رواية نار الشيخ مهران كامله جميع الفصول بقلم حوراء
كعدت الصبح على صوت نبع الحنان وهي تصيح عليهةحتى لا اتأخر على اول يوم دوام الي بالكليه
الام : يلا ماما ايلي كومي راح تتأخرين على الدوام
ايليا : تمام ماما كايمه بس انطيني خمس دقائق واكوم والله
الام : ماكو ولا دقيقه يلا ولج راح يجي الخط بس تتأخرين عليه يكلب الدنيه بالهورنات
ايليا : اووف يلاا هاي كمت
الام: استعجلي حته تنزلين تتريكين ويه جدج وابوج
ايليا :تمام
كمت رتبت فراشي ودخلت للحمام سبحت وفرشت اسناني وطلعت فتحت الكنتور حته البس ضربت صفه على الملابس وبعدين اختارين فستان ماروني وحذاء سودة وجنطه سودة وحجاب بنفس لون الفستان
وحطيت مكياج خفيف بس واقي شمس ومرطب شفه ومورد خدود اضفت اخر لمسه الي وهي العطر والقيت نظرة على نفسي بالمرايا وابتسمت برضا على شكلي
نزلت وصبحت عليهم
ايليا : صباح الخير
الكل :صباح النور
الجد : تعالي كعدي يمي
ايليا :اجيت جدو
باسني من راسي
الجد:هلا بحبيبه جدها
احلام : ها حجي بس ايليا حبيبتك لعد بناتي شبيهن متكعدهن يمك واتحبهن
الجد : شنو هلكلام شوكت اني مفرق بين حفيداتي شو متعرفين تحجين
قاسم (زوج احلام ) : ماتقصد شي بويه هي لان تعزك حبت تشاقه وياك مو احلام
احلام ماراضيه: ايي صح
جدي خزرهة وسكت
كاعد يسولف جدو وسمعنه صوت الهورن مال السائق
عمران (بابا) : يلا بنيتي اجه الخط
ايليا : حاضر بابا رايحه، مع السلامه
الكل : الله وياج
طلعت اركض وصعدت للسيارة سلمت على البنات وكعدت يم صديقتي انفال
ايليا: صباح الخير شلونه الحلو
انفال: طايح حضه
ايليا: ليش ولج شبيج
انفال: لج هاي عود كليوم راح نكعد من 6 الصبح
ايليا: غميتهة طاح حضج عبالي مدري شبيج
انفال: لج هاي مصيبه لا والله طركاعه لج اني ماعولت اخلص من السادس والكعدة من وكت تجيني الكليه لازم اكعد حته قبل الخباز مال الفرن خرب حضي التعلاكه
ايليا: هزيت ايدي الحمدلله والشكر على نعمه العقل
انفال: اويي دولي انتي تموتين على كعده الصبح
ايليا: دولي لو حكومي هههههه 😂
انفال: هههه متضحك ترة
ايليا: اوي دادة شو صايره نفسيه
انفال: مو نفسيه بس نعسانه اني كلشي ولا نومتي اعز من روحي اعزهة
ايليا: لج ذكرتيني بشعر عريان السيد خلف
انفال: اهووو دولي طايحه الحظ
ايليا: اعصابك يحلو
ضليت اسولف وياهة واشاقيهة حته تطلع من مود المطلقه والحمدلله تمت المهمة بنجاح
ايليا وصلنا للكليه تخبل وجبيره والحدائق الي بيهة تشرح النفس
رحنه للعماده ودلونه على قاعاتنه واخذنه الجدول المحاضرت ودخلنا للقاعه سلمنه على الطلاب الموجودين برسميه ورحنه كعدنه على مقاعدنه اني يم الشباك وانفال يمي اني وانفال نتشابه بالتفكير والاسلوب لذلك انعزلنه عن الطلاب البقيه وحبينه نرسم حدود بينه وبينهم احسن النه شويه ودخل الدكتور وعرف على نفسه وطلب منه كل واحد يعرف عن نفسه هم مرت المحاظرة على خير بين النصائح والتعليمات والاوامر خلصت المحاضره وهاي خبصتني طول المحاضرة تصيح جوعانه اريد اكل
ايليا: وسم بس خلي يطلع الدكتور واجيبلج زقنبوت
انفال: هسة غير يطلع شعنده لزك فرد لزكه اويي هاي بعدنه اول يوم وهيج چلب باقي الايام شلون
ايليا: والله مااعرف مدري شبيه عبالك محلفيه مايطلع اله يخلص وقت المحاضره
واخيراا طلع الدكتور وطلعنه وراه اول الناس حته نروح الكافتيريا طلبت اكل الي ولهاي الفجعانة
انفال وهي تاكل: اممم واخيرااا متتت من الجوع
ايليا: صدكك والله باعي اكلي بسرعه حته لانتأخر على المحاضره الثانية ما
لازم ننطي انطباع المهملين بين الدكاترة تمام
انفال: تمام
خلصنه اكل ورحنه للمغاسل نعدل المكياج لان صار مخربط بسبب الاكل
خلصنه تعديل المكياج وتوجهنه للقاعه ودخلنه ونفس الشي استمر لحد ما خلص الدوام
انفال: واخيرا خلصنه اطول يوم بحياتي هو هذا اليوم
ايليا: اتفق وياج، يلا اجه ابو الخط
انفال: ابن حلال اجه بوكته
صعدنه للخط وضلينه ننتظر البنات حته يجن ربع ساعه واجن البنات وانطلق بينه ابو الخط كل وحدة وصلهة لبيتهة واخر شي ضلينه اني وانفال لان اثنينه بنفس الفرع وصلنه لراس الشارع وكال كملن انتن لان اتصلو عليه نزلنه وكملنه الطريق مشي بيت انفال يبعد بيتين عنه مادخلت ظلت تنتظرني ادخل يلا تدخل لوحت الهة بمعنى باي ودخلت وباوعت عليهة قبل لااسد الباب بعدهة واكفه تباوع عليه من دخلت يلا دخلت اول ما درت وجهي شفت ابن عمي واكف وراي ويباوع عليه
يزن: وين جنتي ست ايليا
ايليا: اول شي الحمدلله على سلامتك شوكت رجعت من السفر
وثاني شي اني چنت بالكليه
يزن:شلون من شوكت انتي تداومين كليه!!!!
ايليا: ببرود اليوم اول يوم الي تمنى الي الخير بمشواري الدراسي الجديد
يزن: انتي شچاي تحجين من سمحلج اداومين
قبل لا ارد عليه اجاه صوت جدي
الجد: انه
يزن: جدي تحجي صدكك انته شلون تخليهة اداوم كليه شيكولون علينه العالم
الجد: اني اعرف حفيدتي مستحيل تنزل راسي مو مثل بعض الناس كاضين الدوام يفترون ويه البنات ويعلب عليهن
ي
زن: هاا شني جدي چنك تقصدني
الجد: الي بعبه طلي يمعمع
يزن: جدي كلمه وحده ايليا بعد ماتروح للكليه
الجد: وانته منو وتقرر منو يروح ومنو لا ومادام اني موجود والنفس يصعد بيه مالك حق تدخل بأحد وخاصه ايليا افتهمت لو لا
يزن: محد كبر راسهة غيرك جدي
الجد: والله محد رفع راسي غيرهه امشي ولي من يمي ولييي
ايليا: فات يزن من يمي وخزرني ورجعتله الخزرة
الجد: فوتي بويه فوتي محد اله حق يدخل بيج غيري
ايليا: فتت من يمه وبسته براسه الله يخليك الي يااحسن جد بالعالم
الجد: ويحفظج يحبيبه
دخلت للبيت وتلكتني عمتي ام يزن (احلام): انتي شبيج ويه ابني
ايليا: باوعت بصدمه: انييي
احلام: اي انتي خليتي حته جده يكرهة من وراه سمج
ايليا: اني معليه هو ابنج لازك بيه ويتدخل بشي ميخصه وجدو وكفه عند حدة
احلام: ابن عمج ومن حقه يدخل بيج
ايليا: محد اله حق يدخل بيه غير جدو وبابا خوشش عفتهة ورحت وهي تدردم عليه
دخلت للمطبخ وسلمت على ماما
ايليا: هلاو ماما
ماما: هلا بيج حبيبتي شلونج اليوم
ايليا: بخير الحمدلله بس شويه تعبت من الدوام
ماما: بس اول يوم هيج اتعبين ونوب تتعودين عليهة
ايليا: صح حجيج ماما
ماما: يلا روحي بدلي حته تنزلين تتغدين
ايليا: شنو مسويه غده
ماما: مسويه دولمه تلوك لهل حلك
ايليا: اممم ميته من الجوع هسة طلقه ابدل واجيج
صعدت لغرفتي بدلت ونزلت بسرعه ساعدت ماما بصب الغدة كملنه صب واجه بابا من الدوام راح يبدل وراحت وراه ماما واني رحت اصيح جدو
ايليا: اكدر ادخل
الجد: فوتي
ايليا: يلا جدو صبينه الغده
الجد: اجيت بويه
رجعت للصاله ويه جدو ولكيت الكل موجود تغدينه وكملنه وشلنه المواعين اني وبنت عمو غيداء(اخت يزن) وغسلناهن وماما كملت الجاي وودته الهم خلصنه المواعين ورحنه كعدنه يمهم شويه وترخصت منهم حته اروح ارتاح شويه صعدت لغرفتي ورحت احط الموبايل على الشحن لفت انتباهي رساله جايتني من رقم غريب تفاجأت من محتواها.........
___________*******_______
