رواية جبروت إبن عمي كامله جميع الفصول بقلم توتة
تعريف الشخصيات 😍
هلو اني اسمي ورود عمري 20 سنه حلوه. الي يميزني عن اخواني عيوني خضر وجهي مدور. عايشه ويه
عائلتي ابويه متوفي م̷ـــِْن احنه صغار...
اخوات 3 روان ليال واني ورود
واخ واحد اسمه عامر. لاحد هنا اكتفي ب تعريف عني الباقي راح تتعرفون عليهم بأحداث القصه
####################
«بطل القصه.»
مرحبا اني اسمي ثائر عمري 32 سنه شاب طويل وحلو من اغنئ تجار بغداد معروفين بثرانه وخيرنه. من غير كل اعمامي احنه عدنه خير.
عايش ويه عائلتي امي. وابوي متوفي اخوات 3 تبارك ديانا. مروه. اخوان اني الجبير واخوي الي علئ راسي اسمه جلال.
لهنا اكتفي ب تعريف عني وعن عائلتي الباقي راح تتعرفون عليهم بأحداث القصه
تابعو احداث القصه راح تعجبكم اكيد 🥰😍
#جبــروت_إبن_عمي -
#البارت 1
ورود يلا يمعوده تاخرنه راح يروح علينه الباص.
بس لحضه خليني اشوفه هوه كلي اشوفج م̷ـــِْن طلعين م̷ـــِْن المدرسه شعجب لسه ماوصل.قصص وروايات عراقية
ولج هوه غير ابن خالج خلي يجيكم للبيت وكافي شكو تتشاوفون برا البيت فضينه يمعوده والله اهلي ميقبلون اتاخر
شبيج انتي كتلج انتضري شويه هسه يجي اذا تاخر بعد نروح وعد بس انتضري شويه
شوفي هذاك اجه.
هلو صبايا.
هلاو عيني نورت الخانم ورود صار ساعه لازمتني بحر الشمس ومنتضرينك وينك.
يااا ساره شبيج ليش تحجين علي
هلا هلا صدوك لْـۆ كالو الگه احبابه نسه اصحابه
ههههههه لا يومه شعندي غيرج انتي صديقتي وحبيت كلبي.
شلونج ورده حياتي
زينه بس زعلانه منك ليش هيج تتاخر يلا تجي صار ساعه منتضرينك بحر الشمس.
والله طلعتلي شغله خلصتها واجيتكم يلا تعالو نروح علئ كفتريه شي جو حار.
.......................................
»تعريف عن ابن خال ورود»
اسمي وسام عمري 25 سنه. شاب حلو كلش احب ابن خالي ورود م̷ـــِْن احنه صغار نحب بعض
وكنت منتضرها بس تخلص دراسه وتدخل كليه اتقدملها. واحنه متفقين علئ كلشي وحته عائلتها تعرف بيه احبها.
...................................
طلعنه علئ الكفتريا. وكعدنه
شتحبون تشربون بنات
ماريد شي اني.
ليش حبيبتي بعدج ضايجه مِڼـّي لان تاخرت والله كتلج جان عندي شغل بس نخلص راح اكولج شنو الشغل.
متأكد راح يعجبج كلش.
احم احم ليش متحجو كدامي ترا اني مثل اختكم لْـۆ تفرقون.
ههههه لا حبي اكيد منفرق وانتي تعرفين بيه بس يحجيلي اني فورا اجي واحجيلج كلشي.
هلا هلا يمكن ممخليه سر بيناتنه الاه وحاجيته لهاي ام صماخ.
ههههههه احلا منك اني. بعدين اذا متحجيلي ورود لمنو تحجي هاا
لاعاد وسام ماسمحلك تحجي عن حبيبتي ساره هاذي اختي الي مجابتها امي.
هاا صارت ساره حبيبتج هسه واني شنو جيس حب
انت تعرف كلش زين شنو ب نسبه الي
اروح فدوه لهل عيون الحلوه.
يلا وسام وصلنه للبيت تاخرنه كلش والله
ايي والله اني اهلي هسه يحجون عليه كله بسببك انت ولخانم ورود راح احصلي رزاله.
يلا خلونه نروح
طلعنه م̷ـــِْن الكفتريا ورحنه ويه وسام ب سياره. وصلنه ساره لبيتها واني هم اخذني لبيتنه
ايي وسام كولي شنو الشغل الي كتلي احجي الج وراح يفرحج. لكيتلك شغله. قدمت علئ وضيفه لْـۆ شنو
ايي صديقي يُشَتغلً بمطعم وكلي انو راح يحجي ويه صاحبه يوضفني وياهم
حلوو يعني واخيرا راح تتوضف بشي.
اييي واول راتب الي راح اشتري خاتم الج واتقدملج اهلي عليهم خطبتي بس اني عليه اشتريلج الخاتم الي جان بالج طول هل سنين
بس حبيبي انت متكدر تشتري هاذ غالي خلينه هسه بشي بسيط بعدين بس الله يمكنك. ويصير عندك فلوس
تكدر تشتريلي.
لا اني ماخذ عهد علئ نفسي انو ماخلي شي بنفسج وراح اشتغل هسه بمطعم بس انشالله بمرور الوقت راح اتوضف بشي احسن
انشالله.
يلا نزلني هنا اخاف شخص يشوفنه وعيب.
ماشي بالج علئ نفسج واتصلي بيه م̷ـــِْن يصير عندج وقت ولاتهملين دراستج احبج بزونتي
هههه وسااام لاتكول بزونتي ازعل وياك والله
ههههه يلا روحي بزوتني
باي.
اخذت جنطتي ونزلت ب فرع مالنه اتمشئ وادندن بيني وبين نفسي.
مرت م̷ـــِْن يمي سياره عاليه وفخمه كلش حلوه احنه منطقتنه ناسها كلها فقره وماعدهم هيج لمنو هاذي ?
هسه اني شعليه تاخرت ليوم ياربي هسه عامر يموتني شكوله. ايي راح اكوله صارت عدنه دروس اضافيه
وصلت دكيت الباب فتحه اخوي.
هااا عيني شرفتي وين جنتي شكد ساعه هسه
اني هوه بس.
شنو اني هوه شدتحجين احجي عدل لاكسر سنونج
هاا ماما ورود رجعتي سوده عليه ليوم خليتج تتاخرين
دار وجهه عليها عامر وباوع بستغراب. شنو شعليج انتي يمه شون بسببج تاخرت
يمه اني طلبت منها تروح ويه صديقتها ساره تنطي فلوس الايجار. تعرف صارلنه شهرين ممنطين فلوس الايجار
وعيب م̷ـــِْن البنيه يوميه تكول لورود اهلها يريدون الايجار
هاا لعد شبيها اسالها وضاله تمدتمت حته ماتعرف تحجي ثول اي والله
عافنه وطلع برا.
تعااي ولج وين جنتي لو مو اني جان اخوج موتج كم مره كتلج لاتتاخرين ماتوبين انتي.
ماماتي حبيبتي اني كنت ب مدرسه وكعدنه شويه اني وساره ب كفتريا نشرب عصير الجو حار يسمط سمط
امشي ولي بدلي ملابسج وتعالي ساعديني ب غده هسه يرجع اخوج ويشوفج بعدج مامبدله بسرعه
اوك ماماتي.
عفت ماما ورحت دخلت للغرفه احنه عايشين كلنه لبنات وامي بغرفه وحده واخوي ينام ب ديوانيه لان بيتنه صغير
بدلت وطلعت
هاا ماما بشنو اساعدج
هاج اخذي سوي زلاطه وحضري الخبز ولسفره خليها بين مايجي خوج مدري وين طلع
اخذت سفره وخليتها وبقيت ارتب ب اكل علئ السفره اندك الباب.
يمه ورود روحي افتحي اكيد هاذه اخوج
اوك ماما.
طلعت بس مخليه شال علئ راسي فتحت الباب بدون ماسال منو.
شفته شاب طويل وحلو بمعنئ الكلمه. نزلت راسي بسرعه وعدلت شالي.
سلام عليكم
وعليكم سلام تفضل رايد شي
لا بس مو هاذه بيت ابو عامر
ايي عيني.
اني اسمي جلال اصير ابن عمج ميثاق يمكن متعرفونه بس حنه نصير ولد عم.
هاا ماما ورود منو اجه.
درت وجهي علئ امي شافته الولد واكف اشرتلي ادخل عفتهم ودخلت للبيت. بقيت اباوع من ورا الباب
اباوع علئ الولد شون لبسه شكد انيق وسيارته حديثه وهو حلو كلش. هاذه ابن عمي ?
بس اني ماعرفه معقوله هيج احنه اقارب عدهم خير وحالتم زينه
شفت امي دخلته للبيت دخل للديوانيه اجت امي
هاا ماما منو هاذه صدوك ابن عمي يصير
ايي يمه صدك ابن عمج. بس هذولي ناس طاكين وحالتهم كلش زينه معروفين بثراهم ابوهم كان اغنئ تاجر بغداد
بس ماما ليش منعرفهم.
لان همه ولد عمج م̷ـــِْن غير ام عمج ميثاق جان. غني واخوانه كلهم ماعدهم صارت مشاكل بينهم وتخلئ عنهم والتهه بشغله
وصار احسن منهم كلهم صارو يتحسرون علئ العيشه الي عايشهه هوه
وهسه شرايد هوه ليش جاي علينه ?
مادري والله هسه يجي اخوج ويكعد وياه احنه خلينه نسويلهم غده روحي. حضري باقي الاكل واني رايحه اتصل بأخوج
رحت احضر ب اكل واني دايخه بكلام امي منو هاذه وليش بعد كل هل فترا الطويله جاي علينه
شنو الي يخلي يجينه اكيد عنده شي بس شنو هوه ?
................................................................
في مكان اخر.
جلال.
ماما كتلج احبها تعرفين شنو احبها ماتخلئ عنها لْـۆ شيصير.
لك ماما م̷ـــِْن كل عقلك تحجي انت تعرف اصلهم شون تاخذ وحده بنت فكر
انت شاب حلو الف م̷ـــِْن تتمناك راح اخذلك وحده م̷ـــِْن مستوانه وراح تكون سعيد وياها والله يمه مراح تتهنئ ويه هل بنيه
انت ماتذكر ابوك شلون اتخلو عنه اخوانه لان جان ماعنده فلوس. هسه تريد تاخذ هاذي بنت الفكر لان عندك فلوس تريدك
باجر اذا صار شي لاسامح الله راح تعوفك خليني اني اخذلك بنت اختي والله حلوه ومتعلمه وراح تكون مرتاح وياها
كاااافي لخاطر ربج تعبت واني اكلج احبها تعرفين شنووو احبها مابدلها ب 10 م̷ـــِْن بنات اختج
جلااااال.
هاا ثائر.
شون تحجي هيج ويه امي
والله تعبت ثائر تعال احجي وياها فدوه اقنعها والله احب لبنيه م̷ـــِْن زمان احنه سوه واذا هيه فقيره ترا لفلوس مو كلشي ب حياه
لا غلطان لفلوس كلشي ب حياه انت لْـۆ مو هاي لفلوس مجان شخص باوع بوجهك.
ناس لْـۆ مو لفلوس ماعاشت ولاعرفت تمشي شغلها
انت ممجرب شعور الحب ودتحجي هيج باجر م̷ـــِْن تحب بنت راح اذكرك بهل شي
اسمعوني زين ان رضيتو او مرضيتو اني راح اخذها تسمعوني اخذها يعني اخذها لْـۆ اشوف نفسي اموت واخسر حياتي هم اخذها
يمه ثائر تسمع اخوك شون يحجي
ماما خلينه نتعرف علئ عائلتها يمكن يطلعون خوش ناس ليش نحكم عليهم م̷ـــِْن اول موقف
فدوه اروحلك ثائر بس انت تحس بيه
هههه يلا ليوم روح واسال عنها وعن اهلها وباجر انشالله نروح اني وياك وامي ونحجي ويه اهلها.
شكرا شكرا بس انت تحس معانات اخوك قابل امي تحس بيه هههه
ترا ابطل ماروح وياك
ههههههه تعاي يعافيتي اني شعندي غيرج غير انتي حبيبتي وامي الغاليه
ايي هسه صرت امك الغاليه.
يلا اني رايح ومن اكمل اجيك للمكتب.
تمام مو تتاخر انت هم عندك شغل لتخلي كلشي براسي عندي سفره لآزٍمٍ هل يومين اسافر لتركيا.
عفتهم وطلعت واني فرحان كلش.
للعلم اني احب بنيه م̷ـــِْن ايام الجامعه صارلنه 3 سنوات سويه وقررت انو اتزوجها
بس اني ماعرف شي عن اهلها فقررت ليوم اروح واسال عنها وعن عائلتها
راسلتها ودلتني علئ المنطقه العايشين بيها رحت بسيارتي للمنطقه
اعرفكم عني اني جلال عمري 25 سنه. شاب اسمراني شكلي حلو ومرتب عكس اخواني كلهم يفكرون ب فلوس ولغنئ
اني احس نفسي بسيط وماحب التكبر ولاتباهئ بمنصبي.
م̷ـــِْن احنه صغار مانعرف شي عن اعمامنه لان كانو يكولون. ابوي الله يرحمه كان رجال فقير كلش فوكع بمصيبه
واخوانه ماوكفت وياه وتخلت عنه عافهم واشتغل علئ نفسه وصار. م̷ـــِْن احسن تجار بغداد م̷ـــِْن هذاك الوقت احنه مانلتقي شخص
اخوي واخواتي كلهم متربين علئ العز ولدلال ولثراء
عدهم غرور وتكبر ومو اي شخص يحبو ولاي شخص يحجون وياه
عكسي اني لطيف ويه الكل وماهتم للفلوس حبيت بنيه ويايه ب جامعه لان حسيتها تشبهني ماتحب التكبر ولاالغرور
مرت سنوات واحنه نحب بعض لاحد ماقررت اخطبها وتصير مرتي.
رحت لمنطقتهم وبقيت اسال عنهم وعرفت انو عدنه بيت عم اسمه ابو عامر. تصير هيه بنت خالهم.
كلش فرحت بهل شي راح اخليهم يساعدوني انو اتزوجها.
رحت علئ بيتهم كانت المنطقه العايشين بيها حي فقير كلش ولبيوت مو مرتبه.
عرفت عنوان بيتهم دكيت الباب فتحته بنت شابه كلش حلوه عيونها ملونه وعبالك مو بنت لا حوريه
سلام عليكم
عليكم السلام تفضل رايد شي
انتو بيت ابو عامر صح
ايي تفضل
اني اصير ابن عمج ميثاق اسمي جلال.
اجت امها وراحت البُـنًتٍ
هلا يمه منو حضرتك
هلاو عمه وبست راسها اني اسمي جلال ابن ميثاق اذا تذكرو.
كل الهلا بيك يمه تفضل ليش واكف ب باب ادخل لبيت بيتك.
دخلت للبيت كعدت ب ديوانيه مالتهم علئ الارض بيتهم صح صغير بس نضيف ومرتب
شويه واندك الباب وراحت المره الجبيره تفتح
دخل ولد شاب يصير بكدي
سلام عليكم
اهلا وعليكم سلام.
شنو ليوم ابن عمي متذكرنه شصاير ب دنيه
ههه والله يابن عمي محتاجك بشي. وكلشي تَامِرنـي ؏ًـليه اني جاهز.
مايكون خاطرك لاه طيب بس ب اول تغده عدنه وبعدين احجيلنه سالفتك
بقيت تغديت عدهم طلعت اغسل ايدي برا ب مغسله شفت نفس البُـنًتٍ ب مطبخ وشباك مفتوح شعرها اصفررر وكله علئ خدودها وهيه بيضه تلمع ب شمس
ممعقوله هاي بنت هذول الناس ابد متشبهم شهل جمال الي شايلته خرب يومها
غسلت ودخلت
ايي احجي. جلال شنو موضوعك
والله يابن عمي اني احب بنت خالك سلمان وهيه تحبني اني اريد اخطبها. فـ. كلت انتو انسب شخص يكدر يساعدني
منو قصدك تحبها بس لاه مريم
اييي بضبط مريم
هاا وشلون تعرفت عليها ومن يمته تحبون بعض انتو
والله م̷ـــِْن زمان نحب بعض صارلنه تقريبا 3سنوات
بس صدكني مايوم فكرت بيها بشي غلط واني اريدها ب حلال.
واني خريج طب وقريبا راح اصير دكتور راح اخليها تعيش احسن عيشه
دكتور ?
ايي دكتور شبيك مستغرب حالين مخلص دراسه واكدر يمته ماحب اصير دكتور عدنه معارف هواي واخوي معروف بشغله
عدنه شركات ومصانع هواي
اباوع عليه صفن علئ كلامي لان همه معدهم شي واني تقصدت امدح بنفسي كدامهم حته يساعدني ويكلهم همه عدهم خير
الله كريم احجي ويه اخوها ومن يقبل اني اردلك الخبر.
تمام هاذه رقمي واي شي يصير وياك اتصل بيه بس اريدك تستعجل
انشالله.
يلا مع السلامه
طلعت منهم ورجعت لبيتنه واني افكر شون اذا ماوافقو. بس ليش ميوافقون احنه عدنه خير وعايشين احسن عيشه
يعع شون عايشين بهيج منطقه كلش وصخه لعبت نفسي لاحد ماوصلتهم
ستغفرالله. شعلي هسه اني ناس علئ كد حالها
وصلت للبيت شفت عائلتي كلها كاعده ب حديقه وجايينه بيت خالي وياهم بتهم. تنو.
هلاو بيت خالو شلونكم
ههههه هاذه غير سلام.
والله ياخالتي ياحبيتي ليوم اني كلش فرحان ومرتاح وحبيت اغير ب سلام
زين تعال اكعد واحجيلنه شنو سبب هل فرحه
لا بعدين اخوي ثائر وين ?
بغرفته يرتب ب جنطه مالته عنده سفره باجر
هاا اوك رايح اشوفه
دخلت للبيت شفت بس اختي ديانا كاعده ب صاله وتخابر شافتني وسدت الجهاز
اجت تركض وحضنت عليه
حبيبي خيو الحلو محتاجتك بشغله هل كدوتها
م̷ـــِْن طريقت كلامج عندج شي جبير احجي شكوو وشنو الموضوع
اممم صديقاتي باجر يطلعن سفره لاربيل اوو
لاتكملين ممنوع تروحين وياهن مو قبل كم يوم رجعتي انتي وامي رحتن.
بس.
اشش ولاكلمه روحي كولي لثائر اذا وافق روحي
موو انت تعرف ثائر ميحب هيج امور ويعصب عليه اكلت انت تساعدني.
لا حبيبي ممنوع تروحين اذا صارلج شي شنو راح يكون موقفنه بعدين انتي بعدج صغيره علئ السفر كل يوم سفره
والله بس اتزوج اخذج انتي ومرتي ونسافر لباريس شرئيج
صدووك يعني نشوف برج أيفل
ايي.
اوك لعد مراح اروح وياهم هل مَـرّھٌ بس منتضره سفرتك اوك
ضحكت عليها وصعدت لغرفت اخوي دكيت الباب ودخلت
هاا جلال رايد شي
ايي عندي موضوع وياك ولازم تسمعني لاخير وماتحجي شي علي
مبين موضوعك جبير احجي بدون مقدمات.
ليوم رحت للمنطقه لعايشه بيها حبيبتي وسالت عنها وعن اهلها.
ايي وبعدين
بعدين تبينلي انو هيه تقرب بيت عمي ابو عامر
شنوووو.
