسك ملاك برئي تنكررر ماكوووو علاقه بينك وبيييين اختي سحررر    

اباوع ع سحرر وجهه صار اصفررررر وخلت ايدها ع حلكها وصارت تبچي    

سيف / مانكر ايي صح اني احب اختك سحرر وصدكني رايدها ب حلال واني مقرر بس تخلص دراستها اجي واخطبها منكم.    

ضربه ضرغام بوكسي علئ وجهه وكعه ع غنفه الوراه    

ضرغام / لكك عااااار وتحجيها بوجهي. كوا... ولله ليووم امووتك    

كام سيف وهو يمسح الدم م̷ـــِْن حلكه    

سيف / الحب موو حرررام ياضرغام. الله شاهد بعمري ماتخطيت حدودي ويه اختك واذا تريد م̷ـــِْن الًيَوُمًِ اجيب عمامي واجي اخطب    

ضرغام / تحللللم انطيك اختي يلا براااااا اطللللع    

سيف / اذا بالك تنطيها لغيري ولله. وقسم اقسملك لسويها دم للركاب    

لزمه م̷ـــِْن قميصه بقوووه    

ضرغام / تهددني ولكككككك.    

سيف / ماهدد ولاحد لان محترم نفسي وساكت ومارديت ع ضرباتك الي وكل هل شي لخاطر عيون سحرر. ولأه اني تعرفني ماسكت علئ حقي    

دفعه ضرغام علئ الباب وراه وراه يدفع بيه برا البيت    

ضرغام / اطلع برااااا. اذا شفتك. خاطف خطف م̷ـــِْن بيتنه اكص رجلك وخليها كلاده بركبتك    

سيف / اني طالع بس اذا سمعت مسوي شي لسحرر ماتلومون اله نفسكم.    

ضربه ضرغام بوكسي بس هل مره كلش قوي انردم ب حايط وراسه تأذه    

وراح بسرعه يريد يضربه گلت لآزٍمٍ ادخل وافرغ بينهم    

رحت اركض واجت سحر. هم تركض لزمنه ضرغام    

_كاافي ضرغام لله يخليك خطيه راح يموت    

سحر / لله يخليك ضررغام فدووه ابوس رجلك عوووفه اضربني انييي. موتني ولاتضربه    

دار وجهه علينه وعيونه حمرررر. اني بلعت العافيه واحس گلبي وكع بين رجليه    

دار وجهه سيف علئ سحر وابتسم مسح راسه م̷ـــِْن الدم وطلع م̷ـــِْن البيت    

لزم ضرغام سحرر م̷ـــِْن شعرها واخذها سحل للبيت    

رحت اركض لزمت ايده    

            

              

                    

_لااااا ضررغام لله يخليك عوووفها شدسووي هاي اختك.    

ضررغام / وخررررري منيييي    

_مااعوووفك ولله حررام عليك لاتسمع كلام سهئ    

عاف اخته ورجع عليه لزمني م̷ـــِْن حلكي احس فكي انخلع    

ضرغام / كله م̷ـــِْن راسج انتي. لاتجيبين طااري سهئ سهئ انضف منج ومن عشيرتج. انتي الي خليتي اختي توصل لهنااااااا    

بقيت مركزه بعيونه بدون ماحس نزلت دموعي معقوله صدك بكلام مرته عني وشايفني رخيصه    

_عووفني ضرغام دتوجعني.    

عض شفته السفليه بقوووه ودفعني سحر. دخلت تركض للبيت وصعدت لغرفتها    

راح دخل وراها بقيت اني مكاني مصدومه م̷ـــِْن كلامه شلون حجه هيج عني اني شدخلني بكلشي ديصير ?    

بقيت ابچي وارجف لزمت حلكي موتني م̷ـــِْن قبضت ايده لزمني بقوه وغضب.    

مسحت دموعي ودخلت اسمع صراخ سحرر واصل لاخر البيت صعدت اركض لغرفتها لگيت سهئ لازمه ضرغام وضرغام لآزٍمٍ بأيده حزام وعيونه تطلع منهم نااار وجهه محتقن وصاااير ناار.    

اني بقيت ارجف م̷ـــِْن المنضر واخاف ادخل واحصلي كتله بس مهمئ يصير لآزٍمٍ امنعه يسوي هيج هاذي بشر شنوو يضربها بهل وحشيه    

دفع سهئ وراح علئ سحرر يريد يضربها رحت بسرعه عليه وصرت كدام سحرر ضربني ضربه بقووه احس روحي شاغت    

صارت الضربه علئ كتفي واني كنت لابسه تراك ردانه ربع.    

صرخت بصوت عالي    

_ااااااخ يييممممه ايدددي ااااااه    

لزمت ايدي واني ابجي هوه بقه مصدوم واكف مكانه    

شلت ايدي عن الضربه اجه بيها دم لان جسمي ناعم ميتحمل هيج ضربه قوويه    

_اااخ ييمه. هئ ..هئ ..هئ.    

شمر الحزام م̷ـــِْن ايده وكعت ركبه ونص ولزم ايدي وبقه يباوع بيها وهو يسحب نفس بغضب    

ضرغام / لييييش صرتي كدامي    

_ءا.هه. وخر وخر. عنيي     

ضرغام / خليني اشوفها اسكتي    

_عوووفني. لاتزلمني وخرر عنيي. ااااخ يييمه     

لزم ايدي ورفع الردان شافها صايره زررركه الضربه ومشلوع الجلد شويه طالع دم م̷ـــِْن المكان.    

            

              

                    

ضرغام / اووووووف.    

سهئ بس واكفه وضايجه لان ضرغام متقرب مِڼـّي.    

ضرغام / كومي خليني اخذج اضمدها الج.    

_ ماريددد شي منك هسسسه ترجعني لبابا مستتتحيل ابقه وياكم انتوو ناس ماعدكم رحمه.    

ضرغام / استغفرلله ياربي.    

گمت م̷ـــِْن مكاني واني ابچي اباوع ع سحرر مخليه راسها بين رجليها وتبچي    

عفتهم وطلعت م̷ـــِْن الغرفه نزلت اركض اريد اطلع م̷ـــِْن هل بيت خلص مليت ماكدر اتحمل هل ضلم اني م̷ـــِْن صرت لليوم ممضروبه ولاشخص مسمعني حجايه    

رحت فتحت الباب الرأيسي وطلعت.

    

________________________________    

ضرغام.    

بعد ماحجت هيج نارين ضجت كلش وطلعت م̷ـــِْن الغرفه ونزلت كعدت ب صاله شويه اريد يرتاح راسي م̷ـــِْن هل مشاكل    

اجه كعد يمي ابوي.    

_هاا وليدي كاعد لوحدك    

ايي ولله تعبان وراسي يوجعني    

_انطيك علاج ??    

لا ماريد هسه شويه واصير زين انته ليووم رحت للدكتور سويت الفحوصاات   

_لا ولله بويه مارحت باجر انشالله اخذ امك ونروح    

الله كريم. يلا اني رايح انام محتاج شي    

_سلامتك    

عفته وصعدت لغرفتي ارتاح شويه لگيت سهئ كاعده ع سرير وتبجي.    

م̷ـــِْن دخلت شالت راسها مسحت دموعها واجت يمي    

سهئ / حبيبي ولله مكان قصدِيَ اشك بيك بس تعرفني اغاار عليك هواي    

_هاااي موووو غيره سهئ انتي صغرتيني كدامها. گتلج خليها تطلع واشرحلج كلشي بسس انتي شنوو سويتي    

سهئ / اني اسفه ولله بعد ماسوي هيج تصرفات غبيه وقبل ماتصرف أي تصرف اسمع منك.    

_‏وخري اريد انام راسي يوجعني    

حضنت عليه وهمست    

سهئ / متنام اذا متسامحني    

_غيري م̷ـــِْن اسلوبج واني مازعل منج.    

سهئ / خليها بعيده عنك واني اغيرر م̷ـــِْن اسلوبي     

_ اريد افهم شي واحد انتي ليش كارهه نارين. وهيه بنيه فقيره وحبابه.    

            

              

                    

سهئ / انته متشوفها شلوون تحوس عليك    

_ انتي م̷ـــِْن كل عقلج تحجين لججج البنت حته ماتخلي عينها بعيني وغيرر هاذه كلها بعدها طفله ماعدها هيج سوالف    

سهئ / ههه طفله. ولله طلعت ع نياتك بعدك متعرف هل شكولات كل البله يجي م̷ـــِْن البنات لهيج عمرهم.    

_سهئ وخرري عني اريدد انام ميفيد الحجي وياج    

سهئ / خلص خلص راح اسكت ولله    

_ماشي.    

عفتها ورحت تمددت ع سرير واني دايخ معقوله نارين مخليه عينها عليه واني ممنتبه للموضوع لا لا شهل تفكير. اصلا ولامره صادفتها صافنه عليه او مركزه بعيوني.    

اكيد سهئ م̷ـــِْن غَيـّرتًًهـْآ تحجي هيج    

بقيت افكرر دخت ونمت كعدت صبح فورا غسلت وجهي وبدلت وطلعت لشغلي بدون ريوك.    

رحت ع مركز ومشه اليووم طبيعي. شغل وتعب     

كاعد ب مكتب واقرا بملفات المجرمين ولسجناء.    

اندك الباب.    

تفضل.    

كرار / سيدي.    

اهلا كرار. شلون الوضع وشصاار ب موضوع الكلفتك بيه    

كرار / ولله شحجيلك لبارحه رحت ورا سياره لؤي ولو تعرف وين لگيته    

وين ??    

كرار / لگيته بواحد م̷ـــِْن ملاهي بغداد يروح هناك يتسله ويقضي وقت ويه البنات.    

شنووو.    

كرار / ولله اني مثلك هم انصدمت منه طلع واحد سرسري وصاقط.    

هههه شنوو هسه عرفت بيه سرسري يول موو كتلك هل لؤي موو راحه وراه سوالف مكسره وطايح حضها    

كرار / اي ولله وشاك انو هوه الي يسرب المعلومات.    

اريدك تفتح عيونك زين وتراقبلي كل تحركاته وين يروح ويه منوو يحجي ومنوو يشوف كل تفاصيل حياته اريدهم يمي بـ۫۫اجر    

كرار / حاضر سيدي.    

تكدر تروح هسه.    

كرار / هاا احسبها طرده منك    

_هههههه لا ولله بس اريد اخلص شغل بأيدي اذا تبقه يمي التهي ومايخلص لأخر اليل    

كرار / هههه ماشي رايح اصلا اني هم عندي شغل مناك امر اشوف ضابطه شمس    

_ امممم اشوفك هل كم يوم تحوس ع هل ضابطه    

            

              

                    

كرار / انته ماشفتها شنوو م̷ـــِْن مَـرّھٌ خرب يومها تخبل عليها طول وجسم دمااار    

_اطلع برااا. كوا... شهل تفاههه.    

كرار / ههههه طالع طالع    

عافني وطلع بقيت اضحك ع سوالفه للعلم كرار صديق طفولتي ودائما يتشاقه وياي ويسوي نفسه معجب ب بنات بس هوه عمره مارتبط بنت حب مره وحده بحياته    

وخانته حبيبته وكره الحب م̷ـــِْن أصله وبعد مافكر يرتبط هواي بنات تصارحه مشاعرها بس هوه يرفض    

كانت الساعه ب "2. الضهر " تقريبا.     

اتصل جهازي كانت سهئ    

_الووو هاا سهئ    

سهئ / وينك ضرغام تعال للبيت    

_ ليش شكووو ??    

سهئ / مصيبه مصيبه    

گمت م̷ـــِْن الكرسي مفزوع    

_ شكوو ولجججج احجي شصااار ابوي امي بيهم شي    

سهئ / لا لا مابيهم بس اختك سحرر    

_شبيهااا !!!!      

راح احجيلك بس طلعني برا الموضوع اني مالي علاقه كله م̷ـــِْن نارين اني موو گتلك موراحه هل بنيه ماصدكتني    

_ ولججج احجي طلعتي روحي    

سهئ / نارين لاعبه بعقل اختك سحرر ومخليتها تسوي علاقه ويه ابن عمك سيف ومتصلات عليه وحالين هوه عدنه ب بيت    

اني رفضت ادخله بس نارين راحت فتحتله الباب ودخلته ورا مادخل شويه واجت سحرر صعدتها نارين ولبستها فستان قصير ورتبتها كلش زين لسيف حته يشوفها وينعجب بيها    

فتحت عيوني بعصبيه    

_انتي شتكووولين شهللل خرررابيط. نارين منين تعررف سيف    

سهئ / كلشي تعرف خووفك منهااا.    

_ بسيطه جاي للبيت اني جاي    

سديت منهااا اخذت سويج سيارتي وخليت الغتره ع راسي وطلعت م̷ـــِْن المكتب بسرعه.    

رجعت للبيت اسوق واتذكر بكلام سهئ احس الطريق طول عليه    

وصلت للبيت دقايق ع كد السرعه الجنونيه اريد اشوف بعيني شديصير    

دكيت الباب فتحته سهئ    

_وييينهم    

            

              

                    

سهئ / داخل كاعد هوه واختك لوحدهم    

دخلت بسررعه انصدمت م̷ـــِْن شفت اختي كاعده قريب م̷ـــِْن سيف ولبسها غيرر شكل وهيه تضحك وياه    

دخان وطلع م̷ـــِْن راسي رحت عليه ولزمته م̷ـــِْن قميصه وحجيت اشكال عليه بس هوه ماحچه كلمه    

اعترف بكلشي وكال هوه يحبها ويريدها ب حلال م̷ـــِْن حجه هل شي خبلني زياده لزمته وجنزته تجنز ب گتل    

اخذته سحلل بررا البيت وبقيت اضرب بيه اجت سحرر ونارين لزموني عنه    

طلع م̷ـــِْن البيت رجعت علئ سحرر گلت ليوم خلص اقتلها واتخلص م̷ـــِْن عارها.    

لزمتها م̷ـــِْن شعرها واخذتها سحل اجت نارين شبكت اديه م̷ـــِْن ورا.    

وصارت تحجي علئ سهئ خبلتني فوگ ماني ضايج جايه هيه تكملها عليه    

عفت سحرر ولزمتها م̷ـــِْن حلگها لْـۆ ماتعرض عيون ابوها. كدامي جان دفنتها ومارفلي جفن    

حجيت عليها وطلعت غضبي بوجهه بقت مركزه بعيونيي وهيه تبچي    

احس نفسي فقدت وماسمع لأي بشرر بعد    

انتبهت علئ نفسي م̷ـــِْن حجت بوجع هيه    

_عووفني ضرغام دتوجعني    

دفعتها ورحت ورا سحرر للغرفه راحت تركض ركضت وراها قبل لاتقفل الغرفه دفعت الباب    

صارت تررجـ؏ ليورا م̷ـــِْن الخوف    

سحر / ءاا. ضرغام اسمعني ولله ولله ماكوو شي م̷ـــِْن الي بالك.    

_هاااي جزاتي ياسحررر. هيج تسووووين بيه تنزلين راسي لأرض ولججج مخليج. براحتج تصرفين اكوول اختي الصغيره وحرام احرمها م̷ـــِْن شي    

تروحين تتمعشگين وتسوين علاقات.    

سحر / بس اسمعني ولله موو مثل مانته شايف اني اني    

_ إنتــي شنووووووو. فهميني.    

صارت تبچي وترجف نزعت الحزام مالتي وضربتها بقوه علئ جسمها اجت سهئ،تركض لزمتني عنهااا    

_وخرررري سهئ،وخررري عنييي ولله اموتج وياااه عوووفيني.    

سهئ / لاا ضررغام فددوه عوفها خطيه هيه شنوو ذنبها انلعب بعقلها كله م̷ـــِْن نارين هيه الي سووت هيج بيهااا    

دفعتها وكنت ناوي اضرب سحرر ماحس غير نارين صارت بوجهي ضربتها بكل قوتي علئ زندها    

            

              

                    

صارت تشيل روحا ودكها م̷ـــِْن الوجع بقت تصرخ وتبچي.    

م̷ـــِْن بچت حسيت ع نفسي وغلطي شلوون اضربها هيج وهيه باقيه بأمانتي اذا عرف ابوها اني ضربتها شراح اكله وشلوون اشرح موقفي كدامه    

اباوع عليها شلوون ترجف وجهه انترس دموع    

رحت بسرعه عليها ولزمت ايدها رفعت الردان وشفت مكان الضربه. صايرر ازززرك وطالع دم.    

مَآعِرَفتّ شلوون اتصرف وشسوي هيه ليش صارت بوجهي.    

_لييييش صرتي كدامي    

نارين/ ءا.هه. وخر وخر. عنيي     

_خليني اشوفها اسكتي    

نارين / عوووفني. لاتزلمني وخرر عنيي وخرر    

_ كومي خليني اخذج اضمدها الج.    

نارين / ماريددد شي منك هسسسه ترجعني لبابا مستتتحيل ابقه وياكم انتوو ناس ماعدكم رحمه.    

_ استغفرلله ياربي.      

دفعتني عنهاا وطلعت م̷ـــِْن الغرفه وهيه تبچي    

خليت ايدي ع راسي واني ضايج شسوي بروحي هسه م̷ـــِْن جهه اختي ومن جهه ثانيه نارين الي بتليت بيها.    

نزلت وراها اشوف شتسوي وين راحت    

بقيت اباوع عليها م̷ـــِْن فوك نزلت بسرعه وراحت طلعت للساحه    

نزلت اركض هاي مخبله تطلع للشارع ومتهتم    

رحت بسرعه شفتها فتحت الباب الرأيسي وطلعت للشارع.    

رحت وراها بسرعه كانت تمشي بخطوات سريعه وهيه تمسح بدموعها.    

لزمتها م̷ـــِْن ايدها وسحبتها عليه    

نارين / ااااخ ايددددي وخررر عينيييي ولله الم العااالم عليك عوووفني    

خليت ايدي ع حلكها حته ماتصيح فضحتنه    

_ اششششش شبيج تخبلتي راح تلتم علينه الناااس    

اممممم.    

اخذتها اسحب بيها ب گوه وهيه دفع بيه    

نارين / عوفني وخرر ولله مارجع ويااك هسه ترجعني الأبوي اريد احجيله عنكم شلوون تشوفوني رخيصه     

دخلتها ب بيت وسديت الباب    

_ اذا شفتج طالعه الباب اكسر راسج سمعتتتتي    

نارين / ماتخوفني سمعتتتتت مووو انييي الي تهددني وتشرط عليه انيي نااارين بنت العميد حسييين مايخوفني واحد مثلك    

لزمتها م̷ـــِْن حلكها بقووه    

_ لججججج لاعبالج ساكت خوفن م̷ـــِْن ابوج بس اني انسان عندي مبادئ ماشي عليها ومن انطي كلمه انفذنا    

واني وعدت ابوج احميج واخليج عندي هل فترا بس موو معناتها اخليج تلعبين بذيلج وماردج    

نارين / عووفني وخررر.    

دفعتني وهيه تبچي    

نارين / انته شلووون تجرء تلزمني هيج منووو سمحلك    

_ ادخلي للبيت ترا شياطين. تتراكص كدامي    

نارين / مادخل هسسسه ترجعني لبيتي.    

_ مارجعج شراح تسوين.    

بقت صافنه بوجهي ثواني واجت تقدمت بسرعه نحوي سحبت المسدس م̷ـــِْن خصري وخلته براسي .